لو حبها مرض؟ الله لايشفيني🤎

عنوان الجزء

واول ماطلعت الهنوف من مكتبه بدا عبدالله يفكر يقول: اسحب على يارا واكون مع الهنوف؟ ولا اهجد شوي واثقل اذا جت؟
وعند الهنوف اللي طلعت وهي منخجله من كلمه عبدالله لها ماتدري هو يحبها ولا مايحبها ولا يعتبرها مثل اخته

وعند بطلتنا الخفيفه
وريماس ماتخطت صوت وليد وهو يغني وصارت تسمعه بكل مكان وبخيالها حتى وكتبت بـ دفترها:

لـيـت الـعـمـر لـو كـان مـلـيـون مـره فـي كـل مـره بـتـمـنـاه ويـاك لـو دنـيـتي فـدنـيـاك كـره وفـره مـاريـدهـا مـن دون بـسـمـه مُـحـيـاك".!

وطبعت قبلتها على الورقه وقامت تروح تنام وبصدفه يدخل وليد لغرفتها وهي نايمه وشاف الورقه وابتسم وطلع

^في اليوم الثاني^

صحت ريماس مروقه ونزلت للمطبخ وحطت طرحتها على راسها عشان وليد والعيال
وهي نازله تغني وتقول:

حبيتك قد الحب اللي فكل العالم
حبيتك وربك وحده حبيبي هو العالم
-----------------------------
انت بالنسبه لي ايه حلم ياما حلمت بيه

وصادفت وليد بالمطبخ كان ياكل كورنو فلكس وعضلاته بارزه وبلعت ريقها يوم شافته كذا
وناظرها مبتسم وقال: صباح الخير.
ردت وقالت: ص....صباح النور
وقال: بروح انا ماني جالس بالمطبخ تعرفين انتي بنت و ماترتاحين
ردت بدون وعي: حبيبي انت اجلس عادي
وليد: هاه؟!!
ردت وقالت: ااااا مو بقصدي اقولها يعني
وضحك وليد وطلع من المطبخ وكان كل تفكيره بكلمه حبيبي منها وقال: بتزوجها مره ثانيه وراح عند ابوه (هياف) جاي وهو يركض زي كذا🏃🏻
وبدا يسمي هياف من شكل وليد وقال: داخلك جني ولا وش ترا عندك ولد اهجد
وليد: يبه في سؤال عادي اسألك فيه؟
هياف: ايه ايه قول
وليد: الحين الشرع حلل الاربع صح؟
رد هياف ميت ضحك: ايه شفيك
رد وليد وقال: اجل بتزوج الثانيه
رد ابوه بصدمه: هاه هاه مين مين ذا ولدي وليد ولا وش؟؟
رد وليد: انا ولدك انت قلت ايه خلاص بتزوج الثانيه
هياف: ايه مين سعيده الحظ اللي بتقبل بك
وليد وهو متصنم: ريماس
انصدم ابوه من اللي سمعه وقال: عيد عيد ماسمعت
وليد: ريماس
قال ابوه: ايه ريماس عقب ماطلقتها وتهاوشتوا وبترجع لها عز الله ما وافقت
وليد: يعني يا يبه بتقفلها بوجهي زي كل عاده؟؟
هياف: خلاص خلاص بكلم فيراس
وقام وليد بجنون كنه سكران يرقص وحالته حاله
حتى من الفرح قام يحط شماغه على خصره يرقص مصري 😭
وشافته ريماس وكتمت الضحكه ويوم لف وليد لها جته لحظه ادراك ووقف وجلس يرقع الموضوع شوي

وجاء هياف عند فيراس وبدوا يسولفون وقال هياف: اسمعني يا ابو سعود صح ان كل اثنين متزوجين لازم تكون فيها شك وهواش وجيت انا عشان اكلمك بموضوع يمس وليد وريماس وانا مابي غير الخير
قال فيراس: اسلم قل وش الموضوع
هياف: وليد يبغى يتزوج ريماس مره ثانيه وانت تعرف ان الهوشه صارت ووليد ماتاكد من السالفه وش اللي بينهم وانت تعرف ان ريماس تحب وليد وهو يحبها ومالهم غير بعض والشرع حلل الاربع وش قلت يا ابو سعود؟
فيراس: انا ماعندي مشكله بس بشوف هي بترجع له ولا ماهي راجعت له
هياف: ان شاء الله، توصي؟
فيراس: تقهوى
هياف: والله انا جيتك عشان ذا الموضوع لكن تسلم وانا عارف انك ماتقصر وتكرم الناس لكن عندي اشغال اخلصهم واذا فضيت جيتك

وجاء هياف يبشر وليد ان ابوها وافق
وبتمثيل انه ماوافق: وليد
قال وليد: وش وش ليكون ماوافق؟؟؟
قال هياف: موافق بس ننتظر رد ريماس
قال وليد: اها طيب بس بروح اسوي v60 تبي؟
هياف: من متى انا اشرب القهاوي ذي؟
وليد: سالت بس
وطلع وليد وعلى طول راح للمجلس ويعرف ان ريماس تروح هناك دايم تغني او ترقص او تتابع فلم
ودخل ولقاها وحطت الطرحه على راسها وجلس عندها وقال: موافقه؟
ردت وهي ماتدري وش السالفه: موافقه عن ايش؟
وليد: الزوجه الثانيه
ردت وبدون وعي قالت: اكيد حتى لو انك فقير اتزوجك يا عسل
رد وقال: مدام انك قلتي عسل اجل انك للحين تبيني
ردت وقالت: متى قلت عسل؟؟
قال: بدون وعي يعني قلتيها؟
ريماس: تقدر تقول ايه
قال: موافقه ولا لا؟
ردت: بس يا وليد انت متزوج وعندك عيال وانا مارتاح كذا
وكانت ريماس مخططه انه يطلق ريناد ويخيلي عياله عندها عشان يكون بس لها واصلا هي حبها حب تملك
رد وقال: ابشري بكره وورقتها توصلها
وقالت: ايه كذا حلو
وليد: يعني موافقه؟
ريماس: ايه
وطلع وليد وهو مستانس ويغني وقال:

حُـبـك احـلـى مـافـي الـدنـيـا كُـل يُـوم فـيـك
بـس بـفـكـر و حـيـاتـي بـقـيـت حـاجـه
ثـانـيه وعـالـعـمـوم احـلـوت اكـتـر".
____________________________________

ان شاء الله راضين علي؟؟😭
جلست اعصر مخي اطلع الاحداث اللي جمعتهم🩷

الــكــاتــبــه: ريــف الــســرحــانــي✍🏻