قفص الاتهام

الـسـابـع

-قَـفـص الاتهام
-شـهـرزاد عـلـي

بيني وبين الناس انتَ سر
وبيني وبين الله انتَ دعوه

مثَل سر البيِوُت بگَلبي ضميِتَك

أضُمَك وَسط گلبي ، العين مَتلوحَك

-

من هليوم واني تغيرت جذرياً
صرت ماطلع من الغرفة على كد الحمام ولا اكل كمت اكره الكل وماريد اسمع صوت احد
وامي دائماً جانت تجي يمي تكعد تحجي وياي واني بالي مو يمي يجون اخواني واطرد بيهم

اجوي يمنه خطار وابويه كال كومي سلمي عيب حبيبتي
كمت سلمت وكفت على صفحه

جوان: وتين شبيج

باوعت عليها وأشرت براسي مابيه شوين ورحت للغرفه اسمع امي تكول لـ جوان

ياسمين: من يوم العافته هيج صار بيها، مطيق احد بلكوه تاكل خاف يصير بيها شي لبنتي

جوان: ولله خاله حقج وتين جانت تكعد يمنه تضحك الي ميتضحك هيج حالها وهاذه ضعفها

-

شفت ابويه صعد وبيده لحزام
ع طول رجفت طب وسد الباب وأردف

جعفر: ايثار ححجي وتجاوبيني بدون جذب لان اطيح حضج

-اشرت براسي بمعنى اي
ومرام تدك بلباب عساس خايفه

جعفر: منو هذا الي تباوعين عليه من الشباك وانطاج الرقم

ايثار: ماعرفه

مدري شجاني وجاوبته عبالك انربط لساني وماكدرت اكله جذب

جعفر: كتلجججججججج لجذبينننننننننن

-صوته رج البيت رج ومرام تدك بلباب وتفتحها وهوه يضربها بلحزام حتى تطلع

صفن عليه واني سكتت وابجي
للحضه وجتني ضربه بحزامه على رجليه حسيت انشاليت وانركعت بلكاع من الوجع الي صار بيه صرختتت بكل قوتي واكله لا بابااااا لااااا

جعفر: بربوك نفس امج

-كل ما يسالني واسكت يضربني لان انربط لساني ماكدر اكله لا بابا جذبب
ضل يضربني وبكل ضربه اني افحط واصرخ الا ان صار صفير بأذني واشوف شكل ابويه مغوش بس ما اغمى عليه

-

-كمت اشتاق اله اي اشتاق اله اتخيله

هنا كعدنه
هنا ضحكنه
هنا سولفنه
هنا كلي انتِ اهلي

نمت وحلمت بي كعدت اتنفس سريع واصيح كافي عوفنيييي
عوفنيييييييييي ماريدك ماريدك
اجتي امي تهدي بيه وتقره ايات عليه كتلها

وتين: يمه ليش هيج ديسوي بيه

ياسمين: يمه انتِ عفتي

وتين: ماعرف اريده وماريده

ياسمين: الله كريم يمه

-هديت ونمت، كمت كل ما اشتاق اله أذي نفسي ومحد ينتبه لان البس ردان ايدي صارت كلها جروح غير جروح جسمي والزراكات الي تصير