قفص الاتهام

الـعـشريـن

-قَـفـص الاتـهـام
-شـَهـرزاد عـلـي

ستأتي كما تمنيت وسيعوضك الله بما لا تتوقعه ..!

-

مرت الايام واني ماطلع من البيت أبداً بيوم جنت داشرب جكاره بلسطح كلعاده

واباوع للسماء دك تلفوني كمت على حيلي مصدومه من الي دك عليه بيبيتي بتول اي بيبيتي شعجب تدك عليه مو من عوايدها والوقت متاخر فتحت الخط اجاني صوتها

:: هلو بيبي شلونج

:: هلا بيبي حمدلله وانتِ?

:: بخير عيوني حبيبتي اني خابرتج حتى اشوفج شي واريدج تفهميني انتِ بسن مراهقه ولازم يكون عليج واحد يراقبج

:: بيبي شهل حجي شكو شصاير !

-دزتلي صوره باوعت عليها مكتوب بخط تقريباً يشبه خطي
بس الي انصدمت منه انو مكتوب بلورقه

"احب حسين"

صفنت اني قبل كلش جنت معجبه بحسين ابن خالتي بس عمري ماكتبت هل شي وحالياً بعمري حسين اعتبره اخويه وصديقي لا اكثر !

:: بيبي مستحيل اكتب هيج شهل حجي ومنين جبتي هل ورقه?

:: هاي مرام جابتهة اليه

:: مرام رجعتتتت???

:: اي رجعت حتى تخدم ابوج لا اكثر

:: بيبي فدوه افهميني انتِ تعرفيني كلش زين اني ماكتب هل شي

:: حبيبتي اتصلت عليج حتى افهمج حتى وأن كتبتي هل شي الحب مو عيب ولا حرام بس انتِ بعمر مراهقه وابن خالتج دائماً يمكم والشيطان شاطر واعتقد انتِ عقلج فاهم و واعيه وتفهميني

:: بيبي افهميني فدوه تعبت ولله تعبت واني افهمكم مو اني مرام تتبلى عليههه وللهه وللهه

-حاولت افهمها بس ما مقتنعه سديت الخط متنرفزه كلش بأيدي اجرم بـ مرام اجرم بيها ولا انقهر عليها ضليت ابجي على حضي المصخم تمددت على الفرشه مال سطح اباوع للسماء وابجي بجيت بجيت للفجر اذن كمت صليت

عدت الصلاة مرتين بسبب دموعي خلصتها بلكوه سجدت وفرغت كل الي بداخلي من ألم واشياء ما احجيها للعالم ابجي واحجي ابجي واحجي اخر كلامي

-يارب تاخذ حقي من مرام يارب
تكسرها مثل ما كسرتني وخلت ابوي يمد ايده عليه بحق حبيبك محمد بحق علي وزوجته واولاده

-

اني وشهم رجعنه نحجي مو نسيت الي سوا بيه ! بس يعني كلت بعد هوه خطيبي شسوي منتضره يصير الي

على نار تالي اعوفه?
شهم تغير تصرفاته وياي صار حنون كلش كام كل ميجي يجيبلي ويا دونات جنت كلش احبه جان يجيب بوكس جبير بي6و كل ميجي يجيب الي نمنمات

- نايمه واحس احد يلبسني شي باذني كعدت لكيته جايب تراجي ذهب لبسها الي وفتح علبه بيه سوارين فضه مكتوب عليهم
...