روحي

😍

الفصل الرابع ❤️
وقال فايز: تسلم ايدك يا قلب خالو الأكل كان تحفه
النهاردة
كريم: ايه دة هو انتي الي طابخه؟
ليلي: اه عجبك؟
كريم : مدوقتش احلي من الاكل دة في حياتي تسلم ايديكي علي الاكل التحفه دة
ليلي: بالهنا والشفا
كريم : الله يهنيكي يقطه
نظرت ورد وفايز الي بعضهما البعض والي كريم وليلي وضحكوا علي تصرفاتهم
وقامت ورد لتنصرف وقالت طب عن اذنكوا أنا كانت اُمسية جميلة متشكره لحضرتك يا استاذ فايز
فايز: علي ايه بس يلا عشان اوصلك 
ورد : لا لا متشكره هروح أنا
فايز : لا ولله ابدا يلا
كريم : طب انا كمان هشرب الشاي بس وأقوم
فايز : تنور يحبيب اخوك بس هروح اوصل ورد واجي وخالتك فوق يا ليلي لو عوزتي حاجه
ليلي: هي بتعمل ايه كل دة ده حته منزلتش كلت معانا
فايز: كانت بتكلم ولادها فيديو كول وكانت بتتطمن عليهم
ليلي: طيب
فايز: يلا يا آنسة ورد عن اذنكوا احنا
كريم : اذنك معاك يحبيبي
واخذ فايز ورد لايصالها
____________وبعد خروجهم
كريم : ممكن اطلب منك طلب يا ليلي
ليلي: اكيد
كريم : ممكن اخد رقمك؟
ليلي: اشمعنا
كريم : حابب ابقي اكلمك اطمن عليكي ونبقي صحاب قريبين يعني
ليلي: ولله انا مبديش رقمي لراجل غير لو كان قريبي مثلا غير كدة لا وانا بتكلم مع حضرتك في الأيام دي عشان حضرتك تبقي صاحب خالي فا بتكلم معاك ف وجودة اسفه
كريم بغيظ: ماشي يستي ربنا يسامحك  همشي انا بقا
ليلي: نورت .... وضحكت لأنها استطاعت استفزازه 
_____________________________
في سياره فايز :
ورد : بس انت مش ملاحظ حاجه غريبة في كريم وليلي
فايز: ملاحظ وخائف عليها
ورد : لية كدة بس دة شكل كريم انسان محترم
فايز: هو محترم بس بيلعب بالبنات زي الكوتشينه وانا مش عايز اتكلم عشان واثق في ليلي وعارف أن لو في حاجه هتيجي تقولي علي طول أو تتصرف هي انا ماسك نفسي بالعافية فعلا
ورد : متعملش كدة يا فايز شكلهم عسول اوي مع بعض  وغير كدة ليلي بتتعامل مع كريم بكل الحدود متقلقش عليها
فايز : حاضر هسمع كلامك بس هتسمعي انتي كلامي؟
ورد : اسمع كلامك ازاي!
فايز : ينفع تيجي نشرب اي كوفي في أي كافية
ورد : بس انا كدة هتاخر
فايز : الساعه لسة تمانية ونص هروحك بسرعه متقلقيش
ورد : ماشي
فايز : ياااه ساعه عشان توافقي
ورد : اومال لو كنت عذ&&بتك شوية في قرار موافقتي كنت عملت ايه!
فايز: كان برج من عقلي هيطير
وذهبوا الي الكافية
وبدأ فايز بحكي كل شئ عن نفسه
واُعجبت ورد ب صراحته وقوه عزيمته وشجاعته ومهارته في جمع كل هذه الأموال في هذه الفترة القصيره
فايز: ممكن اسالك سؤال
ورد : اكيد
فايز: في حد في حياتك ؟
ورد : لا لسة ملقتش ابن الحلال
فايز: قريب هتلاقيه قريب اوي
____________________________________
حكت ليلي إلي صديقتها رنيم عن طلب كريم لرقم هاتفها
رنيم: مش قولتلك وراه حاجه شكلو معجب بيكي بجددد
ليلي: تفتكري؟
رنيم : اكيد يبنتي اومال هيعمل كل دة لية يعني؟
ليلي: مش عارفة بجد
_______________________________________________ بعد مرور أسبوعين وكريم كل يوم يأتي الي ڤيلا فايز للجلوس مع ليلي ولفت انتباهها ومحاولة فايز أيضا في إيقاع ورد في حبه ......
جلست ليلي مع خالها وكريم في غرفة المعيشة بعد انتهاء امتحاناتها
ليلي: اخيرا خلصت الامتحانات
كريم : الف مبروك عقبال كل سنه
ليلي: بس انا مدايقة عشان يومين وهمشي يا خالو مينفعش تخليني عندك 
فايز: ولله يحبيبتي علي عيني بس خالتك خلاص هتمشي. بعد بكره ومش هتقدر تقعد اكتر من كدة
ليلي: يوووه بقا هرجع للقرف
كريم : استحملي شوية قريب كل حاجه هتتحل
ليلي: هتتحل ازاي بس
كريم : ملكيش دعوه انا هحلها
فايز: بقولك ايه يا كريم متعرفش مدرس لغات كويس ل ليلي
كريم : وانا روحت فين انت ناسي اني متخصص في اللغات؟؟
فايز: اه صح ازاي فاتتني دي
ليلي: لا لا مش عايزين نتعبك يا كريم
فايز: طب ثانية ياجماعه هروح اعمل تلفون واجي
كريم : اتفضل يا اخويا
كريم ل ليلي : تعب ايه بس لو التعب منك ميبقاش تعب دة يبقي بسبوسة سُكر عسل الحاجات دي
ليلي: تسلملي
كريم : هو انت هتفضلي تعامليني كدا كتير انا مش عدوك يا بنتي لو انا مدايقك أو مش حابة وجودي انا مستعد مجيش لخالك هنا تاني ونشتغل في أي كافية المهم راحتك
ليلي: لا طبعا طبعا لا انا اسفة حقك عليا بس انا فعلا مبعرفش اتعامل مع الرجالة ومعمريش اتعاملت مع راجل غير خالي او ابويا غير كدة معرفش فعلا 
كريم : وانا بحترم دة جدااا فوق ما تتصوري بس المفروض أن انا خلاص بجيلكو كل يوم والمفروض تكوني اتعودتي عليا
ليلي: عامهً يا كريم كلها يومين وهمشي من البيت دة وانت هتيجي هنا براحتك من غير ما توجع دماغك بيا وترتاح مني
كريم : انتي بجد لية بتعملي كدا!!!! ارتاح منك انتي ؟ دة انا برتاح لما ببص بصه واحدة في عينيكي واحس انك كويسة  برتاح لما بشوفك مبسوطة كويسة انا معرفش انتي عملتي فيا ايه يا ليلي بقالي كتيييير من ساعه ما عرفتك وانا مش فاهم انتِ عملتي فيا ايه ! بس دة كلو كا صحبتي اوعي تفهميني غلط 😂😂
اختفت الابتسامه من علي وجه ليلي : وقالت بصوت خافض : دة انت عيل رخم ما كنت ماشي كويس
ضحك كريم علي عصبيتها
_____________________________________وبعد مرور يومان
كريم وهو يوصل ليلي مع فايز الي بيت والدها
كريم : بقولك ايه لو ابوكي مس شعره منك اديني رنه بس هتلاقي البوليس بيخبط عليكو الباب وانا بقا مجن&ون واسالي خالك انا مبيهمنيش لا فضائح ولا سمعه ولا اي حاجه طالما حد جه علي حد تبعي يبقي يستحمل
ليلي: حاضر ... بس معييش رقمك عشان اديك رنه 🥹
كريم تعجب أنها تطلب رقمه : قالها هاتي تلفونك اسجلهولك
ليلي: اتفضل
ونزلت ليلي من السياره 
كريم : بقولك ايه يا فايز انا عايز أخطب بنت اختك عندك اعتراض عليا
فايز: تخطبها!!! كريم بذات نفسه عايز يخطب دة كنت لسة هفتح دماغك علي حركه الرقم دي
كريم : حسيت بس عمتا انا اديني فرصة اعترفلها الاول واشوف ردها وهاجي لغاية عندك اطلبها منك عشان محضر مفاجأه كدة
فايز: ماشي بس متطولش الموضوع دة اوي
كريم : حاضر
_________________________________________
عادت الي منزل والدها
نعمه زوجه ابيها : نورتي يست التعبانه
ليلي: اهلا عن اذنكوا
فادي : تعالي هنا يبنت بقا انتِ رايحه يغمي عليكي زي الشحاتين وتروحي المستشفي!
ليلي: معلش
فادي : ردي عليا عدل والا اقسم بالله اديكي علقة توديكي تاني المستشفي بس ساعتها مش هتطلعي من المستشفى علي بيت خالك هتطلعي علي القب&ر لامك
ليلي: ياريت تبقي عملت فيا جِمِيلة مش هنسهالك عمري كله اي حته هتبقي احسن من قعدتي وسطكو انا جاية هنا غصب عني 
فادي : بجد طب تعاليلي ياااااا.......
ليلي: ابعد ايدك اقسم بالله اقول لخالي او كريم يحبسوك وقتي
فادي : ومين كريم دا كمان طلعلنا في البخت
ليلي: صاحب خالي وقالي لو فكر ابوكي يقرب منك يح&بسك في ثانية وكريم مبيه&ددش ومبيهموش حد