روحي

بداية الحب

روحي ( الفصل الثالث) ♥️
صعدت ليلي غرفتها وكل ما يشغل بالها كريم وتصرفاته وقررت
الاتصال بصديقتها المفضلة (رنيم)
ليلي: الو ازيك يا رنيم وحشاني
رنيم : الحمد لله فينك يبنتي وحشاني اوي ولله
ليلي: معلش ولله كنت ف المستشفي من كام يوم وكنت تعبانه اوي
رنيم : لا الف سلامه عليكي بجد هبقي اجيلكو اشوفك
ليلي: لا ما انا عند خالي مش ف البيت المهم سيبك من كل دة انا كنت عايزة اخد رايك في كام حاجه كدة بما انك خبيره في العلاقات
رنيم: اوووه علاقات شكلك وقعتي ومحدش سمي عليكي
ليلي: تقريبا مش متأكدة لسة
حكت ليلي لرنيم عن كل تصرفات كريم وكانت رنيم تنصت وتنصت الي أن قالت ليلي
ليلي: مش عارفة لية يا رنيم حاسة اني بحبه بس خايفة يكون شعوري أن هو بيحبني وهم ساعتها هتجرح جامد بس هو انسان طيب فعلا وكلامه كدة معايا بيحسسني دائما اني مميزه مش عارفة يا رنيم خايفة
رنيم : مسير الايام هتوريكي شخصيتو وانا حاسة من كلامك انو راجل وقريب هيعترفلك بحبه وهتقولي رنيم قالت متنسيش تعزميني علي الفرح بقا 😂
وتكلموا بعد ذلك في مواضيع مختلفة الي أن انهو المكالمه ....
______________________________________
نعود الي مكالمه فايز : الو ازيك يا آنسة ورد
ورد: بخير الحمدلله ليلي عاملة ايه ؟
فايز : الحمدلله بتسلم عليكي كتير
ورد : الله يسلمها هي وحشاني ولله
فايز انا مش عارف اشكر حضرتك ازاي علي وقفتك معانا
ورد : علي ايه بس دي بنتي واختي الصغيرة كمان
فايز: بنتك ايه بس اختك الصغيرة دي ماشي معقولة  انما بنتي دي متليقش علي واحدة في جمالك اقصدددد شكلك صغير يعني
ورد بخجل : شكرا لحضرتك  وشكرا انك اتصلت طمنتني علي ليلي
فايز : علي ايه بس اصلا تخيلي ليلي كل يوم تقولي عايزة اشوف الآنسة ورد وحشاني هاتهالي يخالو عايزة اشوفها يخالو وحشاني بحبها يخالو وبصراحه انتي تتحبي
ورد : أن شاء الله ابقي اشوفها في حصة المراجعه
فايز : لا ولله عيببب دي تبقي عيبه في حقي انتي كدة بتغلطي فيا لازم تيجي تتعشي معانا وتنورينا
ورد : مش عايزة اتقل عليكو
فايز : تتقلي ايه بس دي هتبقى احلي زيارة دخلت بيتي لغاية دلوقتي دة انتي تزيدي البيت نور
ورد : حاضر باذن الله
فايز : هستناكي
__________________________________________
رجع فايز الي كريم وقال
فايز : اتاخرت عليك
كريم : لا عادي بس ليلي جت وسالت عليك
فايز : خلاص ماشي لما نخلص هبقي اطلعلها
فايز : بقولك ايه يا كريم انا حاسس انك مش مظبوط الفتره دي بقيت بتشتغل بجد مش بتلعب ومعنتش بتسهر في كل حته شوية اية الي مشقلب حالك
كريم : قريب هتعرف هو لسة مش اكيد بس لو الموضوع اكيد هكون عايز ابقي احسن حد في الدنيا عشان اليق بيها
فايز : دة الموضوع فيه واحدة بقا
كريم : ومش اي واحدة دي الي هضحي بأي حاجه عشان بس ضحكه منها
فايز : لا الموضوع شكلة كبير دة انت تحكيلي بقا
كريم : مش وقتو قريب هتعرف
فايز : ماشي يعم بقا في اسرار بينا علي العموم انا هتعشي انا وليلي مع مُدرسة الانجلش بتاعتها يوم الخميس فا تعالي تنورنا معاها
كريم : طبعا جاي
فايز : انت مبتقولش لا خالص 😂😂
____________________________________________
في ڤيلا كريم فتح كريم صفحه الفيس بوك الخاصة به وبحث عن ليلي حته وجدها ولاحظ حبها الشديد للشعراء وكتابة الشعر وعدم وجود أي رجل لديها مثل باقي الفتيات في هذا الزمان وازداد إعجابه بها أكثر ف أكثر
________________________________________
يوم الخميس [حضر كريم قبل الميعاد بنصف ساعه وادخلته الخادمه الي غرفة المعيشة التي يتواجد بها فايز وليلي ورحبو به وجلس كريم ثم
كريم : اتفضلي
ليلي: الله الورد حلو اوي وايه دة ده نوعي المفضل في الشوكلاتات شكرا بجد بس انت عرفت منين
كريم: مقدرش اقول علي مصادري الخاصة يارب يكونو بسطوكي
ليلي: جدا ميرسي لذوقك
فايز : احم احم تعالي يا كريم اقعد
وظلو الثلاثة يتحادثون الي أن وصلت ورد ورحب بها فايز ترحيباً حاراً وتعجبت ليلي من أسلوبه مع معلمتها فا هو لم يلقي ولو نظره واحدة علي اي فتاه قابلها حته الان فكيف يرحب كل هذا الترحيب بالانسة ورد ولكن سكتت
جلسوا علي طاولة الطعام وبدأوا في العشاء حته انتهوا وجلسوا في غرفة المعيشة وقرروا لعب العاب
وبدأوا بلُعبة الاسئلة ....سألت ليلي اولاً
ليلي: خمنوا ايه لوني المفضل
كريم بسرعه : الازرق
ليلي: ايه السرعه دي وعرفت منين
كريم: قولتلك مصادري الخاصه
وظلت ليلي طوال اللعبة في دورها تسأل وكريم يجاوب إجابة صحيحه إلي أن تعجبو جميعهم من معرفة كريم كل هذه المعلومات عن ليلي واُعجبت ليلي باهتمامه بتفاصيلها وزاد إعجابها به