روحي

التعود

فايز أخذ ليلي إلي ڤيلته بعد أن تمت علاجها وبعد أن وصلت خالتها
فايز: نورتي البيت يحبيبة خالو
نظرت له ليلي بسعادة
ليلي: بنورك يخالو ياريت كان ينفع اقعد معاك علي طول
فايز : معلش يا حبيبتي حقك عليا بس مش بأيدي
ليلي: ماشي يا خالو انا هطلع أوضتي ارتاح
فايز: ماشي يا حبيبتي
خالتها: تحبي اطلع معاكي يا ليلي ؟
ليلي: شكرا يا خالتو تسلميلي
__________________________________
وفي مساء اليوم التالي : طرق الباب وكان كريم الطارق فتحت له الخادمه ودخل كريم الي مكتب فايز
كريم : في ايه يا بني قلقتني عليك بتصل بيك بقالي اسبوع مبتردش خالص وسالت عليك كذا حد قالولي ميعرفوش عنك حاجه
فايز: معلش ولله بنت اختي كانت في المستشفي وانا مقدرتش اسيبها لوحدها انت عارف غلاوتها عندي
كريم: ليلي!!!!!!
فايز: اه يا بني في ايه مالك وشك اتخطف
كريم: هي فين دلوقتي هي عاملة ايه مالك بتضحك كددة لية يا عم قولي متقلقنيش اكتر ما انا
فايز: يا عم قاعدة فوق كويسة الحمد لله
كريم: قاعدة فوق؟! هي خلاص هتقعد عندك ؟
فايز: لا شوية لغاية لما تخلص امتحاناتها وترتاح شوية
كريم : اه طب ما تخليها تنزل اقولها حمدالله ع سلامتها
فايز : بس يا حبيبي
كريم:🤨
فايز: عن اذنك هعمل تلفون واجي
كريم : خد راحتك يغالي
خرج فايز وبعد دقيقة دخلت ليلي باحثة عن خالها
ليلي : خالوووو اي دة انا اسفة هو حضرتك هنا حضرتك عامل اية
كريم : هعديلك كلمه حضرتك دي عشان بس عرفت انك تعبانه الف سلامه عليكي
ليلي : الله يسلمك بس انت عرفت منين
كريم: من خالك
ليلي : اه نورتنا يا استاذ كريم
كريم : يا بنتي بقاااا اي استاذ دي احنا مش في الشئون العامه
ضحكت ليلي وادارت وجهها حته لا يراها كريم وهي تضحك
كريم: سبحان الخالق الي يخلق حد جميل بالجمال دة
ليلي: بتقول حاجه ؟
كريم : لا لا مفيش ، اقعدي معايا شوية اقصددد اقعدي لغاية لما خالك يجي
ليلي: لا شكرا هستناه فوق ولما يجي قوله اني كنت عايزاه عن اذنك
كريم : هو انتي خلاص هتقعدي هنا يقطه؟
ليلي : لا هقعد لغاية لما اخلص امتحانات
كريم : والصغننه في سنه كام تانية اعدادي ؟
ليلي: لا يظريف تالته ثانوي بس قربت اخلص
كريم: ماشي يصغنن علي مهلك
ليلي: طب هطلع انا بقا عن اذنك
كريم: اذنك معاكي يا قمر