كلمه جريئه في الروايه
#قوة انثى الحلقه 2
يقين:فوفا
وفاء(مرت خو يقين):ها
يقين:كلمتني دعاء مبكري قتلي نمشو الخميس الجاي لي حوش ليلى باش يديرولي الحلوه
وفاء:اعلاش مش هما يجوك
يقين:انتي عارفه وائل (خوها)ميببش البنات يجوني ولا نمشيلهم
وفاء:مدخليش بيك انا ساد الزحمه يلي من غضوا بتبدا تجيني كله بسببك كان درتي عرس ع السكيتي راهو يوم وفتكينا
يقين:به كيف بندير ؟معنديش فلوس ندفع للمراء يلي بديرلي الحلوا ولا انتي عندك؟
وفاء:اه فلوس شنو😳لالا معندي شي انا بري لي صاحبتك تو نقنع وائل
يقين:به صحيتي😄(طبعا نعرفها تمووت ولا تدفع قرش )
امنه:وامتا بتروحو؟
عمر:لين نكملو شغلنا هنايا يا امي انتي عارفه خلاص الانتخابات قريب تكمل
امنه:به حاول تروح بكري خوك مدرهلي كبدي ع الاقل يخاف منك
عمر:به انشاء الله
امنه:في حوش منو قاعدين ؟!
عمر:اجرنا شقه ع الطريق انا وياسين نكملو خدمتنا ونروحو عمي وبوي طلعو الصبح تو شوي ويوصلو طرابلس
امنه:مفروض مخلاكمش قعدتو بروحكم خطر ع المجتمع انتم😂
عمر:ههههه حسستيني قاعدين في باريس يا امي اقرب محل لينا لازم تمشيله بسياره
امنه:به ردو بالكم ع روحكم
عمر:انشاء الله
✨روايات بنووتة الشيخ✨
دعاء:اي مبكري اتصلت بيا قتلي مرت خوها قنعت خوها ووافق تطلع معاي
ياسين:به مليح لاكن نبي نقولك ردي بالك تقولي اسم يقين قدام عمر ولد عمي
دعاء:ليش ؟
ياسين:هوا يعرف اني كنت نكلم في وحده اسمها يقين بس ميعرفش شكلها ومنبيشي يزبط انه نفس البنت
دعاء:اممم اوكي مش مشكله المهم امتا بتجي تخطبني
ياسين:نحنا نتمو موضوع يقين يوم الخميس ونجي يوم السبت نخطبك قبل منمشي طرابلس شنو رايك
دعاء:اوكي😍😍😍
ياسين:خلاص بري كلمي امك عطيها علم وانا نقول لي امي تجي الجمعه باش نخطبوك ونروحو السبت باهي ياقلبيً؟
دعاء:طااااارت من الفرحه...تم حبيبي
يقين:قعمزت بروحي وسرحت....مزال اسبوع ع عرسي تمنيت امي وبوي معاي💔خطيبي من يوم شافني في النضره الشرعيه معادش كلمني هوا ولد عيله وناس وباين عليه محترم لاكن الواضح ان جدي هلبا يالله عادي المهم نتزوج وننستر ونفتكا من كلام الناس كل شويه شنو منخطبتيش لتواا؟ غريبه والله رغم انك حلوه؟ندادك بصغارهم و و وهلبااا كلام نبي نرتاح من عذاب خوتي ونساوينهم ياريت حتا عندي اخت تهون عليا الحمد الله ع كل حال
وفاء:تي هي انتي
يقين:اه نعم
وفاء:ساعه ليا نكلم فيك نوضي ديري العشي
يقين:به نايضه
يقين:وتيت سفرة العشي وجي خوي قعمز هوا ومرته ياكلو وانا قعمزت جنبهم ع الصالون نتفرج
وائل:خيرك متجيش تتسمسمي
يقين:الحمد الله مختطريش
وفاء:اي قوولي قداش اتفقتو المهر؟
وائل:مهر يقين 100جني
يقين:100؟😨😨
وائل:اي 100قداش تبي تفرضي انشاء الله 5000مثلا باش العريس يطير
يقين:💔
وفاء:به المؤخر؟
وائل:المؤخر قتله نبيه مبلغ كبير 60ليره ذهب باش معش يفكر يطلقها بكل مهما صار
يقين:نضت لدار صكرت ع روحي وقعدت نبكي وجعتني روحي حسيت روحي رخيصه في نضرهم المهم هم ويفتكو منه 💔
