#قوة انثى الحلقه5
عمر:ركبت السياره ولاول مره ينضحك علياااا مكذبتاش لاني عارف مدام بوي عنده منصب في الدوله يدير كل شي نجري بي اقوا سرعتي في الطريق.....
معتز:خش لدار النوم شاف يقين تدهن في الزيت ع جسمها ...هي انتي
يقين:نعم😨
معتز:بكرا امي بتركب تتغدا فوق هيا واخواتي نبيك اطيبي الغدي وع سنقة عشره نلقا حاجه ناقصه نقتلك وتخلي خواتي يخشو الكوجينه رح تشوفي شي عمرك مشفتيه
يقين:حاضر
معتز:وخوذي غطاء ومخده واقلبي وجهك ارقدي برا متوسخيش سرير بي نجاستك
يقين:بدون منرد ولا كلمه خذيت مخده وبطانيه وطلعت لي دار المعيشه فرحت لان ميبينيش نرقد معاه خايفه في اي لحضه يمد يده عليا حطيت راسي ع المخده ونفكر الله الله يادنيا كان حلم كل شاب يقربلي انه يخطبني من لما صغيره مفيش حد شافني إلا مقال تبارك الله ع جمال نسخه من امك 💔وتوا هاذي نهايتي وينك يا امي بس تشوفي حالتي وشنو دارو فيا ولاد الحرام يااااارب ساعدني ياااارب😢قعدت نبكي لين خداني النوم
طقققققققطقققطقطق
شريفه:منو هادا جاي في عقبات الليل ياسوهان سوهان افتحي الباب
سوهان:حاضر مدام ...وفتحت
عمر:مبجرد مافتح الباب خش عمر زي الوحش وعيونه متبشرش بي خير ....وين ياسين
شريفه:اهلا عمور خيرك شنو في
عمر:بي نفاذ صبر ...ياسين ووووين😡😡😡
شريفه:وراء الحوش مع صحابه عازمهم
عمر:طلع بدون ميحكي ولا كلمه وياسين مقعمز مع الاولاد فاتحين موسيقى وجوهم مليح
ياسين:اوووه روحت يا حب
عمر:بوووووم👊🏻👊🏻👊🏻وربخت الحكايه وهادا يضرب وهاذا يضرب والدم في كل مكان الشباب كلهم واقفين مصدومين ومقدروش يقربو لان حالت عمر كانت تخوف وشريفه ام ياسين تعيط ياسين فشل وطاح وعمر من كثر الغل يلي فيه موقفش وشدها ضرب علي ضرب علي ضرب لين خلاص زاد الامر ع حده وياسين كان رح يموت بين يدين عمر و واخيرا خشو شوي شباب وقعدو يحزو بينهم
عمر:مسح الدم يلي في فمه وطلع وياسين كان مغمى عليه
✨روايات بنووتة الشيخ✨
عمر:خش لي داره ونحا سوريته يلي كانت مشركه من كثر الضرب
حميد:خش بقوه وهوا معصب ....عمررررر
عمر:ينحي في الكناتيرا ...نعم
حميد:شنو هادا يلي درته في ولد عمك هبللللللت انت مش عارف ان نحنا في وضع حسااااس والانتخابات قربت وعارف ان اي حاجه تتعلق بينا رح تنتشر والصحافه في كل مكان
عمر: بكل برود....انت منو قالك
حميد:الفيديو منتشر ع اليوتيوب ولاد العم يلي مفروض يكونو قدوه يديرو في بعض هكي الانتخا....
عمر:الله يلعن دين ام الانتخابات ويلعن السياسه والمناصب والفلوس يلي تخليكم تنسو ربكم
حميد:😳😳مصدوم من كلام ولده
عمر:تقدر تقولي امتا اخر مره سألتني فيها ع صلاتي امتا اخر مره نصحتني فيها نصيحه باهيا لالالا كل يلي يهمك منصبك والفلوس والرئاسه عباد كراسي
حميد:بصدمه انا بوك عمر
امنه:😨😨
عمر:انت بوي وانا مش زيك لا انت ولا عمي لازم تعرف انك شيطان اخرس ساكت علي خوك يخنب في فلوس الشعب تي انت تخون في ليبيا لانك شايف وعارف الفلوس وين تمشي بس ساكت لانه خوووك بكرا لما توقف قدام وبي شنو بتقوله فهمني
حميد:😨انت من امتا الكلام هادا يدور في راسك
عمر:صحيت قبل اسبوع بس بعد مدرت غلط مستحيل يتصلح والكلب ولد خوك كان السبب في كل شي تفو علي رزق الدنيا والمناصب والدنيا بطوبتها ....واخذ مفاتيحه وطلع
