#قوة انتي
.الحلقه الاولى او تقدرو تقولو مقدمه
❤❤
دعاء:مش عارف خليني نفكر في الموضوع
ياسين:حبيبتي انتي عارفه اني رح نقعد شهر بس هنايا وبعدها راجع لي طرابلس خليني ننتقم من يقين بس ونخطبك ونمشي مضيعيش عليا الفرصه
دعاء:اوكي لو جبتها انا شنو رح ادير فيها
ياسين:ولا شي نبي نخليها تخاف شويه بس وتعرف ان مش انا يلي ينضحك عليا عقاب فرخه زيها
دعاء:اوكي نجيبهالك الشقه بس بشرط
ياسين:شنو؟
دعاء:متقربش منها ولا تمسها خلي غيرك يخلص موضوعها مش انت
ياسين:موافق
دعاء:دير بالك ياسين تلعب عليااا انا رح نبيع صاحبت عمري ع خاطرك توقع مني كل شي
ياسين:به ياهبله انتي عارفتيني قداش نحبك
دعاء:اوكي ياقلبي توابنسكر ماما جت
ياسين:تمام حبي
✨روايات بنووتة الشيخ✨
عمر:كيف مفهمتش؟
ياسين:نجيبها البنت وانت خش لي الدار ونضملها جوها يامعلم
عمر:تي علاش مش انت ياتيس ولا فيها الايدز وتبي تقتلني😂
ياسين:هههههه حقير لالا انا جايتني الحب
عمر:منو يقين؟
ياسين:ارتبك...تي لالا خلاص سيبتها نقصد علي دعاء وهادي صاحبتها قتلها نبي ولد حتا انا
عمر:تم تم نحن في الانتضار😂
عمر:ميه ميه
ياسين :مواليد 92وهوا يكون ولد رئيس احد اعضاء البرلمان يعني حاجه كبيره شوي هوا حاليا في منطقه بعيده(منقدرش نذكر اسمها)لان بوه وعمه مداير حملة انتخاب بس هوا من الاساس يسكن في طرابلس مواصفاته متوسط الطول ابيض شعره طويل شوي لونه اسود عيونه تشاينه يقين هادي شافها لما جي مع بوه وطاح ع وجها هببببل فيها وحبها قعد معاها قريب سنه بس مقدرش يخطبها لان لو سمعو اقاربه وصحابه ان خذاها من المنطقه الفلانيه رح يضحكو عليه وويقولو كيف ياسين ولد الحسب والنسب ياخد بنت من منطقه شلافطيه ومتعقده وفي نفس الوقت البنت كانت من عائله بسيطه بعدها هوا قعد يطلب في حجات غلط ف البنت(يقين)قررت تسيبه لانه حست انه كذاب وخاين هوا متحملش كيف بنت من منطقه زي هادي تسيبني انا ولد العز بس في نفس الوقت قاعد يحبها
عمر:يكون ولد عم ياسين مواليد93ونفس الشي حتا هوا بوه حاجه كبيره في الدوله وقاعد مع عمر يساعد فيهم في حملات الانتخاب مواصفاته طويل وقمحي اللون وشعره ناعم شعره ولحيته لونهم بني فاتح عيونه كبار وعنده غمازه ع اليمين عمر صاحب ياسين هلبا والزوز صايعين ومتع بنات لاكن عمر مزال جماله وشخصيته احلا❤️طبعه هادي لاكن لو عصب يقلب الدنياا
دعاء:حقا يقونه قبل مننسا عازمتنا ليلي الخميس الجاي
يقين:اما خميس يهديك ربي انا طايحه نوتي لي عرسي
دعاء:تي عادي يابنت اصلا هيا نادتنا باش نديرولك الحلوه مره وحده
يقين:مش عاااارف زعما؟
دعاء:تي اي وقتها مزال ع حفلتك3ايام يعني مناسبه
يقين:به تمام نشوف العيله ونأكدلك
دعاء:اوكي
انا يقين مواليد 96 طبعا قصتي طويله شوي انا بابا متوفي من لما كان عمري4سنين كملت قرايتي لين تخرجت لغه انجليزي وفي نفس الاسبوع يلي تخرجت فيه ماما توفت 💔عندي2خوت ولاد كللهم متزوجين وانا بنت وحده وطبعا حاليا عايشه مع خوي ومرته نعيش في منطقه بعيييده منقدرش نذكر اسمها بس المنطقه هادي كل شي فيها حرام وعيب والبنت اول متصكر18سنه ضروري ولازم تتزوج بس ماما اصرت اني نكمل تعليمي قبل وكان حلمي اني نمشي طرابلس ونشوف البحر وندهور فيها وانا نقرا تعرفت ع شاب اسمه ياسين وحبيته بس للاسف شفت عليه موقف خيانه اكتر من مره وسيبته والحمد الله بعد جهد جهيد قدرت ننساه ونخطبت بنسبه لي خطيبي انا منعرفاش بس لما سألنا عليه مفيش حد ذمه كلهم شكروه وانا فرحت الحق ع الاقل نطلع من الجحيم يلي عايشه فيه لان مرت خوي مدايره فيا البهادل وفي نفس الوقت نتمنى نفتح حوش ونستقر مع انسان يخاف ربي❤️
طبعا كانو عليا الخطاب بلهبلللل بس ماما ترفض لين نكمل قرايتي تقدرو تقولو كنت احلا وأهدا وحده في قريتنا مواصفاتي متوسطة الطول قمحيه وجسمي متناسق عيوني سوود كبار ورموشي بارزات وشعري طويل هلبا شفايفي مليان وصغيره يعني شبيها هلبا بي الصوره يلي لوطه👇🏻المهم ياسين مسيبنيش في حالي وحاول هلبا يفسد خطوبتي بس كل مره ندعي ربي يباعده تمت خطوبتي وتحدد عرسي ومعش مزال عليه إلا اسبوعين
دعاء:صاحبت يقين من لما صغيره نفس مواليدها قاريين مع بعض تسكن في نفس المنطقه مواصفاتها بيضه قصيره هلبا عيونها صغار ضعيفه وشعرها لاكتافها كانت معجبه بي ياسين من الاول او بمعنى اصح كانت تبي فلوسه وتبيه يطلعها من الجو يلي عايشه فيه وتلصقت عليه هلبا بعد مسيباته يقين
هادم الشخصيات ومزال في شخصيات رح تطلع في الحلقات الجايه ومزال في احداث تانيه غير متوقعه ...يتبع
