"البِـدايـه يُـوم السَبـت"
(بيت سلمان)
هياء : عبدالمجيد رح قوم اختك وراها اختبار بكره وللحين نايمه
عبدالمجيد : ابشري، راح عبدالمجيد يدق الباب على الريم عشان تقوم ،بنت ما ودك تقومين ترا الساعه ٤:٠٠ فزت الريم من مكانها وتنطق : تستهبل ٤ ايش !
عبدالمجيد : وش تتوقعين يعني اقول قومي بس
الريم : طيب طيب ،قامت الريم وراحت تغسل وجهها وتصلي وتدعي على امل ان الله يوفقها في اخر اختبار لها بعدين راحت المطبخ تساعد امها
هياء : اخيرا قمتي يابنيتي ذاكرتي؟
الريم تنهدت تنطق : لا والله للحين جيت اساعدك بعدها بذاكر
هياء : الله يوفقك
سلمان : ماشاءالله صباح الخير يابنيتي
الريم سلمت عليه وباست راسه
بعد ما ساعدت امها راحت غرفتها تذاكر
(بيت فراس)
متعب : متى يرجع مُهاب؟
فراس : مدري عنه باهر يقول انه بيجي بكره
متعب : زين الحمدلله ، الا باهر وين
ماشفته امس
فراس : نايم من امس ما طلع من الغرفه
متعب : وش عنده نادوه بس خله يجي يسلم على جده
فراس : سم ،ينادي لينا
لينا : هلا
فراس : قومي بتهر ابوي يبغاه
لينا : ابشر
تارين : وش يبغى ابوك
لينا : يقول قومي باهر جدي يبغاه
تارين : زين روحي قوميه
لينا : طيب
لينا راحت لغرفته تدق الباب : باهر ترا جدي يبغاك مارد عليها وفتحت الباب وقام باهر
باهر : وش تبغين مالي خلقك
لينا : جدي يبغاك
باهر : وش يبغى؟
لينا : مدري يقول نادوه
باهر : طيب بلبس ثوبي واجي ،راح يلبس ثوب ونزل لجده
متعب : اخيرا مابغيت تقوم
باهر : العذر والسموحه ياجدي راسي مصدع
متعب : سلامتك، اخوك بيجي بكره؟
باهر : اي وش بغيت
متعب : ودي اسوي له حفله عشان ترقيته
باهر : ابشر
متعب : ناد عيال عمك يساعدونك
باهر : ان شاء الله ، راح باهر عند ابوه عشان يقول له انه جده بيسوي حفله لمُهاب بمناسبة ترقيته
باهر : يبه
فراس : نعم
باهر : جدي يقول بيسوي حفله بكره لمُهاب عشان ترقيته
فراس : وين بيسويها عشان اعزم الناس
باهر : يقول في بيته
فراس : طيب ،رح جيب أغراض وخل لينا تروح معك عشان تساعد
باهر : يوه يابوي فكني من لينا لو دخلتها محل خذته كله
فراس : خذها ولا يكثر بس
باهر تنهد بصوت خفيف : ابشر بروح اناديها
أنت تقرأ
ياسعّد الدنيا لامن ضحك وجهك البَّاهي
Short Storyتدور القصه بين مُهاب والريم اللي بين آبائهم خلافات وعداوه ومايتقابلون الا في الاعياد ،مُهاب راح يشوف الريم مع اخته في حفلة ترقيته ويعجب فيها
