راحو لينا وباهر يشترون أغراض للحفل بكره ورجعو البيت وراحت لينا لغرفته عشان تكلم بنت عمها (الريم)
لينا : بنت تخيليي
الريم : وش ؟
لينا : جدي بيسوي حفله بكره
الريم : لمين
لينا : لمين يعني اكيد مُهاب
الريم: ياليل ذا المُهاب
لينا : حدك تراه اخوي
الريم : معليش هههههههه
لينا : بتجين طيب ولا ؟
الريم : ما اتوقع احس مالي خلق
لينا : ليه تعالي
الريم : بكره اخر اختبار لي ومالي خلق اروح
لينا : اقول بس تعالي ماتحلى بدونك
الريم : تمام ان شاء الله
لينا : لاتغدرين فيني بس
الريم : افا عليك
قفلت لينا المكالمه وراحت تشيل الأغراض توديها للمطبخ
(بـيت عبدالرحمن)
عبدالرحمن : ارحب
فراس : الله يحييك
عبدالرحمن : اقلط
فراس : لا والله اني مشغول بس جيت اعلمك ان ابوي بيسوي حفله لمُهاب
عبدالرحمن : ماشاء الله بيطلع بكره هو
فراس : الله الله
عبدالرحمن : اجل تم
فراس : مع السلامه
عبدالرحمن : الله يسلمك
راح عبدالرحمن يعلم اهله عن الحفل
عبدالرحمن : ترا بكره في حفل لمُهاب
نجد : الله اخيرا بشوف لينا والريم
الجوهره : متى
عبدالرحمن : والله مدري بس بكره
الجوهره :طيب
(عند مُهاب وخويه)
مُهاب : ياولد اخيرا بنطلع بكره
تركي : اي والله لعبت فينا ذي الشموس
مُهاب : هانت الحمدلله
( يُـوم الاحَـد،عِنـد الـريـم)
قامت الريم تتجهز عشان تروح تختبر وخذت قهوتها وراحت تنادي عبدالمجيد عشان يوديها
الريم : عبدالمجيد توديني ولا ابوي يوديني؟
عبدالمجيد : انا بوديك متى تروحين
الريم : الحين
عبدالمجيد : يلا اركبي السياره بجي
الريم : طيب
راحت ريم لاختبارها والحمدلله الاختبار
كان كويس دقت على عبدالمجيد ولا رد ودقت على امها عشان تقوم عبدالمجيد
الريم : يمه
هيا، : هلا
الريم : خلي عبدالمجيد يجيني
هياء : زين
جاء عبدالمجيد ووصلها للبيت
(العـصر)
سيف : ياعيال امشوا نرتب المجلس
عبدالمجيد : مالي خلق
باهر : اقول امش
عبدالمجيد : ياليل طيب
سيف : سريع مافي وقت ترا
راح سيف يرتب ورتبوا معه باهر وعبدالمجيد
سيف : انا بروح كملوا الباقي انتو
باهر: تم ماعليك
عبدالمجيد : انا بروح بعد
باهر :شعندك
عبدالمجيد : ابد والله مالي خلقك
باهر : شقصدك؟
عبدالمجيد : مدري
رتبوا كل شيء وراحو يتجهزون
(بيت سلمان)
الريم : يمه احس مالي خلق اروح الحفل
هياء : بكيفك بس ابوك يقول لازم نروح مدري شعنده عاد
الريم : مب ابوي متهاوش مع عمي فراس !
هياء : الا
الريم : اجل ليش نروح
هياء : اسألي ابوك وش دخلني انا
الريم : تمام
الريم راحت تدور ابوها عشان تق تقول له انها ما تبغى تروح
الريم :يبه
سلمان : هلا وش بغيتي
الريم : عادي ما اروح الحفله؟
سلمان : والله يابنتي ماودي انا بعد بس جدك يقول لازم نجي
الريم تنهدت : طيب
راحت تقول للينا انها بتروح وبعد ماقالت لها ،راحت تدور فستان تلبسه
الريم : يمه
هياء : هلا
الريم : مدري وش البس محتاره
هياء : البسي الأحمر
الريم : تمام
(بيت فراس)
لينا : جااء مُهاااب
مُهاب : هدي هدي شفيك
لينا : شسوي بعد من زمان ماشتفك
تارين : هلا هلا تو مانور البيت
راح مُهاب وباس راسها ويدها وسلم على ابوه بعد
باهر : حي الله مُهاب
مُهاب : الله يحييك
سلم باهر على مُهاب وراحو يتجهزون للحفل
(بيت عبدالرحمن)
نجد : ماما بتروحين
الجوهره : اي
نجد: الحمدلله كلكم بتروحون وناسه
الجوهره : روحي تجهزي مافي وقت
نجد : تمام
راحت نجد تركض لغرفتها تتجهز
بعد نص ساعه دق باب الغرفه
سيف : بنت اخلصي لازم نروح بدري
نجد : تونا ترا
سيف : اخلصي بس
نجد : ياليل امي خلصت؟
سيف : كلهم خلصوا ينتظرونك
نجد : اما طيب طيب بلبس عبايتي
سيف : سريع
(فـي الحـفـل)
سيف : وين عبدالمجيد تأخر
باهر : مدري عنه توه يقول لي جاي
مُهاب : بيجي بيجي لاتخافون
سيف : زين
(بـيت سلمان)
الريم : يمه انا خلصت
هياء : ماشاءالله ماشاءالله بسم الله على بنتي قمرر
الريم : يمه استحي ترا
عبدالمجيد : يلا يلا العيال ينتظرونا
الريم : طيب
وصلو الحفل ووصلهم عبدالمجيد قسم الحريم وراح هو وابوه للرجال
انتهى الجزء الثاني❤️
أنت تقرأ
ياسعّد الدنيا لامن ضحك وجهك البَّاهي
Short Storyتدور القصه بين مُهاب والريم اللي بين آبائهم خلافات وعداوه ومايتقابلون الا في الاعياد ،مُهاب راح يشوف الريم مع اخته في حفلة ترقيته ويعجب فيها
