راح سيف يجيب لهم قهوه
واخذ القهوه ورجع البيت وعطاها نجد
سيف : امسكي ان شاء الله تطلع زينه عاد
نجد : شكررا
راحت نجد عند البنات وعطت كل وحده قهوتها وكملوا سوالف وضحك
لينا : بنات شرايكم اجل بكره نروح السوق احس من زمان مارحت للسوق ولا ابي اروح لحالي
نجد :انا ماعندي مشكله بس بقول لـ امي وابوي
الريم : حتى انا
لينا : اجل ارسلوا لي اذا قلتو لهم
الريم : ابشري
(عـنـد الـعـيـال)
عبدالمجيد : يا عيال مُهاب يقول انه بيخطب
باهر : ايه ادري
سيف : هو مهرج جدي يقول انه بيخطب من امس بدري توكم تدرون
عبدالمجيد : تدري من قبلنا ولا تقول لنا افا يا ذا العلم
سيف : وانا شدراني انكم ماتدرون
باهر : معه حق شدراه صدق
عبدالمجيد : الا اقول شرايكم ندق على مُهاب نشوف شصار عليه
باهر : ماظنتي انه بيرد اتوقع انه نايم
سيف : جرب دق شف يمكن يرد
عبدالمجيد : بجرب
دق عبدالمجيد على مُهاب ينتظره يرد
مُهاب : الو
عبدالمجيد: ارحب ارحب
مُهاب : يامرحبا والله
عبدالمجيد : شخبارك
مُهاب : بخير الحمدلله شخباركم انتو وش تسوون
عبدالمجيد : ابد والله قاعدين انا والعيال
مُهاب : ياليتني فيه بس
سيف : الا اقول متى بتجي انت
مُهاب : بدري توني رايح مسرع اشتقتوا لي
سيف : اقول متى بتجي بس
مُهاب : يمكن اسبوعين ثلاث ما قالو عاد
سيف : زين قريب يعني
مُهاب : تقريبا
عبدالمجيد : الا من بتخطب انت يقولون انك بتخطب
مُهاب تنهد وتضايق يوم تذكر انه ماقدر يخطبها
مُهاب : اي ان شاء الله اول ما ارجع اخطبها
عبدالمجيد : بنت من
مُهاب : اذا رجعت اقول لك
قفل مُهاب الخط وراح
باهر : شفيه قفل
عبدالمجيد : شكله زعل المهم انا برجع البيت
باهر : الله معك
راح عبدالمجيد البيت
(بـيت سـلـمـان)
هياء : عبدالمجيد شفت اختك؟
عبدالمجيد : لا وينها
هياء : قالت بتروح عند نجد بس مارجعت دق عليها
عبدالمجيد : سمي
عبدالمجيد : الريم وينك
الريم : في بيت نجد ليه؟
عبدالمجيد : امي تقول ارجعي البيت
الريم : يوه طيب بجي بجي
راحت الريم تودع البنات وتلبس عبايتها
لينا : الريم انتظريني بجي معك جاني النوم
الريم : تمام
راحو لينا والريم بيوتهم
(عـنـد الـريـم)
دخلت غرفتها وعلقت عبايتها ولبست بجامتها وراحت تغسل مكياجها وربطت شعرها وقعدت على جوالها تتابع والا تلقى حساب مُهاب
الريم : يمه يشبه مُهاب
دخلت حسابه وطلع صدق مُهاب
وبالغلط حطت لايك على صورته ومن سوء حظها كان مُهاب قاعد يشوف اللايكات والريم كانت كاتبه اسمها وعرف مُهاب انها الريم ودخل حسابها بس لقاه خاص وقفل الجوال ونام
الريم : يارب ماشاف عاد شلته بسرعه
(بـيـت فـراس)
باهر : لينا تبين اكل
لينا : لا والله شبعانه
باهر : بكيفك
لينا : بروح انام انا
راحت لينا غرفتها ونامت
(العـصـر،بـيـت سـلـمـان)
سلمان : الريم روحي ساعدي امك حطي الغداء
الريم : ابشر بروح
راحت الريم للمطبخ تساعد امها
الريم : يمه اشيل ذا ؟
هياء : اي اي
الريم : وين السفره طيب
هياء : حطيتها بالصالة حطي الصحن بس
الريم : طيب
أنت تقرأ
ياسعّد الدنيا لامن ضحك وجهك البَّاهي
Short Storyتدور القصه بين مُهاب والريم اللي بين آبائهم خلافات وعداوه ومايتقابلون الا في الاعياد ،مُهاب راح يشوف الريم مع اخته في حفلة ترقيته ويعجب فيها
