العقيق الأسود

مشهد+مقدمة

   العقيق الأسود هو ذلك الحجر الذي يبعدُ
         الشياطين  أرواحهم السيئة
هل ياتُرىٰ سيختلف الأمر في هذه الحكاية
    ويأتي ذلك الغريب في وسط الخفايا
  هل سيكون تلك الغيمة التي حين تمطر
       يظهر قوس قزح ويجلب السعادة
أو تلك التي تجلب الأعاصير وصوت الرعد 
         الذي يدبُ الرعب في القلوب
            هل سيكون داء أم دواء •••
حين سيلتقيان تلا العيون السوداء الداكنة
   الحقدة مع تلك العيون القهويّة اللامعة 
هل سوف يذوب الجليد من قلب ذلك البارد
     أمام صاحبةِ الأبتسامة الساحرة
               والعيون الحالمة

فتحت عيوني واشوف نفسي داخل غرفة شكلها حلو التصميم تركي بلون الابيض والذهبي فتحت الباب ونزلت وانصدمت اني داخل بيت أو بالأحرى قصر رائع جميل بشكل ملفت بس ما چنت أدري خلف هذا الجمال خفايا سوداء قاطع صفنتِ دخول شخص رجل متوسط العمر ذو شعر أسود تزينةُ خصلات بيضاء مع بدلةٌ سوداء وخواتم من الأحجار الكريمة المميزةمن مظهره الخارجي واضح أنه من الطبقة المخملية تحمحم بصوت خشن يميل إلى الحدة

:اهلا وسهلاً بدكتورتنا نعتذر عن الطريقة الي جيتي بيها بس نريد نعالج شخص عزيز علينا وماكو افضل منچ

حچيت بأستغراب وقلق من وين يعرفني
: أعذرني بس أنتَ وين تعرفني وشلون تجيبني بهاي الطريقة وين عايشين شنو هل تصرفات تريد أعالج أحد عندي عيادة وتگدر تجي هناك ومنو يگول مو خاطفينة

ضحك بستهزاء وگال كلام خلاني مصدومة وبنفس الوقت خايفة

:هههههه بعدچ ما تعرفين وية منو تحجين وأذا مو حابة تشتغلين تكدرين تودعين الماما

گلت بعصبية واتصنع القوة
:ما يهمني منو تكون وبخصوص تهديدك اگدر هسه اروح اشتكي عليك يم الشرطة

هز راسه بهدوء وفتح التلفون وشوفني فيديو شخص رافع السلاح على ماما وهيه مو منتبهة

حچيت بخوف واني أمتمت
:خ خلص راح اعالجة بس عوف ماما

سكت ما حجة شي أشر الواحد من الحراس التفت إلي وأشر امشي وراة مشيت واني مجبورة حتى لو غلط ما اكدر اخاطر بحياة ماما وگف گدام وحدة من الغرف وتفح الباب بالمفتاح وگفت مصدومة بخوف وجسمي يرجف من المنظر بشع دفعني للغرفة وطلع

فتاة ذات جسد نحيل وبشرة بيضاء مليئة بالجروح عينين ناعسات شعر بني كل القهوة ترتدي ثوب أبيض من الحرير علية قطرات دماء من جسدها المنهك يدين متورمتان من السلاسل التي تقيد حريتها .

رفعت راسها بس شافتني عاطت بصوت عالي
:شعندچ جاية لازم چلبة من چلابهم
ردت احجي بس صارت تصرخ بصوت عالي على أثر صوتها العالي دخل نفس الزلمة الي حتى ما أعرف اسمه بس شافها تصرخ ضحك بصوت عالي تقرب عليها وهوه لا زال يضحك
: هههههه  شفتي نهايتچ صرتي أسيرة بين أيدينا وعن قريب صگارچ راح ينداس عليه
وانتِ تگولين محد يكدر علينا وهسه صرتوا تحت ايدينا

حركت لسانها على شفايفها بمُر وتلاعُب وضحكت بستهزاء وهمست جملة وحدة كانت كفيلة على دمار اعصابة
:هههههه تخسى حلم الچلابة تصير ذيابة