يُنَادُونَنِي بالمَنْبُوذَهْ

{كنت الظلام و كانت النور في أعينهم}

احلام:عاطف عاوزه اقولك على مفاجأة!
عاطف:و النبي سبيني أنا لسه جاي من الشغل و حالتي البله
احلام: يا عاطف مفاجأة كبيره !
عاطف: ايه هي ؟؟؟
احلام: تعالى ورايا!
راحوا قدام باب غرفة النوم بتاعتهم
عاطف:قافله البابا ليه بالمفتاح؟؟؟
احلام: علشان المفاجأة جواها!
احلام : خد المفتاح و افتح الباب و خش جوه هتلاقي المفاجأة
ادتله مفتاح الغرفة
فتح الباب و دخل و شاف قطعة حرير كبيرة متعلقة على ستارة غرفتهم
مكتوب عليها : ^البابي جاي في الطريق تووووووت تووووووووت^
عاطف: بتهزري؟!
عاطف: احلام انتي حامل؟!
احلام: هههه ايوه يا عاطف أنا حامل
عاطف: اخيرًا هنجيب البابي الي احنا كنا عاوزينه من ست سنين من ولادة فؤاد !!!
احلام: و انت عارف ده معناه ايه !!!
عاطف: ان احنا هنقدر نقول للناس اخيرًا ان عندنا طفل !
احلام: ممكن كمان تبقى طفله أو توأم !
عاطف:كل الي يجي حلو !
عاطف: أنا دلوقتي عاوز اعرف هعمل ايه في فؤاد الزفت ده
احلام: أنا ذات نفسي مش عوزاه ، بيفكرني بجوزي القديم
عاطف: يا ريت كان أبوه ياخده و نخلص منه
احلام: مستحيل يا عاطف مستحيل
احلام: أبوه ذات نفسه مش عاوزه لانه أتجوز و جاب عيال
عاطف: و هنعمل فيه ايه بقى على كده؟
احلام:نحطه في ملجأ؟
عاطف: الناس هتعرف انه ابننا
احلام:عندك افكار تانيه؟
عاطف: ممكن ان احنا نقول للناس انه مات و نعمله عزه و نعيشهم في الجو
عاطف:ساعتها نحبسه في البيت و مش هنخليه يطلع بتاتًا
احلام: احسن من ان احنا ندفنه بالحياه بس و بعدين؟
عاطف: لو الناس شفوه بعدين هنقولهم انه خدام عندنا في البيت مش فؤاد
عاطف: اكيد شكله هيتغير
احلام: تتوقع انها ممكن تظبط؟
عاطف: اهم حاجه انك تولدي بالسلامه الأول و بسنه أو سنتين كده عقبال ما البابي يكبر نقدر ننفز الي هنعمله
لمس بطنها بيده و باسها على راسها
احلام: أنا زهقت من كلام الناس عني..
عاطف:صدقيني و أنا كمان..
عاطف: لازم نخلص منه بأسرع وقت
احلام:ملهوش لزمه في حياتنا بعد البيبي ده
رجلين صغيره بتمشي بخطوات خفيفه ، مع الدبدوب المحشو بالقطن ، و وجهه الناعس جدًا
فؤاد: ماما أنا زعلان
احلام: ليه يا روحي ايه الي خلاك زعلان؟؟
فؤاد: أنا حلمت بكابوس وحش جدًا حتى فلافي خايف منه جدًا!
عاطف يتنفس بملل و خنقه
احلام تديه النظره: اهدأ
احلام ببتسامه : ايه هو الكابوس ده يا حبيبي؟؟؟
فؤاد: أنا حلمت بالكابوس الي كان بيقولي ان انتم رمتوني في الزباله و سبتوني و مشيتوا!
عاطف بنظراته الواضح عليها الغضب و التنرفز
احلام: ااااه ، حبيبي مستحيل حاجه ذي ديه تحصل ، مستحيل نعمل حاجه ذي كده!
احلام: صح يا بابا؟
فؤاد: اكيد
احلام: الكوابيس وحشه و شريره أوي يا روحي بتخدع الناس علشان يصدقوها
احلام: اوعا تصدقها و متقعش في فخها أبدًا !
فؤاد: أنا أقوى من كوابيسي !!!
احلام: اكيد اكيد!
احلام: تعرف اني عندي مفاجأة ليك يا فؤاد؟
فؤاد: بجد؟!
احلام: يس !
فؤاد: ايه هي يا ماما؟
احلام: ماما حاااامل !
فؤاد: هاه؟
احلام: يعني ماما في بطنها دلوقتي بابي!
احلام: ممكن يكون ولد او ممكن تكون بنت !
احلام : انت تتوقع ممكن يكون ايه؟
فؤاد: بنت بنت!!
عاطف : لو طلعت بنت يا حبيبي هجيبلك كل شكولاتات العالم بحلها ، روح نام دلوقتي علشان الوقت اتأخر على معاد نومك يلا يا شاطر
فؤاد: بس أنا خايف يمكن الكابوس يرجعلي تاني !
عاطف: اخلص يا حبيبي و روح نام و فلافي خليه في حضنك علشان يطمنك
فؤاد: همممممم..طيب
فؤاد: تصبحي على خير يا ماما!
راح علشان يبوس خدها
صدته و مسكته من كتافه
احلام: و انت من أهله يا حبيبي
زقته عشان يبعد و يروح على غرفته
راح بخطواته المتعجرفه على غرفته و قفل الباب
طلع على السرير و غطى نفسه بالبطانيه
احلام: مزعج
عاطف: سيبك منه
عاطف: تحبي نعمل حفل للموضوع؟
احلام: بجد؟! اكيد طبعًا !
عاطف: خلاص هرسل دعوه للكل ، على بكره الساعه سبعه تمام؟
احلام: تمام!!!
عاطف: خلاص هروح اخدلي دش و نروح ننام
احلام: تمام يا حبيبي
فؤاد كان دايما يحلم بكوابيس و كل كوابيسه كانت مرتبطه بحاجه وحده ، و هي ان يتخلي عنه أبوه و أمه
<>
عاطف: بشاري !!
عاطف: يا بشااااااري!
بشاري: نعم يا فندم ، اقدر اعملك ايه النهارده؟
عاطف: عاوزك تبعت لكل اهلنا رسالة
عاطف: مراتي حامل و هنعمل حفلة للموضوع ده على سبعه بليل
بشاري: حالًا يا فندم!
بشاري راح علشان يبعت لكل قرايبهم عن الموضوع ده
احلام: هتروح دلوقتي يا حبيبي؟
عاطف : ايوه عندي اجتماع مع الإدارة العامة للشركة بتاعتي
احلام: تمام خد بالك من نفسك
عاطف: اهم حاجه انتي الي تخدي بالك من نفسك و الي في بطنك كمان
عاطف: مش هطول
احلام: عارفه
عاطف طلع بره البيت و ركب عربيته و مشي على الشركه
احلام: فؤاد !!!
احلام: يا فؤاد !!!
دخلت على الغرفة بتعته
احلام: فؤاد مش وقته العب اطلع لازم اظبطك للحفله !
احلام: فؤااااااد اطلع يا زفت انت !!!
الشغالة : حضرتك بدوري على فؤاد ؟؟؟
احلام: ايوه تعرفي هو فين؟؟؟
الشغالة : هو طلع على حديقة البيت يلعب مع الكلب
احلام: ماشي ماشي هروح أشوفه
راحت على الحديقة و هي مذعورة من شكله الي كله طينه و بيلعب مع الكلب فوق طينة الأرض الي كانوا لسه الشغالين هينظفوها
احلام: فؤاد!!!
احلام: انت بتعمل ايه؟!
فؤاد: ماما بلعب مع بودي تعالي العبي معانا !!
احلام: تعالى هنا حالًا!
فؤاد رحلها و شدته جامد من ودنه
احلام: ايه القذاره الي انت فيها ديه !!
احلام: مفيش لعب مع الكلب دلوقتي خالص!
احلام: لازم تنظف القرف الي انت فيه ده
فؤاد: يا ماما سيبي ودني بتوجعني اوي!! ارجوكي !!
احلام: إياك تعمل حاجه ذي كده تاني روح خليهم ينظفوك يلا!
زقته و اترمى على الارض بس وقف و جري جوه البيت علشان يستحمى
احلام: شيلوا الكلب ده كمان نظفوه حالًا !!
الشغالة: حاضر يا مدام !
الشغاله شالت الكلب علشان ينظفوه و نظفوا مكان الطينه و راحوا يحموا فؤاد و يلبسوه احلا لبس
احلام كانت بتتفرج على السماء الي كانت قالبه على برتقالي بسبب غروب الشمس
اتفرجت بفخر على الناس الي بيحطوا الكراسي و الترابيزات و البلالين و الزينه الي في كل مكان
احلام : اشهد يا عالم على حملي ..
احلام : اكتر من ست سنين مستيين اللحظه ديه
<>
احلام راحت على غرفة الملابس بتعتها
فتحت خزانة من خزاناتها
كانت الخزانه ديه مليانا فساتين بالهبل
اختارت فستان لونه بني مع خطين من الورود البيضا على ذيل الفستان لحد كتافها
سرحت شعرها الطويل و رمته لورا و ظبطت الغره بتاعتها على جبهتها
حطت شرايط بيضاء على شعرها و دفرته
حطت ميك اب كامل متكامل
لبست كعبها الأبيض و الي عليه شرايط بنيه
لبست شنطتها البيضا و الي مكتوب عليها اسمها باللون البني
نزلت بتقتقت كعبها من الغرفه لحد الحديقة
شافت ان كل حاجه جاهزه و الكل مستعد للحفله
حست كأن العالم كله اخيراً هيبصلها
دائما الناس كانوا بيتريقوا عليها بسبب انها جابت ولد من راجل تاني غير جوزها الحالي
كانوا الناس بياكلوها اكل وقت ما كانت مطلقه
بس دلوقتي..
كل حاجه هتتغير
و هيبطلوا الناس يعيروها على الموضوع ده
هتبقى ام بجد المره ديه
بدل ما كانت الاميره الضائعه
باقت الملكة الجباره
محدش هيقف في طرقها من هنا و رايح
عاطف دخل بعربيته على الجراش
ركنها و راح يقف جمب مراته
عاطف: مستعده؟
احلام: أنا مستنيه اللحظه ديه من ساعة ما اتجوزنا
مسكوا ايد بعض وراحوا على الباب الرئيسي علشان يحيوا الضيوف
<>
اخوها و مراته و عياله ، اخته و زوجها و عيالها ، كل زمايله الي في الشغل ، كل صحباتها ، أقاربهم،اكتر من ٤٠٠ شخص في الحفلة ديه علشان حاجه وحده
حمل احلام
كريم: ازيك يا اختي الوحيده ليه في الدنيا ديه بحلها
احلام: أنا كويسه الحمد لله
احلام: بقالنا كتير مشفناش بعض
كريم: معلش بقى اعذريني كنت مسافر و اول ما عرفت الخبر رحت جاي على طول
نورا: الف مبروك عليكي يا احلام و ان شاء الله يتم الحمل ده بخير
احلام: مين الجميل ده؟؟
نورا: ههههه ده موسى
نورا: تم شهر اول امبارح
احلام: يا عسل ده كيوت خالص!
كريم: خد الخدود الحمرا مني
احلام: ههههه اكيد طبعًا انت هتقلي ، ربنا يحفظه
نورا: تسلمي
فؤاد جري على احلام
فؤاد: ماما! ماما!
احلام: ايه يا روح قلب ماما انت من جوه
كريم: الله الله الله مش شايفني يا فؤاد خالص كده
كريم: ازعل منك يعني و لا ايه بقى انت قولي؟
فؤاد: خالوه كريييييييييم!!!
جري علشان يحضنه و راح كريم شايله و مطيره لفوق و ماسكه تاني
قعدوا يضحكوا على كياتت فؤاد بعدين راح مديله بوسه على خده و منزله
فؤاد: ماما عاوز العب مع مصطفى !!!
احلام: بس مصطفى يا حبيبي صغير عنده سنتين بس اذاي هيقدر يلعب معاك؟
فؤاد: يا ماااامااااا! أنا سئلت عمته قالتلي استأذن من ماما انتي
احلام: خلاص العب معاه بس خلي بالك منه و اوعى تخليه يتعور او يتدايق
فؤاد: اوكيه ماما!
فؤاد جري علشان يروح على مصطفى و يلعب معاه
كريم:شقي الواد ده
كريم: باين عليه هيطلع جامد
احلام: انت الي جامد و الله
نورا: نستأذنك بقى يا احلام نروح نلحق البوفيه
احلام: هههههه انتي انعديتي من اخويه و لا ايه
كريم: في الاكل أنا مش بعتق
نورا: امال ايه امال طبعًا
احلام: هههه روحوا يلا كلو بالهنا و الشفا عليكم
<>
بعد ما نورا و كريم مشيوا راحت احلام عند عاطف و اخته الي واقفين و باين عليهم بيضحكوا ضحك هستيري
احلام: بتضحكوا على ايه يا حلوين همممم؟
دنيا: أهلًا بالجميل
عاطف: ايه الاخبار يا حبيبتي؟
احلام: كله ذي الفل بس انتم كنتوا بتضحكوا على ايه بقى من غيري هاااه؟
دنيا: جوزي بدل ما يحجز تذكره على هنا راح حاجز تذكره على استراليا
احلام: يااا لهوي عمل كده اذاي؟؟
دنيا: تخيلي حجز على اساس انه يجي على هنا بس مشفش التذكره اصًلا لانه كان حاجزها مستعجل
دنيا: عرف بعد ما ركب الطياره و هو لسه في طريقه على هناك
احلام: بههههههههههههه اااااه ضحكتيني بجد
عاطف كان بيبتسم ابتسامه تسليكيه لانه عارف انها بتمثل الضحك و بتستخف دمها
عاطف و احلام مش أغنيه لدرجة أنهم يسافروا بالغلط على مكان تاني
الحقد الي في قلبهم عليهم حتى لو كانوا اخوها و اخته مش يساوي حتى حقدهم لأسوء أعدأهم
دنيا: بجد كان نفسي يشوف الحفله التحفه ديه
دنيا: هيضطر دلوقتي يقعد اسبوع هناك و احنا بعد اسبوع هنرجع على كندا تاني
عاطف: توصلوا بالسلامه ان شاء الله
دنيا: اهم حاجه البابي هو الي يوصل بالسلامه
احلام: ان شاء الله
دنيا: هروح أنا اجري ورى مصطفى و فؤاد
عاطف: تمام ماشي مفيش مشكله
<>
راحت احلام لصحباتها و راح عاطف لزمايله في الشغل
و بعد فترة من حوار احلام و صحباتها عن حملها و اذاي هي شكلها جميل و مرتب حتى و هي حامل
كانت ماسكه كباية شربات
احلام: ان شاء الله البيبي يطلع حلو ذي بالظبط هههههههه
ههههههههههه
ههههههههههه
ههههههههههه
ههههههههههه
فؤاد كان بيجري بأقصى سرعته و بيبص وراه علشان مصطفى كان بيجري وراه و وراهم دنيا
خبط في احلام بكامل قوة سرعته و راح موقعها على الارض
الناس كلها كانت متفاجأة و انقلبت الأنظار كلها على احلام
الشربات اندلق عليها و مشكلة الشربات انه صعب تشيل بقعته من على اللبس
فؤاد: ماما أنا اسف بجد مكنش قصدي!!
فؤاد: انتي كويس؟
فؤاد: أنا اسف ! اسف بجد!
فؤاد: ارجوكي مش تإذيني أو تحبسيني أو تخلي بابا يضربني أو تتروضيني من البيت ! أنا أسف ! أنا أسف
احلام وقفت على طلها تاني مذعورة من الي فؤاد قاله قدام الناس كلها
عاطف جري علشان يلحق المصيبه الي قالها فؤاد قدام اكتر من ٤٠٠ واحد في الحفله
دنيا بصت باستغراب و تسائل كبير
و الكل ساعتها أتجمع عليهم هما التلاته بس
عاطف ساعد احلام تقف على حيلها بعد ما وقعت على بطنها بسبب زقت فؤاد من ظهرها
احلام و عاطف كانوا بيتكلموا بتردد و قلق و بيحولوا يلحقوا على الموضوع
احلام:ح-حبيبي عادي م-مفيش مشكلة حصل خير أنا كويسه
احلام:كل حاجه تمام أنا عارفه انك خفت عليه موت فقلت الكلام ده صح يا روحي؟
فؤاد: بس يا ماما أنا كل ما بعمل حاجه غلط يا بتحبسوني أو بتضربوني أو-
عاطف حط ايده على بقه و كانت ديه ردة فعل سريعه منه
وطى ليه و شال ايده من بقه
عاطف: ليه كده ملحوس نفسك و كلك بقى شوكولاته بالشكل ده
عاطف: روح اغسل بقك و تعالى يلا يا قلبي
وقف على حيله و مسك أدين احلام بحنيه
عاطف: بخير حبيبتي؟
احلام: ياه
عاطف: روحي غيري لبسك يلا يا روح قلبي
عاطف: خلي بالك من نفسك و انتي بتمشي
احلام: دنيا تعالي معايه
دنيا: ليه لا أنا جايه
احلام و دنيا راحوا جوه البيت علشان احلام تغير هدمها
الناس قعدت تستفسر عاطف على الي قاله فؤاد
عاطف: يا جماعة الخير هو عيل صغير و الأيام ديه بتجيله كوابيس
عاطف: رحنا على طبيب نفساني و قال بسبب انه وحيد ملهوش حد يسليه في البيت
عاطف: و ادينا اهوه هنجيبله بابي يلعب معاه و يبقى احسن بكتير من الاول صح؟ هههههههه
عاطف: و كمان لانه بيتفرج على أفلام رعب كتير بليل
عاطف: اقعد أتحايل عليه و أقوله كفاية يا فؤاد أفلام رعب
عاطف: عنيييد عنييييد يا جماعة معذبني معاه الواد ده
عاطف بضحكه تسليكيه : اكيد هيطلع عنيد و جامد بالشكل الي هو فيه ده
حجج عاطف كانت قوية لدرجة ان الناس فعلًا صدقت كلامه
الناس كلها قعدت تضحك و تنسى الموضوع معاه
فؤاد رجع يلعب مع مصطفى
<>
دنيا: طلعت فساتينك مش كتير يا احلام
دنيا: اكيد كل الفساتين ديه غاليه علشان كده صح ؟
احلام: اكيد
دنيا قعدت تشوف فساتين احلام واحده واحده
احلام كانت متغاظه بشكل مش طبيعي من دنيا
دنيا: ايه رأيك تلبسي الفستان البنك ده ؟
دنيا: شكله هيبقى كيوت خالص!
دنيا: و ممكن كمان تغيري الميك اب بتاعك تخليه بابي بنك
دنيا: هيبقى شكله سمبل خااااالص!
احلام: موفقاكي
دنيا: خلاص يلا بسرعه خشي على غرفة الغيار و البسي الفستان
احلام راحت على غرفة الغيار و دنيا كانت واقفه قدام الباب
دنيا: سؤال و تجوبيني بصراحة
احلام بارتباك : اكيد قولي
دنيا: هي علاقة فؤاد و عاطف باقت احسن من الأول
احلام: جدًا بقوا بيحبوا بعض موت
احلام: الصراحه بقيت أغير من علاقتهم مع بعض ، مترابطة جدًا تخيلي
دنيا: طب كويس الحمد لله
احلام غيرت الفستان بتاعها و رمت الفستان الي كانت لبساه في الزبالة
دنيا: ليه كده ترمي الفستان في الزبالة ده تحفه!
احلام بغرور : مبقاش يليق على مقامي
راحت قعدت قدام المرايا و غيرت شكل الميك اب بتاعها
نزلت تكمل الحفلة و لا كأن حاجة حصلت اصلًا
بعد مرور ساعة الحفلة خلصت و الكل بيمشي
عاطف و احلام كانوا بيودعوا الناس بابتسامة كاذبه
هما أصلا متجوزين علشان هما عاوزين حاجه وحده بس
الامتلاك و الكبرياء
عاوزين الناس كلهم يبقوا تحت رجليهم
مش مهم هما ممكن يعملوا ايه علشان يوصلوا للهدف ده
المهم أنهم يوصلوا للهدف المطلوب
حتى لو كان التمن حياة إنسان..
<>
اول ما الناس كلها مشيت عاطف راح بسرعه و بغضب شديد جدًا على فؤاد
فؤاد كان قاعد في غرفته بيلعب بعربياته الكتير الي مرميه في كل مكان على الارض
مسك دراعه بعنف شديد و جرجره لبره الحديقة
احلام قعدت على الكرسي و قعدت تتفرج بفرح على الي بيحصل
طلع المسدس من جيبه و رمى فؤاد على الارض و ايم على راسه
عاطف: أنا هربيك يا عديم الربايه
عاطف: هخليك تندم على اليوم الي طلعت فيه من بطن امك
عاطف: هخليك تقولي يا ريتني ما نطقت و لا كان عندي لسان اصلًا !!!
فؤاد: بابا..
عاطف ايم على الكلب الي كان قاعد قدامهم بياكل و ضرب الطلقة على راس الكلب
فؤاد: لاااااااااااااااااء بوديييييييييي!!!!
فؤادي جري على الكلب بتاعه
الي كان هو صاحبه الوحيد من سنين
شال الكلب على حجره
و قعد يصرخ و يعيط بأعلى صوت
ايده و لبسه كانوا كلها مليانين دم الكلب
دموعه كانت بتنزل على خد الكلب الميت
عاطف و احلام كانوا بيتلذيذوا يشوفوه و هو بيتعذب من قلبه
كأنها نار و عماله تحرق في حنجرته مش قادر يطلع صوته من كتر الوجع
مشيوا هما الاتنين و راحوا على غرفتهم و قفلوا الباب و ناموا
عارفين الي عملوه ده هيأثر على فؤاد و مش هيخليه يتجرأ انه يتكلم تاني قدام الناس
و بعد مده من الصراع العاطفي الي كان بيواجهه فؤاد
نام و استسلم للأمر الواقع
على الكلب..
الشغالين شلوه بعد كده و دفنوا الكلب في الحديقة الخلفية للبيت و حطوله قبر كمان
و طبعًا كل ده من أوامر عاطف و احلام
علشان دايمًا يفتكره و يفتكر الي عمله و يخلوه عنده نقطة ضعف يقدروا يمسكوها من ايده الي بتوجعه
بنوله حدود زيادة عن سجنه علشان يتأكده انه ميهربش من سجنه
ولد عنده ست سنين
اكيد الحاجه الي شيفنها قليله عليه ديه
ممكن تكون كارثة بالنسباله
<>
رد على التفلون و هو قاعد في مكتبه
عاطف: الو؟
عاطف: بجد؟!
عاطف: أنا جاي حالًا !
خد مفتاح عربيته و راح يجري بسرعه عليها
ركب العربيه و جري على ١٤٠ كيلو متر في الساعة
هو اه اخد مخالفات
بس اهم حاجه انه يوصل بأسرع وقت
حط عربيته في الجراش و جري على غرفتهم
شاف احلا حاجه شافها في حياته
مراته الي نايمه على السرير و هي ماسكه بنته
عاطف: اخيرًا !
احلام: ههههههه
احلام: بص هي حلوة اذاي
عاطف راح و قعد جمبها على السرير
شال بنته بين أديه و ابتسامته من الودن للتانيه
عاطف: اخيرًا بنت بأسمي و أسمك
احلام: أنساه دلوقتي تحب تسمي بنتنا ايه؟
عاطف: عاوز اسميها على اسمي
عاطف: عواطف عاطف
احلام: و أنا موافقه
عاطف: هو فين
احلام: الجنينة الي ورا
عاطف: اه..فهمت
رجع بنته لمراته
نزل على السلالم ينادي و بأعلى صوت
عاطف: بشاري !!!!
بشاري: ايوه يا فندم
عاطف : روح جبلي فؤاد حالًا
عاطف: و بلغ الناس كلها ان في حفل النهردة لان احلام جابت البابي!!
بشاري: في لحظة يا فندم!
بشاري راح على الجنينه الخلفيه و لقى فؤاد سرحان قدام قبر كلبه
بشاري: استاذ فؤاد ؟
بشاري: يا استاذ فؤاد !
صحى من العالم الي كان فيه و رجع لواقع الحياة
فؤاد: نعم؟
عاطف: أبوك عاوزك
بشاري مد ايده لفؤاد
فؤاد مسك أيد بشاري و راح على عاطف
كان كل الي فباله ان يوم ميلاده النهرده
نفس اليوم الي انولدت فيه عواطف
بقى عنده سبع سنين كامله
و لما وصل و بقى قدام عاطف
ملقاش غير الخذلان
عاطف: النهرده هنعمل اعظم حفلة فيكي يا دنيا على اختك الي جت للدنيا
عاطف: انت عارف انت المفروض تعمل ايه
عاطف: و متعملش ايه..
عاطف: هنعمل النهردة السبوع
عاطف: مش عاوزين اي مشاكل انت فاهم أنا قصدي ايه كويس
فؤاد هز راسه ب ايوه
عاطف راح ماسك خده بعنف و قعد يقرصه
عاطف: شاطر يا روح بابا
عاطف مشي علشان يظبط كل حاجة مع بشاري
كوابيس فؤاد كان بتتكرر و تزيد
هيرموني
الكلب الميت
الوحده و الضلال
الحفله انعملت و كانوا الكل عمالين يغنوا :
~حلاقاتك برجالاتك حلقة دهب في وداناتك~
~حلاقاتك برجالاتك حلقة دهب في وداناتك~
~حلاقاتك برجالاتك حلقة دهب في وداناتك~
فؤاد كان قاعد قدامهم و هما فرحانين و عمالين يرقصوا و يغنوا
عارف ان ورا كل ده مصيبة هتحصله
بس مش عارف ممكن تكون ايه
<>
بدأ التجاهل و الفراق
قلت شخصية فؤاد من قوة و عزة نفس
بدل ما أمه و أبوه الي يحطوه في حضنهم
بقوا الوحدة و القسوة الي بتحضنه
بقى فؤاد عنده تمن سنين
و معنى كده ان عواطف كان عندها سنه
تحول لسنة جديدة للدراسة
بس مكنش يعرف ان السنة ديه هتبقى نار بتحرق في قلبه
كانوا كل ما طلاب الفصل يشفوه 
كل يوم و كل صباح
يرددوله الكلام ده
بكاية بكاية
فؤاد البكاية اهوه
بكاية بكاية
فؤاد البكاية اهوه
مكنش حد بيكلم او يواسي فؤاد غير نفسه
نفسة:
أنت لوحدك و خسرت كل الي حوليك
قلتلك ان الخطأ مش منك الخطأ منهم
مفيش حد هيفهمك لأنك فريد من نوعك
لكن دموع الأطفال ديه بتلف و ترجعلك تاني
و متقدرش تسيطر عليها
علشان مفيش حد يقدر يسيطر على دموعه
<>
و في مرة و هو في المدرسة
خلص دوام المدرسة و هو مستني حد ياخده للبيت
بقاله حوالي تلت ساعة مستني حد يجيله
جاء احد الطلاب الموجودين في صفه
الطالب:اهلك نسوك؟
فؤاد: و انت اهلك رموك؟
الطالب: لااااا أنا الي قلتلهم يجوا متأخر
فؤاد:مبروك
الطالب: عاوز اقعد شوية مع المعلم فهمي الي واقف هناك
فؤاد:مسألتش
الطالب: يا عيني عليك شكلك هتروح على البيت مشي
الطالب: اكيد اهلك مش بيحبوك على كده
الطالب: و مين اصلًا ممكن يحبك ، ده الكلاب بتجري منك
ردة فعل سريعة من فؤاد مقدرش يمسك نفسه
نزل فيه لحد لما طلع من منخيره دم
مسكه حارس البوابة و كتفه علشان حرفيًا فؤاد كان بيتصرف كأنه واحد مجنون عقليًا
جري المعلم فهمي عليهم و شال الطالب الي كان بالعافية عارف يقف على حيله
عملوا استدعاء ولي امر ليه و للطالب
جا عاطف و ابو الطالب في نفس الوقت
أنصدم عاطف من الي فؤاد عمله في وش الولد و كان شديد الغضب
المعلم فهمي: يا فندم ابنك خرج عن وعيه
المعلم فهمي:مش طبيعي الي عمله في وش الولد ده
المعلم فهمي: ده اسمه جنون
ابو الطالب: اولًا ده لازم ينفصل من المدرسة و حالًا!
ابو الطالب: مش أول مره يعمله في ابني و غيروا الموضوع ده !
عاطف: ليه بس الموضوع مش مستحق الفصل
عاطف: هو غلط في حقه و اكيد هيصلح غلطه ده و يعتذرله و يبوس راسه كمان
عاطف طبطب على كتف فؤاد براحه
عاطف: صح يا ابني يا حبيبي
فؤاد مش أتردد لحظه و راح تافف على وش الولد بكل عنف منه و غل
عاطف أنصدم و بشده من تصرف فؤاد الي هيودي سمعته في داهيه قدام الناس
عاطف بتردد:ا-أنا اسف بجد على تصرف ابني هكلمه و فهمه كويس ان الي بيعمله ده غلط !
ابو الطالب: كنت المفروض تعمل كده من زمان انت الي غافل عنه و مش عارف تربي ابنك كويس!
فؤاد اشدد غضبه و وصل لمرحلة الجنون
بس عاطف كان ماسكه كويس علشان ميعملش اي حاجه متهوره
عاطف: حضرتك شايف ايه الصح الي المفروض نعمله علشان نعوضك عن الغلط ده؟
ساعتها عاطف اشرله من جيبه على انه يديله فلوس بس انه يتنازل عن الموضوع ده
ابو الطالب فهم كويس و قال في نفسه انهم مجرد عيال صغيره مش لازم يكبر الموضوع
الموضوع ده مش هيكبره في حاجه بس الفلوس هتكبره
حد يقول للفلوس لاء ؟
ابو الطالب عمله إشاره بماشي
ابو الطالب: قول لابني أنا آسف
عاطف قرص فؤاد من ظهره على انه يقول كده
فؤاد: اسف
ابو الطالب طبطب على ابنه
ابو الطالب: خلاص يا ابني حصل خير قالك اسف سامحه
ابو الطالب: مامتك هتظبطك و تعالجك من الضرب الي ضربهولك
ابو الطالب: اوكي يا بابا ؟؟؟
الطالب: ماشي..
عاطف: نستأذنك احنا بقى يا ريس لازم نروح على البيت صح يا حبيبي؟
فؤاد هز ب اه
طلع عاطف و فؤاد و بعدين طلع ابو الطالب و الطالب على بره
المعلم فهمي أنصدم من التوافق الي حصل فجأة لدرجة انه عجز عن الكلام
ابو الطالب شاف عربية عاطف الغالية جدًا لدرجة انه كان هيتجن بنفسه
عاطف وقف و استنى ابو الطالب لحد لما يوصله
ابو الطالب اشر لابنه بانه يركب العربيه و وصل عند عاطف
عاطف: كام؟
ابو الطالب: ٥٠٠٠
عاطف: ده أنا اطخك اسهل
عاطف: متعملش فيها ياض الوحش و ابنه المسكين الكلام ده مش بيركب عليه
عاطف: ١٥٠٠
عاطف: هتقبل و لا اطخك؟؟؟
عاطف وراه المسدس الي في جيبه
ابو الطالب: خلاص تمام..
ابو الطالب اخد منه الفلوس و طار على عربيته و رجع عاطف و فؤاد على عربيتهم و مشوا
عاطف: عملت كده ليه؟
عاطف : انتق عملت كده ليه؟!
فؤاد: ..-..
عاطف: لو ماتكلمتش هحرمك من نعمة الكلام !
فؤاد: جاب سيرتكم
عاطف: ما يجيب و لا ينيل متتصرفش من دماغك اصلًا
عاطف: كام مره لازم اقولك اي حاجه تحصلك تسكت و متعملش حاجه يا زفت انت !
عاطف: مفيش من وراك غير المشاكل
عاطف: و ياريتك فالح في المدرسة ده أنا بدفعلهم علشان ينجحوك
فؤاد ملقاش حاجه يمتلكها غير السكوت
عاطف وقف على جمب بعربيته
عاطف: بره !!!!
فؤاد بكل برود : شكرًا
طلع بكل هدوء و قفل الباب
مشي وسابه وسط طريقه على البيت ..
فؤاد بص لفوق
على السماء
الي كلها ضوء الشمس
بس هو شافها غير..
السحاب عمال ينحرق من نار الشمس
من كتر الحرارة دموع عماله تنزل
مش هيعرف يرمش علشان دموعه ممكن تحرق رموشه من كتر حرارتها
عيونه المنصهره
بؤبؤ عينه الواسع
نزل راسه ببطء شديد
مش اول مره تحصله
و مش آخر مره تحصله..
كمل طريقه على البيت
و نفسه عماله تغني :
أنا أعيش داخل عالم الخيال الخاص بي
أطفال يصرخون في المهد
الألفاظ النابية
أرى العالم من خلال عيون مغطاة بالنار و الرماد
أشطب من سمع صراخي و شاهدني أبكي بالرماد..
دخل على البيت بعد شروق الشمس
على يمين عاطف و احلام بيلعبوا مع عواطف
و هما بيبصوله
و لا حتى طرف عين قادر يبصلهم فيها
دخل على أوضته و نام
<>
و بعد سنتين
من العذاب الداخلي
هياخد حريته اخيرًا
عواطف بقى عندها تلات سنين
فؤاد بقى عنده عشر سنين
هياخد حريته الي كان بيخططلها بأبشع طريقه الواحد ممكن يمر بيها
موته..
و هو لسه صاحي للدنيا
<>
عاطف: بشاري!!!
بشاري: نعم يا فندم!
عاطف: نفذ
بشاري برعب : حاضر يا فندم!
عاطف: عارف لو معجبتنيش هعمل ايه ؟
بشاري: قتلي..
عاطف: يلا!!!
بشاري راح علشان يدعوا كل الي يعرفوهم على عذاء فؤاد
كل حاجه كانت متجهزه
عاطف و احلام و حتى عواطف لبسوا الأسود
عاطف: مفيش حد هيوقفنا
احلام: كل الي المفروض نعمله
هما الاتنين في نفس الوقت: التمثيل
الكل جه بسرعه كبيره عليهم مش مصدقين اذاي يحصل حاجه ذي كده
امتى؟
اذاي؟
ليه؟
تساؤلات كتيره و محدش هيجاوب عليها غير..
كذبهم..
عاطف عمال يسلم على كل واحد يجي عليهم
:البقيه في حياتك
عاطف: حياتك الباقي..
الحزن الي متلبس وش عاطف و الناس كلها
بس الفرق ما بينهم ان حزن عاطف مخبي سعاده كبرى
و حزن الناس مالي و لا حاجه
في الجهه التانيه احلام و نفس الكلام معاها
جريمة من غير سلام..
مسكوا أيد بعض يسلموا على بعض
عاطف: انت جيت؟
عصام: عملت ايه في ابني ؟
عاطف: لسه فاكره دلوقتي
شد على أيديه
عصام: عملت..ايه..في..ابني!
عاطف: مقرأتش الرسالة و لا ايه؟
عصام: مش مصدقها..
عاطف: لو مش مصدقها روح شوفه في قبره
عاطف و هو بينزل في دموعه غصب عنها: كنت بشوفه و هو بيموت ببطء و مش قادر اعمله حاجه
عاطف: مرض السرطان ده طلع بشع اوي..
عاطف: بشوفه كله مره بينهد اكتر من التانيه و مش قادر أتصرف
عاطف بإستفزاز : قدر و لطف..
ساب ايده و دخل قعد مع الباقيه
احلام: هو انتي..
سمر: على الاقل مبقناش هنطربط مع بعض من هنا ورايح
احلام: مكنش يشرفني..
سلموا على بعض و دخلت لجوه
دموع احلام الي بتنزل محروقه على ابنها الميت
و من فوق كل ده..
فؤاد بيتفرج على جنازته من الشباك
شايف أمه و أبوه و تمثلهم
الي محدش يقدر يكتشفه غيره
و دموعه بتلف حوالين رقبته و تخنقه
و هي بخطوات صغيره و لطيفه و قصيره
تدخل أوضته
و تطلع فوق سريره و تاخد فلافي
تنز من على السرير و تقربله لحد ما وصلت عند رجليه
تخبط عليه براحه بأدها الصغيره
يلفلها و يشوف ضحكتها و امتساكها بفلافي
عاوزه تاخده ليها
فؤاد بضحكه تكسر القلب ممزوجه مع دموعه: ورثتيني بالحياه كمان..
ضحكت و قعدت تتنطنط بكل لطافتها
بتناديه بأسم واحد بس:
بودي ! بودي!
مشيت و سابته علشان تروح تلعب بفلافي
و هو بيشوف النار بتنشعل قدامه
ميعرفش امتى هطنطفي
و لا امتى الخشب هيتحول لرماد
بعد ما تمت الجنازه راحوا ناموا
جاب شنطته و لم كل حاجه يقدر يخليها ليه
لم حاجته و قفل شنطته
وقف يشوف الباب الي يمكن ميشفهوش في حياته تاني
فتحه و شاف نور بدر القمر مستنيه علشان يوصله على الطريق
و بخطواتها المتعجرفه توصله
عواطف: بودي! بودي!
بيدها فلافي و أيدها التانيه ماسكه بنطلونه
فك إدها عنه و بصلها
فؤاد: بودي هيرجعلك
مشي و قفل الباب وراه و هو بيمشي ورى القمر
خدت الورقة الي على الأرض و راحت على سريرها و نامت
صحيوا لقوا الورقة عليها
مكتوب عليها :
سلام
-بودي
فهموا هو كان قصده ايه
و بعكس اي ام و اب ممكن طبيعي يعملوه
عاطف و احلام نجحوا و قاعدوا يرقصوا على فرحتهم لأنهم أخيرًا حققوا هدف من أهدفهم
..