اريانا: شنو مات شبيج نورسين مضروبه على عقلج
نورسين ببكاء: راح وبعد ميرجع
اياز: واكفه اباوع عليهن وهنه يبجن بصراخ ابد محزنانه
اريانا:بس اريد استوعب الصار ماكو احس عقلي راح يوكف كام ميجمع كمت ابجي واي واحد يحجي ويايه اخواتي اخويه أبويه
مارد عليه بس صافنه لحد ماجت مكالمه لأبويه صحتني على واقعي الأليم اي صحيح ماجان حلم بوقتها مر شريط حياتي ويه جدو كدامي سريع طلعاتنه ضحكاتنه اكلنه شلون يدافعلي الوقت الي اجه يمنه بي من سوة العمليه جنه اني و نورسين اكثر
ثنين متعلقين بجدو لدرجه اني و نورسين اجلنه هاي السنه بس كعدنه نقره بالبيت لأن رحنه وياه للعمليه سوه جدو عمليه بالهند (عمليه تبديل شراين )وجانت نسبه النجاح (5بالميه) خفنا اني نورسين ورحنه ويه جدو وره مارجعنه شدلنا دورات و هوه ساعدنه يقرينه بالبيت يراجعلنه فززني من صفنتي خالي يحيى يصيح ويكول جيب نورسين واريانا راح يشيلون الجنازه
(مات ذلك الرجل صائماً مصلياً تاركاً كل ملذات الدنيا تاركاً حفيداته بحزن كبير خلفه تاركاً ناس خلفه فرحه بشماته لتحقق مبتغاها بموته المفتعل)
طلعنه بالطريق والحماية محاوطتنه من كل مكان كل وحده من عدنه يمشي وراها واحد انداريت عليهم من العصبيه
اريانا: منصور
منصور:اتفضلي ست امريني تريدين بطل مي حسين ابره السكر
اريانا: اوكف اوكف كلشي ماريد بس احنا رايحين لجنازه مو للمول رجاءً اوكفو هنا
منصور:اسفين ست منكدر نعوفكم هاي تعليمات استاذ أباذر
اريانا بعصبيه وقله حيله: تمام
صاروا علينا الحراس مثل الدائره وطببونه بنص إلزلم لأن جانت الفاتحه بالبيت الي بصفه جانت فاتحه كلش ضخمه بالرغم انو جانوا الحراس محاوطينه لكن ماحس إلى انشاليت لكيته عبدالله
اريانا: عبدالله جدو
كلتها بصوت متقطع ومتشحرج من البجي وبجيت وشهكت شهكه أحسها شكت صدري ضمني عبدالله لحضنه اكثر يدري بيه ماحب واحد يشوفني ابجي بعدته عني ونزلت انداريت اريد اطلع للبيت انتبهت لشخص لابس دشداشه سوده وشماغ اسود ملفوف بطريقه احترافيه والشمس ضاربه على عيونه الخضر
اريانا : انور!!
انور: اي بويه هذا اني عظم الله اجرج هم السابقون ونحن اللاحقون هي هاي سنه الحياة
اريانا:بجيت أكثر ودخلت للبيت واول كلمه اسمعها
تاليا:بويه كوم النومه مو الك بويهه
فردوس: راح يغطي التراب وجهك الحلو كوم بويه كوم ولك يأبه
اريانا: لا لا تغطين وجه وخري
دفعت ايد بيبيتي بدعه
اريانا: لا وخري كتلج جدو جدو اكعد حباب جدوو عطت بصوت عالي قطع احبالي الصوتيه اجتي شيرين تركض
شيرين: كمريه حبابه كعدي جدو عليج الله هو يحبج اكثر وحده كعدي لج شبيج صافنه كعدي
اريانا:ماراح اكعده تدرين ليش لأن هو مميت اصلا شو وخري جدو كوم حباب جدو
شبكته ونمت بصفه وهنه تكابلن وكامن يلطمن اني اباوع عليهن كمت طلعت لأنور
تذكرت بيوم ردنه نطلع من الحديقه وره مسلمت على ريتاج كال اي شي تحتاجي اني بالخدمه كتله اي شي اطلبه جانت الشقه رد عليه حته لو جانت نجمه من السمه اجيبها الج رحتله اركض جان واكف يحجي ويه ابو ويمه الحمايه مالتنه ويمكن همه هم جايبين حمايه وراها راح يم جادر الزلم
اريانا: انور تذكر بيوم كتلي لو تردين نجمه من السما اجيبها الج اريد اطلب منك طلبك
انور:ول يغضب شلون تطلعين مفرعه بين الزلم نزع غترته وغطه بيها جتوفي
انور: كولي يول شنهو طلبج
اريانا: يعني بعدك بوعدك الي
انور:يول اني ابن دليم مارجع بوعدي لو شما يصير
اريانا:رجعلي جدو
انور:صفنت بطلبها الي مايكدرله احد
اريانا بترقب لجواب انور الي هو أملها الوحيد اكيد راح تكولون اريانا صغيره ومتعرف شنو معنى موت لا بالعكس اريانا جانت طفله عقلها اكبر من عدها بس جانت توهم بنفسها انو اكو امل جدها يعيش
اريانا:ها انور شكلت
انور:ماكدر طلبج مايكدرله غير الباري
اريانا:عرفت راح يكون هذا جوابك كلكم جذابين
بعدته من كدامي ورحت لجوه كعدت استوعب اني ليش طلبت هذا الطلب نفضت الافكار من راسي ورحت اطب للاستقبال ويه طبتي طبن نورسين وشيرين وفلورا فتح جدو عيونه ثنينهن وغمض بساع بس الي منتبه ع وجه شاف الحركه ضج المكان وتعالت الاصوات لحد ماسكتتهن الملايه وكالت المرحوم باوع ع الباب وفتح عينه يعني طب شخص عزيز علي اندارت علينه وجنت اني بالبدايه ورأيه البنات ابتسمت ابتسامه خفيفه وكالت هلا بحفيدات استاذ تركي الظاهر انتن حيل عزيزات ع المرحوم ركضت لجدو كلتلهم
اريانا: ها مو كتلكم جدو عايش دغيته جدو ميرد تخبلت كمت عيطت ملخت شعري لحد ما وكعت بالكاع وحاوطني الظلام واخير شي اسمعه عيطت مريه واكفه بالباب ماعرفها بس شكلها جان مألوف وتحجي ويه ولد من شافتني وكعت استنجدت بالولد وكالت بصوت عالي
ميرنا:ولك يمه انور الحكني البنيه وكعت علينا
انور
انور:واكف احجي ويه امي وماسمع بس عيطت بنيه تخبلت ملخت شعرها عيطت عرفتها اريانا لأن جنت واكف بالباب ردت اطب الزمها بس امي منعتني سمعنا طبه قويه اندارت امي وعاطت
ميرنا:ولك يمه انور الحكني البنيه وكعت علينا
انور:طبيت اركض حطيتها بحضني اضرب على خدها بخفه صاحت اختها دارين
دارين:هيه بيها سكر نجيب أبرتها
انور بصدمه ويهز رأسه هزات متتاليه:اي اي بساع جيبوها ضربتها الابره بدت شويه شويه ترجع لوعيها كبل فزت وكفت على حيلها باوعت ع المكان داير مدايرها نزلت راسها للكاع نزلت ع ركبها وهزت راسها بخيبه وكالت بصوت خلت كل الي كاعدين بالمكان يشفقون عليها
اريانا:جدو كسرت ظهري ولك جدو البارحه توسلوا بيه اجيك ورفضت يابويه ماشبكتك ولا شميت عطرك كل مره تنومني على صدرك اسمع صوت دكات كلبك وانزعج منها صدكني بعد ماضوج والله بس ارجع خلص ولا اكل حلويات من وراك وعد بس اكعد جدو أنته مو متحب ابقى متندمه على شي جدو ندمانه بكد شعر راسي لأن ماجيتك الله ياخذني
راحت بوست وجه كله شبكته شالت أيده تبوسها نزلتها وخلت راسها على صدره مكان النبض وكالت
اريانا:هاجدو مو اتفقنا راح ترجع جدو ضلت تندس بي
بس اكيد ماكو اي استجابه طبو زلم كالو يريدون يشيلون الجنازه سحبت مكص اريانا موجود على ميز من الصور عرفته ميز جدها(الله يرحمه)حطته يم ركبتها طفرت عليها اني وولد ثاني دائما جنت اشوفه موجود قريب عليها مادري ليش روحي فرفحت عليها انتبهت علينا وكالت اذبح روحي وخروا محد يشيل جدو اجوي فلورا وشيرين يمها وايدو رأيها تمشيت من وراها وقيدتها بحضني صار ظهرها على صدري تقدم الولد الثاني سحب المكص من أيدها شالو التابوت وصلوا لباب الحوش فلتت اريانا من ايدي ركضت وراهم حطو التابوت فوك السياره راحت جلبت بالسياره وتبجي اجه الولد سحبها سكتت فجاءه استغربت سكوتها المفاجئ طببوا النسوان جوه هيه بقت بره ظليت اتابعها وين تروح راحت لبيبيتها رفعت شعرها كالت
اريانا:شنو سبب الوفاه كالتلها بيبيتها
بدعه:والله يمه كعد الساعه بالسته الصبح يتلوه
نزلت دمعتها وكالت
اريانا:كملي بيبي كالت
بدعه: مو تدرين اختج اياز تعرف صديقتها دكتورات خابرتها ودلتني على دكتوره رحنه ع السريع ضرب ابره ورجعنه كالي جوعان و
مالحكت تكمل الكلمه بسبب سؤال اريانا الها بترقب وعيون مدمعه
اريانا:لا تكولين مات قبل لا ياكل
هزت بيبيتها راسها مأيده كلامها حرفياً اكدر اكول تخبلت بهاي اللحظه ضربت على رأسها ضربت الحايط كسرت المواعين وكلاصات ألمي رجعت بسرعه يم بيبيتها وكالت
اريانا:كملي بيبي بسرعه
بدعه:وراها طب يسبح سمعت طبه قويه رحت اركض لكيته مدد والكاع كلها دم اخير شي كاله
تركي:بوسيلي اريانا وشبكيها وكليلها لا تعب عيونها الحلوه بالبجي
بدعه:وراها كبل كام يطلع دم من حلكه وخشمه ونزلت ماده بيضه من عينه وتشاهد
تركي:اشهد أن لا إله إلا الله وأشهد أن محمدًا رسول الله واشهد أن علياً ولي الله ومات
كامت اريانا تركض على (Her personal protection)
الترجمه:حمايتها الشخصيه
منصور،مهاب،تركي،هشام
صاحت بصوت بي بحه بكاء:تركي تعال حضر السياره بساع للنجف اريد اوصل قبل الجنازه بدون كلام رجاءً صارو سيارتين كل سياره بيها ثنين وحده صعدت بيها هيه كبل فتحت الباب وصعدت يمها مشت السياره وهيه مامهتمه لوجودي كلساع تسرع بالسايق حسيت السياره ماتمشي ع الكاع طايره دك نقالها جان المتصل اسم عبدو جانت صورتها ويه الولد الي جان وين متروح وراها ردت وجنت اسمع حجيهم لأن النقال صوته عالي واني كاعد بصفها
أنت تقرأ
ليـــالي ألأنــتــقام 6:00
Fiksi Umumوٌقُفُتٌ آمًآمًهّ وٌقُآلَتٌ بًصّوٌتٌ عٌرآقُيَ بًحًتٌ مًرتٌجّفُ ...آلَآ آنِشُفُ مًآيَ آصّآبًيَعٌکْ وٌآخِلَيَهّآ آتٌرآعٌشُ... آعٌلَهّ بًآبًيَ آلَآ آضوٌکْکْ ذِلَهّ آلَمًلَآجّ مًنِ يَصّيَر رآعٌيَ آلَآ آخِلَيَکْ بًمًکْآنِ آلَمًآلَهّ دٍآعٌ...
