ليـــالي ألأنــتــقام 6:00

المحطه التاسعه✨

بسم الله الرحمن الرحيم
…وٌشُتٌمًيَتٌ عٌطِرجّ
بًعٌدٍ مًآچآنِ ثًلَثًيَنِ 
آلَهّوٌهّ آلَآشُتٌمًهّ دٍخِآنِ …

آنِوٌر
انور: وكع التلفون من ايد اريانا ونزلت دمعتها تقربت اخذت التلفون وحجيت ويه الرجال حجيه جان صاعقه تنزل على عائلته اباوع عليهم كلهم يريدوني انطق باوعت على اريانا الي فاقده ظليت صافن مادري شسوي سديت الخط واتشكرت من الرجال وظميت تلفون اريانا بجيب الدشداشه باوعت على دارين كتلها واني مدنگ راسي :ماكو شي ام بيان لايظل بالج بس صديقه اريانا متوفيه
ظلو مصدومين ماكد اباوع بوجهم  عفتهم وانداريت على اريانا گومتها واخواتها صافنات عليها لأن رفضت تجي اي وحده يمها وبس كومتها اني ظمت راسها بحظني ورفعت راسها كالت بهمس اريانا: مات مو احجي بس تره اخويه ميموت والله ميموت هوه يحبني اني اذيته بكلامي اني كتله روح اني حقيره بست عينه وبوست العين فراگ انور سوي شي حباب ظلت تحجي واني اسكت بيها واهدئها لحد ما دگ تلفونها بجيبي طلعته لگيت مكتوب عزيزي بس قرت الاسم سحبته وردت: الو الو عزيز ؟؟ عزيز عايش انور هذا عزيز
عزيز: ريانتي حبيبتي لاتصدكون اي واحد يحجي من ذاك تلفوني او يخابركم يگول تعالو استلموا التلفون لأن انباگ لا يظل بالج انه بخير وهسه رايح لشقتي اريانا: عزيز امشيه عليك الكفل زينب تجي وتطمنني اني وحده ادبسزز وكتلك روح بعد لاتروح اني اطلع وانته ابقه حباب كامت تبجي بصوت عالي وتشهگ وتحمد ربها طلع الخبر جذب
عزيز: بس اهدي بويه جايج وداعت عيونج جاي بس اهدي بويه والله جاي بس لاتشهگين خر* بيك من سايق وخر ابن الكلب جايج نظر عيني يله باعي هسه بقي الخط مفتوح وروحي للمطبخ وحطي التلفون يمج ونزعي الجفوف والتول والكعب وغسلي اطرافج بمي بارد  
انور: هيه تمشي واحنه نمشي وراها ونسمع حجيه لان فاتحه سبيكر رحتلها فتحتلها كعبها ونزعتها التول والجفوف وغسلت الها بمي بارد وانطيتها منشفه هزت راسها بالنفي كالت دارين: انطيها كلينس متمسح وجهها بمنشفه نورسين شغلي المروحه انور: ظلينه نحجي وهي ساكته بحظني على بروده الجو نامت بحظني جابت اياز غطا خفيف وغطتها وقللت اضويه جدهم باسها وهيه نايمه ماحست عليه بس حركت وجها عاقده حواجبها من لحيته ابتسم وراح ودع حور وزوجها وراح يرتاح وامهم وابوهم نفس الشي اما امي وابويه راحوا لبيت عمي عمر همه وريتاج بقوا بس الولد و دارين منسمع منها بس الشهگات المكتومه بحظن غياث وحور بحظن عز وعلي يفرك بوجها اخير شي عاط بصوت يفزز الميت بكبره: ادبسزيات كل وحده حاظنه رجلها اني اشدلي گرون لو شنو الموضوع چا انه شسوي گاعد طاگاتني الجفاف والغيره بنات الكلب تعالن يمي عوفن رجولتجن  كال وهوه يأشر على اياز ونورسين وانتن الاثنين اذا تزوجتن اخخخخ
دارين: علي يمه اني مشموله بهذا الحجي  علي: لايمه محشومه اكيد مويمج  انتي على راسي
عز: وشگد تريد تحظنهن سنه شهر اسبوع بس يبقن طول العمر بحظن رجلهن
شال علي الكوشات وركع عز وغياث وانور
غياث: كلب راح اگوملك شارب شي بله اجت بدارين اما عز مبتسم بأستفزاز
حور: كوشت انور اجت بأريانا الي وجهه اصفر من صيحت علي لان صاح بصوت عالي وهيه نايمه فزت بساع خافت ولمن اجت الكوشه بيها صحتها على زمانها اندارت تباوع  علينا كالعاده اول ماتكعد فاقده الذاكره: منو انتو؟
انور: شنهو يول عاد هاي الناقصه كوشه تفقدج الذاكره بويه كلنه ترفه بس مو الهاي الدرجه يول
علي: انجب لك شنو تكلها ترفه يمي
دارين: انور حبيبي
غياث: حبيبي! علاوي من يمك كرنين ولج بويه لاتظلين تكولين للرايح والجاي حبيبي مو خبلتيني
دارين: يووو حبيبي شبيك  اوييييي لاتصير غيور
لطم غياث على وجهه وكال: عليج الله حبيبتي خلصنا من حبيبي طلعت الاوي
كلبت عيونها بضجر وگالت: اوك بعد ماحجي شي
اياز: رجعت لحظنه وهوه يلعب بشعرها اما عز وحور ذوله مامنتبهين ع الحجي كله عز يهمس لحور وهيه تبتسم وخدودها يوردن بخجل وهيه بحظنه وكامش ايدها وكل ساع بايسها اما نورسين بحظن علي  واريانا صافنه عليهم
البتار: الو يابه عش الخط مشكل يمها يووو اريانا هاي شبيها
اريانا: انته منو بس لا انته ابويه خاب دطيررر
البتار: هسه دكولي اخوج زوجج ابن عمج ابن خالج كبل طفرتي على ابوج
صعدت اريانا عافتهم يقلدون على باتر وشويه ونزلت لابسه لبس طلعه مريح ومستور هزت راسها دارين برضا وابتسمت الها وهيه ردت الها الابتسامه
انور: نزلت اريانا لابس بنطرون وقميص قماش ورديات والقميص مفتوح وجوا بلوز ابيض وبوتين ابيض وشعرها مفتوح بس قصير كل ما اشوفه ينخمش كلبي وين جان قبل يخط وراها  وهسه وين كعدت كدام دارين ظفرتلها شعرها وطلت من جنطه الظهر مالتها عطر بخت على نفسها غمضت عيوني مستنشق عطرها اجت كدامي بأبتسامه خفيفه وكالت: حُر اريد تلفوني
انطيتها التلفون واني مبتسم كعدت نزعته الكڤر الي ملبسته اله وحطت كڤر شفاف وطلعت اربع صور وحده الها هيه وجدها والثانيه هيه واخواتها والثالثه هيه واخوانها والرابعه هيه وجلنار وبيان
رفعت راسها باوعتلي ومثل الي تذكرت شي شاورت شيرين الي كامت شويه ورجعت بيدها صوره خامسه النه اني وياها ولزكتهن ع الكڤر وشالته باوعت علي برضا فتحت ايدي الها اجت كعدت يمي كتلها: شكرا
اريانا: عفوا اني راح اروح لعلي
هزيت راسي وهيه كامت راحت لحظن علي صار المكان هدوء رفعت راسها اريانا وكالت
اريانا: وين جلنار وبيان
حور: جلنار نايمه
دارين: وبيان يم بيت جدها
انفتح الباب وطب عزيز بنطرونه النيلي مترب وعيونه حمر وجان لابس قميص سمائي صاير كله دم شهكت اريانا وركضت اله راحن حور واياز يركضن يبجن نورسين راحت كومت دارين وراحت يمه كلهم التموا عليه يريدون يسألون شبي لو يعرفون مايكدرن يحجن من البجي رفع عزيز ايدي ضم اريانا ودارين لحظنه وكال
عزيز: يابه بس اهدو مابيه شي والله بس صديقي اتصاوب واني نقلته للمستشفى ووراها
كمل بغصه: توفه ورحت دفنته
علي: منو؟!
عزيز: السيد
اريانا: شنووو
كلهم اندارو لنورسين وهيه تهز راسها بالرفض لحد ماوكعت لحك عليها سلطان ماخلاها توكع بالكاع وداها ع القنفه
عزيز: نورسين كعدي مو سيد حسين ولج سيد احمد صاحبي كعدي ولج لايطلع ابويه
اريانا: شنو تقصد سيد احمد قصدك صديق سيد احمد مو
عزيز: لا هوه
اريانا: لا لاا هوه البارحي خابرني عزمني عزيز عزمني گال ولچ گمريه خذيت الاحبها انطوه فاطمه انطوه حبيبته لا ميعوفهااا حباب كول غلط كول جذب اتشاقه
انور: جريتها لحظني وهيه سكتت بس دموعها تنزل بهدوء
صارت هوسه بين ماكعدت نورسين وعزيز وعلي ودعو حور وعز واريانا الي تبجي وطلعوا لفاتحه الولد صديقهم واياز اجت همين سلمت ع البنات ونورسين هم حته نروح لان تأخرنا صارت دنيا المغرب
اريانا
اريانا: يمه حبيبتي لاتبجين اني ماتأخر بس خلي حور تعبر الاشهر الاولي واجيج صدكيني وهيه همين تجي واني اجي وياها ماطول عطله يامي ياعزيزتي لاتبجين
دارين: يمه حبيبتي انتي شلون مابجي وانتي عزيزه گلبي وبنيتي وصغيرونتي وبزر گعده بيت اباذر
ظلت تحجي ويه اريانا هواي حجي كلامها كله حنيه واخير شي رفعت راسها الي وگالت: اخذتها مني انور وانته اليوم عقدت عليها لعد شلون من تزوجون؟!
كالت اريانا بطريقه مداعبه تدخل الفرح والسرور لقلب امها بكلامها الايجابي: ابد لتغارين همه هواي وانتِ هواي غيرج ماكو واحد يستوطن الكلب انتي وجلناره
حظنها غياث وكال: بابا ريانتي اني اسف اني ابو موزين بس صدكيني يجي يوم وتسامحيني لان مامنعت عزيز منج تعرفين السبب بعدين بس لاتشيلين بكلبج عليه انه ربيتج بحسبه بتي وماصعبها لمن البت تنفر من ابوها ورده ابوج تروحين وتجين بألف سلامه
باست اريانا جتفه لأن متوصل لراسه وحظنته قوي وكالت: يابه ولايوم بحياتي شلت بگلبي عليك
بلسم: بس انه تشيلين بگلبج عليه
ردت وهيه بعدها بحظن غياث
اريانا: يشهد عليه الله وملائكته مابيوم شلت بكلبي على واحد من اعزاز گلبي ولا ضجت اما انته بويه تمون عليه ولو انه ردت اختل بضهرك بس بعد هذا الصار بس وحگ الگصو جفوفه غدر ماشايله عليك بگلبي وهسه انه اكره هاي الفقره لازم تراضوني قبل لا اروح لو اروح زعلانه غياثث: امري بويه عيوني الج انتي وامج اريانا: اريد تشيلني وتفرني و قوي وقربت راسها تريد توصل ماكدرت همهمت بملل وسحبت ايده وراحت للكرويته علمود توصل لأذنه شاورته وهيه مبتسمه بدلع وغنج: ها دادي وهسه شنو ها اليوم كلت كلمه انته كلش تحبها ولازم تكافئني عليها ترههه غياث: وشني هيه بويه مو انه فلست  اريانا: مو كتلك ذيج الساع بويه مو داديي البتار: خاب اذا كل مانكول بويه نحصل مكافئه جان انه هسه عندي بليون مليار وعلي
اريانا: يوو اسكت يله دادي حباب حباب بداعه ماما عليك الله
ظل ساكت لحد ما طكت روحها ونزلت من الكرويته وكالت: اني الك غياث اله اگول لدارين الاسبوع الفات منو جانت نايمه بحظنك تره ها وما اكلها اني حته متصدكك واكولك احلف مانامت وحده بحظنك وهيج نتصافه
اولل ماخلصت كلام كلنه انفجرنه بالضحك راح غياث باسها وراضاها وهيه تتدلع علي وخصرها سطرني سطر لو وجهااا لو دلعها لو كلامهاا اخ منج على هالجمال باست خده وحركت شعرها بغروركال الها البتار
بتار: والله شعرج من جان طويل احلا
اندارت علي وگالت بكل جديه
اريانا: تروح ويايه
بتار: وين؟
اريانا:ندور على الي طلب رأيك
سلطان: بوممممم هههههه واخيرا شفناك متفشل عاشت ايدج مرت اخويه
ابتسمت: بالخدمه بروذر دادي يله
هز راسه واندر لعز: اسمع لك تشغل الها اغاني بالطريق وحلوياتها متنكطع وكلشي تريده حاظر
اريانا: غيوثي بس موهذا طلبي!
غياث: اي بويه خليني اكمل اسمع لك عزوز سمطت جد جدي تريد تركب حصان هناك تره بالكوه قنعتها تريد تاخذ حصانها بسياره حمل
باتر: طي*** احسن خايبه غير اول مانوصل للانبار يطكوج بعفطه انتي وحصانج عود اصعدي على ظهر انور وطربكي يبووو كام يخزر اقصد حصان انور شبيك متعصب
ابتسمنه كال عز: يابه مو تدلل انته وبتك شلون عائله عفطيه اندارت علي حور تباوعله بنظرت تهديد
عز: ههههه اتشاقه حشاج خويه دارين يله مو استلك جدي
اريانا: اوكف عزوز بس بعدني مانزله جنطتي
عز: واتتتتتتتت مو ستوني نزلت جنطه سفر جبيره وثنين وسط ووحده مال ظهر وين احطها هاي بالكرسي مالتي رحمه لربج
انور: بس لاتدك وتلطم الله لايعوزها الك اني اشيلها هيه وجنطها بسيارتي
برطمت شفايفها بزعل اريانا: ماااا حر اريد حمامه
انور: اي ناخذها ويانه مو مشكله محد ويانه بس اني وياج وهيه ليوره
هزت راسها بفرح ودزتله بوسه بالهوه
اريانا: ماحس بالكفخات منين تجيني اويي شبيكم تره بالغلط
رحت لسياره عز بعد ماودعتهم للمره المليون شلت فراش حمامه وفرشته بالكشن الوره مال سياره انور هوه جواها لحاف طبقات علمود ظهرها ميتأذه ومخده وغطه وسدينه الجامات من الشمس وانطيتها تلفوني وكعدتها بمكانها وسديت البيبان وصعدت رجعت راسي ع الكشن براحه وصعد انور اول ماطبك الباب وعدل كعدته سحب ايدي وباسها حسيت شعور مثل الكهرباء بجسمي ابتسمت لا ارادياً وميلت راسي هوه همين قابلني بابتسامه جانبيه وكال: اروحن فدوه للغمازات
شويه ووكفنه يم الاسواق عقدت حواجبي باستغراب لمن نزل
شويه ورجع بيده علاكتين حلويات حط وحده بحظن جلنار ووحده بحظني وكال
انور: شوفو شنو متحبو حته ابدله يله عزيزاتي
جلنار: شكرا عمو حر كلش شكرا بس هاي هواي واني ميصير اكل حلويات
اريانا: غمضت عيوني امنع دموعي تنزل كلت لانور رجع حلويات جلنار بس بدلهن باشياء مابيهن قمح وككو او حليب ومنتوجاته
انور: جا شني هيه البنيه شتاكل كمريه عليج العباس انتِ كتيلها لاتاخذين
اريانا: مسحت دموعي النزلت وكلت لا وعيونها كلشي مگلت بس هيه ممنوعه منه لان مريضه لا موز ولاتتفاح ولا اي شي
انور: هاهيه گمريتي لاتبجين وانتي حبيبتي تعالي اشتري شتردين تعاي يبعد عمج
اريانا: عبرتها لانور وراحوا لان هيه تعرف مرضها والاشياء المسموحه تاكلها فزيت ومسحت دموعي من البجي لمن انفتح بابي وباب السايق من يمي عز وباتر وسلطان سوه من يم باب انور
اريانا وهيه تمسح بدموعها: يمهه جفلتوني شكو شبيكم
سحبني عز لحظنه: شبيج ريانه ليش وكفتو ليش تبجين
اريانا: ماكو شي انور نزل يجيب حلويات واني طب بعيوني تراب
باتر: كل هذا البجي من تراب شبيج خويه
مد عز راسه لمكان جلنار ورجع باوع للعلاكه الي بحظني وكال: جاب حلويات لجلنار ورفضت تاكل وبجيتي مو
هزيت راسي بالنفي جلنار امعائها مريضه ممنوعه من هواي اكلات وهيه مقتنعه بهذا الشي بس الي يقهرني لمن اباوع ع اليوتيوب مالتها والكاها باحثه عن مرضها وشوكت تطيب لو تباوع ع الجهال ياكلون الاشياء لي هيه ممنوعه منهن هواي مواقف خاسفه كلبي خسف انقهر عليها لان احس بيها من عمري خمس سنوات انمنعت من كل انواع الحلويات بسبب السكر رجعت لواقعي وكلت الهم: امشو صعدو شبيكم جان دكيتو عليه وارد عليكم يله روحو لتجي حمامه وتنخلس منكم يله روحو شبيك ابو حمامه وعيون امي مابيه شي شي تدري عيوني تتحسس
راحوا واجه انور وجلنار يضحكون لحد ماوكفو وهيه شاورته وهوه هز راسه بالموافقه واشر الها على حور الي تباوع عليهم من جامه سيارتهم مبتسمه وهيه باوعت وهوه رفعها ليفوك وهي شهكت ووراها سنكرت من الضحك  رجعو صعدوا ومشينه لحد ماقربنا ندخل للانبار انتبهت لجلنار نايمه والشمس صايره على عينها شلت الشال مال امي دارين الي جنت شايلته بايدي وحطيته كدامها  بالمكان الي بيني وبين انور وهوه انتبه عليه وكف السياره انداريت باستغراب نزل فتح برده تفصلنا كراسينا عن جلنار ابتسمت لاهتمامه وهمه همين وكفو اول ماصعد انور دك تلفوني وتلفونه فتحنه خط سوه اني حور وهوه امينه
حور: شكو ليش وكفتوا
امينه: شكو ليش وكفتوا
باوعنه واحد ع الثاني وضحكنا هوه سكت ورد على امينه بس اني سنكرت من الضحك وحور تصيح:  شكد تافهه
كمت حتى حجي ماكدر احجي من الضحك هوه رد على حور ومبتسم على ضحكتي
انور: خبال
اريانا: اخ يمه بطني يله حر اني راح نام تصبح على وجهي اويي شنو هاي معجبني الكرسي يوجع ركبتي
كمش راسي وحطه على جتفه ابتسمت ونمت ابد ماتضايقت وماحسيت بي حرك ايده لحد ما كعدت على بوسه براسي رفعت راسي
اريانا: منو انته ومنو اني
انور: ههه اعرفلج نفسي اني انور الدليمي خاطب وحده بغداديه شاله حالي بدلعها وكلامها العسل اسمها اريانا
ظليت صافنه بعدين استوعبت وكتله اريانا: حُري
انور: عيونه الخضر
نزلنا من السياره واني رحت لبيت  اول مانامت حور وعز طلع كال اتأخر مارجع لبسنا اني وجلنار تراكات قصيره وشدينه شعرنه وابتسمنه بانتصار نزلت الديجي وجبنا سماعات وشغلنه قران بصوت هادئ باذن حور وطلعنه وسدينه الباب جابت جلنار الصونده وبدينه نغسل لان صار الهم هواي ماجاين لبيتهم  بدينه نغسل ووحده تبلل الثانيه لحد ماشتغلت الاغنيه الي نحبها وحده ندارت ع الثانيه اني امسح وهيه واكفه ع الكاونتر وترش وبس بدت الاغنيه كل ماتغني ترش عليه واني حاطه اديه على خصري واركص خفيف
اريانا: شليش لاتخبصني
جلنار: حلكك شده بقراصه
اريانا: هوه انته سته وخمسين واهلك كلهم قفاصه
جلنار: اشطح ولك عتوكي هوه انته اكبر بوخه تره كله وحده سبوعين راسك يظل بي دوخه
انركع الباب وكبل ريتاج طبت تركص وتغني: تندك بصاحب دعبول اليوم اسويها علاسه انه التعارك وياه سبع خياطات براسه
باتر: كافي لصم يالارنب ماسامع بعلولي هوه انته كلك شبرين تتمنه تصير بطولي
امينه: ياجمعه سد الموضوع ياشليش اهده شويه ارد اشتري ست طيور ومعوز الف وميه
اول ماخلصت الاغنيه ضحكت اريانا ضحكه من كل كلبها وشالت جلنار وفرتها وهيه مبتسمه
انور: من طبينه ريتاج وباتر الخفيفين كبل كامو يركصون وهيه مستغربه بس بعدين اندمجت وياهم ومامنتبها لوجودي هدومها مبلله لابسه تراك اسود وشاده شعرها كبه بدت توزع مي لحد مارادت تنطي لأمينه وشافتني بصفها شهكت وكالت: حر
انور: اي عيني شليش انه حر بشحمه ولحمه يله بويه اني طالع بس ردت اطمن عليكم يله اروح بعد طلعت ونسيت تلفوني بيد امينه رجعت اخذه اول ماطبيت انعادت الاغنيه على مقطع السرسريه اجو ووصلو الابيه والذيب لمن يجي تتطفر الواويه باوعت عليهم انفجرو بالضحك وهيه وجها صار احمر بالكوه كتمت ضحكتها وراحت طفت الديجي واجت صاح باتر: السرسريه اجوو
وهيه انفجرت بضحكه الرقااصات وانحل شعرها لان جانت تركص رجعت لمته بسرعه رحت سحلت باتر من ياخته وراي واخذت تلفوني
باتر: گمريه حبابه نقذيني
اربانا: انور حباب عوفه خطيه لخاطري
انور: امشي لك ارجع هاي الخاطرها اشطح
اريانا: انورر هاي مو كتلك لخاطري ليش هيج عتيته خطيه باع وجهه صار احمر زعلت منك
انور: اسف بويه  لاتضوجين وتكدرين خاطرج تعال لك كلب ضجت تأذيت
باتر: لا مابيه شي بس اگلك عود انته ليش ماخذ خاوه منو الجبير
انور: انته
باتر: جا اخو الكلب ليش ماتحترم
انور: انجب وامشي خل نطلع اريدك بشغله يله خلي نولي
باتر: يله
امينه: طلعوا الولد واحنه كملنه تنظيف ويه اريانا وهيه همين ماقصرت صح احنا ساعدناها بس نص عليها وربع علينا اني وريتاج واحنا كعدنا طبت للحمام سبحت جلنار وبدلت الها وشسورت شعرها وعطرتها وصعدتها نومتها ورجعت كامت بخرت البيت وبدت تحضر العشه وحظرت السفره وراحت سبحت ومن رجعت تعذرت من عدنه لان عافتنه وصعدتنه لغرفتها غصبا ماعلينه سبحنا اني وريتاج واخذنا هدوم من عدها ونزلنا جوه كعدت اختها وبس طلعت من غرفه اختها اجه زوج اختها اول ماشافنه دنگ راسه وفتح ايده لاريانا الي گايده ايد جلنار الي جلبت بيها هدت ايد جلنار وخلتها تروح لابوها وهوه باسها وشبكها وفتح ايده الثانيه لاريانا: عفيه ببنيتي النادره عاشت ايدج بس ليش متعب روحج جان خابرت وحده تنضف
اريانا: لا عز عليمن اني موجوده والبنات ماقصرن اجن ويايه والبيت مو حيل وصخ واعرف حور اذا كعدت تخلينه ننام وانته تطلع وتنضف
عز: يعني نفس مانتي سويتي
اريانا: بالضبط اني راح اروح احظر العصاير اكعد ارتاح باع وجهك شصاير بي يله اكعد
نزلت اريانا كعدت على ركبها وحجت ويه جلنار: حبيبتي حمامه مثل ماتفقنه سر اوكي يله روحي لبابا دوسي اله
راحت اريانا ردنا نروح ماقبلت لاهيه ولا عز طلعت اختها مغسله ومبدله وكالت: السلام عليكم هلا عز شلونك حبيبي هسه راح اسوي عشه ماتأخر بس الدوه بي منوم وماحسيت ع نفسي
مدت راسها اريانا من المطبخ: كعدي حور حبيبتي امينه طبخت واني ساعدتها ومكملين كلشي خلي يرتاح عز وناكل
حور:  شكرا امينه وانتي رتوجه همين شكرا حبيباتي  ريانه ليش طبختوا ليش ماكعدتوني واكيد انتي منضفه مو؟
اريانا: لامو اني هاي عز جاب بنيه مو كتلكم ماساعدكم بشي بسبب كلام علي بس انتي علمود الطفل الي ببطنج واصلا امينه ساعدتني بالطبخ
مو اني الي طبخته كله
هزت راسها حور وكعدت ومبين عليها مقهوره اما عز الدين باوع لاريانا بعدم رضا وهز راسه مأيس استغربت ليش سوت هيج هيه حيل تعبت وتأذت وجايه من سفر ونضفت وطبخت شعجب هيج بس ماتدخلت دخلو انور وباتر: السلام عليكم
عز: وعليكم السلام تعالو حماتكم تحبكم كاعد نصب اكل
انور: مشكور ابو جلنار متقصر بس راح ناخذ البنات للبيت وان شاءالله غير مره
عز: لايابه وحگ علي متطلعون جا اجن يشتغلن ويروحن وانتو هم طبوا تره ازعل عليكم وها هذا طبخ اريانا متضوكو
صاحت من المطبخ اريانا: عز مو اني طبخت بطل سوالفك لتصير حاروگه
ضلوا الولد كاعدين واريانا طلعت من المطبخ تريد تصيحلنا لكت جلنار تهمس بأذن امها وابوها تخصرت وگالت
اريانا: حمامتي احنا شتفقنا
عز: اريانا ليش متريديها تحجي يعني لو متخربطه وحدج بله شنسوي انعل ابو الشغل لابو البيت بيمن ربحي لو صار بيج شي يابويه
اريانا: لاعز مفتهم غلط تره موبسبب الشغل لان مماكله
باتر: استلم عود اجت تكحلها عمتها
انور: گمريه عجل هيه لعب جهال كل ساع وناسيه الابره ميصير تتهاونين لو متخربطه ومحد يمج
حور: حبيبتي ليش هيج لوصاير بيج شي ليش تنسيها
اريانا: اوووو شبيكم كلكم عليه كافي نسيت ابره ماكفرت وبعدين سويت منبه ماله داعي كل هذا الاهتمام الزايد هيه مره وحده ماراح اموت تعالو اكلو الاكل راح يبرد
حور: اجينه يله بنات يله عز كومو
انور: وانتِ
اريانا: ماريد شبعانه سويت لفه واكلتها
حور: اريانا
اريانا: كعدتت
كملنه اكل ولميناه وراحو انور والبنات
حور: اريانا ليش جذبتي
اريانا: ممجذبه عليج بس دقيقه الو هلا تركي شلونك... وصلت الوجبه...... متقصر..... ههههه.. اني هم.... متقصر... مع السلامه... باي
انور: رجعت اخذ تلفون ريتاج الفاهيه وسماعتها ناسيتهن وسمعت كلام اريانا واختها ومكالمتها تنرفزت بس مابينت دكيت الباب اجاني صوتها الي ذيج الايام جان يسحلني عليها من الانبار لبغداد بس هسه هيه هنا كدام بيتنه اسمع صوتها واشوفها شوكت ماريد الزم ايدها حلالي مادريشجاب هذا الشي على بالي بس شعور حلو
اريانا: انور انور شبيك صافن
انور: هلا يابه هيج جنت افكر بحسبه شاغله بالي بس بلا زحمه عليج تلفون ريتاج وسماعتها بغرفتج ناسيتهن الثوله
هزت راسها وراحت ثواني واجت شايلتهن بعلاكه شفافه وكالت: عزلت غرفتي ولكيتهن وظميتهن تره مافتحته
انور: يابه شالسالفه بي اسرار دوله هوه تلفون ريتاج  تلكي كله تفاهه
ابتسمت وكالت: ميخالف بس هذا امانه حُري
تقدمت كم خطوه وصاحتني انداريت مبتسم: انور ريتاج وامينه نايمات؟ يعني عبالي احجي وياهن اذا منايمات اجي وياك؟!
انور: لايابه كاعدين كلنه سهرانين تعاي ويانه اهلي نايمين مجتمعين بس الشباب
اريانا: لاعادي ع غير يوم غير مجتمعين جمعه عائليه اني شكو ماكو مشكله اشوف غير يوم واصلاً عز وحور ماعتقد يقبلون!
انور: اذا على حور وعزالدين تركيها عليه اما اذا علينا فأنتي وحده من العائله عادي تجين وبعدين حته باتر خطيبته واختها هناك روحي اخذيلي طريق بين ما اخابرهم
اريانا: بس انور
انور: لابس ولاشي شي كمريتي سوي الي كتلج علي
اريانا: طبيت كلت لحور ملابسها مستوره بس حطت على راسها شال وكالو صيحي
…حر تعال ادخل
انور: يالله
ظل يحجي وياهم وبالكوه اقتنعوا اترخصت من حر واخذت عز وحور على صفحه وكلت: شوفوا اذا ماقابلين عادي ماروح مو اله
عز: شوفي ريانه اني مامنعج بس اخافن عليج لان انتي بحسبه جلنار بتي وامانه عدي روحي انه قابل  شوفي حوريتي  شنو رأيها
حور:  عزوز ريحانتي حبيبتي روحي بس انتبهي على نفسج
بست حور ورحت ويه انور الي طول الطريق حاط شماغه على راسي واني انزله اول ماوصلنه للباب سمعنا وحده تحجي ومبينه واكفه يم الباب: ايععع هاي ليش راح تجي باتر احنه مو گلنه عائليه شكو داحسه روحها بالنص اكيد راح تظل لازكه بانور وبيكم نفس كل مره وكلشي منشوف منكم كتلك كول لانور لتجي واذا زوجته لو لان اختي جايه هيه لازم تجي
باتر ماقبل عليها هوه وسلطان والبنات راد انور يطب ويحجي هزيت راسي بالرفض وكتله: كل واحد واله حريه الاختيار انو يكره الشخص او يحبه وهيه تكرهنني فليش نجبرها تحبني هاي اول نقطه ثاني نقطه هذا الي اكلك علي بالتجمعات العائليه ميصير اجي اني حته اذا عزمتنوي تبقون عائله حتى اذا اني خطيبتك ابقه غريبه وهسه تصبح على خير وسلم عليهم كلهم
انور: وحك علي ابن ابي طالب ياكمريه اذا رحتي اطب هسه اسحلها من شعرها امسح بيها الانبار كلها امشي خلي نطب
طبيت وياه على اعصابي وهمه وجوهم صارت صفره لان جانوا بعدهم يتناقشون بالموضوع
قدس: اريانا تره قبس ماجان قصدها
رادت تكمل حجيها وكتلها: ارجع اكولها مره ثانيه هيه حره بس اني مالازگه نفسي بواحد وماراح اطول شويه واروح
باوعلي انور بخزره كتله بهمس: تره طبيت لان حلفت
كال باتر يقاطع الجو المتوتر: خويه اريانا قبل اسبوع انور لكه شغله وكال هديه خطوبتنه وانه ستأذنت منه اكولن شني هيه الهديه مالتج
ردت بجديه: كول باتر
باتر: اول شي اكتشفناه موت جدج مفتعل وثاني شي لگينه زوج الدكتور الي ضربت جدج الابره وهوه الي موفرلها الابره
اريانا بصوت يرجف: شنو اسمه
باتر: دساس رعد..........
وگف الزمن بيه لمن تذكرت قبل عيد ميلايدي باسبوعين يعني قبل لايوصل فيديو جدو تركي اجه علي وكال الي اني ونورسين
علي: اريد اخطب
اريانا، نورسين: كللللييش
علي: ادبسزيات محد يدري اريانا اريدج تسأليلي عليها بساع خل احاجي امي
اريانا: اسمها
علي: زينب دساس رعد........
يتبعع......
القفله اليوم مو حيل قويه بس مو خفيفه واسفه ع التأخير بس والله لو تدرون بظروفي جان عذرتوني مع السلامه كمرياتي✨🤍