هلا گمرياتي شلونكم يحفظكم الباري
♡♡♡♡♡♡♡♡♡♡♡♡♡♡♡♡♡
توضيح: حبيباتي البارت السابق الي هوه
(المحطه الخامسه) اخير شي صار تسريع بالاحداث
بس صدكوني جنت مفتحه تك عين من النعاس وكلت الكم سابقاً واني راده على احد التعليقات انو اني مسافر بس انطيتكم كلمه ولازم اكون كدها
وهسه راح اسرد الكم الاحداث بالتفصيل اتمنه البارت والقفله يكونون خفيفات ظل عليكم
ولو اني حجيت هواي بس حبيت اقدم شكر وامتنان للمصمه حراير طبعا مو ع النشر او شي لا ابد (بس الصراحه عجبني فيديواتها ع التيك توك حبيتها صدكوني) ع مشاهدتها وتعليقاتها وحماسها
وهسه نكدر نكول
••••••••••••••••••••••••••••••••••••••••••••••••••••
بسم الله الرحمن الرحيم
هّـيِّهّـ حًيِّرهّـ
وٌحًيِّرهّـ أّلَنِثًـيِّهّـ جّـبًيِّرهّـ!
مًنِ تٌـحًس ـمًأّکْوٌلَ حًقُهّـأّ
بًلَأّ وٌعٌيِّ تٌـکْصّـ أّلَظُفُـيِّرهّـ
••••••••••••••••••••••••••••••••••••••••••••••••••••
كعدت الصبح ونزلت لگيت امي كاعده
اريانا: صباح الخير
بلسم: صباح النور
اني جنت سابحه ومبدله ومشطه ماعدي شي ف كمت ساعدت بالغدا لأن بريانكا راحت اجازه اسبوع وترجع جان عدنه ميز طعام بالمطبخ كعدت عليه اباوع بتلفوني شويه وامي تحرك بالجدر كمت اريد اصعد فوگ اكعد حمامه بس استوقفني كلام امي
بلسم: شنو رأيج ب نزار
اريانا بأستغراب: ابن خالتي
بلسم: اي
اريانا رجعت كم خطوه ليوره ونزلت كعدت ع الميز اسمع لموضوعها الغريب العجيب وجاوبتها
…خلي يولي ابو النسوان الس*ك*ي*ر*
ورجعت كمت اريد اكمل طريقي لكن شكله هذا اليوم ماراح يمر على خير ولا هذا النقاش راح يخلص اندارت مبتسمه بخبث وباوعتلي وكالت
بلسم: اذا انتي تكرهي هيج وبدون سبب زين شلون اذا ياخذ وحده من اخواتج؟!
اريانا: نجوم السما اقرب اله ديري بالج تفكرين وروح ذاك اليم گبت علي اسلمه بيد عزيز وبس الله الي يخلصكم منه
بلسم: زين واذ عزيز دره بعلاقه السيد ونورسين راح تظلين تزامطين بي
اريانل: حدج لهنا اميمتي لتخليني اعبر الحدود نورسين خط احمر للتتدخلين بيها اي وحده من اخواتي وبناتهن خط احمر
بلسم: لعد واخوانج شنو
اريانا: اخواني مالج اي سلطه عليهم بس اخواتي انتي تتحكمين بيهم ومع كامل الاسف
عفتها اريد اصعد فورت دمي ورجعت حجت ياربي صبرني
بلسم: انتي ع الدرجايه الخامسه بس تحطين رجلج ع السادسه اكول لابوج واخوانج على علاقه نورسين والسيد لو
اريانا: رجعت نزلت
…لو شنو فهميني يمه مو بطيتي چبدي
بلسم: تقبلين بأنور
اريانا: مستح…
بلسم: ولكم يبووو الحكوني
اريانا: اشش اشش وداحي الباب قبلت
قبلتت قبلت
اريانا: شمعنى انور
بلسم: بعدين تعرفين وتشكريني على معروفي الج بعدين حته لوردت غير واحد ماراح اكدر اسوي شي
ضحكت بأستهزاء ورحت لغرفة نورسين بجيت لحد ماورمن عيوني بست نورسين بخدها وكمت اباوع لروحي بالمرايه شسوي شسوي انتبهت الشعري بس لزمته عصرني كلبي بس كملت الي بديت بي ووگعت الظفيره ووكعت وياها روحي نتيجه تعب 14سنه راحت بأقل من14 ثانيه من كصيت شعري حسيت كصيت روحي المرحه وانخلقت بداخلي شخصيه تريد ترضي ربها تحافظ على اخواتها الي صح اكبر منها بس هيه اذكى منهم وتنتقم ماجانت تعرف انو الانتقام راح يتضاعف صورت الظفير وبصفها المكص وحطيت شعر عليها
هّـيِّهّـ حًيِّرهّ وٌحًيِّرهّـ أّلَنِثًـيِّهّـ جّـبًيِّرهّـ! مًنِ تٌـحًس ـمًأّکْوٌلَ حًقُهّـأّ بًلَأّ وٌعٌيِّ تٌـکْصّـ أّلَظُفُـيِّرهّـ
ونشرتها ع الفيس حاله ماكو دقايق واحترك التلفون بالاتصالات من انور اول مارديت عاط بحركه كلب
انور: ليش بس احجيلي عش لأن خطبتج انعل ابوي لابو الخلفني اذا تقربت يمج بس دحكيلي وكولي هاي الصور جذب ولج كمريه البارحه احجي وياج شحلاتج شبيجج بس احجيلي لا ادري بالصوره جذب بس
آنِهّ حًآفُظُ لَوٌنِ کْصّيَبًتٌجّ آکْثًر مًنِجّ
آعٌرفُ مًنِوٌ آلَظُآفُرهّآ آنِتٌيَ لَوٌ دٍآريَنِ
آحًتٌرکْ مًنِ يَبًقُهّ شُعٌرجّ مًحًلَوٌلَ وٌيَخِطِ وٌرآجّ بًسِ تٌطِفُهّ نِآريَ وٌآنِيَ آتٌأمًلَهّ
ليش بس احجي يول ول عش هيج تسوين حرگتي كلبي عش لأن احبها
كل هذا الكلام واني ساكته كتله ورا ماسكت شويه
اريانا: كملت؟
انور: شبيج كمريه عش هيج تحجين بيج شي يول صوتج مبين علي باجيه بس كولي وحك نور محمد اطره بالنص الي مضوجج
اريانا: ليش انور
انور: شنهو
نورسين
نورسين: كعدت على عياط اريانا بالتلفون اريداعرف شكو وشفت شعرها مكصوص انخمش كلبي وكمت بس اريد الزمها ماكو متهستره وتصيح
اريانا: ليشش ليش انور شمعنى اني ليشش
وضربت التلفون بالگاع وضربت المرايه بأيدها وتصيح ماريدد ماريد عوفوني اكرهكم اكرهكم
اندفر الباب وطبوا علي وعزيز وحمامه بالزاويه تبجي بحضن امي باوعت وجه امي اصفر عرفتها هيه السبب ضم عزيز اريانا لحضنه متخبل گام علي متخبل كال لأمي
علي: يمه وحگ الله ورسوله لو سمعت لو شميت الج ايد بالموضوع وعزيزه عيوني افلش البيت عليكم
ورجع يم اريانا الي دفعت علي وعزيز وكامت بس شافوا شعرها تخبل عزيز وكال
عزيز: ولج ريانتي بس حاجيني يابه ونور محمد گلبي راح يطگ من القهر شبيج عزيزتي امشي عليج كافل زينب تحجيلي شبيج
رجف جسمها من گال كافل زينب ورجعت تبجي بس مسحت دموعها وكالت
اريانا: اني الي امشي عليك ابوفاضل تعوفوني بس اريد طلبين
علي، عزيز: كولي
اريانا: اريد تلفون الي وميز لنورسين
كملت كلامها وطلعت من الغرفه وحجه عزيز وكال
عزيز: اخ يالوصيه التكسر الظهر اخ ياريانتي ياوصيه امي
اريانا: منيه وصيه امك عزيز؟
فز عزيز وباوعلها مصدوم وكال يتدارك الموقف الي اثار صدمه الكل :روحي امي وصتني طول مالدنيا تأذيني مانتحر
اريانا: ومنيه امك؟
بلسم: لعد اني خراعه خضره هنا؟
اريانا: خوش بس ردت اكول الكم عزموا دارين وحور اريد احجي وياكم شغله ع الغده
علي: تأمرين گرگري
ابتسمت وكامت مع انو لو علي حاجي هيج شي بيزم غير عذااليوم جان كامت وظلت تضحك وتحجي ويا وتزعل وتكعد بحظنه اوو الها هواي حركات اندار علي بصدمه على عزيز قابله عزيز بنفس الصدمه وصدمتي ماجانت تقل عنهم هواي علامات استفهام جانت براسي
عزيز: نورس عزيزتي خابري ع البنات وخلي يجون غياث وعز الدين هم بلكت تغير جو شويه واذا تگدرين اصعدي يمها شويه ليصير بيخا شي گلبها راح يوگف من القهر
باوع لأمي وكمل كلامه
عزيز: اخ بس لو اعرف شبيها
راحت امي وطلعوا الولد كعدت ابجي ع اريانا وع الفزه الي فزيتها وخفت صايرلها شي اندگ الباب ونفتح رجعو علي وعزيز حضني علي وگال: خفتي نوارس گلبي اذا ع الميز اليوم متنامين بدون ميز بغرفتج شبيج ليش تبجين هسه يوجعج راسج
نورسين: علي تدري بيه مو ع الميز فدوه الها بس مقهوره عليها احس اكو وجع غريب بگلبي احس ضوجتها بسببي لأن ليش اجت الي اني ليش ماراحت للغرف الفارغه لغرفتها غرفه اياز هواي احتمالات بس كله بسببي وهسه تشوف اذا ماطلع بسببي دائما تضحي بروحها علمودنا اني والبنات بس ولا وحده بينا ضحت علمودها
عزيز: افا عليج نورس چا احنا مو بعينها شتريدن احنا موجودين چا الاخ المن يراد غير سند لأخته وبعدين ليش محد ضحت الها مو حوريه عافت زوجها وبتها وسكنت المستشفيات وياها وانتي خدمتيها بروحج ومقدمتلها نفسچ قربان واياز الي تولت علاجها واكلها وشربها چا عوفي ذني كلهن ودارين الي قدمت حياتها قربان النه كلنه بس مو بگد گمريه فنت شبابها لخاطرها وياها وياها ماعافتها ذني ماينكرن بس همين ماننكر معروف گمريه الي بأول موقف تذب روحها كدامجن هيه نفسها تتخربط من تشوف البزونه بس من شافتج متخربطه ويمج كومه بزازين على لفتج شسوت ماننكر معروف اي وحده بيجن بيجن هيه تمسحين دموعج وتجين لحضني چا هوه بس عليوان ابو الوصخ اخوج
ضحكنه وشبكوني ثنينهم وطلعوا خابرت البنات وگالن يجن همين حوريه تسلم علينا لأن تريد ترجع لبيت اهل زوجها بالانبار والله اذا سمعت اريانا تتخبل اكثر لأن راح تروح حمامه صعدت فوگ لغرفه اريانا دگيت الباب طلعتلي جلنار
جلنار: ها نورس
نورس: اريد ادخل لأريانا اشوفها شبيها
جلنار: مابيها شي خالاتي متقبل واحد يطب يمها اله يجن البنات ع الغده بس خاله
نورس: خوش حبيبتي شنو گولي
جلنار: عادي تنطيني تلفوني
نورس: وينه حياتي
جلنار: ع الميز الي وراچ خاله
اخذته وطبت للغرفه
اريانا.....
اريانا: شگد خسيت نفسي غلطانه بهذا تصرفي خليتهم ينتبهون على رفضي للموضوع صعدت لغرفتي واخذت حمامه بحضني من اجت نورسين مافتحت الباب راحت جلنار من فتحته وصيتها على تلفونها جابته واجت بحضني خابرت انور لأن حافظه قمه اي رقم بتلفوني اتذكره فتح خط
انور: الو منهو يول
اريانا: الو
انور: ࢪيانه گمريتي وينج شبيج شنو العياط اليمج شعرج ليش گصيتي
اريانا: شوف انور افتح عقلك ونظف اذنك واسمعني زين يابن الغربيه هسه ب2الضهر اذا صارت ب6وانته والشيخ مو هنا تنساني طول العمر لو مو نورسين
انور: يعني قبلتي ول يابهه باترر امينه قبلت ولكم قبلت يولي ضي الگمر قبلت
اريانا: انور
انور: عيونو ومهجوتو لأنور
اريانا: تحبني؟!
انور: لا يله انه اروحن ضي الگمر
راح انور وصاحونه ع الغدا باوعت ع جلنار استمد القوه منها احجيلها كلشي عبالك وحده جبيره وهيه تشجعني ع القرار الصح نزلنه اني وياها
دارين: هلا ببنيت كلب.. يايمه ولج هاي شنو ولك عزيز هاي شبيها
اريانا: وليش تسألين عزيز شايفه لساني مگصوص
عزيز: اريانا احترمي لا اشلع راسج
اريانا: عزيز عوفني بحالي وين جونيور
بلسم: بالحوش اني خليته
اريانا: منو كلج تتصرفين بگيفج حتى اذا تخافين متدخلين بي شي يخصني اگص ايده الي يمده علي
بلسم: ولج احترمي روحج ليش تخليني ابجيج دم
اريانا وهيه شايله الجلب بحضنها: عندك شغله يم الجلب گله ياسيدي
بلسم: شقصدج ولج ادبسزز
علي: اريانا راح اگوم اكسر فجج
اريانا: گوم ليش كاعد بعدين بلسم ليش تاخذين على روحج لو صدك كالو الي بعبه تلفون يرمش
علي: اريانا صبري بده يخلص
اريانا: علي ايدك اذا انمدت عليه انسى الخوه ورح اليم گبت علي اطرك بالنص وداحي الباب
گام علي من مكانه وهوه يرعد من العصبيه: ولج اريانا تطرين منو
گاموا غياث وعز واحد كمش علي والثاني يريد يطلع اريانا
اريانا: اطرك انته يعني منو متخوفني اخوي هاي على عيني وراسي بس لاتحط راسك براسي
طب ابويه للبيت همه هدئوا لحد ماگالت اريانا
اريانا: علي عينك
علي: ولا صوتتت ماسمع صوتج انكتمي لا وحگ ابو المجتبى اني الي اطرج بالنص
اباذر: اريانا علي كافي بعدين انتي تعالي شلون تجاوزين على اخوج الجبير
اريانا: مامتجاوزه بس كتله لاتحط راسك براسي بس هوه معند
اريانا من تعصب تجيها طاقه لأستفزاز الجميع بالبرود الي هيه بي
بلسم: يله حجي السفره جاهزه
عافتنا اريانا وصعدت وره شويه نزلت لابسه كعب وفستان احمر وجفوف سود تول وعلى راسها تول مثل الكونتيسا وعطر طبعا سابقها خطوه
كعدت ع الاكل وكالت
اريانا: من بعد اذن بابا اريد احجي موضوع بسرعه لأن عندي طلعه مهمه
اباذر: تفضلي بابا احجي الي تريدي البارحه امج بالليل ردتلي الجواب
باوعت لأمي بأبتسامه وهزيت راسي علامه تدل على التوعد بين عليها التوتر لمن عزيز وعلي ودارين ذبوا الخواشيگ وانداروا اليه يصغون لموضوعي
علي: حبيبتي اريانا اني اسف ضوجتج بس صدگيني اعصابي تلفانه وانتي همين تجاوزتي
اريانا: حبيبي انته مستحيل ازعل منك المهم نرجع الموضوع البارحه بلسم
اباذر: اريانا
اريانا: اوو نسيت مو تدري ميصير اضيع حگ الربه واكول مرتين يمه يصير واحد يتعب بالتربيه وواحد ثاني يجي ع الحاظر ياخذ مكانته Impossible
المهم نرجع نكمل منين ماوگفنه بلسم اووو اقصد امي حاجتني مره ثانيه بالموضوع مال خطبه واني غيرت رأيي وقررت اوافق وابويه قبل بقراري وردلهم الخبر واليوم بال6يجون نعقد وبس اوو اطيني مي تعبت
عزيز بعصبيه: اريانا لاتختبرين صبري قبل كم يوم جنتي رافضته وكارهته وتريدين تكملين دراسه يمي شن الي تغير هسه صار ساعه ساكتلج احترمي روحج واصعدي فوگ بغرفتج تكعدين وتنجبين ماكو لا طلعه ولا عقد
دارين: عزيزز لاتعلي صوتك
عزيز: يمه
دارين: ماسمعلك صوت خوش لو لا يمه حبيبتي مجبوره لو انتي اختاريتي لو شنو الصار
غياث: اريانا بابا ميصير تاخذين مثل هيج قرار مصيري بتسرع ياحبيبتي
عزالدين: اريانا اني اعزج اعتبرج مثل سراج الدين الله الشاهد عليه بس البارحه من حاجاني عمي ظليت صافن والله ياحبيبتي تسرعتي اخذيلج وقت
اياز: ريانه حبيبتي لا تتسرعين ليش شنو الي جابرج تفنين حياتج بزواج بعمر ال14
اريانا: اشكركم لأرائكم لكن للأسف رأيي ماتغير وهسه اريد اروح مع السلامه اي شي عدكم احجوا ويه بابا Goodbye dear viewers and listeners
الترجمه: مع السلامه اعزائي المشاهدين والمستمعين
عزيز: اريانا لاتختبرين صبري كتلج متطلعين يعني متطلعين
اريانا: اشو انته كضيتها صبري وصبري شوكت يخلص صبرك ياخي شكبرها حوصلتك
اشر عزيز بعينه على اريانا للحارس الواكف ابتسمت اريانا وصل يمها كمش ايدها ضربته برجلها على رجله خلته يركع كدامها رجع وكف بسرعه ينفذ اوامر عزيز وهو متفشل لأن اريانا ضربته
بس رجع كمشها ضربته راشدي طرشته وكالت
…يابه وحق الحق وحگ ابن الليث الابيض اطره بالنص الي يمد ايده عليه واشو اليوم اله اطلع ولو اني لو انته ياعزيز يابن اباذر
طلعت وسدت الباب وراها بقوه صار هدوء مينسمع بي غير طرقات كعب اريانا يم الباب وراها انفتح الباب ورجعت طبت وصلت يم عزيز مبتسمه ابتسامه مستفزه باسته بخده وحضنته واخذت حمامه وگالت
اريانا: عزيزي حبيبي ماهان عليه اطلع وانته عصبي
وماراضي اطلع تقبل اطلع
واندارت لعز وحوريه
… اذا متمانعون اخذ حمامه وياي لأن واعدتها اطلعها اي عزيز ماگتلي شقررت اتأخرت
عزيز: قراري نفسه متطلعين لحد مايرجع عقلج براسج
باسته بخده وضحكت وكالت
…شكراً حبيبي ادري بيك ميهون عليك تكسر خاطري يله باي
كام عزيز ركع الكرسي مالته وطلع جكاير وگام يخابر فاتح سبيكر
عزيز: تركي وحگ ضلع الزهره اذا ضيعتها هالمره اشع راسك فهمت لو لا
تركي: حاضر استاذ صياد بس جانت صاعد ويه السايق ووراها عرضت طريقه سيار سوده تاهو ونزلت المدام صعدت بالسياره وراحت وابو التاهو انتبه عليه كاعد يطب بالدرابين
صدك عزيز من يعصب يطلع صياد الي بداخله يگوم يخوف
صياد: بساع وكف السياره فرها ولرجع للبيت من انعل ابهاتكم ياولد الجلاب وحده بگد زري فرتكم فؤ امداكم وامده الشغلكم
اباذر: مشكور يالجبير
ثياد بالخدمه يابه علي يله كوم
رحنه اني والبنات بدلنه ورحنه بسياره دارين للمزرعه نزلنه لكينه صدگ سياره تاهو سوده نزلنه احنا ودارين بقت تخابر الولد اريد نطب لكينا ولد واكف بالباب
نورسين: منو حضرتك
…انه سلطان بكر خطاب الدليمي
صاحت شيرين الي مرينه عليه بالطريق
شيرين: سلطان اني شيره متذكرني
سلطان: افا عليج يبت العم يول شلون ماتذكرج تعاي لج
ركضت شيرين لحضنه گالت اياز
…بلا زحمه شوكت يخلص الموقف الدغامي المبكي المضحك عيوني اغيد نشوف اختنه وانته ساد الباب جنك غول شو دوخغ
وخر الولد مصدوم من اسلوب اياز بس هيه هيج دائما بزعانه
طبينه للمزرعه من جوه لكينه اريانا ع الخيل مالتها وويمها ولد ثاني همين ع الخيل بس ماعرفنا راحت اريانا بسرعه جنونيه وهوه وراها يصيح ولج گمريه بطلي خبال
حوريه: من عزه بعيني ولجن هذا مو انور الدليمي ياا والله اذا عزيز يشوفه يموته
سلطان: ابن امه وابو الي يمد عليه يول بعده مانخلق الي يمد ايده على اخويه واني عايش عش ينضرب ول مو احجي وياجن شجرالن مصفصفات
دارين: وينجن بنات عزه هذا منو
نورسين: اخو انور لأن انور هوه واريانا يتسابقون ع الخيل وحور كالت اذا عزيز شافه يكتله وهذا الغول نفس متكول اياز يگول مانخلق الي يمد ايده علي اخويه ويسألنه عزيز اذا شاف انور ليش يكتله
سلطان: هاج يابه هذا بطل مي بلي ريگج شجاج كتيتيهن كلهن
دارين: يمه حبيبتي اخذي نفس شبيج مخلوسه
اريانا: هيه هيج دومها مخلوسه
انور: هلا يابه عش مجتمعين يم الباب طبوا
سلطان: وين يطبون
اريانا بخزره: سلطان عزيزي
انور: اريانا شنهو عزيزي بعد شكم مره صارفتها لهلكلمه دحگي يول اطرج وحگ داحي الباب
اريانا: راح اعتبر روحي مسمعت علمود اعبرها الك
اياز: اسفه انوغ بس احب اگلك انته غبي ووغطت غوحك وتزوجت جونسينا يابه وعلي وكعت الولد على غجلي وصفگته غاشدي لأن غاد يمنعهامن الطلعه
اريانا: بس خلي ارجع للبيت ان ماكسرتها اله ماطلع اني بنت بلسم وشوفو
راحوا الولد يتمشون همه وشيرين لأن تريدها توافق گالت اني اروح ويه ذاك الفريق لحد ماتخلصون حجي واحنه گعدنه نقنع بأريانا ترفض بس هيه مصره باوعت لنورسين متجاهله كلامنه وگالت
…اسمعي لج بلسم درت بيج تحجين ويه السيد وتهدد وتتحلف تكول للولد وابويه اسمعيني زين هسه تخابري اله منا للسبعه ان ماجه خطب ورح جدي اروحله للبيت كاز ونفط ها وقبلها احط بلسم يمه وفظت راحت
طب عزيز للمزرعه يرعد كمش اريانا من ساعد ايدها يعت بيها ضربها راشدي وگعها بالگاع اجه انور يركض حطها وره ظهره ويحجي ويه عزيز الي انعمت عيونه من العصبيه مد ايده على اريانا سحبه من ظهر انور وصاح بالولد جتفو انور وسلطان وغياث كمش دارين نزع عزيز حزامه صرنه كلنه كدامه ماهتم المهم يلوح اريانا ويصيح بخبال ماخليج تصيرين نفسها دفعتنا اريانا وكالت
اريانا: لحد تجيي وخرنن
صاح عزيز بصوت يرعد من العصبيه: تركي علي عباس
اريانا: عوفهن
عزيز: انطمي لج
فرفحت دارين بحظن غياث وهيه تصيح على عزيز الي جان يضرب اريانا بوحشيه محد يكدر يوصل الها كلنا محاوطينا حراس خوب انور فرفح ثلاثه لازمينه وماكادريله
انور: لك عزيز وعيون امي افلشك لك لاا لك هدهاا ابن الكلب هدها
تخبلت دارين لمن اريانا گامت بالگوه تشهك النفس تركها غياث وعز ترك حور وهدو انور الي اول شي سوا شال لريانا وركض لسيارته دارين ونورسين راحن ورا مفرفحات واني كمشت حوريه هيه وجلنار الي انخلست وگامت تبجي بهستيريه كامت جلنار تفلت بوجه عزيز وراحت تركض يم عز الي يحجي ويه حور وگعن حور وجلنار مغميات من الموقف المرعب واني بس دموعي تنزل تخبل عز شال حور وعزيز كام بسرعه شال جلنار واني طلعت اركض وراهم وصلنه للمستشفى ونزلنه شال عز حور الي گامت تنزف تخبلنه وداها للطوارئ وراها طببوها غرف خاصه شويه وطلعت الدكتوره وگالت مبروك المدام حامل بس الطفل مهدد بالاسقاط ارجو منكم انو تخفف حركه ومتشيل اشياء ثقيله وانته دكتور عز ميحتاج اوصيك انته اعرف بحاله مرتك وحملها الصعب
عزيز شال تلفونه اتصل على غياث سأله بيا مستشفى همه ولحسن الحظ طلعوا بنفس المستشفى رحت اركض لغرف اريانا لگيتهم كلهم متجمعين فوك راسها وغتره سلطان على قميصها الي انشگ من الضرب (لأن هيه رايحه بفستان وهناك مبدله علمود تركب الخيل ببنطرون وقميص)
طب عزيز راحله انور يركض نومه بالكاع يضرب بي ماعافه اله لمن عاطت بي اريانا الي حاطيها على جهاز التنفس
الدكتور: ست اريانا لازم ترتاحين شويه كلبج تعبان ومبينه متعرضه للضرب لازم تشتكين
اريانا: كلبك لو گلبي شعليك اني اريد اطلع وبعدين متشوف ويايه اخوي القاضي صياد مستحيل احد يتجرأ ويمد ايده عليه موهيج صياد
طلع صياد ورگع الباب ورا كمشت اريانا المخده وكالت منو شالني
انور: انه
شمرت عليه المخده وكالت انور وهيه تحجي هو كام يحجي وياها متنه من الضحك
اريانا: شكم مره اكول لاتلزمني لو يكولون اريانا حركت روحها بتيزاب شتسوي متشيلني فهمت
انور: شكم مره اكول لاتلزمني لو يكولون اريانا حركت روحها بتيزاب شتسوي متشيلني فهمت
سلطان: اخ يمه بطني شنهي ضراير
اياز: صدك لو كالو العقل زينه وخزينه غحمه من الله العقل اذا هوه خطيبها شلون ضغايغ
سلطان: الزهره ام الحسن والحسين هاي شگاعد تحجي
اريانا: سلطان ديربالك تحجي
انور: جا انتي اجيتي على اخوي المسكين متحجين ويه اختج
اريانا: اسكتو تلاثتكم اريد اروح شوفو ابن اباذر الواگف بالباب راح لو لا وبعدين وين حور وجلنار
حجيتلهم الصار واريانا كامت متخبله تريدتروح
للمكان الي همه بي وانور بس يريد يكمشها ماكو انفتح الباب طب عزيز مخلوس يصيح
عزيز: شبيه ولك انور شبيها هدها
دارين: انته اخر واحد تحجي اني اعلمك كتلكم لاتندكون بگمريه وداحي الباب اذا ماخليتها تاخذ حقها بأيدها هالمره اني بضهرها واريد اشوف زلمه بيكم يفك حلكه
عزيز: يمه
دارين: من غمه التغمك انته وامك خوش
اريانا: لك هدني واسمعني انته يالصياد يالنجر يابن الدواوين ان حصل شي لأختي والي ببطنها صدكني راح تشوف وجهي الثاني وماريد اگول اذ شي مس جلنار ارعد عليك وحگ الكفل زينب ان ماسحلتكم سحل ماطلع انه حفيده بدعه وانتو شاهدو شراح يصير شو وخر انته لتخليني اتجاوز عليك وخخر
اياز: شكل اريانا كام يخوف گامت كوه تشهك النفس
من شافوها عزيز وانور هيج وخروا منها وفتحولها الباب طب واحد من الممرضين جايب كرسي متحرك ضربته برجلها وكالت
اريانا: عود من اصير مشلوله احتاجه فهمت لو لا
وطلعت لحور وجلنار شويه ورجعنا كلنه للبيت دارين زعلت على غياث راد حجه توسل قفلت اله تعتذر من اريانا وعز كذلك
نزلت اريانا من غرفتها بفستان وردي وكعب ابيض وجفوف بيض تموت ع الكعب شنو قصتها ويا مادري رجليها طالعه من الفستان عليها طبع الحزام واديها وركبتها بس شافتها امي وگالت
بلسم: يمه بنتي هاي شبيج منو مسوي بيج هيج وليش سوه هيج بيج
اريانا: والله مادري تعالي نسأل عزيز شنو السبب الي خلا يضربني لحد مافقدت الوعي
بعدنه نريد نحجي ندك الباب فتحت الباب نورسين طلعوا ام انور واخواته گالت ام انور ورا ماسلمت
ميرنا: بس بلا زحمه منو موجود نطلع اني ويا انجيب عمتي ام بكر
جان بس عزيز كاعد لأن عز وغياث اول ماشاوفو نسوان سلموا طلعوا بره بس عزيز بقه راد يكوم للمريه بس ردت اريانا: منو قصدج خاله ميرنا زلم لا كلهم طالعين محد بس نسوان بالبيت اني اطلع اساعدج
واخذت المريه وطلعت واخوات انور ظلن واكفات صافنات على عزيز الي راد ينفجر راح طلع وطبگ الباب ورا
اريانا
ميرنا: يمه ماردت اكول كدام امج واخواتج بس خاف انور ميقبل
اريانا: خاله اني ويا اتفقنا ميتدخل بلبسي واني هذ اللبس اطلع بي يعني عادي اي واحد يشوفني هيج وهسه اريد تكوليلي شنو اسم ام عمو بكر
ميرنا: اسمها عائشه
اريانا: مبينين عائله سنيه بحت
ميرنا: لايمه وعلي اني شيعيه وولدي وبناتي هم بس محد يدري وهمه ميكرهون عمر وابو بكر وهذوله بس هم شيعه
وصلنا للسياره اريد افتح الباب وبينن اديه ورجليه شهكت خاله ميرنا: يمه الزهره ام الحسن والحسين هاي شنو الله يكسر ايد الي سوا هيج
اريانا: لا خاله لاتدعين حبابه هلا بيبي عائشه
الجده عائشه: شنهو يمصگوعه بيبي شنهو بعدين ماعدج ملابس وين اخوج ابوج خلي يستروج انتي منهو
اريانا: اقدملج نفسي اني اريانا اباذر جاسم انور العگيلي خطيبه انور بكر خطاب الدليمي
الجده عائشه: يعع يع ولج ميرنا اشو هاي مصلخه من عمه بعيونك نويير
اريانا: نزلي بيبي
عائشه: ولج جده جده
اريانا: اوكي لاتعصبين جده يعني جده
انور: يمه عش ماصحتيني ول هاي منو ولج كمريه يول شلون طالعه هيج الازلام بره مكومه ليش مابقيتي يم البنوات
اريانا: بس اوكف ياعيني يعني هسه اني شفهمت منك الي فهمته بس ليش وشلون ويمه
عائشه: صح النوم يجده ستوك تحاسبها على لبسها وخرو تلاثتكم لابارك الله بيكم انه انزل منهو كال الكم مكرمه انه
نزع انور غترته حطها على جتوفي ونزل بيبيته
اريانا: انور وحگ علي امير المؤمنين راح افگس عينه نوب بگد جدي
عضت ام انور شفتها الي وضربت گصتها اما انور تخبل هوه وجدته
انور: منهو يول اطرو بالنص بس كوليلي منهو
اريانا: ذاك ابو الدشداشه البيضه
بس شافه هدأ انور: عجل ماعرفتي
اريانا: منو لا ماعرفته
انور: ذاك جاسم انور العگيلي
اريانا: جدووو حبيبي
انور: هوب هوب وين يبه متشوفين الزلم لاتركضين
عائشه: ولج تالي ليه منهو امير المؤمنين
گلت بفخر اريانا: علي بن ابي طالب ابو الحسن والحسين والعباس زوج سيده نساء العالمين الي كسرو ضلعها وابن عم رسول الله محمد صل الله عليه واله وسلم زوج الي ضحت بأولادها فداء للأمام الحسين ام البنين فاطمه
عائشه: يعع يعع كلتني وشربتني بلسانها عش يول بنوات السلف شبيهم جيت على هاي
انور: جده تشوفين هذا حذائها مابدلو ببنات السلف
يله جده عجلي حته
بعده يريد يكمل كلامه ومانسمع الا صوت طلقه وصياح وتوالا الطلق بعدها انور سحب جدته وامه كعدهم يم سياره واني دخلني بحظنه ودار ظهره يعني اذ اجتي طلقه او اي اي شي يجنون بي
ماسمع الا عيطه من بعد هدوءء
…ياببهه مالحكت اشبع منك گوم يابه لحفيداتك دفعت انور ورحت اركض لمصدر الصوت الي اعرفه وحافظته كلش زين
أنت تقرأ
ليـــالي ألأنــتــقام 6:00
Fiksi Umumوٌقُفُتٌ آمًآمًهّ وٌقُآلَتٌ بًصّوٌتٌ عٌرآقُيَ بًحًتٌ مًرتٌجّفُ ...آلَآ آنِشُفُ مًآيَ آصّآبًيَعٌکْ وٌآخِلَيَهّآ آتٌرآعٌشُ... آعٌلَهّ بًآبًيَ آلَآ آضوٌکْکْ ذِلَهّ آلَمًلَآجّ مًنِ يَصّيَر رآعٌيَ آلَآ آخِلَيَکْ بًمًکْآنِ آلَمًآلَهّ دٍآعٌ...
