الـقدر والنصيـب🤍💫.

البارت (الاخير ) 🌸.

روايـة الـقدࢪ والنصيـب🤍💫.

__________""""""".

________
_____________.

{ آلَـكَـآثًــــبّـــــهِ: مَــــلَآكَ 🤍💫. }

________
_____________.

_____________________/////////////////.

ترن ترن ترن 🤳..
رحمه: ايوا
رفيف: ها شنجو رحموش وين انتي
رحمه: مليح شن جوك انتي... اهني ف الحوش وعلاش
رفيف: تعالي كسدي اهني كان بوك مش فاضي تو اني ومهاب انجيبوك شن قولتي
رحمه: لا وككك عليا شن تقولي انتي تو انكلم بابا هذا كان خلاني
رفيف: اللطف وعلاش ميخلكش جت غير في اليوم ياما جيتي عندنا 🙂.
رحمه: خزيي ي حمارة مش هكا قصدي بالمعنى اني ديما متكلطه عندكم
رفيف: لا متكلطه لا شي تعالي وضمي فمك وبعدين قداش ليك معش جيتي يا كذابه المهم تعالي نبي انهدرز عليك.
رحمه: انشاء الله 🙂...
تبي حاجه اخري يالسي رفيف
رفيف: لا سلامتك يا قليبي 🙂🙆🏻‍♀️.

___________________//////////////////////.

حياة: ياربي منك يا قيس 😩....
حتى العيل الصغير ما يديره هذا الكله بالله شوفو كيف قالب الدار يارب (( طبعاً قالب دولابه فوقي لوطي من الدبش منظر الدار الله لا يروعك 🤌🏻😂.))
قيس (( كان ف الحمام حشاكم وهوا طالع يمسح ف راسه بالمنشف ولوحه على طول على يمينه وطبعا الدولاب على يمينه وكانت حياة مقعمزة والضم فيه وجي المنشف علاها وهوا مشفهاش توا...))
حياة: (بصوت عالي) قييييييسس 😤..
قيس: ياعن شكلك خلعتيني وربي ما شفتك مالا 😂...
جي عليك
حياة: 😤😤... هذا منظر دولاب توا هذا منظر دار
قيس: وشنو يديرو بيك انتي 🙂🤌🏻.
حياة: والله حتى الفرخ الصغير هذا ميديره
قيس: عاد اني عندي مراة الله يبارك زي الطقاشه تو الضمه ف رمشة عين 😂...
حياة: تي برا والله معاد مساته.... وقعمزت ع السرير 🙄.
قيس: يودي غير احلفنا 😂...
مالا هذا الوضع معش يمشي تو انجيب برنسيسه اخرى
حياة: اااااه شنييي 😳😳...
عاود شن قولت والله بعدين نقتلك انت وياها الديرها والله يا قيس 🥺..
قيس: له له له خلاص يا قنوشتي هناك من عنده ملاك ويمشي يتزوج وحده مش عارف شن طينتها انتي دنيتي انتي كل شي حياة مستحيل انسيبك ولا نجرحك واني وعدتك 🫂🙃.

_________________//////////////////////.

طق طق طق ✊🏻.
رفيف: هي.... اهلا رحموش
رحمه: اهلين شنجو
رفيف: كويس هي خشي

(( خشت وقعمزو في دار رفيف وشداها قرمه بعدين ولت رفيف تفضفض ل رحمه 😣))
رفيف: يا رحمه والله معاش عرفت اني انحبه لا الله اعلم تجيني فترات انفكر فيه كان نلقى انكلمه وتجيني فترات ينرفز فيا شن الحل وهوا ديما شادها ف جرتي وامس ولا امتى كلمني واضح يحكي بجديات معش عارفه اني
رحمه: حرام عليك وافقي عليه وكلميه يجيك خير متتعذبي انتي وياه والله العظيم ره
رفيف: زعما .... لا لا مانبيش
رحمه: قهرتك... عندك رقمه انتي
رفيف: ايي وعلاش شن بالديري بيه
رحمه: اعطيني مش خلاص معش تبيه اعطيني خليني انكلمه كلمتين خفاف ظراف انقله بنت الناس متبكش معش تجي شورها برا اشبح مستقبلك مع وحده اخرى
رفيف: ااااه 😦... ديري رايك 😢..
رحمه: خلاص ابعثيهولي.....