"පොඩ්ඩා බලාගෙන ඇති"
තුහාන් හෝටලයෙන් එලියට බැස්සෙ ලොකු හිනාවක් මූණෙ රදවගෙන.අද පඩි දවස නිසා රෑට කන්න ආසා මොනාද අහද්දි පුංචි සහසැස් උඩ පැන පැන කොත්තු ගෙන්න කිව්ව හැටි මතක් උනු තුහාන්ගෙ මුණෙ තිබ්බ හිනාව තවත් පුළුල් වුණා.ඉක් ඉක්කන්ට හෝටලේ ඉදලා ගම්මානෙට හැරෙන පාර ලගට තියෙන බස් රථේකට ගොඩ වුණු තුහාන් ටවුමෙන් බැහැගනිද්දි රෑ නවය පහු වෙලා තිබ්බා.
වැස්සකුත් ලග ලගම එනවා දැනුනු තුහාන් අඩිය ඉක්මන් කරලා ගුරුපාර දිගේ ඉස්සරහට ඇදෙන්න ගත්තෙ හරි වේගෙන්.කුඩයක්වත් නොතිබ්බ හන්දා කෑම ටික තෙමෙයි කියලා තුහාන්ට බය හිතුනා.මොකද කෑම ටික අතට ගත්තු වෙලේ ඉදන්ම තුහාන්ගෙ ඔලුවෙ වැඩ කලේ බෝල කරන් සතුටින් හිනාවෙන පුංචි එකාගෙ ඇස් දෙක විතරමයි.වටපිට බල බලම ඉස්සරහට ඇවිදන් ගිය තුහාන්ගෙ හිත එකපාරටම ගැස්සුනේ පරණ බෝධිය ලග නවත්තලා තිබ්බ වාහන ටික නිසා.
අදුරෙ උනත් ලාවට ඒ මූණු ටික දිහා බැලුව තුහාන්,ඒ දැකලා පුරුදු නැති මූණු ටිකක් හන්දා කලබල උනු හිත ටිකක් සන්සුන් කරන් ඉස්සරහට ඇවිදන් ගියා.තුහාන්ගෙ පිරිමි හිතට දැනුනෙම මොකක්ම හරි අනතුරක සේයාවක්.තුහාන්ට ඕනි වුණා ඉක්මනටම ගෙදර යන්න.අත්තම්මයි සහසැස්වයි ගේ ඇතුලට කරං පරිස්සම් කරගන්න.පුංචි සහසැස්ව තමන්ගෙ අත් දෙක අස්සෙ රදෝගන්න.තුහාන් පුළුවන් තරම් අඩිය ඉක්මන් කලා.
රෑ අන්ධකාරෙ මැද්දෙන් කොයි තරම් නම් ගමන් කරලා තිබ්බත් අද තුහාන්ගෙ හිත මහ අමුතු මූසලකමකින් පිරිලා ගිහින් තිබ්බා.ඒ අස්සෙ පලාතම මූසල කරවගෙන ඇහුනු උල ලේනෙක්ගෙ සද්දයක් හන්දා තුහාන්ගෙ හිතේ ගැස්ම එන්න එන්නම වැඩි වුණා.පොදක් වැටෙන්න ගත්තු හන්දා තුහාන් තව ටිකක් තමන්ගෙ ගමන ඉක්මන් කරද්දි තමන්ව පහු කරං ගිය වාහන ටික බෝධිය ලග නවත්තලා තිබ්බ ඒවා නේද කියලා තුහාන්ට මතක් වුණා.
"මාමා තෙමෙන්නෙපා....ඔයා අසනීප උනොත් තඹර පුතාට කොච්චරනම් දුකයිද කියලා මාමා දන්නවද?"
දවසක් තමන් වැස්සෙ නාගෙන අනාථ නිවාසෙට ගොඩ වුණු වෙලාවක පුංචි සහසැස් තුවායකුත් අරං තුහාන්ගෙ ඔලුව පිහිදන ගමන් කිව්ව හැටි තුහාන්ට මතක් වුණා.වැටෙන වැහි පොදෙත් එක්ක තුහාන්ගෙ හිතට ආවෙ සහසැස් තමන් තෙමෙන නිසා කුඩේකුත් අරං මගට එනවාවත්ද කියන හැගීම.ඒත් එක්කම තුහාන් වේගෙන් ඉස්සරහට ඇවිදන් යන්න ගත්තා.තමන්ව පහු කරං ගිය වාහන ගැන කිසිම විදියට හොද හැගීමක්නම් තුහාන්ගෙ හිතට දැනුනෙම නෑ.

YOU ARE READING
තඹ(රු)හිරු
Non-Fictionතඹර පෙත්තක ඇදි රුහිරු පින්තාරුව............ "තුවක්කු ලෝඩ් කරන්න හුරු වුණු මගෙ අතින් නෙළුම් මල් පූදවන්න බෑ සහසැස්....ඒ වගේමයි නෙළුමට හුරු උනු උඹේ අත් වලින් තුවක්කුවක් දරන්නත් බෑ....හැබැයි ලේ සුවද විතරක් දැනන් උන්නු මට මල් සුවද විතරක් දන්න උබව රකින්න...