يـا مها والشعر في بالي طرا
يرسم الأبيات في عنق المها
تبدأ احداث الروايه عن طفوله المها و نهيان الي كانت كلها مشاعر حب الطفوله لاكن هل بس بيوقف الحب هاذا عند الطفوله ؟؟
12 ديسمبر
ابو المها : بنات تجهزو بنسير المزرعه كمن يوم مع ابو نهيان وعياله
المها و الريم : ان شاء الله ابويه
طلعت المها بحماس تجهز لانه كانت عارفه في ها اليوم شو بيستوي
الريم وهيه تغمز حق اختها : هاااا متحمسه
المها : تستهبلين ؟ انتي ترمسين عن حب الطفوله تخيلي !
الريم : والله اني متحمسه اكثر عنكم
قبل لا يقبضون الدرب ويطلعون من بوظبي ( بني ياس ) الى ليوا العين
انيهان اتصل للمهاا : هلا بالحب
المها : ضحكت بضحكه خفيفه وقالت اسكت !!
الريم : يا الاهبل المها حاطتنك سبيكر
نهيان : شو تبين يالياهل انتي
الريم : اقولك بدخل ١٧ وتقول لي ياهل ؟؟؟
نهيان : متى انتي و محمد تستون ١٨ و نفتك منكم ونزوجكم
الريم : لايع ما احبه
تكلمت المها مع نهيان و كان يسمعها من قصايده الي يكتبها و يعبر عن حبه عن طريقها وهيه كانت تهديه رسماتها الي ترسمها بكل حب
وصلو ليوا وكانت نضرات الحب باينه بين نهيان و المهاا وطبعاً وصلو المزرعه الي كانت كبيره و فييهاا كل شي
بدلت المها ولبست هودي وبنطلون وطلعت صوب الخيول
انهيان : المهاا
المها : بسم الله شو تسوي هني ؟؟ اقولك اوكيه صح بابا صايد ان نحن نحب بعض بس مب جي
انهيان : أغالب فيك الشوق والشوق أغلب ، وأكتم حبك في الحشا ويخب !
مهاا ابتسمت : انته دوم بتيب راسي جي شوه ؟
انهيان : بنت بدو سهله يعني
المهاا وهيه معصبه : شقصدك يعني ؟؟ بعدين تعال طالع منها انته شوه
نهيان : تعاليي شو فيج عصبتي
المهاا : لا ترمسني
نهيان : يا حماره وين سايره بلبسج ها وهناك كله عمال ؟؟؟
المهاا : ويت يعني انته عادي تشوفني جي وهم لا
نهيان لحقها و مسكها من ايدها بقوه وقال : اسمحي لا تعصبني بي انتي فالنهاينه بتستوين حلالي وانتي تدرين و هيه بقولج ليش هناك فيه عمال تراهم يرتبون لملجتنا وشاطره خربتي كل شي
المهاا زعلت بس ما بينت زعلها
نهيان : خذي فروتي ودخلي داخل يلا
دخلت المها الحجره عند اختها ريم وكانت تصيح
الريم : ويت ويت ويت المهاا تصيح ؟؟ شكله حلم
المها : ريموه تخيلي انه بيملج عليه اليوم و مشاور بابا بدون ما يقول لي ؟؟
الريم : انتي تصيحين فرح ولاا حزنن
المهاا : انا فرحانه بس ليش ما خبرني ؟؟ ليش
الريم : وينه الكلب
المهاا : تعالي تعالي اعرف انا اخد حقي عدل
الريم : العبب هاي اختيي الي اعرفها
