الريم : ها شو بتسوين ؟
المها : تخيلي تخيلي صرخ عليه لاني لابسه هودي و المشكله الهودي ساتر و كنت مغطيه شعري وكل شي ماعليه بكشخ و بكون احلى وحده
الريم و هيه تضحك : مب شي يديد هوه دوم جي يعصب !! تراج حلوه يعني ما تغير شي
المهاا : لالا انا اعرف شو بسوي
( قالت لها الي بتسويه )
الريم : لا انتي صاحيه و لا هوه صاحي ما ادري كيف بتعيشون انتو
بدأت المها تجهز و الريم تساعدها كان يدق نهيان لانه فهم ان غلط الي سواه وكيف زعلها و كانت المهاا مطنشه وقبل لا تبدا تقص شعرها دق باب الحجره
ام نهيان : يابنتي...
المهاا : هلا خالوه
ام نهيان : ابتسمت وقالت : كنت بقول لج كشخي بس ..
الريم ادخلت هني وقالت : ليش خالوه
ام نهيان وهيه تضحك : تستهبلون عليه ؟؟؟ هههههه انا اعرف عن حبكم بس يايه اقول ان مبروك و تستاهلون
استحت المها وحضنت ام نهيان و بدأت تجهز ولبست فستان احمر ضيق و كان مفتوح من الضهر لاكن اكمامه طويله و فيه فتحه عند الريل كانت المها جميله واسم على مسمى ! كان جسمها مخصر وكل شي فيها مثالي شعرها البنيي الطويل وعيونها العسليه و الرموشها كانت كامله !
خلصت الكشخه ووقعت وصار كل شي وكانت اول مره يشوفها نهيان بهاذي الملابس
( حتى وهيه تكلمه طول هاذي السنوات ماكانت اطرش صورها )
فتحت الباب وكانت كل ما تقرب منه يحترق وكأنه كانت حرارته توصل للمهاا رقم المسافه الي بينهم كان منبهر بجمالها ومغرم بتفاصيلها وصلت عندها وحبها على راسها طلع ابوه و ابوها
نهيان : انتي تستهبلين؟
المها : ليش حبيبي
نهيان : عيدي
المها : ليش ؟؟؟؟
نهيان : لا ما اباا هاي قولي الثانيه
المهاا : يالخاروفف
ضحك وقال لا تغيرين السالفه ليشش طالعه جي جدام ابويه
المها وهيه تضحك : انته مش طبيعي ها خلاص عادي حلال
نهيان : حتى لو حلال !! يا بنت انتي حلالي وانا ابا بروحي اتأمل حلالي
ضحكو و استانسو ولبسو الدبله وكلشي
بعد سنه تم العرس وكان من افخم الاعراس الي استوت في بوظبي والكل تكلم عنها
بعد ١٠ سنوات من العرس
المهاا : اسمع نهيان لازم نرمس فموضوع
نهيان : آمري ياروح نهيان
المهاا : حبيبي شوف انته تعرف ان سعادتك من سعاتي
نهيان بدا يتضايق وقال : لاتكملين
المهاا : ياروحي اسمع انته تبا تعيش شعور الابو وانا ما اقدر احرمك ١٠ سنوات ونحن ما تم شي ما سويناه انا اسفه ما اقدر اخليك جي
نهيان بدت دموعه تنزل : يالمها حب السنوات كلها تهون عليج ؟؟
المها وهيه تصيح : لا والله بس انا ما اقدر احرمك من شي انته تباه
اليوم الثاني شات المها اغراضها وسارت بيت ابوها وخبرته عن الي بتسويه وكل كان واقف وايهاا وحاول نهيان يرجعها بكل الطرق
المهاا اتصلت في نهيان : اسمع ياروحي اذا صدق تحبني طلقني و خذ وحده تسعدك بالعيال انا ما اقدر احرمك اسفه
بندت الخط بدون ما تسمع رده
وبعد ٨ شهور من محاولات نهيان ان يرجعها طلقها لانها كانت رافضه
وبعد الطلاق بسنتين وصل اتصال من ام نهيان وكانت المها تحب امه وتعتبرها امه وكانت تقول لها امايه
ام نهيان : هلا بنتي هلا
المها : هلا امايه هلاا بحبيبتي
ام نهيان : اسمعي باجر فيه مناسبه ولازم تحضرينها وعشان خاطري
واباج تكونين اكشخ وحده
( المها كانت تحب وايد ام نهيان ولا تقدر ترفض لها طلب )
المها بتردد : ان شاء الله امايه
كانت متوتره انها بترجع نفس البيت بعد سنوات وبترجع الذكريات لاكن استجمعت قوتها وبدت تجهز حق باجر وسارت الصالون تسوي اضافرها وتكشخ لانه ام نهيان طلبت منها جي
وفي ثاني يوم بدأت المها تجهز ولبست فستان ابيض قصير وضيق وكانت مسويه شعرها ويفي وحاطه روج احمر ولبست كعب احمر
دخلت عليها الريم اختها : ها المهاا عروس ما شاء الله
المها : ضحكت و تذكرت يوم كانت تجهز للملجه تماسكت وطلعت
وصلت بيت ام نهيان و دخلت وهني كانت الصدمه يوم عرفت شو المناسبه ..
