اود ان القي بنفسي اليها/لكي تشملني في سجل عشاقها/ولا تحسبني بسبب ذلك ثملاً/ ان كنت احب سيدتي/ لأنني من دون حبها لا اقوى على العيش/ فقد كان جوعي لحبها بالغ الشدة >>
____________________________________
تبارك.. يله احجي
غياث.. باعي بس لتفهميني غلط
تبارك.. دحجي
غياث.. اني من اول مشفت اختج اليوم الصبح بسرعه دخلت كلبي واني يوميه أشوفها بل كافتريا وعيني تروح عليها بس ما رحت فد يوم وحجيت وياها بس اليوم كلت خلي أتشجع واروح أكلها بلكت تتقبل الموضوع اني رحت وكتلها عادي اكعد واحجي وياج كالت اي أتفضل كتلها اني معجب بيج من زمان بس ما فد يوم اتشجعت أجي اكلج فاني جيت اليوم حتى اكلج واتمنى متفهميني غلط اني رايدج زواج مو اضحك عليج لا والله كتلها انطيني رقمج وبين ما اني أتخرج وانتِ توصلين آخر مرحله واجي اخطبج وكلام رجال هيه كامت وضربتني
تبارك.. اني أعرفك خوش ولد وادري بيك تريد بنيه حتى تزوج بس ما اعتقد رح تكدر تكسب اختي
غياث .. احاول لو عسه مادري شيصير بس لازم تصير الي
تبارك..مرح تكدر اخذها مني اختي واعرفها
غياث .. اني رايح للبيت وباجر أجي وإلا آخذ رقمها
تبارك .. نشوف
غياث.. وصلت للبيت واني تعبان وكبل من التعب ذبيت نفسي ونمت كعدت المغرب اكلت واني اتذكر الراجدي مالتها واضحك بعدين جتي امي وكالت
ام غياث.. يمه يردوك بل باب
غياث.. اني كمت حتى اشوف منو
لكيت دانيه بل باب
دانيه .. اسفه على الراجدي الضربته إلك اليوم ادري انحرجت واني مكدرت أتحمل منه الباجر حتى اعتذرلك لان اي بنيه بمكاني رح تسوي هيج
غياث .. طبي ميصير تضلين بل باب وعود نحجي
طببتها للمضيف واني الابتسامه واصله الاذاني ومصدكت هيه كبالي
دانيه .. غياث اني مجايه اطول جايه اعتذرلك واروح
غياث .. اقبل بس بشرط
دانيه.. والي هوه؟
غياث.. اخذ رقمج
دانيه .. اترددت أنطي رقمي بس بعدين هوه صديق اختي فأكيد ماكو شي انشالله وكتله تمام ورحت
غياث .. مصدكت أخذت رقمها وماعرف شسوي هسه كلت خلي اكوم انام وباجر يصير خير
غياث.. كعدت الصبح واسمع امي تصيح غياث و غياث واني اصيح ها يمه
ام غياث.. يمه انزل اتريك واطلع يردوك بل باب
غياث .. اني صفنت من يجي من الصبح
طبت اختي نور وهيه اختي الوحيده وكالت
نور.. غياث الي بل باب صديقك عبد العزيز
غياث .. يوو ليش مطببتوا
روحي كولي الامي خلي تطببه
نور.. خوش
غياث .. نزلت اتريكت ورحت سلمت على عبد العزيز يصير اخو تبارك ودانيه
عبد العزيز .. وينك شو مختفي لا تسئل لا شي
غياث .. والله ملتهي بل دوام مال الكليه ومن ارجع تعبان ومالي خلك اطلع لأي مكان
عبد العزيز.. يله على راحتك يي شلونك شخبارك
غياث.. الحمدلله بخير
عبد العزيز .. دومك .. أكلك جايك بشغله اتمنى متردني
غياث.. كول إذا اكدر على الشغله ابشر وإنه اخوك
عبد العزيز.. اسمع اني مرح اطول بل حجي بس اني رايد أختك على سنه الله ورسوله اني جيتك بحدي آخذ كلمه ونوب إدزلكم نسوان يخطبوها رسمي
غياث .. اني الصراحه ما الكه احسن منك يصير النه نسيب خلي اشوف راي البنيه واجي
غياث.. نور وينج
نور.. ها غياث
غياث .. جايج خطابه وهوه عبد العزيز اجى يخطبج بس مو رسمي كال خلي اشوفهآ موافقه ونوب ادزلكم نسوان تخطبها رسمي نور صفنت واني جنت متوقع مرح تقبل لان هيه تريد تكمل دراسه يله تزوج بس صدمتني بردها
يتبععععع
انشالله أنتوا وياي لهاي الللحظه كملو لان رح تعجبكم ولا تنسون النجمه والتعليقات الحلوه 😊✨
