الحب الحقيقي هو أن تتخلى عن كل صفاتك السيئة من أجل حبك.✨😊
____________________________________
ام غياث.. يمه هاي شصاير بيك ويامن متعارك
غياث.. لا يمه ما متعارك
ام غياث.. لعد يمه شبيك ليش هدومك كلها دم و وأيدك مشكوكه ومخيطيها شنو السالفه احجي بنيتي شنو السالفه
دانيه.. ضليت صافنه ماعرف شكلها حجه غياث وكال
غياث.. يمه باعي اني وبل كليه عثرت و وكعت على الدرج فلدرج مالتنه حاد شكها الأيدي وكبل البنات ما قصرن أخذني للمستشفى
ام غياث.. يمه تسلمون ومتقصرون تعبناكم ويانه الله يخليكم الاهلكم ويحفظكم ويستر عليكم بجاه محمد وال محمد
تبارك .. ادللي خاله هذا واجبنه وغياث اخونه وكف ويانه اكثر من مره لازم احنه هم نوكف ويه ونردله الجميل مالته
أحمد.. يله بنات رح اطلع أخذكم وياي لو لا؟
تبارك.. اي والله ياخويه اكون ممنونه منك
احمد.. يله يمه نترخص تردين شي؟
ام غياث .. لا يمه بل سلامه ودير بالك على البنات حطهن يم باب بيتهم
احمد .. صار يمه يله مع السلامه
غياث.. سلمن البنات على امي ودانيه ابد ما باعت بوجهي بس مدنكه ومتباوع راحن واني صعدت حتى انام نمت وكعدت المغرب اكلت وخابروني ولد عمي حتى اروح للمضيف مال العشيره لان اخوتي كلهم راحوا لازم اني هم اروح اعتذرت منهم وكتلهم ماكدر اجيكم اتقبلوا الوضع وره شويه تعبت حيل امي كالت كوم نام لازم ترتاح اني هم ماكسرت كلامها وكمت اصعد علمود انام ونمت وكعدت الصبح واني عيني كوه افتحهن فتمرضت كلش بسبب إيدي وللكليه تقريباً أسبوع ما رحت واخذت اجازه مرضيه لمده شهر لان اني ضليت أسبوع مريض وأداره الكليه شافو حالتي و شافو إيدي قبلوا ينطوني اجازه لمده شهر وإذا طبت اجيب الاجازه وارجع اداوم بعد فتره جتي تبارك للبيت وجابت الواجب مال الأيام ألغبت بيها واتحمدت بل سلامه
تبارك .. الحمدلله على سلامتك اخوي انشالله مابيك غير العافيه
غياث..الله يسلمج يارب لعد دانيه وين
تبارك.. دانيه مكدرت تجي لان عدها امتحانات وكالت اول وتالي باجر رح يداوم
غياث.. بعد ما سمعت كلام تبارك حيل ضجت وجاوبتها برود كتلها ها تمام
تبارك.. يله عيني اترخص اعوفك على راحتك ترتاح
غياث.. ماقصرتي لان جيتي تعبتج والله
تبارك ..شهل حجي هذا احنه اخوه صدك جذب
غياث ..بعد مراحت تبارك جابت امي اكل حتى اكل وره ما كملت أكل صعدت حتى انام ونمت وكعدت الصبح ورحت للكليه شكو شخص اعرفه إتحمدلي بل سلامه وشفت دانيه جايه عليه واني كعدت على صفحه يم شلتنه
دانيه .. سلام الحمدلله على سلامتك غياث ما تشوف شر
غياث .. الله يسلمج الشر ما يجيج
بعدها ضلن البنات يضحكن وياي ونسولف ونضحك واباوع على دانيه صارت حمره وعيونها بكصتها وكالت
دانيه .. غياث تعال اريدك بشغله
غياث.. صار ..شنو شصاير احجي
دانيه .. شنو كاعد يم البنات وتضحك وتسولف ولا يهمك تجاوبني بكل برود شنو سالفتك غياث
غياث.. اني هنه صافن شلون تغار عليه واتاكدت تحبني بس متحجي وهم جاوبتها بكل برود وكتلها وشنو يعني وكالت
يتبععع
كملوها حبايب رح تنال اعجابكم بإذن الله ولتنسون التعليقات الحلوه😊✨
