حبيبتي الكلمات جميلة والسطور رائعة، والمعاني صاخبة، وأنت ساحرة، دائماً أفكر بك، دائماً أحلم بك. حبيبتي فريدة أنت لا تشبهين أحد، أنت الجمال والصدق والسعادة في حياتي.✨🥹🫶🏻
____________________________________
غياث .. وشنو يعني
دانيه..(احبك)
غياث.. منصدم وماعرف شسوي اركص اكمز لو شسوي كتلها واني ارجف يعني صدك تحبيني
دانيه.. ضحكت وكتله اي شنو تريد ابطل 😄
غياث.. لا حبابه مو شلعتي الكلبي شلع
دانيه .. يله عادي الي يحب يتحمل كلشي مو صحيح
غياث .. اي صحيح اكلج
دانيه .. عيوني
غياث.. شوكت تردين اخطبج؟
دانيه .. بعد انتَ أتخرج هاي آلسنه وخلي اني اكمل المرحله الثانيه وعود الله كريم
غياث.. بس هواي
دانيه ..أتحمل على مودي
غياث .. تمام يمه فديتج بس
دانيه .. خجلت وماعرف شكول بعد واترخصت منه ورجعت للبيت وجان اشوف عبد العزيز يكول الامي روحي اخطبيلي
عبد العزيز.. يمه معليه روحي اخطبيلي احبها معليه
ام عبد العزيز.. يمه بعد مو هسه
عبد العزيز..معليه اني معليه
دانيه .. السلام عليكم
امي و عبد العزيز .. وعليكم السلام
دانيه .. شكو شصاير المن تريد تخطب
ام عبد العزيز.. يريد يخطب نور أخت غياث صديقه
دانيه .. اني سمعت أسم غياث ورحت بغير عالم بعدين كتلها يمه خلي يخطبها تره أهلها خوش ناس وهيه خوش بنيه وهيه الوحيده الاهلها لان أمها خلفتها بس ولد
ام عبد العزيز .. ادري يمه بس كتله مو هسه
عبد العزيز.. لعد شوكت يمه صارلج شهر تصيحين مو هسه تره اني آخذ خوالي وعمامي واروح اخطبها تدرين مخبل واسويها
دانيه.. لا يمعود اكعد عيب فشله من العالم
ام عبد العزيز ..حروح العصر وامرنا الالله
عبد العزيز ..احبنج يمه
دانيه.. اروح وياج يمه
ام عبد العزيز.. ميخالف يمه
دانيه.. ورحنا العصر وطببونا وسوينالها احلى مشيه وخطبها والحمدلله وبعد يومين يعقدون قران وأخويه طاير من الفرحه طب يشوف البنيه وهوه من بعيد يصلي على محمد ويهلهل واني واكفه واصفك ما احس إلا واحد جرني
وصحت غياث سد حلكي وجرني الغرفته وكال
غياث.. واخيراً كدرت اجرج
دانيه .. غياث عوفني ليشوفونه
غياث .. عادي خلي يشوفونه داحجي وياج مدا اسوي شي
دانيه .. باع بعدين نحجي خلي اطلع
نور .. دانيه وينج دانيه
دانيه .. شوف اختك دتصيح عليه
غياث.. زين شلون اني مشتاقلج
دانيه .. بعدين هسه
نور..وينج دانيه صارلي ساعه أدور عليج
دانيه ..جنت بل حمام
نور ..ها تمام ديله تعاي
غياث.. وره سنتين وبعد ما اتخرجت واتوضفت كلت خلي اروح اخطب دانيه كافي بعد
نور .. غياث شبيك دتحجي ويه روحك؟
غياث.. اريدج بموضوع
نور.. احجي
غياث.. هسه انتِ ليش أجلتي عرسج لهلكد مده طويله
نور .. احسن واصلاً بعد اسبوع واتزوج رسمي بس انتَ احجي شبيك
غياث .. أريد اخطب
نور .. ياهلا بهل الخبر الحلو منو سعيده الحظ
غياث.. دانيه أخت عبد العزيز
نور.. هاي شنو طلعت تحبها واحنه مندري 😄
غياث.. اي اريدج اليوم تكولين الامي تروح تخطبها الي
نور .. ادلل هسه اروح آكلها واجي
غياث ..راحت نور تكول الامي وره شويه سمعت صوت الهلاهل نزلت اركض امي كالت
ام غياث..يمه مصدكت شوكت أزوجك وافرح بيك واشوف جهالك يا يمه
غياث .. رحنه العصر حتى نخطبها وتمت على خير وعقدنه قران بنفس اليوم وصارت مرتي وحددنه يوم العرس صار ويه عرس نور
وره أسبوع اجي يوم العرس وكلها انخبصت وراها رحنه اني وعبد العزيز
نجيب العرايس أخذ نور واخذت دانيه ورحنه حتى يزفونه اني حجزت فندق ماحبيت العادات والتقاليد تنزف للبيت كلت إلا أزفها لفندق وزفيتها
يتبعععع
ياحبايب لتنسون النجمه التعليقات الحلوه ✨😊🤏🏻
