dark love

7alet 7op

*Shafik*
ماضي؟ يا نهار اسود مجاش في دماغي ان الاغنية
حتفكرها بكل حاجة ده غير ان انا بغير عليها زي زمان و انا خايف عليها جدا اكيد رنا علي اقرب الشواطئ اولا لان انا عارف ان ده اكتر الاماكن اللي رنا بتحبها و هي متضايقة ثانيا في رملة علي بنطلون هاري و ده اكدلي كلامي
*Rana*
انا حسيت ان شفيق جاي اخدت تاكسي و طلعت علي الشة بتاعتي انا و سارة مش عايزة اروح فيلته بس للاسف المفاتيح بتاعة الشقة سايباها في الفيلا
انا:اسفة بس لو سمحت عمو ممكن توديني فيلا محمود شفيق و العنوان *****

عمو:حاضر يا حبيبتي بس لو مفيش مانع حاسس لا انا متاكد انك في حاجة مضايقاكي صح؟؟

انابابتسامة: اه فعلا مشاكل مع خطيبي و كدة

عمو: و خطيبك محمود شفيق ؟

انا: للاسف اه

عمو: بنتي حتجنني بيه ده ساب الكوميديا و بيغني يا بابا ده بيحب بنت حلوة اسمها رنا يا بابا انا كدة عنست يا بابا ممكن افكر تاني في عوادلي يا بابا ده عوادلي مانتم سارة يا بابا.....قالها بسخرية لدرجة اني فضلت اضحك

انا:ما انا ابقي رنا حبيبته بس خلاص كلها اسبوعين و ابقي خطيبته و سارة انتيمتي و حبيبة عوادلي بس كلها برضه اسبوعين و يتخطبوا بس سلملي علي بنت حضرتك و قولها بلاش تغلطي نفس غلطة رنا و تعلقي نفسك بناس من الممكن انك في حياتك كلها مش حتشوفيه ابدا و لما يعدي نص عمرك و اخيرا تقنعي نفسك بقصة حقيقية و قابلتي الشخص المشهور ده حتندمي علي الماضي و حيبقي علي زي حالي مش شايلة غير الهم و بعدين اوعك تصدقي مشاهير لانهم حقيقتهم بتبقي اوحش بكتير من كدبهم اللي بيداري علي حقيقتهم

عمو:شكرا يا بنتي اهو وصلنا

انا:طاب عمو استناني هنا ثواني

طلعت بسرعة الفيلا اجيب المفاتيح من علي السرير بتدير لقيت شفيق فوشي اتفزعت و هو زقني و قعت علي السرير و اخد من ايدي المفاتيح

شفيق بعصبية و زعيق:اوعك تفكري تهربي او تبعدي عني تاني

انا بزعيق و صوت منبوح:سيبني يا شفيق مش ليك دعوة بيا انا عارفة انت مش بتحبني انت قولتلي كدة فاكر و لا تحب انا افكرك ؟....قلتها و بعد كدة قعدت علي طرف السرير و انا بعيط 

شفيق براحة و هو بيقعد جنبي و بيحط ايد علي كتفي و ايد علي دقني و بيخليني ابصله:بصي يا رنا انا محبتش قدك في دنيتي و انا لما قلتلك كدة كنت بجد مضطر و زمايلك فالفصل هما اللي خلوني اعمل كدة و بعدين انا دلوقتي دخلت البيت من بابه و طلبتك رسمي من ابوكي و غير كدة انا كنت حفاجئك انهاردة ان انا كتبت الفيلا باسمك عشان اديكي فيا الثقة الكاملة و الورق اللي يثبت كلامي اهو ....قالها و هي بيديني ورق كان علي السرير وراه هو اللي كان راميه اول لما شفته انا الصراحة كنت طايرة من الفرح لدرجة اني حضنته و قعدت اعيط و حسيت بدموعه هو كمان

شفيق بهمس: انا بحبك و اسف علي كل جرح سببتهولك او اي دمعة نزلت من عينك بسببي بجد اسف بس اعرفي ان انا بحبك و ماليش غيرك اصلا و علي فكرة حاولت افهمك الحقيقة بس انتي غيرتي رقمك

انا:لا اصل مجدي و محمد هما اللي قالولي اعمل كدة و لعبوا في دماغي و انا بعدها قررت انفذ كلمتهم و الخط القديم لسة معايا صدقني و غيرت من نفسي عشان لو حصل يوم و قابلتك و بعدين قابلتك فعلا فالكلية و في سنة اولي مش رضيت اتكلم او اقول انا مين و لحد ما جه اليوم اللي اتعرفنا فيه من جديد اول يوم فالترم ده

شفيق: ان شاء الله حبقي كويس معاكي و

قطعنا صوت حد فتح الباب و كانت ام شفيق هار اسود
طنط:يا جمالك جالي خبر ان ملكية الفيلا اتغيرت

شفيق:فعلا الفيلا باسم اللي حتسكن فيها يا ماما

طنط:بس انا مش حسمحلها تعيش معاك و لا لحظة و انت كلمتني و قولتلي علي موضوع خطوبتكم و انا قلتلك نك مش حتتجوز الا مديحة بنت خالتك

شفيق:طاب ما انتي اتجوزتي براحتك عايزة مني ايه و فيلا بتاعت بابا مكتوبة اسمك برضه زعلانة ليه انا سبتلك الفيلا بتاعتك و جيت بتاعتي اللي بابا بناها ليا و و اللي هي دلوقتي فيلا بتاعت حبيبتي

طنط:بس هي ممكن تاخد الفيلا و تحلقلك و لا تتجوزك و لا تنيلك انت عارفها بقالك اقل من 3 شهور

شفيق: لا يا ماما انا اللي نسيت اقولك ديه رنا بتاعت 3 اعدادي فكراها دلوقتي هي حبيبتي انا و بس و مش حتسيبني و مش حتاخد حاجتنا صح يا رنا ؟

انا: اكيد مش حسيبك يا شفيق بس يمكن طنط برضه تكون ليها وجهة نظر او ممكن يكون عندها حق في اللي هي قالته انا حثق فيك و حعيش معاك بس خلي الفيلا باسمك انت

شفيق:لا الفيلا حتفضل باسمك انتي و مش حيتغير عشان لو ماما مش موافقة تجوزنا انا و هي حنسيبلك الفيلا و نمشي فهي لازم تختار بعدين عايزة تجوزني مديحة اللي هي نفسها مش بتحبها

طنط : بس كدة خالتك تزعل مننا يا شفيق

شفيق: لا يا ماما تتفلق هي و مديحة بعدين مديحة اكبر مني بسنتين اتجوزها ازاي ديه

انا:طاب بعداذنكم انا حروح

شفيق :لا انا متفق مع سارة و عوادلي كلكم بايتين هنا النهاردة و انتي حتباتي في غرفتي كمان و سارة حتبقي معاكي و انا مع عوادلي فغرفة الضيوف

رنا:لا بقي خلاص يا شفيق

شفيق:رنا مليون مرة بقولك مش بحب حد يناقشني في كلمتي خلاص انا قلت كلمتي و انتهينا و حتقدملك و حتجوزك و مش حتجوز مديحة و مش حغير ملكية الفيلا و حشيل التوكيل حتي الجن الازرق مش حيعرف مكانه

طنط بزعيق: بقي كدة ده عند ييعني انا اللي سيبهالك و ماشية يا شفيق و تبقي شوف مين يدور عليك

عمو: انا حدور عليه عارفة ليه لانه ابني و عمل الصح اللي انا معملتوش عشانك هو عمله عشان ميزعلش قلبه و حبيبته و نصه التاني انا حبقي معاك يوم تتقدملها و معاك حق انا اصلا مستحيل احط ايدي في ايد خالتك عشان مديحة القبيحة ام لسان فضيحة ديه

شفيق :شكرا يا بابا

انا :شكرا يا ع..بابا
و روحت انا و شفيق و حضناه و طنط مشيت و هي متعصبة جدا و عمو مشي وراها

انا :بس انت لازم .......
♡.♥.♡.♥.♡.♥.♡.♥.♡.♥
ثتوووب معلش هو قصير بي طويل برضو يلا بقي عايزين فوت و كومنت بالهبل بقي كدة يلا اللي فالصورة مع شفيق ديه مديحة صاموعليقوا
love u all ♥