لَـغو الفنار

4

⊱━━━━⊰ لَغو الفَنار ⊱━━━━⊰

﷽
متابعة للحساب:
@Zainab_Ahmad16

أنستا:
zainab_.ahmad16

بقلمي:زينـب أحـمد 🦅

بصرخـة ابتديت العمر وصرخات
مــن ينتهـي ومحــد يــروح وياي...

تصويت وتفاعل بين الفقرات لُطفاً حبايبي

↫دارين↬

أستعجلت وطلعت لارين ماكو نزلت جوا سريع أشوف إبراهيم وآدم

متلازمين إبراهيم منفعل لكن آدم مو مُهتم واگف ساكت .
إبراهيم: شوكت تصير بني آدم وتصحى على روحك

آدم الصمت محتله يباوع لإبراهيم
بـ نظرات باردة وأيديه بجيب البنطلون .

إبراهيم: مو أحجي وياك جاوبني لا أطشر راسك .

جبل: هتليه شنو هالمهزله إذا حابين تتكاتلون
طلعو برا بيتي .

إبراهيم: العفو حجي بس أستاذ آدم يشتغل من وراي
وما ياخذ رأيي بـ شي وأحنا
نشتغل سوية وحضرته يتصرف من ڪيفه .

ڪان واضح الكذب على إبراهيم لأنه ڪلامه يخلو من الربط رغم ذلك
ألتزمت الصمت صاح بيهم عمي .
مرتضىٰ: يلا أفترقو ڪل واحد على غرفته .

توجهوا لغرفهم وأني عدت أدراجي صففت شعري وشسورته حتى لا
يزعجني
طلعت من الغرفة للمطبخ لأنه مڪان تواجد البنات دخلت وبالي مشغول بالِي صار إبراهيم
ڪان يكذب لكن شنو السبب
نفضت الأفكار من رأسي مو وڪت أشغل عقلي ڪافي علي الشغل بالمكتب .
غيد: دارين شنو تحبين تتريگين .

التفتت ألها أبتسمت أخفف من التوتر البنت هذه حبابة ڪُلش وتحاول دائماً تخلق
حديث حتى تتقرب منا .
_ أممم أني أڪل ڪُلشي ما أكو فرق .

_ ولارين و فَنار؟

_ لارين تاڪل ڪُلشي هَم لكن فَنار مزاجها بالأڪل راح يتعبج وهي أصلا نايمه هسه .

هزت راسها والتفتت على الطباخ وإني بقيت
گاعدة وافكر
من خلصت جابت الأكل وإني أكل نزلت فَنار
ملاحها تعبانه واضح عليها المرض
التقت بمروان وهو يصعد
أبتسم يتجنب يباوعلها .

مروان: الحمدلله على السلامة خويه .

فَنار: الله يسلمك .

ڪمل طريقة لفوگ وهي نزلت ماكو أحد كاعد
بالصاله و هم ما يگعدون
بالأستَقبال
دخلت للمطبخ صبحت علينا
وباوعتلي بأستغراب .

_ دارين شدا تسَوين هنا؟
_ دا أسولف ويا البَنات طمنيني شلون صرتي
_ بخير تعالي بالصاله لا تصير
ريحتچ طبخ .
غيد: ههههه ما جاي نطبخ باچه ولا سمچ هو دجاج .
_ ليش الدجاج ما أله رائحه
_ لا رائحته مو مثل ما جاي تگولين مو قوية .
_ بس تصير بالملابس علىٰ كلاً إلي مدا يطبخ ليش يبقى بالمطبخ و الصاله موجوده .
_ حتى نونس الي جاي يشتغلون .
_ إلي ما عنده شغل بالمطبخ يطلع وإلي عنده شغل يكمله بدون لهو ويطلع بسرعه حتى لا يضوج .