لَـغو الفنار

13

⊱━━━━⊰لَغـو الفَنـار⊱━━━━⊰

متابعة للحساب:
Zainab_Ahmad16

أنستا:
zainab_.ahmad16

بقلمي:زينـب أحـمد 🍁

هَم شايف بشر للماضي ما يحن؟
هَم شايف بشر لهسه من الجرح يون

↫فَنار↬

قبل يومان...

طلعت من البيت قاصدة منزل آسـر حتىٰ
أطمئن علىٰ صحه يمان
وصلت لبيتهم دگيت الجرس وأنتظرت يفتحون الباب تأخرو رجعت دگيته
فتحه آسر

_ فَنار! تفضلي ليش ما گلتيلي جايه .
_ أكو مشكلة اجيت بوقت غلط .
_ لا عمري ماكو مشكله بس على الأقل
ما تنتظرين برا وانتِ ما تجين بدون خبر .
_ أجيت أشوف يمان وأطمئن علي
وراح من بالي أنطيك خبر .
_ مو مشكله هسة اصيح يمان .
_ إذا تعبان لا يجي اني اروحله .
_ لا صار أحسن انتظريني ثواني .

طلع ينادي أخو وأني أنتظر ثواني ونزلو
آسر راح للمطبخ ويمان أجه يمي

يمان: هلا فَنار ليش تعبتي نفسچ وأجيتي .

فَنار: شلون لعد أخويه أنتَ شلونك هسه أن شاءالله أحسن .

يمان: بخير الحمدلله .

فَنار: دوم أن شاءالله .

سكتنا وهذا يمان توأم لارين كلامهم مختصر وما بيهم حيل يحچون دخل آسر
بيدة ضيافة

فَنار: ما كان أكو داعي اني أصلاً طالعه .

آسر: ليش هسة أجيتي ما صارلچ نص ساعة .

فَنار: عندي شغل والله وانا اجيت حتى اشوف يمان وهو الحمدلله بخير .

آسـر: براحتچ بس ترا ما محسوبه هذهِ .

فَنار: تتكرر إن شاءلله يلا أشوفكم غير وقت .

آسـر: مع السلامة .

ط

لعت من بيتهم كملت كم شغله ورجعت
للبيت بالطريق وگفت گبال السوبر ماركت
اشتريت معكرونا وجبن واخذت حلويان
دفعت الحساب وطلعت
خليتهن بالسيارة ورا وأني دا افتح باب
السايق تخلت أيد على حلگي
حاولت اقاوم بس فشلت وگعت غايبه
عن الوعي اثر المخدر
بعد فترة گعدت ما أعرف شگد مر وقت
واني هنا غرفة فارغة وأني
مقيدة باحبال على كرسي خشب
حاولت افك نفسي غمضت عيوني بأسف
ليش ليش لازم أعيش هالشعور
شعور العجز إلي اكرها
حسيت بباب ينفتح گبالي الغرفة ضلمه
دخل شخص ضخم
ما مبينه ملامحه حچة بصوت غريب
وكأن جهاز تغيير الصوت

_ أهلا بيچ ست فَنار حبيت
أهديچ هدية الزواج على طريقتي

فَنار: منو أنتَ؟