لَـغو الفنار

10

⊱━━━━⊰لَغو الفَنـار ⊱━━━━⊰

بقلمي:زينـب أحـمد🦅

متابعة للحساب: Zainab_Ahmad16@

أنستا:
zainab_.ahmad16

النار تچوي  وما تحس بالينچوون
ابرود المشكلة يحرگونك

تصويت وتفاعل بين الفقرات لُطفاً

↫دارين↬

دارين: بابا منو خالد؟

فتح عيونة على وسعهن منصدم وكأن ما
توقع راح ينطرح عليَ هيچ سؤال

محمد: من وين تعرفين هالأسم .

حچيتله بخصوص الرساله توتر وصار ينزل العرق على جبينه
ويبلع ريگه وحتى أمي وتيم حالتهم ما أعرف شلون صارت .

ساندرا: ليش ما گلتيلي .

دارين: هو گال گولي لأبوچ .

سيف: أي يابه منو خالد .

محمد: مو أحد أنسوا هالأسم ولا تذكرونه
بـ هالبيت .

تركنه وراح وأمي أتبعته تيم راد يطلع
لزمه سيف

سيف: تعرف شي؟

تيم: لا قابل شعرف مثل ما گال بابا
أنسوا .

تركنه وطلع بقينه أني وسيف ولارين
حايرين

لارين: أني راح أطلع للشغل .

دارين: أني هَم وأنتَ سيف ماكو جامعه اليوم .

سيف: لا عندي فاينل هسه طالع .

طلعنا ثلاثتنه كُل واحد بطريق
وصلت للمكتب
كملت كم شغله باچر عطلة وقبل
العطله نكمل الملفات
الضرورية بس ما كان أكو شغل
بـ هالفترة
فـ ماكو شغل متراكم اهلي ما أجوي
وآسر عندة محاكمه
وبس أني وتيم و لؤي بالمكتب
طلعت من وقت
راجعة للبيت، دخلت وكان الهدوء المُعتاد
محاوط الأرجاء
تركت حقيبتي على التخم ودخلت للمطبخ ردت أبچي
لأن فنار ماكو متو يسولي أكل دا أريد
أخلي الجدرية على النار
دخلت أمي

ساندرا: ها هاا شنو تردين تنتحرين
دارين: أنتحر؟!
ساندرا: لعد من تردين تحرگين المطبخ وأنتِ بي هذا مو أنتحار؟
دارين: لا ماما أريد أطبخ .
ساندرا: أنتِ تطبخين!! روحي ماما روحي
غيري ملابسچ وأني دا أسويلچ أكل .
دارين: تمام .

طلعت من المطبخ كلامها صح أذا
أطبخ فـ معناها أريد أنتحر
لان إذا ما حرگت المطبخ ما اكون دارين
بنت محمد غميت نفسي
بعد يمتىٰ أتعلم أطبخ وأصير مثل
البنات هسة هاي لو تهكير
كنت راح أهكر أجهزة الدوله بس طبخه
ما گدرت أطبخها
دخلت للغرفة سبحت وطلعت أشوف
أخر الأخبار على السوشيال ميديا
ومواقع التواصل
مشطت شعري ونزلت أمي كانت
دا ترتب الطاوله
بستها وگعدت أكل تيم كان راجع
هَم طلع من غرفتة وگعد ويايَّ
وسيف كذلك
أمي رجعت للغرفة وبقينا بس أحنا ثلاثتنا .