((جرح واحد)).
_بـقلم/لـبــوة.
_تعليق بين الفقرات لطفاً 🩷🩷.
*****************************
ضحكتك مشتره اسنيني وحرز
حلوات ديرتنه.
علي تاج الدين.
_لـجين:كعدت صبح لكيت ميان تفتر بميار بس تبجي،،غسلت وجهي واجيت يمها
صباح الخير.
_ميان:صباح النور
_لجين:شبيها تبجي
_ميان: والله مادري موتتني حتئ نوم مانمت من وراها شلعت كلبي.
_لجين: اطينياها بلكت تسكت
_ميان:هاج
_لجين:اخذتها وكعدت بالأصالة حطيتها وضليت اهفيلها ميان شافت ساعة وهي راحت تركض،،ها شبيج
_ميان:ولج نسيت اكعد شرار تأخر ع شغل.
_لجين:راحت تركض خطية شوية واسمع صوت صياحهم بالـ غرفة طلعت أمي فاتت الغرفتهم طلع شرار راح للحمام معصب ٱاجتي ايلين تفرك بعيونها
_ايلين:شكو شبيهم
_لجين:شيلي ميار يمج خلي اروح اشوف ميان
_ايلين:جيبيها داده هي بقت ع ميار،شلتها اباوعلها اشو هاي سمرة بسته من خدها واخذتها بالغرفة وهي بس تبجي .
_لجين: فتت للغرفة ميان كاعده ع جرباية وبس تبجي ها ميان شكو شبيكم
_ميان: والله مليت منه
_لجين:شبي،ليش يصيح
_ميان: لأن تأخر ع دوام،يعني أني بيدي والله ليلي مانايمته للصبح ويا ميار بس تبجي
_لجين:ميخالف حبيبتي لاتبجين كافي جان كعدتين اني اسكتها.
_ميان:شلعت كلبي تبجي بدون سبب بس ضلي شايلتني.
_شرار:لجين لجيننن
_لجين:فزيت طلعتله،ها
_شرار:سويلي جاي بسرعة اتاخرت حيل.
_لجين:تمام،ركضت غسلت القوري سويته بين ماصبيته شرار خبصنا تالي شرب شوية منه وطلع،،،ميان اجتي اخذت ميار وفاتت لغرفتها مطلعت بعد سويت الغداء اني أمي راحت توصل مرة يمنه جايبة للعصر دكيت ع أباذر ميجاوب
جانت أيلين تلعب طوبة بالحوش وشمريها عالي كسرت جامة مالـ جيران فزيت خايفة ودقايق دكو الباب لبست حجابي وفتحت الباب.
_السلام عليكم
_لجين: وعليكم السلام خوية
_هاي طوبة الكم صح
_لجين: بلي ،اني اعتذر خوية ،هاي ايلين شمرتها ماتدري
_ترى نكسرت جامة مال استقبال وإذا اجه أبوي وشافها ميصدگ انتوا كسرتوها عباله أني
_لجين:كُلش اعتذر من حضرتك ومتكرر بعد.
_ايلين:دا تحجي ويا لجُين وماحس إلا أباذر واگف ورا
أنت تقرأ
جرح واحد
Mystery / Thrillerثلاث بنات لكل واحدة قصة تختلف لتقرر واحدة الهروب مع ابن عمها فيدفع ثمن هروبها اخواتها....
