جرح واحد

((جرح 10))

((جرح واحد))

_بقلم/لبوة.

_تعليق بين الفقرات لطفًا🤍.
*********************

_حل شعرك حبيبي الليل بلچي يطول.

_عريان السيد خلف
************************************

_لجين:كعدت بالكاع لازمه رأسي وهو اجه يركض

_اباذر: شبيج لجين ها دختي

_لجين:اي

_اباذر:تعالي هناية اكعدي

_لجين:كومني كعدت ع جرباية وهو راح جابلي حباية وجع رأس شربتها وشوية وصرت زينة وين يلا نمت كعدت صبح بدلت ورتبت حجابي وطلعت رحت للمطبخ لكيت ام ريان تسفط بالخبز وموج تتريك،صباح الخير

_موج:صباح النور،تعالي تريكي وياي .

_لجين:رحت يمها خلصت اكل وكمت غسلت ايدي هي مقبلت اغسل المواعين،،رحت لغرفة دجلة لكيتها كاعده تمشط بودق.

_دجلة:هلاو همزين اجيتي كلت هسه حروح اشوفها

_لجين:جنت اتريك وخلصت واجيت هناية راسن

_دجلة:ودق اوكفي عدل حيجيج راشدي

_ودق:اوي عيني والله اكول الماما عليج ترى وجعتيني.

_دجلة: استغفر الله باوعي ع حايط لا تباوعين ع باب شبيج صير الضفيرة عوجه.

_لجين:كعدت بصفهن وهنه بس يتناكرن لحد ممشطتها وكامت معاجبها،،سئلتها اكلج دجلة ممكن سؤال

_دجلة:ايي اسئلي

_لجين:فرات ليش البارحه يكلج هيجي

_دجلة:اوف اوف،قصتنا اني وفرات قصة

_لجين:وهي؟!

_دجلة:شوفي كلها تدري فرات يحبني واني احبه بس ام فرات ماراضية بية وقافلة بسبب كرها الـ ماما تتخبل مني وعمو ياسر من مزوج هي شارطته علي إذا يزوج ميدخل بولده ولا بيها ومن فرات خطبني هي مقبلت وعمو ياسر مايكدر يحجي شي لأن هو موافق ع شرط واني امي هماتين ماقابلة تكول متخليج ترتاحين ويا،وضالين هيجي ننتظر توافق ام فرات.

_لجين:يا عزا

_دجلة:اي والله تتدرين اني عمري هسه 25 سنة وفرات 26 يعني فرات عمره 19 من خطبني وماقبلوا وصارلنا كم سنة ننتظر توافق ملينا واني تخرجت وكعدت بالبيت حتئ مالي واهس اداوم.

_لجين:ياعمري والله ضجت عليج أن شاء الله توافق بس شنو متخرجة أنتِ.

_دجلة: إدارة واقتصاد.

_لجين:ها حلو عبالي ممكملة

_دجلة:لاا ليش مكملين هسه عدج ريان متخرج نفسي وفرات علم نفس وموج راحت للسادس وهاجر رابع ادبي وعلي ثالث متوسط ودق خامس واباذر ضابط وعمو ياسر دكتور.