تنويه .... حلوياتي هاي بارتين سوة
ولان ردت اختمها ب 40 بارت
ومن تطول تصير ممله
قراءة ممتعة .... الكاتبة كاميليا
شميتك وي النفس وصرت اتنفسك واكثر
يالعينك غضب ربي ورحمة الله بعد اكبر
......
لؤلؤة
كعدنه الصبح سبحنه وودانه رامي للصالون
تمكيجنه وسوينه تسريحات بس ما لبسنه البدلات كلنه بالبيت نلبسها
وي طلعتنه من الصالون شخطت سيارة سريعه يمنه سودة وطبكت كدامنه بحيث ريهام فزت ورجعت ليورة
وعثرت اجه رامي يركض علينه
انفتحت باب السيارة ونزل رجال غريب اجه يم رامي بسرعه
... اني اعتذررر اسف صارلج شي اختي
ريهام : لا لا مابيه
لؤلؤة : وعلي لو اختي صايرللها شي جان حركت السيارة والبيها متدحك شبلاك .. خزرني رامي
رامي : يابه على كيفك انتبه ومنا وجاي
... اعتذر يابه فلت البريك والله واجدد اعتذاري
لؤلؤة : يا اعتذار ردنه نموت يكلي اجدد شتجدد هو اشتراك تاجددة
يله رامي امشي
صعدنه بالسيارة ورامي وريهام واحد يباوع للثاني ويضحكون
شكووو ضحكونة وياكم عييني
رامي : ممنتبه شحجت
ريهام : هههه اييييي
لؤلؤة : شكوووو بابااا
ريهام : عيني صايرة أكنان نسخه القزمه
لؤلؤة : مفتهمت
رامي : وعلي جان حركت السيارة شبلاك هاااااااا ولج
لؤلؤة : ابتسمت صدك اخر ايام كمت اقلد أكنان بكل شي
يضحكون عليه الطريق كله الى ان وصلنه راس الفرع مال بيتنه واشوفه مليان كراسي الشارع
رامي هاي شنو الكعدة
رامي : كعدة الحلوات مالاتي
ريهام : يعني
رامي : اجه زين وراكم وويا ولد وسيارة بيك أب كولها كراسي
فزين كال أكنان دزني كال خليهن هذني بالشارع كولهن هن والطبلات لان كرايبنه اللي بالانبار راح يجون
وحنتهم راح يسووها هنا وحجز اكل وكلشي محضر
لؤلؤة : فدوة قلبي رجعني بذاكرتي من كتله جنت اتمنى عرسي الكل تحجي بي .. ربي يحفظة الي
نزلنه وطبينه وتلكونه كرايبي وامي بالهلاهل
كعدنه وجابولنه لفات لان ملش جوعانه اكل وغسلت
أنت تقرأ
أكنان اللؤلؤ
Fiction généraleمن بين الاشواك تجد الزهور ومن بين الضلمات تجد النور ومن بين الصخور تجد المياه ومن بين صدفتين نجد اللؤلؤ اللذي حافظ على نفسه طوال الوقت ولكن سرعان ما يتم انتزاع اللؤلؤ وكسره ووتحطيمه الى قطع صغيرة فهل سيجد اللؤلؤ من سوف يجمع قطعه ويرجعه الى اصله ...
