أكنان اللؤلؤ

بارت 20

كلما تشتد بك الحياة تأكد
من بعدها فرج وفرح كبير

.
.
.

قراءة ممتعة . . . الكاتبة كاميليا

لؤلؤة 
 
اباوع على بطني الجبيرة واتحسر ماكدر احجي اي شي وحرام صح اني ماحب الاب بس مو سبب هذا علمود اكره طفل ما الة ذنب ولا عمري فكرت اسويله شي

وارجع اباوع على وجهي الشاحب وانقهر  فعلا صار بية توحد وجنون ياهو اللي يحجي وياي اكب بوجها وما اطيق اي احد عشت يم اهلي اكثر من يم اهل تميم

و تميم  ما حافظ على وعدة ورة ثلاث شهور الحمل من شافني ماكدر اي شي اسوي بسبب المرض وبسبب القهر اللي ملى قلبي كام يتأمر ويغلط بس ما ضربني

بس عرف شلون يعذبني يجيني بلليل ياخذ اللي يريدة وينام فلذلك دائما اروح لبيت اهلي وابقى اسابيع اخلص منه

اما فراق أكنان فهذا على جهة ثانية فراقه اللي كسرني
احس جنت متسبعه بي وهسه راح سندي انكسرت
اني لؤلؤة اللي محد كدر على لسانها وعلى ذكائها

اعترف انكسرت واحس اني مو لؤلؤة احس هاي وحدة ثانية بس اكول الحمدلله من ازاد انطاني الانستا مال أكنان وكمت اشوف ستورياته اللي كلها عن الانكسار والحزن

لحظة وحدة ما نسيتة و سوارة مانزعته من ايدي ابد
كولش احبه واتعلقت بي احسه قطعه منه
أكنان وان ما شفته بعد فهو اختيار قلبي وحبي الوحيد هو الوحيد اللكدامه اكون لؤلؤة الطفله

زهرة متقبل تزوج الا أكنان يرجع  ورامي متفهم الوضع وكال هم اكون نفسي اكثر

ريهام دتمتحن سادس وان شاء الله تطلع معدل واهم شي راح تخلص الامتحانات قبل ما اجيب

امي حيل تعبانه من ابوية كل يومية مشاكل ويا ورامي يتعارك وي ابوية علمودها ما عدا مشاكله وي ريهام
ودوامها

احس من سافر أكنان وكفت الدنيا شسوي ماعرف وتميم كلما اكولة على الدوام يعيط ويسوي مشكله وبلليل يجي يبوس ويعتذر

اللي اكتشفته انو تميم يحبني بس حبه بمرض ميخليني اطلع ميخليني اتمكيج ميخليني حتى اخابر صديقاتي

يغار غيرة مميتة بحيث اليوم اللي ما اطلع ولا اخابر احد يجي حتى رجلي يبوسها ويجيبلي غراض وهدوم
حتى السوك منعني منه واني ساكته بس لان حامل وروحي بخشمي

مابيه حيل اجاوبة واعاندة بس اعرف ورة هذا السكوت انفجار بس الله العالم شراح يصير

كل هذا اللي يسوي تميم عمي يدري بي فيكله دائما تحضر بسبب خبالك  على غفله تخسر كل شي
العجيب بالامر لحد الان مشارب شلون متحمل ماعرف

. .  .

ليان

اني فراقين عندي هم ابوية وهم حبيبي شسوي واذا يخابروني اذا ما اشوفهم كدامي شلون ارتاح اتذكر من ودعنه ابوية والدمعه بعينه واكفه