رغم الجفا روحوا و قولوله ياما على بالي طريت

الفصل7

بعض الذكريات عندما تقفز في ذاكراتنا ,
وبعض الماضيين الذين يظهرون فجأة في حيواتنا بين الحين والآخر ,
يجعلوننا نبتسم لاسعادةً ولا تهكماً ,
بل لأن شيئاً ماضياً جميلاً , وأحياناً مرّاً ,
زارنا في وقت لم نتوقع فيه أية زيارات من الأمس البعيد ..

*آثير عبدالله

فيصل:وجع راكان ايش فيك ع البنت هذي صاحبتنا امس تعرفنا عليها حرام وحيده , راكان:ماعلي منها المهم انا ابي مساعدتكم
مشعل:تفضل راح نعمل اللي نقدر عليه , راكان:احم جدي قبل كم يوم جمعنا وحكالنا عن عمي لف ع فيصل وقال بحده اللي طرده , فيصل بحزن:الله يرحمه , كمل راكان:وقال لنا ان عمي قبل لايموت الله يرحمه راح له بالمكتب
وطلب انه يسامحه لكن جدي رفض وهو قال ان زوجتي حامل وجدي طويل العمر توه يفكر بعيال عمي فأرسلنا ادورهم
فيصل بصدمه:ايششش تقول انت واخوي عبدالله عنده عيال وتونا ندري وصار ع وفاته عشرين سنه هذا اذا مو اكثر
كييف نلقى اعياله او زوجته وهم الحين اعمارهم تلقاها بالعشرينات هاه ! ,راكان:مو هذا اللي مصعب علي انهم كبار ولو لقيناهم اخاف يرفضون يرجعون معاي لـ السعودية ,
مشعل بصدمه لف ع فيصل :انت عندك اخو غيره خالد ونايف وسعود !
فيصل بتعب وهو يضغط ع عيونه :ايه ايه الله يرحمه ابوي طرده
راكان تنهد بتعب
فيصل رفع رأسه بسرعه وناظر عيون مشعل
مشعل ناظره يعني ايش فيك
فيصل بلع ريقه :احم اسماء اسم ابوها ايش
مشعل يتذكر :امم ايوا عبدالله ليش !
فيصل حس الدنيا تدور ضرب رأسه يبي يبعد الصداع اللي داهمه
راكان ناظره :ايش فيك
فيصل:اخوي الله يرحمه زوجته ايش جنسيتها
راكان :امم اظن بريطانيه
فيصل بصدمه هاجمت قلبه بلع ريقه وهو يتذكر حكي اسماء " ماما وحيدة اهلها وهم توفوا وبابا ما ادري عنده اهل اولا لان ماما ماقد حكتلي عنهم وكل ما احكي لها ماتتكلم": اسماء
مشعل ناظره وهو معقد حواجبه:اسماء !
راكان متنح معاهم:مين اسماء!
فيصل :اسماء الا هي هي والله ابوها توفى وعمرها سنه وامها بريطانيه توفت امس وابوها ماتدري عن اهلها
راكان ناظره بصدمه :لآلا مو هي مااتوقع جاب بنت بس وحده طول زواجه !
فيصل عقد حواجبه وهو يتنهد و
بعدين وقف بسرعه
:انا بتأكد
راكان وقف معاه ولحقه
ومشعل جلس مايبي يتدخل
فيصل وهو يركض وراه راكان
راكان : استنى يافيصل كيف نتأكد
فيصل لف عليه وبسخريه: كيف يعني بنتأكد بالله عليك اكيد من اسمها كامل
راكان لف وجهه عنه وهو يشوف اسماء جالسه بالثيل وتكتب
وراح لها
فيصل عقد حواجبه :راكان وين تعال ندورها
راكان اشر له بيده "يعني تعال": لقيتها
فيصل قرب من اسماء :ممكن نجلس شوي
اسماء رفعت رأسها وابتسمت لفيصل:فيه شي!
فيصل جلس بعيد شوي عنها وراكان مازال واقف
فيصل:احم انتي ماتعرفين شي ابد عن اهل ابوك
اسماء تنهدة من هالسالفه وبهمس :لآ ماما الله يرحمها قلتلك انها ماحكت لي !
راكان بجمود:ايش اسمك
اسماء بتكشيره:وايش دخلك!
فيصل ابتسم :يلا قولي اسمك كامل
اسماء بتعب وهي توقف :فيصل ايشبك الظاهر اني قلتلك اسمي !
فيصل وقف معها:اسماء رجاءً
اسماء وهي تتأفف وتآخذ كتبها :اسماء عبدالله محمد آل ... فيه حاجه ثانيه
فيصل رجع شوي ع وراء ماكان متوقع صدمه مثل كذا
راكان ابتسم ع جمب
اسماء ناظرتهم بإستغراب ومشت عنهم
فيصل بلع ريقه ولف ع راكان
راكان :لازم نقولها
فيصل بتعب: اكيد بس كيف بتتقبل يعني امها توها متوفيه
راكان وهو يجلس:شوف فيصل عاد تتقبل ماتتقبل جد مالي شغل بأمها المهم اني اوصلها لجدي
فيصل وهو يمسح وجهه بتعب:الله يهديه ابوي هو اللي وصلها كذا
راكان بضحكه استفزاز :والله جد ! الحين جدي هو اللي مو مخليها متغطيه الحين هو اللي مخليها تكشف ولا تفك شعرها وتلبس عادي كأنها بيتها
فيصل بصراخ :أي هو هي تعودت ع مجتمعها ياخي زين بعد انها مسلمه
راكان هنا ماقدر يمسك ضحكته والكل ألتفت عليه :اجل زين بعد وقف *بجديه
اليوم لازم نقولها رضت ولا كيفها عاد
فيصل هز رأسه بأسى :ياخي عدل اسلوبك
راكان تكتف وهو معقد حواجبه : لا شرايك بس تعطيني كورسات بكيف يكون اسلوبي يعجب الدكتور فيصل !
فيصل ابتسم ع جمب يبقى راكان الله يستهزء بأحد تكلم عليه او قاله شي فيه مو زين لازم يردها بستهزاء :المهم انا كيف افاتح معها
راكان ابتسم :لآ خلها علي
فيصل :لآ مااظمن بنت اخوي معك
راكان :لآ احلف زين والله تخاف ع بنت اخوك
فيصل :اكيد هي بنت !
راكان بضحكه استفزت فيصل وبقوه :اجل كان خفت ع البنات اللي تحاكيهم
فيصل بنرفزه :اجل خلها لك وكيف كانا بروح
راكان هز رأسه