رغم الجفا روحوا و قولوله ياما على بالي طريت

الفصل 20

لا يزال التحديق في عينيك
يشبه متعة إحصاء النجوم في ليلة صحراوية...
ولا يزال اسمك
الاسم الوحيد "الممنوع من الصرف" في حياتي..
لا تزال في خاطري
نهراً نهراً.. وكهفاً كهفاً.. وجرحاً جرحاً...
وأذكر جيداً رائحة كفك..
خشب الأبنوس والبهارات العربية الغامضة
تفوح في ليل السفن المبحرة إلى المجهول...
... لو لم تكن حنجرتي مغارة جليد،
لقلت لك ...شيئاً عذباً
يشبه كلمة "أحبك" ...
* غادة السمان

سماح : همم وكيف شكلها
تركي وهو يتعطر : صراحه ماشفتها بس ذي العائله كلهم مزايين * وحب راسها* يالله انا طالع ادعيلي حبيبتي
سماح دمعت : مع السلامه الله يوفقك الله معك
* فبيت الجد محمد*
سلم تركي على الكل وكان فيه ابو فواز وفواز والجد
الجد : فواز قم جيب القهوه
تركي : لا مشكور عمي انا جاي اطلب القرب منكم
الجد : بمين !
تركي : صحيح انه مفروض ابو راكان يكون موجود بس ياعم كنت ابغاك انت تشاوره انا ياعم ابغى بنت ابو راكان
فواز حس الدنيا توقف ناظر تركي بشر ووقف: انا اولى من الغريب يا جدي
ابو فواز : فواز اقعد وش هالكلاام
فواز بعدم وعي : يبه انا احب ندى من الطفوله وبعدين يجي واحد وبكل سهوله ياخذها
تركي بنفسه * كل تبن بس مسويلي عنتره بن
شداد بس اهه يالقهر ودي اطلع قهري
باقرب ماعنده*:فواز هد انا ما بغيت الا القرب من عمي محمد بس وان شاء الله تكون لك ماراح اوقف بينكم !!
ابو فواز : اعذرني يا يبه على حركات فواز
الجد مبتسم : لا بالعكس اثبت حبه فواز
فواز :تسلم ياجدي
الجد : هي لك وانت لها بأذن الله
ابو فواز : عاد من يطول بنت ابو راكان الله يوفقكم يارب
فواز مصدوم : من جدك تتكلم
الجد : ايه ياوليدي بهالامور مافيها مزح بشاور ابو راكان وكل شي بخير تطمن
تركي والحين كيف بنتقم اسماء تزوجت الخبل راكان وقلت بنتقم من اخت راكان بس طلع لي ذا النشبه ! وقف ومسوي نفسه حزن : مبروك مقدما فواز واسف ياعم انا بس كان ودي القرب منكم بس شكل مالي نصيب
الجد : بس هيفاء بنتي موجوده
تركي استانس : والله طلبتها ياعم تكفى لاتردني
الجد : هههههههههههههه ياوليدي اول نشاور البنت ومني انا موااافق و هي بتوافق لاتخاف
*طلع تركي و فواز وابو فواز والكل كان مبسوط جدا*
الجد راح يقول الجده اللي كان عندها هيفاء
الجد ؛ يا نويير لك بشارتين
الجده : قولها طيف كيفها
الجد : هوو من جاب طاري طيف اقولك ثنتين من بناتك انخطبو اليوم

الجده نقزت : من
الجد : ندى ويناظر هيفاء بيشوف ردة فعلها وهيفاء بنتي
الجده : قولولولوولولولولولولوش مبروك مبروك
الجد : وش بك توه ماصار شي
هيفاء قامت مستحييه بس كان ودها تعرف مين هو
الجد : تعااالي هيفاء تعالي يابنيتي اجلسي يمي *وهو ماسك يدها* يابنيتي اليوم جا تركي ال ......... حفيد صديقي اول الله يرحمه وطالب القرب مني يابنيتي فكري واستخيري وانا موافق وانا اشهد انه رجال كفو
هيفاء : ان شاء الله بابا
وطلعت لغرفتها ركض
اههه ياقلبي تركي ماغيره اللي شفته بالمجلس هذاك اليوم والله انه مزيون وباين ولد نعمه استغفر الله استغفرلله وش اللي جالسه افكر فيه كاني بزر لازم اختار زيين هذي فيها تحديد حياتي المستقبليه اقوم اصلي استخاره والله يكتب اللي فيه خير
...............................
فيصل بالمستشفى حقه
جالس على مكتبه ويفكر * ياربي مدري انا اللي سويته صح هربت طيف وابراهيم وابوي مو موافق صح هذا الشي ماسويناه الا لمصلحتهم ابوي من متى فكر بمصلحت عياله عشان يعرف هذا صح او لا
استغفر الله وش اقول انا هذا مهما كان ابوي لازم اعتذر له
وتذكر قوله سبحانه { وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا . وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا . رَّبُّكُمْ أَعْلَمُ بِمَا فِي نُفُوسِكُمْ إِن تَكُونُواْ صَالِحِينَ فَإِنَّهُ كَانَ لِلأَوَّابِينَ غَفُورًا } {الإسراء/23-25}
استغفر الله كيف رفعت صوتي وزعلته بروح اعتذر له