احفاد ال يسار

البارت العاشر

احفاد ال يسار
للكاتبة بنين..

<يحلوين لا تنسوين التصويت والكتابة على كل فقرة ليش المشاهدات اعلى من اللايكات صوتوا حتى بأسرع وقت انزل>

أيدي چانت تنتضر أيدك تضمني
وسگتة منك وسگتة مني
وهيج قصتنا نگضت
لاگدرنا نحچي البينة
ولا سوالفنة نحچت
چنه نعرفها أنتهت ..
ردت أگلك وحشة دربك
وأدري بي لمن مشيتة
ردت أگلك حيل أحبك .

غياث

وهيج كملنا شد السبلت ويوسف ذبني يم الشقة وهو راح للبيت واني دخلت حذفت الحساب الي حاجيتها وهيج استمرت الايام روتين عادي لا شيء لحد ما يوم من الايام قررت افتح حساب الانستكرام مالتي الي صار الي ٥ سنوات من تاركه
ضايف الكل بي من كرايبي واصدقائي

سجلت دخول عليه الحساب معلك كد الرسائل الي دتوصلني عليه والخاص اصلاً ما ينفتح بس يحمل لأن تاركه صار هواي نشرت

ستوري شعر وصرت اكلب بالهايلات وابتسم كُلها ذكريات ويا آدم ، ليث ، علي ، ريم ، اولاد عمامي اختنكت كلش واني اباوع ع

الذكريات وصلتني رسائل جديدة من الاشعارات دخلت من ريم ماكدرت اجاوبها دخلت للستوري انصدمت!

العشيرة كلها شايفته انوب رحت للرسائل شفتهم كلهم مراسليني وديراسلون بس مادخلت على اي محادثة ما الي قابلية احجي ويا احد ابدًا سديت الجهاز ونمت باجر عندي شـغل

كعدت ثاني يوم الصبح واتوجهت للشغل ومن خلصته رجعت للبيت

اتمددت بعد ما سبحت وفتحت الجهاز شفت آخر شيء مراسلة من آدم جانت قبل دقايق قليلة اتوترت دخلت بالغلط للمحادثة شفت هواي كلام قديم بس الرسائل الجديدة كلها نقاط يدزلي نقطة نقطة !!!

عگدت حاجبتي بأستغراب وكتبت
:نعم؟؟؟
رد :نعم؟
غياث:اي ليش مستغرب تفضل شتريد؟؟

جاوبني بتفاجئ تحاجيني هيج!!!!!

غياث: مجاوبته بس خليتله لايك ع الرسالة

اتصل عليه يوسف

يوسف: هلا بالمختفيي

غياث: هلا بيك يويو مو تدري ملتهي بالشغل

يوسف: يويو بعينك

غياث: رح اطلع تجي؟

يوسف: وين؟

غياث : مادري هيج عاجبني اتمشى؟

يوسف: دقايق وجايك