رفيق الروح

الجمال

لم تكن مشكلتي بأنني قليلة الجمال بل مشكلة ذالك المجتمع الذي أصر على أن يضع الجمال في إطار معين وبصفات معينه أنا لا أشعر بأنني  قبيحه ولكن ربما جمال اخواتي الأكبر فاق ملامحي العاديه فأ صبح الجميع يراني قبيحه او ربما البعض يعتبرني قليله كثيراً لا اصل لمستواهم قط ، ورثو ملامح أمي وورثت ملامح أبي وتلك هي اكبر مشاكلي لما ارث ملامح شخصُ بغيض مثله؟ إن كان يوجد أكثر شخص ابغضه في الحياة سيكون أبي لن اذرف دمعه واحده أن حدث له مكروه ونعم اتمنى ذالك بشده ولست نادمه على تلك الامنيه ..

'نوره ' .
..............
دخل البيت بعد انتهاء دوامه اللي كان بالنسبه اليوم شاق ومتعب كثير القضيه ماهي هينه ومبهمه كثير تجار المخدرات اذكى المجرمين اللي قد يواجهم دخل الصاله لقى أمه تتابع التلفزيون ابتسم لما طاحت عينه بعينها وبادلته الابتسامه

الرياض
:كيف الحال يا أ منه
امنه: ولد عيب هالكلام قول يمه
:اضحك عليك يا أمونه وش فيك
ضحكة وهزت راسه بيأس منه واردفت :إلا اقول فرج وش رايك ..
قاطعه:لا
امنه : وليه ياكافي يمه تكفى خلني افرح عمرك بيوصل ال٤٠
فرج : الله يمه بالغتي مابعد حتى انتصفت الثلاثين
قطع حديثهم دخول  اخوه من ابوه كشر لما شافه اكيد بمصيبة او يبغى فلوس كالعاده .
:السلام عليكم تقدم يبوس راس امنه اللي بدورها ابتسمت له
:كيف حالكم
امنه :بخير يمه انت وش اخبارك واخبار امك
:بخير الحمدلله كيف الحال يافرج
فرج :بخير يامشعل هاه جاي بمصيبه والا تبي فلوس
مشعل بضحك :وش فيك علي ياخي جاي اسلم على عمتي ما ابغى شي
امنه :ماعليك منه يمه تعال وقت ماتبي
قاطعتهم نوره بدخلوها .
نوره :السلام عليكم
:وعليكم السلام
امنه : من وين جايه وليش ماقلتيلي
نوره :كنت عند افنان اعطيها فستان عندهم عشا ومتوهقه ماتدري وش تلبس فأعطيتها من عندي
مشغل :والله انتو يالبنات فاضيين تشيلون هم كل طلعه
ناظرته باستصغار وصدت عنه
نوره :يالله أنا استأذنكم عندي شغل وصعدت
..................
في بيت آخر جالسه تحت الشجره بالحوش تقرا رواية وهذا كان هروبها الوحيد من واقعها دق باب الشارع بقوه وأفزعها وقفت خلفه تسال
: مين
:افتحي ياسوير الكلبه
ساره: عمي ناصر  وش تبي
جو خواتها ركض على الصوت
العم ناصر : أنا تبلغين عني ياسويره والله لأدبك يابنت عبدالرحمن الظاهر اخوي مأدبك بشكل كافي
ناظرت خواتها اللي اعتلت وجيهم الصدمه
ساره بقوه مصطنعه : عمي انا ما بلغت إلا بعد ما كلمناك مليون مره انت اللي أجبرتني
طنشها وصار يدق عالباب اقوا ويسب طنشته وخذت خواتها لجو على أمل يمل ويروح .
:ساره انتِ متى اشتكيتي تدرين أمي لو تدري والله تزعل
ساره : يا نجاة خليها تزعل عاجبك وضعنا
نجاة:لا مو عاجبني بس وش بيصير بعدها
قاطعتها الأخت الثالثه : لحظه انتِ متى رحتي واشتكيتي ؟
ساره : رحت امس الفجر أنا وإبتهال وأخوها عبود
شهقت :الله اكبر عليك الفجر مره وحده؟
ساره : وش اسوي هذا الوقت اللي انتو نايمين فيه لو رحت وانتو صاحين بتخوفوني زي كل مره ياحياة
نجاة :خلاص بلغت واللي صار صار بس وش راح نقول لأمي وبعدين انتِ صار فيه بلاغ بالجوال قديمه انتِ رايحه للمركز
ضحكة ساره: ومن وين لي جوال
نجاة :ايوه صح مافي غير جوال أمي ههههههه
حياة :انتو فاضيين هذا وقت ضحك اقولكم امي وشلون بنقولها
وقفو كلهم بحيره بعد ما اختفى ضرب عمهم عالباب ينتظرون امهم ترجع من جارتهم أم عبود لعلى وعسى يقدرون يفتحون الموضوع بشكل مايخليها تعصب ويرتفع ضغطها ..
..............

جده

نزلت بأناقتها المعتاده كل مغرب دخلت المطبخ تسوي القهوه وهي تغني  فاجأتها اليد اللي لفت حولها وأفزعتها
بشهقه : بسم الله خالد مالك داعي
خالد بضحكه : بسم الله عليك  وين العيال ما أشوفهم
:وسن ووتين نايمين وملاك تذاكر بغرفتها وفرج طالع مع اخوياه
خالد :وولدك هذا أربع وعشرين ساعه برا وهايت  ليته طالع على سميه لو شوي
: مراهق خليه يستمتع بعدين أنا اخوي ماله شبيه فديته
خالد بغيره واضحه :وخالد مافي فديته له
:خالد حبيب الروح ورفيق الروح تفداه عيوني
خالد بهيام :نوف احبك
نوف : وانا أموت عليك . .

.............