رفيق الروح

العضله

ربما لم تكوني يوماً ولن تكوني من نصيبي عقلي يستوعب ذالك ولكن قلبي يأبى ، لا نختار من نحب إنها تلك العضله العينه القابعه في صدورنا تتحكم بنا احياناً لتحملنا ما لاطاقة لنا به ،يختالني شعور الدهشه والغرابه في انٍ واحد أيعقل أن لاتوجد امرءه بعد كل تلك السنين قادره أن تزحزحك من داخلي ثم بعده ذالك تجتاحني موجة غضب وأقسم بداخلي أنني سأزيحكي من داخلي لأجد نفسي بعد ذالك اكفكف دمعي وارجع لأرتبك في مخيلتي وتعود صورتك مرةً آخر تلك هي طقوس غيابك كل يوم لا أجد منكِ مفر وكأنك وشمٌ على صدري لا أستطيع مسحه .

فرج
.................

الرياض
بعد اسبوع رجعت من بر ا دخلت على خواتها رمت عليهم الكيس اللي كان يحمل جوالاة جديده فتحوه وصرخو بصوت واحد .
نجاة : الله يدخل ساره الجنه
حياة: امين بس من وين جبتيهم
ساره : من الفلوس اللي لقيتها بالحوش وطلعتكم بعد ارقام بأسمي ، وين أمي
حياة: بغرفتها
راحت لأمّها اللي حصلتها تصلي وتدعي ودموعها على خدها انتظرته لما خلصت .
ساره : يمه
ام سالم بدون نفس :نعم
ساره: ماودي أضيق صدرك بس فكرتي بالموضوع
ام سالم :فكرت والظاهر إن هذا هو الحل الوحيد لازم ننقل وننقل خواتك بعد من مدارسهم ومانخليلنا اثر  حتى رقمي بغيره عمك ماراح يخلينا بحالنا
ابتسمت ساره لأن واخيراً أمها اقتنعت
..............
الخبر
صحت من موجة الحزن اللي اجتاحتها وقررت بأنها ماتستسلم أهي الأساس وراح تظل الأساس مو مهم إذا هو يحبها اولا او كان صادق بكلامه اللي قاله لزوجته الثانيه اولا المهم انها هي تحبه ومصلحتها معاه هي ماتقدر تتخيل حياتها بدونه ابتسمت وهي تردد بينها وبين نفسها انتِ قوية يافاطمه واجهتي اللي اقوى لاتخلين وحده مثل شهد تهزمك حتى لو حبه لك تغير بترجعين تخلينه يحبك من جديد صح أنا قويه .
فتحت دولابها طلعت لها فستان احمر قررت تلبسه وتضبط له وهي تردد أنا قويه وبخليه يحبني من جديد أنا الأساس .

................,
الرياض
وقت الفسحه جالسه بساحة المدرسه تطالع بنت اخو افنان واللي جمبها عرفتها وكيف ماتعرفها وهي نسخ لصق من امها بياضها وجسمها انفها المستقيم شعرها الناعم الاسود نفس الهيئه هيئه صالحه اللي كان كل اولاد الحي يبون يلعبون معها من كانو صغار كانت جميله ومميزه حبها سعود ولد خالتها وتزوجته الان حبها متعب طليقها وحتى اخوها فرج ما سلم من سحر جمالها ناظرت انعكاسها على شاشة جوالها وبدأت بالمقارنه ماتوصل لجمال صالحه ولا حتى جمال خواتها الأكبر لكنها مقبوله بشره قمحيه مائله لسمار انف مستقيم وهو الشي الوحيد الي ورثته من امها عيون كبير فم صغير رقبه طويله وشعر مموج طويل هي تعرف بقرار نفسها ان لها سحر خاص لكن المقارنات ذبحتها ووضعها دائما في المراكز الاخيره دائماً ماينقال حلوه لكن أخواتها احلى ليش ماينقال حلوه وبس وهذا الشي دائماً يقلل ثقتها بنفسها لما كانت صغيره ،لوهله تذكرت كلام افنان ' إذا اعجبتي بنته راح تعجبينه ' حركة راسها محاولة لإزاحة هالافكار لكن بدون وعي منها لقت نفسها تروح لبنت اخو افنان تسلم عليها .
نوره : صباح الخير زهره
زهره : صباح النور نوره اوه اقصد استاذه نوره هههه
ضحكت نوره بدورها : مو مشكله كيف حالك
زهره :تمام الحمدلله انتِ كيفك
نوره : بخير عرفينا على الحلوه اللي معاك
زهره :هذي جود بنت متعب صديق بابا واخوك فرج
نوره بتمثيل :اها انتِ بنت صالحه امك كانت بنت جيرانا وصديقتي كيفك
تكلمت جود واخيراً : الحمدلله
سرحت نوره بصوت لان برضو كان نفس صوت امها ناعم رقيق تداركت الوضع وصحت من سرحانها وهي تستأذن راحت على مكتبها وهي مستغربه من نفسها هي لوهله كيف اقتنعت بكلام افنان  رددت بداخلها بعد ما أهلكها التفكير يارب عطني إشاره وحده بس .
...............

حايل

أتعبه الوضع اللي قاعده تعيشه امه كل يوم واعتقادها بإن الأمور تحت السيطره وأنهم مو فاهمين شي لكنه الان كبير ويفهم  ماعاد الطفل الصغير  قطع تفكيره صوت أشعار من الإنستقرام فتحه شاف الإعجاب على صوره من صوره يعرف من مين وإن حاولت تخفي نفسها مايجهل إعجابها فيه ابد تعتقد انها مخفيه الموضوع عنه وكل شي واضح نظراتها حياها لما تشوفه ما ينكر ابداً جمالها ونعومتها لكن بعكس منهم بعمره الجمال غير كافي بالنسبه له قلبه ماقد لها ابد ولا راح يفز فجاءه سمع طرق الباب
عبدالعزيز : ادخل
طلت برأسها امه وهذي كانت حركتها دائماً ابتسم لها واردفت
ساميه :وش تسوي
عبدالعزيز : جالس اشوف النتائج إذا طلعت ولالا
ساميه : لاتتوتر ان شاءالله ناجح وترفع راسي
ابتسم بدوره وهو يتمتم :ان شاءالله
ساميه : بس كنت جايه اقولك ان ابوك وافق نروح لرياض
عبدالعزيز ببروده المعتاد : زين
ساميه وهي تقوم :جهز اغراضك 
................

الرياض

جالس على مكتبه يفكر بحاله عمره الان يتجاوز ٣٠ اوحتى انتصفها لازال اعزب  يشتاق كثير لكلمه بابا برغم انها مانقالتله ولا مره لكن يعرف ان اللي راح تحقق أمنيته ماراح تكون صالحه في كل مره يتذكر هالشي يقل حماسه قاطع سرحانه الباب اللي انفتح
متعب :السلام عليكم
فرج :هلا وعليكم السلام
متعب : مطول ترا الدوام خلص
فرج: اوه مانتبهت
متعب : وش اللي شاغل بالك عسى ماخلاف
فرج : ماشر مافي شي انت ليش ماطلعت
متعب : نفسك مانتبهت للوقت
فرج: وش كان شاغل بالك انت
متعب :ولا شي
سكت فرج لوهله وبقرار نفسه عارف ان السبب اللي شاغل باله شاغل بال متعب بعد أردف
فرج: طيب تعال معي عازمك على الغداء
متعب :يالله ماراح اردك .

.....................

حان وقت الخروج اخذت عبايتها تلبسها واخذت شنطتها متوجهه للباب الرئيسي وقفتها الوكيله
: استاده نوره
نوره: ياهلا
الوكيله : المدرسه اللي تدرس الصفوف العليا حصلها ظرف واحتمال  ماعاد تجي لفتره فالله لا يهينك لو تمسكين مكانها لفتره
نوره : ان شاءلله
مشت بتكمل طريقها لكن استوقفها شي صفوف عليا يعني فصل ثالث يعني فصل جود ناظرت لسماء وهي تمتم معقوله هذي هي الإشاره .
......................