روايه : خيانه بلا شفقه
البارت: الاول
________________
في احدي العيادات يتواجد " سليم وملك" عند الدكتور "محمد" ،حيث قامت ملك بعمليه (حقن المجهري ) بعد أن اقنعها للمره العاشره بإجرائها .
_في حمل يادكتور ولا لاء ؟
سأل "سليم الدكتور "محمد" ولكن جاءه الرد الذي جعل ملك تبكي بشده بعد فقدها الأمل ،فهي تريد أن تصبح أُماً ،فهي تحاول الحمل من "خمس سنوات " ولم تحمل فيهم قط .
_خير ياجماعه ،لازم نكون مؤمنين بالله ،للأسف التقرير اللي قدامي ان الحقن المجهري فشل ومفيش حمل بس هنحاول تاني ش
بترت "ملك" كلام الدكتور ولم تجعله يكمل حديثه وقالت بكل حزن وغضب
_ولا تاني ولا تالت انا تعبت خلاص يلا ياسليم نمشي مش قادره اقعد اكتر من كدا
اخذت "ملك" حقيبتها ولم تكترث لحديث سليم لها بالإنتظار مما جعله في حرج مع الدكتور .
_انا اسف يادكتور علي اللي ملك عملته بس انت عارف احنا حاولنا قد ايه ومنفعش ودي مش اول مره نعمل حقن المجهري
فاهم يا استاذ "سليم " ولا يهمك اللي حصل دا طبيعي ، بس عايزك متفقدش الأمل انت ولا استاذه ملك ،بإذن لله هتكون اب وهي هتكون ام بس ثق في لله
_ونعمه بالله يادكتور ،بعد إذن حضرتك
خرج "سليم " من العياده ،بينما " ملك " كانت منهاره من الداخل وعندما رأها "سليم " بهذه الحاله امسك يديها وهدئها قليلاً
_اهدي يا"ملك" يلا نروح
اخذ بيديها وذهبو الي البيت
************
_لما نشوف نتيجه الحقن المجهري بتاع الست "ملك" اي
قالتها "سمر" بضجر واستهزاء "بملك" مِرات أخيها "سليم" فهي تكرها بسبب حب أخيها لها
لترد عليها اختها"سماح" بإستهزاء
_زي كل مره يختي اكيد الحقن المجهري فشل ،قولتلكم البت دي مبتخلفش محدش سمع كلامي
_هنعمل اي بقي اخوكي يختي بيحبها ومش عايز يطلقها
قالتها "سمر " بحقد فهي تتمني كل يوم أن أخيها يطلق "ملك" في اقرب وقت .
_بس بس علشان جُم
قالتها "سماح" بعد أن رأت أخيها من بعيد ويبدو عليهما الحزن واليأس لتتظاهر كلاً من "سماح وسمر " بالحزن عليهما
_ اي طمنونا الدكتور قالكم اي فيه حمل؟
_للأسف ياسماح مفيش حمل ،لعله خير المهم انا وملك هنطلع علي شقتنا ،امال ماما فين ؟
_نايمه جوا ياسليم لما هتعرف الخبر هتحزن اوي
_خير ياسماح يلا عن اذنكم بقي
