_احكيلي بقي ياستي يومك ماشي ازاي ؟؟
سألتها "ملك " للإطمئنان عليها ،فهي مشغوله في حياتها وبيتها ولا يكن هناك وقت لأختها الا القليل لذالك تعتني بها جيدا يوم الجمعه وتتكلم معها ف كل شئ لتعوضها عن غيابها طوال الأسبوع ،لتجيب مريم عليها
ــ مفيش ياستي بصحي الفجر بذاكر وبعد كدا بنام شويه ،وبعدين بروح دروسي وبرجع ارتاح واتغدي واذاكر تاني .
كانت تحدثها "مريم " وهي تأكل تفاحه ،يينما "ملك "لم يعجبها ماتقول وردت عليها قائله :
ــ ماشاء الله عليكي يامريوم ربنا يحببك ف المذاكره اكتر واكتر يارب ،بس أنا عندي تعليق صغنون قد كدا تحبي تسمعيه؟
قالتها "ملك " بإبتسامه لأختها ،وافقت اختها علي طلبها قائله :
ـ اه طبعاً ياحبيبتي قولي اللي انتي عايزاه .
قالت "ملك " ماتريد لأختها
ـ أنا كنت عايزه بس اقولك ان حلو انك بتذاكري وكل حاجه بس قِدي لنفسك وقت ترتاحي فيه ،تخرجي فيه ،تهوني علي نفسك ،امال لما تفضلي تذاكري طول اليوم هيجيلك وقت هتكرهي المذاكره خالص وممكن لقدر الله مستواكي يقع ف اخر شهرين ف الثانويه ف تعبك كله يروح ، أنا عيزاكي متركميش حاجه عليكي يعني كل حاجه تذكريها اول بأول ،ومتفوتيش حصه بس بردو عايزاكي تخرجي ،تيجي عندي شويه ،او تخرجي مع صحابك ،او مع ماما ،عايزاكي تبسطي نفسك ،اول ماتخلصي اللي عليكي تكفئي نفسك علي طول انك تاكلي حاجه بتحبيها أو تشربي عصير ،هوني علي نفسك فهماني دا كل اللي أقصده ياحبيبتي
ـ ايوه فهمتك بس انا خايفه اوي علشان كدا مش بدي فرصه لنفسي للراحه
شعرت "ملك " مايدور ف عقل اختها وكم هي متوتره ،خائفه ان يضيع حلمها فهي علمي علوم وتريد ان تصبح طبيبه اسنان في يوماً ما .
ـ مقدره قلقك اوي يامريوم بس ربنا عز وجل مش بيضيع تعب حد وربنا عز وجل أمرنا بالسعي ومدام احنا بنسعي ربنا عز وجل مش هيطيعنا بس عيزاكي توعديني بحاجه .
ـ اي هي ياحبيبتي ؟
ربطت ملك علي يديها قائله :
ـ انك متقصريش ف عبادتك متقوليش مش هصلي دلوقتي لحد ما اخلص مذاكره ،متقوليش معنديش وقت لقراءه القرآن ، اوعي تقصري ف حقوق ربنا عز وجل ، وانتي بتذاكري أول ماتسمعي الاذان قومي جري اتوضي وصلي وبعدها كملي مذاكره ،اوعي تقدمي مذاكرتك علي عبادتك أبدا ،الامر كله بيد لله احنا بنعمل اللي علينا والباقي علي الملك ، وقبل ماتذاكري اقرئي صفحتين من القرآن مش هيخده والله وقت منك وبعد ماتخلصي كملي وردك ، احنا مش هنوصل غير برضي من الله عز وجل ، عباداتك الأول وبعدين مذاكرتك اتفقنا ؟؟
ـ اتفقنا والله اوعدك
ـ حبيبت اختك ،نتغدي بقي ونبقي نكمل بقيت كلامنا
