روايه :خيانه بلا شفقه
البارت :الثالت
_______________
_ملك بعصبيه : بقي كدا متردش عليا دي خامس رنه ارنها عليك ، لما تجيلي بقي .
كانت تتحدث مع نفسها بعصبيه ،ولم تأخذ بالها ،ان سليم أمامها خائف من رده فعلها .
_ياساتر يارب ،بتتكلمي مع نفسك كمان ، أنا جيت اهو
قالها سليم بنبره هادئه حتي لا تثور عليه فهو يعلم أنها رنت عليه خمس مرات ولم يرد عليها ،كان مشغولاً مع حديثه مع "ساره" ولم ينتبه لتلفونه .
_سليم هو التلفون معمول ليه؟؟
سألته بإستنكار والشر يتضاير من عينيها ،بينما هو ربت علي يديها وهدئها قليلاً وقال لها أنه كان مشغولاً ولم يستمع لتلفونه وان تسامحه علي فعلته تلك الغير مقصوده .
ابتسمت له ابتسامه هادئه ،واوضحت له انها كانت خائفه عليه ،لذلك اتصلت به عده مرات ، واوعدها أنه لا يفعل ذلك مرهً ثانيه .
_طب غير هدومك بقي وخد شاور ،هكون حضرت الغدا
_منا كدا كدا هاخد شاور ،حد قالك اني معفن ؟
كان يشاكسها ،بينما هي اتغاظت منه ،ودخلت الي المطبخ
_دايماً مش عاجبه كلامي كدا
_سامعك .
ضحكت ف داخلها ،ودخلت لتحضر الطعام .
*************
_ استني يا"ايه" عايزه اتكلم معاكي ف حاجه .
قالتها كوثر لإبنتها "ايه" الواقفه أمامها بينما "ايه" كانت تريد الذهاب الي النوم ،فكان اليوم مرهق لها وتريد أن تأخذ قسط من الراحه .
_اتفضلي ياماما سمعاكي .
_انا عارفه يابنتي انك تعبانه وانك عايزه تنامي بس ..
قطعت" ايه" كلامها وقالت لها
_حبيبتي عايزه تقولي اي؟
_عايزه اقولك اني اسفه علي كلامي اللي قولتله ، أنا عارفه اني جرحتك بكلامي ،بس أنا كنت شايفاه مناسب ليكي بس انتي ليكي رئي تاني ،انتي حره ف حياتك يابنتي ،بس أنا عايزه أطمن عليكي
قالت والدتها كلماتها بتوتر من رده فعل ابنتها ،بينما "ايه" احتضنتها لأنها ملجأها وأمنها الوحيد .
_حصل خير ياماما وانا مش زعلانه خلاص .
قالت "ايه " ذلك وفرحت والدتها أنها سامحتها ،والذي لا تعلمه أن ابنتها سامحتها ولكن لم تنسي كلامها فكان كلامها أشبهه بخنجر دخل في قلبها .
"لما تزعلي بنوتك او ابنك اعتذري ليهم ،مش لازم كلمه اسفه بس ممكن نقول حقك عليا أو مقصدش أو تهزري معاهم أو تلعبي معاهم لو صغيرين أو احضنيهم وبيني فعلتك أنا عملت كذا علشان كذا ، متسبيش ابنك او بنتك زعلانين منك ،محدش هيحبهم ولا هيخاف عليهم غيرك ، وخلي بالك انتي كأم من كلامك زي عانس أو غيره أو شكلك وحش انتو اكيد عارفين الكلام دا بيأثر علي النفسيه ازاي ،ومعظم الأمهات بقت متنمره علي بناتها واولادها ، لو انتي امهم بتقولي كدا ابنك ولا بنتك هيثقو ف نفسهم ازاي ؟ هيحسو دايما أنهم قليلين وان اي حاجه كتيره عليهم ،ف نتقي لله ف عيالنا .
