Sa iyong mga tingin
‘Di ko malaman ang gagawin
Sa tuwing mga mata’y magkapako
Labis ang kabog nitong pusoBawat oras ika’y kausap
Iyong mga mata’y kumikislap
Hanggang sa tuluyang maanod
Sa iyong mga tinging nakalulunodLabis na kabaitan iyong ipinakita
Tila paglalambing ang siyang nadama
‘Di inaasahang ako’y mahuhulog din
Sa malalim mong mga tinginTila isang lutang na napapaisip
Pati sa’king panaginip
Ika’y nais na makasama
‘Pagkat labis na kasiyahan sa’yo nadamaMaaari bang humiling sa mga tala
Na ika’y makapiling pa
Ngiti mong nais masilayan
Maaari kayang makamtanAasa pa ba kay Bathala
O, pipilitin na lang kalimutan ka
Iiwasang tumingin sa’yong mga mata
Upang damdamin ko’y ‘di na lumalim pa‘Pagkat alam nating pareho
Hindi tayo hanggang dulo
Tadhana’y ‘di sumang-ayon
Maling panahon ang nataon@syaleullein31
BINABASA MO ANG
Love Express (Poetry Collection)
Poetry"Sometimes, all you have to do is express your feelings and emotions by writing it..." -syaleullein31