الدعارة في حمايتك رواية عكاز

موت زيد وظهور الشبح وخطف علاء

اعداد ..سارة الفيصل
...

بعد ما كلشي كان متعب ومؤلم
انتظرنا الدكتور يسوي العملية وطلعت النتائج سليمة
وبدو بلعملية

بعد ساعات متواصلة طلع الدكتور وبشرنا بعلاء وكال البقية بحياتكم لزيد الله يرحمة

بعد يوم كامل متعب بقى العتوي يم علاء
واحنا  استلمنا جثة زيد وتوكلنا على الله ورحنا حتى ندفنه
بقينا يمه بعد الدفن
الوضع جان مؤلم اباوع عليهم مكسورين ومحطمين
واحدنا مابي حيل يرفع ايدة
وبجي وفراك وعلاء مانعرف شنو وضعه صحه او بعدة
وعزيز متحطم على اخو
ماجد
كول خوية
انتم اخذو عزيز ورجعو للمستشفى  بين ماأمن بيت اتصل عليكم

واسمع عزيز واكف على قبر زيد
خوية وروح أمي وأبوي اله أخذلك بثارك نام وانت مطمئن
كسر قلبي
بقى يسولف ويا أخو بعدها رجعو للمستشفى
وانا توجهت حتى أشوف بيت الهم يعيشون بي
اخذت السيارة ورحت للبار دخلت الجوه كله محترك
والشقة الفوك مابيها شي بس تحتاج صبغ وتنظيف
بدلت ملابسي وطلعت

وتوجهت لبيت العقيد حتى ارجع السيارة
لفلق
وبعدها اروح اكمل شغلي

وصلت لبيت العقيد ودكيت الباب طبعا همه مخلين كامرات يشوفون منو بلباب طبيعي يعني

فتحت الباب فلق وباوعت عليه بنظرة تعجب

درت وجهي عليها شلت السويج بيدي لفوك حتى انطي الها

اسف اخذت سيارتج بس للأسف مالحكت على شي
وانت اخذتيني وكلتي كلشي تمام وانا وثقت بيج
هذا سويج سيارتج وهاي سيارتج وديربالج أشوفج بعد
كلكم الي ثار يمكم
والقادم أفضل إنشاء الله 

شنو انت شنو نوعك من بين الزلم

احترمي نفسج هاج هذا سويجج شمررتة عليه ورحت
صاحت وراي

شلون هيج ماتنكسر معقولة فاقد الأحساس

وكفت وبعدها كملت المشي مالتي لحد ماوصلت لراس الشارع
وبقيت امشي وهنا
باوعت شفت محل جبير أسواق يعني توجهت حتى اشتري ماي من عندة

دخلت
سلمت على ابو المحل
و لكيت طفلة نايمة على الكرسي بعمر ال٤سنوات تقريبا

وكانت نومتها غريبة

سألته شنو هاي ليش هيج خطيه وديها للبيت

كال
والله ياخوية هاي مو بنتي ومااعرفها  كل يومين تجي
تبقى يمي ساعتين ثلاثة وتجي امها عليهه وتاخذها وتروح

ليش امها وين
تكول اشتغل بس شنو نوع الشغل الله أعلم

رحت يم الطفلة وكعدتها غسلت وجهه وشلتها
ماكله شي
لاخوية ماتقبل انطيتها كيكه مااخذتها

يعني امها تجي تخليها يمك
لالا هي تجي يمي الطفلة وحدها ومرات تنام باب المحل
انا بيتي بغير حي بس هاي الأسواق رزقي عليها