لاتقارنين حبي لك بأي مخلوق انا حتى بغيابك احبك

Part 26

سبحان الله وبحمده سبحان الله العظيم ♡

الصباح الساعه ٧:٣٠ ص ...
الوجد فتحت عيونها من النوم وقامت وتمددت وفتحت جوالها وفتحت محادثه ماجد وعقدت حواجبها بأستغراب لان اخر رساله منه كانت امس الفجر : الله يستر مااختفى الا ووراه بلا
قفلت جوالها وقامت اخذت شور
،
الحوش ..
ابو نواف وام نواف وفهد وشيهانه وفيصل الي متجمعين بالحوش ويفطرون
شيهانه لابسه العوامه ونظاره السباحه متحمسه للشاليه وتفطر معهم وفيصل يذل امهم على الشاليه لانه هو الي دفع
ابو نواف يضحك : يابوتس وش انتي مهببه بعمرتس؟!
شيهانه : يوه يايبه الوجد كرمت لنا بشاليه عليه الكلام
ام نواف : ومنين لها هالفلوس
فيصل : ماهي محتاجه فلوس وربي مغنيها مكافأه وراتب ابوها وراتبي كله لها
شيهانه بممازحه : اهب ي ماشاء الله من صغره وهي متعوده على الثراء
فيصل: اقولتس تزوجت بنت مدللة وبلشت بدلعها
شيهانه : اقول بس زين حصلت لك لو اني رجال خذيتها احمد ربك بس
فيصل : ورعه هيه وش هالكلام
شيهانه : وانا صادزه الوجد صاروخ ارض جوي تشلع القلب زين حصلت لك
فيصل : ماختلفنا بهذي النقطه اختلفنا على كلامك ترى حنا ناس نغار يعني لو سمحتي الزمي حدودك
شيهانه : بسم الله الرحمن الرحيم عيونك تطلع نيران الغيرهه ! تدري اني احضنها وابوسها لي اكثر من ٢٠ سنه وانت عرفتها اقل من سنه تنرحممم
فيصل : يبنت اعرفها من زمان شفيك انتي
شيهانه : عيني بعينك وصاحبه الفستان الوردي الي تحسبها عهد يملا الي ماني بقايله
فيصل كشر : يوه والله مدري وين عقلي يوم افكرها عهد
شيهانه ضحكت وتنهد فهد : موضوعكم سخيف
فيصل : اي سخيف سخيف حب واوقع بالحب وشوف كيف هو سخيف
فهد :لا أريد أن أقع في الحب
شيهانه : اقول اسكت بس انا انتظر فارس احلامي يجي
فيصل ضرب راس شيهانه بخفه : احترمي وجودنا يابنت
شيهانه من الضربه غصت ورفعت راسها لابو نواف ونطقت : يبه عان الدلخ ذا يمد يده علي
ابو نواف : ولد احترم اختك لااسطرك
شيهانه : ايه ادب
فيصل كشر بممازحه : يويلييي يبنت مافيك ذره انوثه يبه عان الدلخ قولي بابا شوف فصفص
شيهانه : اقول تراك مضيع بيني وبين الوجد شكلك مشتاق رح رح لها تراك دابل تسبديي
فيصل : انا كل ماشتاق اسطر الي جنبي الله يعينك
ام نواف : يولد اترك اختك وافطر دبلت تسبدها
فيصل : سمي
ورجعو يفطرون بهالصباح الزين الا فيصل الي ذل شيهانه ذل هو اذا ماحصل الوجد يستفرد بـ شيهانه
فيصل بهمس : اسمعي ترى الشاليه بفلوسي
شيهانه دقت جنب فيصل : لاحول ولاقوه الا بالله انا قايله للوجد خلينا حنا ندفع بس حلفت الا يدفع هالفيصل ياعلها ماعادت من شاليه
فيصل : الوجد حلالها كيفها لكن انتي والخمه الي معك لا
شيهانه رفعت الجوال تصور فيصل : عاني يالوجد امسكي رجلتس لانه دبل قاعده تسبدي شفتي تسبدي؟ قاعته تكفين يالوجد خذيه خذيه ولا تتركينه ثانيه وحده
فيصل اول مارفعت الجوال صار ياكل بهدوء وادب ماكأنه قبل شوي مهبل بشيهانه !
ارسلت للوجد وانتظرتها ترد وردت الوجد : جيبوه لي
ضحك فيصل بأنتصار وقام : اجيك يسلم راسك جايك جايك لاتتحركينن
ابو نواف مسك يد فيصل ونطق : انثبر
فيصل : افا يبه ليه ؟
نقال العلوم الصغيرور فتح التصوير ويصور "شيهانه"
ابو نواف : يولد انت صاحي؟ تبي تجلط ابوها ؟ اجلس اجلس
فيصل : ياليللل من عمي ياخي بشوفها بس لو نظره
ابو نواف : ماشبعت منها؟
فيصل : ماينشبع منها يبه كل ماتختفي تزود جمال
ابو نواف : اجلس اجلس بتسبب مشاكل مع ابوها وتتخانق معه اعرفك ولدي واعرفك
فيصل : يايبه خلني اطمر لها من الدريشه
ام نواف مسكت راسها : وويليي غادي حرامي؟
فيصل : لا بس الحب قطع قلوب البعارين فما بالك بقلبي
فهد : إذا كنت تحب الوجد فلا تؤذي أباها
فيصل : يايبه ويايمه ويفهيدان بس نظره نظره ويحده بس
ابو نواف : حالياً اعذرني يولدي مقدر تعرف بالضروف وبالمشاكل الي بينك وبين ابو الوجد
فيصل : حصل خير
اكملو الفطور وفيصل من تذكر بعد الوجد عنه وهو ساكت وهادي
شيهانه كانت نتاظر هدوء فيصل الغريب !
،
نقطه التجمع ..
الوجد جايه ولابسه عبايتها وعليها قبعه القش ونظارات ورديه ومعها عوامه وشنطتها
العنود لابسه نظارات سماويه ومعها شنطتها
جوري تخاف من المسابح وغرقانه بين العوامات
شيهانه لابسه نظاره سباحه وعلى خصرها العوامه
الوجد بفرحه : بناتتت اشكالكم تفرح
شيهانه : اقول بسرعه بسرعه اركبو قبل يداهموننا فصيل ومازن
جوري : فعلاً يلا
العنود غمزت : نروح بسيارتي؟
شيهانه : اكيددد مري شروق خذيها
العنود : يلا يلا اركبو
ركبو البنات وحركو بأتجاه بيت ال حسين واتصلو على شروق وطلعت شروق وركبت معهم ومسكو خط للرياض
مسافه الطريق ووصلو ودخلو السياره بوسط الشاليه
اول مانزلت شيهانه ركضت بأتجاه المسبح وطبت فيه : اتحداك يالمسبح البطل
الوجد : يونسس بطبب
العنود : دقيقهه خيال وامتنان ضروري يجون
الوجد : ايوه عطيتهم خبر يجون شوي طبو يابناتت
جوري تتهرب من المسبح : بنات بسوي لكم عصير بارد
الوجد : بعدين العصاير طبي
جوري : لا مشتهيه عصير قبل اسبح
شروق : خلاص الي ودك
شيهانه : اقولل تعالي بس
جوري انسحبت بهدوء من بين البنات وقالت انها بتسوي عصير بس بالحقيقه هي تتهرب عن المسبح .
شيهانه ضيقت عيونها بشر : جوجي
الوجد التفتت : عيون جوجي
شيهانه : اسمعي شرايك نغصب جوري تسبح معنا ؟
الوجد زمت شفايفها : والله الفكره مش بطاله بس اخاف عليها!
شيهانه ؛ حزب اللطافه هذا بالله امنعيني منه الحياه مره وحده فلي ام امهاا يشيخهه
الوجد : اقنعتينييي والله يلا
طلعت شيهانه من المسبح ومدت يدها للوجد تطلعها معها وطلعو
العنود بأنبهار : الله جوجييي الشورت والتوب من وين يجنن!
شروق بأعجاب : اهم شي الفيونكات
شيهانه بممازحه رفعت حاجبها : هيه انتي وياها لاتحتكون بزوجه اخوي
ضحكت الوجد ونطقت : من **
شروق : خسارهه عاد جيته امس ماحصلت شيي
الوجد : خساره ممكن خلص يوفرونه ان شاء الله
شيهانه حست بـ جوري جايه سحبت الوجد ورا وتخبت بحيث جوري ماتشوفهم
العنود وشروق فهمو حركه شيهانه وسكتو
جت جوري ونزلت العصير على الطاوله ونطقت بأستغراب : وين تيمون وبومبا ؟
شروق بضحكه ؛ متتت يربي تيمون وبومبا
العنود بكذب: ابد والله الوجد غرقت وارحت شيهانه معها
جوري : اهاا طيب تبـ...
ماكملت كلامها الا وهي تحس بيدين البنات تحاوطها وتكتفها !
جوري بصدمه : شفيكن؟
الوجد بأبتسامه : سوري جويريه
صرخت جوري من حست بالخطر : لاتكفونننن لا اخافف
الوجد قلبها رهيف رحمت جوري وتركتها لكن شيهانه الي ماخذه طبايع اخوانها مارحمتها ودفتها بالمسبح وهي تضحك
الوجد ضربت شيهانه بخفه : حيوانهه
طاحت جوري بالمسبح وهي تصرخ مسكتها العنود
جوري : تيمون وبمومبا خيررر
شروق : يعمرييي ي جويريه يلا معليه تعيشين وتاكلين غيرها
غمزت الوجد لـ جوري بمعنى "باخذ حقك من شويهين"
شيهانه واقفه على حافه المسبح تضحك على عصبيه جوري بحركه سريعه الوجد دفت شيهانه بالمسبح
ضحكت الوجد بأنتصار : رديت الثار
شيهانه بضحكه : مازود الحزن الا غدر الاصحاب
العنود مسكت رجل الوجد وسحبتها معها بالمسبح
جوري متعلقه على ظهر شروق تخاف من المسبح العميق
الوجد طاحت وهي تضحك : وناسهه
واستمرو البنات يسبحون وجوري تسبح بمسبح الاطفال ومع ذلك تغرق بـ مسبح الاطفال!
رن الجرس الشاليه والتفتو البنات على بعض بصدمه : من؟
الوجد : خيال وامتنان
ارتاحو البنات وبنفس الوقت استحو لانهم ماقد قابلو خيال وامتنان
طلعت الوجد من المسبح وهي رطبه والهوا بارد وتركض بأتجاه الباب ونطقت : مين؟
المندوب : مندوب توصيل
الوجد فتحت الباب وصارت وراه ونطق المندوب : الوجد بنت تركي؟
الوجد : ايوه ايوه
المندوب : طالبه الوان الهولي والبالونات المائيه؟
الوجد : ايوه
المندوب نزل الطلبيه ونطق: اختي
الوجد بأستغراب : هلا؟
المندوب : في واحد اسمع ماجد يقول وصل ايس كريم لشاليه البنات خلهم يستانسون
الوجد بخوف : تكفى مانبغى الايس كريم
المندوب : تمام
راح المندوب بعد ماحاسبته الوجد واخذت الالوان والبالونات وهي ترجف من طرى لها ان ماجد يعرف مكانها
تقدمت البنات ووجهها واضح عليه الخوف
شيهانه ؛ ورعه ؟ علامتس وجهتس صافق الوان؟ وبعدين وش ذا الي معتس؟
الوجد بأستيعاب : هاه؟ الوان هولي وبالونات
شروق بفرحه : وناسهههه !
رن الجرس ثاني مره والخوف سيطر على الوجد وتأكدت ان ماجد جاء !
شيهانه عقدت حواجبها من رجفه الوجد : بنت ابيك شوي
الوجد هزت راسها برضى واخذتها شيهانه ودخلو داخل الشاليه
شروق طلعت من المسبح وفتحت الباب وابتسمت : اهلاً اهلاً
خيال ومعها بوكس حلا : هلابك ياقلبيي
امتنان سلمت على شروق : اظن انتي شروق بنت خال الوجد؟
شروق بأبتسامه سلمت على دُنيا: ايوههه اناا
خيال ضيقت عيونها بممازحه : جوجتي وينها وحشتني؟
شروق : تيمون وبومبا مع بعض
دُنيا ضحكت ونطقت : من هم؟
شروق : الوجد وشيهانه
خيال بفرحه : الله شيهانه نفسيي اشوفهااا من زمان !
شروق ابتسمت : حياكم الله
تقدمو البنات وشافو جوري الي متمسكه بسياج المسبح والعنود الي تسبح
العنود من الاحراج دخلت داخل الماء جوري سوت نفسها تمثال الحريه
شروق بأبتسامه تلطف الجو : معليش
خيال : وش معليش ياحبيبتييي حنا اهل واصحاب بطب معكم
امتنان : صادقه خياللل !
،
شيهانه : الوجد!
الوجد : هلا
شيهانه : شفيك لك فتره مو على بعضك!
الوجد : مافيني شيي
شيهانه : لافيك شي حتى فيصل عارف ان فيك شي
الوجد تنهدت : اهخخ تكفين مافيني شي
شيهانه : طيب يجوجي بتركك هالحين لكن موعدنا اخر اليل
الوجد : تمام لاتضغطين علي بليز
شيهانه : طيب قومي خيال وامتنان ودُنيا جو
الوجد فزت فرحه : كذابه!
قامت الوجد وطلعت لحوش الشاليه وشافت خيال وامتنان ودُنيا واقفات عند المسبح : خيالي وامتنانيي
خيال التفتت وفتحت يدينها : جوجتييي
تقدمت الوجد وحضنت خيال وملابسها رطبه وشعرها كمان رطب
وحضنت امتنان ودُنيا وسلمو على بعض ونطقت الوجد : خيالي ايش هالتان يهبلل
خيال : شرايك بس
الوجد: يجننن
سلمت شيهانه على البنات وشيهانه ماقصرت استقبلتهم بالمسبح دفتهم وحده وحده
ضحكو البنات وسبحو ويلعبون الوان الهولي والبالونات المائيه ويرقصون ويضحكون ..
،
المغرب بـ المزرعه ..
فيصل جالس على كبوت سيارته ومازن متكى بالارض
فيصل تنهد : العن ابو شكلهن البنات والله لهن فقده !
مازن : ياخي صدق اشتقت لصياح الوجد ونقل جوري للعلوم ومصارعه شيهانه والعنود
فيصل : ماتوقعت ان المزرعه بدونهن ولا شي
مازن : والله صادق!
فيصل : يولد قم ندور جدول
مازن : مامن جدول
فيصل غمز : تفحيط؟
مازن قام بحماس : اوهه جويي
فيصل : دق اللطمه ومشينا
مازن بممازحه : يولد انت متزوج اهجد
فيصل : زوجتي وينها تهجدني؟ راحت يعني يجيك اقوى تفحيطط قم بس خل عنك الحب والزواج
مازن : بالجيب؟
فيصل هز راسه بنفي ونطق بهمس : لا
مازن عقد حواجبه : اجل؟
فيصل ضحك بشر : سياره جدو على قوله الوجد
مازن بصدمه : صاحي انت تسرق سياره ابوي؟ تبيه يفلم فينا؟
فيصل : تبي تخاويني ولا؟
مازن : بخاويك
فيصل : امش ندفع السياره دف
مازن ؛ ليش مانشغلها مره وحده
فيصل ضرب راس مازن بخفه : غبي انت؟ تبي جدي يقفطنا من صوتها !
مازن يحك مكان الضربه : زينن
تلطم فيصل وربط ثوبه على خصره وسحب مازن معه وكأن فيصل متمرس ومتعلم لسرقه سياره الجد !
وصلو سياره الجد وفك البريك ودفوها دف بدون لايشغلونها الين ماطلعوها من المزرعه وركب فيصل والمخاوي مازن ومتوجهين لساحه الدشير والتفحيط
فيصل : مازن تلطم
مازن تلطم : لاتوصي
دخلو حدود ساحه التفحيط والكل التفت يصفق لحظور المفحط المجهول الي بكل مره يحظر ويفحط بس محد يعرف هويته جاهلين انه العميد فيصل!
صرخ واحد من الشباب : حييييي الله المفحط المجهول !
مازن التفت لفيصل بصدمه : ورع يعرفونك
فيصل : والله لو يدرون اني العميد لايفصلوني
مازن : صدق وش هالعميد الي يفحط
فيصل : حافظ على لطمتك وعليك الاغاني
مازن : جوييييي الاغاني
دخل ساحه التفحيط بسياره جده الهرفانه ومازن مشغل "طني طني ورور " ويرقص!
فيصل مركز بالتفحيط لانه ينافس مفحط ثاني !
مازن يصور سنابات للوجد : عاني ياوجيد زوجتس المتهورر ، وانا وانا قرعا ليه ليه ؟ ولد ولد ولد
ضحك فيصل
استمرو العيال يفحطون والشباب يصورون حظور المفحط المجهول
فيصل وقف السياره بعد مااعلن الفوز على منافسه صرخ بعلو صوته : من ينافسسس
محد رد والكل صرخ بفرحه لفوز مفحط الديره
مازن : مزيون الديره و مفحط الديره اعز الاخوياء
فيصل نزل وهو يضحك ويصفق وفرحان بتعزيزهم
مع التعزيز والتصفيق طاحت اللطمه والكل يصور
تدارك الوضع فيصل ورجع اللطمه بس فات الاوان الكل مصور !
ركب السياره ورجع للمزرعه
مازن : شفيك؟
فيصل : يولد طاحت اللطمه !
مازن : يقردنا
،
الشاليه ..
الوجد تستشور شعرها وشيهانه تدور وتلف على الوجد تبيها تحط لها ايلاينر
العنود وامتنان ودُنيا يختارون فساتين يلبسونها
جوري وخيال ينقلون العلوم !
الوجد بطفش : شيهانه وربي لااصفقك اصبريي
شيهانه : يلا يلا ضبطي الايلاينر بسس وانا احوس الباقي
الوجد نزلت الاستشوار ونطقت : تمام
جلست شيهانه وللوجد تحط لها الميكب
رن الجرس وفزت شيهانه بفرحه : جتتتت خويتس !
الوجد اتسعت عيونها بصدمه وهي تشوف ايلاينر شيهانه محيوس لانها فزت ضربتها بخفه : ي حيوانه خربتيه
شيهانه زقت معها ومسحت ام الميكب وراحت المطيوشه تضيف ضيوف الوجد
الوجد كملت شعرها بشكل سريع
اما شيهانه فتحت الباب ونطقت بعلو صوته : ارحبووووو تراحيببب المطر حياكم الله اقلطن ياحريم اقلطن
ضحكت نوره : الله يحيك
شيهانه تكت على الباب : مالومك وجيد يوم نطلت سنابتس
غدير : بنت الا زوجه اخوي
شيهانه تعدلت : هلا هلا حياك الله
دخلت نوره وغدير ووئام وصيته
شيهانه ضيقت عيونها من شافت معهم بنت شعرها بوي "نجلاء " همست : شجابك الله يسعدك ويبعدك
نجلاء : ابو سالم صدز
شيهانه دقت تحيه : حيييي ابو سالم ارحاااب
نجلاء : البقى
شيهانه فراشه طايره اخيراً حصلت بنت نفس شعرها وقلطتهم شيهانه
وجت الوجد وسلمت عليهم وكأنها تعرفهم من قرون
وجو البنات يسلمون على بعض
وصحن حلا رايح وصحن حلا جاي ورقص وسوالف
شيهانه مع نجلاء اعز الاخوياء ونوره والوجد.
ووئام مع امتنان ودُنيا ،صيته مع شروق ، جوري مع خيال وغدير نقل علوم
شيهانه : والله يابو سالم اني ماني مصدقه انك ام !
نجلاء : والله حتى انا ماني مصدقه اني تزوجت ابو راس رائد
صيته مكفه شروق تعلمها فنون القتال
جوري تنقل من هالعلوم للبنات
نوره والوجد يضحكون على حظوظهم الخايسه الي تزوجو رجال عصبيين
شيهانه فتحت جوالها تاخذ حسابات نجلاء ولكن جذبها احد منصات التواصل الاجتماعي ودخلته وشافت هاشتاق "مفحط الديره "
نطقت بعلو صوته : اعقبببب ي فصيللل
نجلاء خوي : اعقبببب
الوجد بممازحه : تعقبين انتي شفيك عليه ؟
ضحكو البنات ونطقت شيهانه : ابك رجلتس طالع ترند افتحي جوالتس
فتحت جوالها الوجد وشافت فيصل الي بلحضه طاحت اللطمه صح مو واضح بس هي تعرف وجهه زين يمكن الغريب مايميز الملامح بس واضحه !
الوجد فتحت المقطع وفتحت فمها من الصدمه وهي تشوف فيصل يفحط ويهايط : راسي مصدع
نوره : معليكك يكبر ويعقلل
خيال : ماورا كبره
امتنان بممازحه : اوت حنا نخاف على جوجي من رجل مفحط
دُنيا : اخلعيه
شيهانه انفعلت : هيه شقاعده تهبدين اخلعيه على ايش؟ لاهو ضارها ولاهو ماد يده عليها تبيني افرشتس هنا ؟
الوجد : ستوب بناتت ! ماتوصلل للهواش دُنيا اكيد تمزح وترى يفحط شي عادي ماهو اكل مخدرات والعياذ بالله تفحيططط بس لاتكبرون الموضوع
هدت الاوضاع وشيهانه ملكه الشخصنه شخصنتها مع دُنيا وحطتها ضمن القائمه السودا
رجعو البنات يسولفون واخذهم الوقت وجت الساعه ٣ الفجر
نوره بصدمه : الساعه ثلاث!!
غدير : والله تأخرنا !
الوجد : وينن اجلسوو بدري
نجلاء : اعذرينا ياختك لكن الجايات افضل
البنات ابتسمو وودعو بعض وراحو وشوي وراحو خيال وامتنان ودُنيا
فضى الشاليه مابقى فيه الا الوجد والبنات
العنود نايمه وجنبها شروق نايمه
جوري راميه نفسها على الكنبه ونايمه
شيهانه والوجد يناظرون بعض "انا اعاين وهو يعاين "
قطع التواصل البصري من سمعو صوت بوري سياره
شيهانه : رجلتس جاء !
الوجد تناظر شيهانه بوهقه : وش يجيبه تكفين؟
شيهانه بوهقه : امس قلت له اننا بنمشي الصبح قال زين
الوجد : يحماره ليش تقولين له حنا بنفطر هنا
رن الجرس بشكل متواصل ومما ادى الي ازعاج البنات النايمات
الوجد مسكت راسها : يراسي مزعج مزعج اخوك
شيهانه : وش اسوي ياخي يحبك ولا يصبر عنك! روحي افتحي له الباب
تنهدت الوجد وراحت تفتح الباب ونطق فيصل :دخول رايق يسبب حرايق
مازن : دخول خطيرر يخلي سروال فيصل يطير
فيصل بتفلسف : دخول جذاب يشيك على الاحباب اسعد مسائك انستي الوجد
مازن : الوجد رجلتس مواصل اعذريه
الوجد : الفجر الحين مو المساء
فيصل القى نظره سريعه على المكان ونطق : اتحداك يالشاليه البطل
الوجد : مو تقول انك انت واصحابك قد استأجرتو
فيصل يحك راسه : اي صح نسيت
مازن دخل : يولد خذ حرمتك انا بجلس عند البنات
راح مازن وفيصل تكى : يلا يازوجتي العزيزه الي البيت
الوجد : فصفص خيرر بجلس مع البنات
فيصل : اقولك حتى البنات بيمشون ! العامل متصل علي يقول اطلعو والله ماكذب شوفي
طلع جواله ودخل المحادثه مع صاحب الشاليه
الوجد : طيب حنا قلنا بنجلس للصبح !
فيصل : والله مادري ياخوتس لكن ان كانم تبون تجلسون ادفعي دراهم
الوجد ضيقت عيونها : ادفع
فيصل : والله يعني ودي ادفع بس انا مشتاق لك !
الوجد ابتسمت وشتت انظارها
فيصل الرجل الغيور الشرقي استوعب انه واقف بالشارع والوجد تسولف معه بس داخل شوي ،دخل وسكر الباب وراه ومد يده واخذ قبعه القش الي على شعر الوجد وحطها على راسه : حركاتت
الوجد ناظرته وهي تضحك : تكفى شكلك مره حلوو فيها
فيصل ابتسم وهو يشوف ضحكتها نطق : تعالي تعالي وش هاللبس ؟
الوجد لفت حول نفسها بفرحه : شرايك
فيصل مابغى يكسر فرحتها ونطق بعلو صوته وتعزيز لها : يهبللللللل اقيمه ١٠ من ١٠ ولا اقول؟ فوق التقييم !
الوجد بفرحه : صدقق؟؟
فيصل : حلو بس لا عاد اشوفك لابسته هنا
الوجد كشرت وخزته بمزح : غيورر
فيصل ابتسم وشال القبعه ورجعها للوجد ونطق : اي انسه وجدي وش سبب هالحفله ؟
الوجد : دُنيا صاحبتي خلعت زوجها
فيصل بلع ريقه : ويش؟
الوجد : خلعت ابوه ابن الكلب
فيصل يغمض ويفتح عيونه بصدمه ونطق : ومن الي قال لها تخلعه؟
الوجد بثقه : انا قلت لها ابن امه يجلس عند امه
فيصل بصدمه : يحماره ليش تخربين بيتها
الوجد : خله يستاهل ليش يمد يده عليها وليش يهينها
فيصل بصدمه : معك حق
الوجد : طبعاً لاني جوجي ماتغلط
فيصل ابتسم ولازال تحت تأثير الصدمه : طيب يانسه جوجي على قولتك تجهزي عانيني بالسياره
الوجد هزت راسها : عانيت
فيصل : اي عاني
ضحكت الوجد وراحت تصحي البنات وفيصل راح لسيارته
دخلت الوجد لشاليه ووقفت بصدمه
مازن مشغل السماعه والاضاءه الملونه وحاط اغاني هابطه ويرقص عليها والبنات منزعجات وشروق متخبيه بالدولاب
مازن ماكان يعرف عن وجود شروق لو يعرف كان يصير رسمي وراعي مواجيب
الوجد : مازننن ايش ذا !!
مازن سحب الوجد لمنصه الرقص : ولد ولد ولد
شيهانه تصفق بتعزيز : هلابييي يالجو البطلل
العنود رمت مازن بالمخده : وجع يامزعجج
جوري : كره وجهه وجهه هالزهيوي على قوله الكويتيين
الوجد فصلت السماعه : بنات صاحب الشاليه يقول اطلعو
مازن التفت : ياليل ياعمتي الاربعينيه الي تطفي السماعات!
العنود : خلك من عمتيي اطلع اطلع البنات موجودات
مازن : اي بنات مامن غريب
شيهانه استوعبت : شروق ياحمار موجوده اطلع برى
مازن مرر كفه على وجهه ويغير شخصيته الي الرجال الرزه الهيبه ولاكأنه مهبل فيهم !
طلع بكل هدوء واحراج وطلعت شروق من الدولاب : اهخ انكتمتتت
جوري : وعزتي لتس بس
الوجد بقهر : جحفلنا صاحب الشاليه
العنود : ايوه شعنده ذا يبي يطردنا
الوجد : ماعرف متصل على فيصل قايل له طلع البنات !
شروق : بجيح
الوجد تسكر شنطتها : امشو يلا استناكم
شيهانه : اسفه جويجه لكن فيصل جاي بالجيب الابيض؟
الوجد : ايوهه
شيهانه : بناشبكم مابغى سياره العنود الصغيره هذي
العنود : جحودد !
شروق : ولايهمك انا وجوري معك
جوري : الود ودي اروح بجيب فيصل بس بتبطح عشان كذا بختار العنود
ضحكت الوجد ولبست عبايتها والبنات قامو يرتبون شناطهم
طلعت الوجد بشنطتها واستقبلها فيصل واخذ الشنطه : عنك يانستي الوجديه
الوجد : سوء المنقلب من وجدي الي الوجديه
فيصل كشر بمزح : زين حاصل لك فيصل خلي عنك التغلي بس واركبي
ضحكت الوجد : مواصل صدق
فيصل بممازحه : اركبي لاهفك
الوجد : تمد يدك اخلعك
فيصل : لاخلاص امنعيني
ابتسمت الوجد بأنتصار وركبت السياره ومازن متشيخ وراكب قدام ومرتز
جت شيهانه وركبت بالمرتبه الثانيه جنب الوجد
والباقي راح مع العنود
فيصل ركب السياره وهو كان واثق ان الوجد بتجلس جنبه بس شاف مازن
مازن بممازحه : لاتقلق ياعزيزي سأنسيك الوجد
شيهانه ضربت مازن بخفه : وجع حركات كفار مانبي
مازن : سمي
ومسكو الخط وفيصل كل شوي يلتفت لـ مازن ويناظره من فوق لـ تحت ويخزه كان وده الوجد تكون جنبه !
،
السبت ...
فيصل يوادع اهله
ابو نواف : انتبه على نفسك !
ابو بتال : يبوك انتبه تراها مهمه مهي بلعبه
ام نواف : يامك لاتطول علينا
الجده : يابعد هلي انت انتبه على نفسك
واستمرو ينبهون ويوادعون فيصل الكل الا "الوجد " الي مالها ظهور
فيصل ابتسم وكانت كلماته عباره عن (ابشر-سم - لاتوصي حريص - على خشمي )
فيصل : وين الوجد ماتسلم علي؟
سكتو الكل لان ابو الوجد حابس الوجد عشان ماتوادع فيصل !
فيصل عقد حواجبه بشك : وش مسوين لها ؟! ووينها !
ام نواف : امش امش يوليدي
فيصل بحده : لا مافي امش الوجد طلعوها ولا والله لاطلعها من بين عيونكم!
شيهانه تحاول تسحب فيصل عشان تقول له ان الوجد محبوسه بغرفتها لكن فيصل مالاحظ اشارات شيهانه بسبب عصبيته
ابو الوجد : الوجد عندي ولا له طلعه تسلم عليك!
فيصل رفع حاجبه : وبأي حق؟
ابو الوجد : بنتي
فيصل بعصبيه : بنتك ماتحبسها كذا وخر بس
فيصل دف ابو الوجد وتعداه وعمامه يركضون وراه وهو ولاهمه ضارب الكل بعرض الحيط ويمشي ومتجاهل تماماً الكلام والتهديد والوعيد الي يسمعه !
مشى بخطوات سريعه مليانه غضب بأتجاه بيت ابو الوجد
شيهانه ومازن واقفين يعززون لـ فيصل بهمس
ابو الوجد ورا فيصل : ترى ان دخلت مايصير لك طيب
ابو نواف : ي فيصل تكفى وقف لاتسبب مشاكل للبنت
فيصل تجاهلهم وفتح باب الحوش ودخل البيت وابو الوجد وابو نواف وابو بتال ورا فيصل
فيصل فتح باب غرفه الوجد لان المفتاح كان بالباب ..
ابو نواف وابو بتال مسكو ابو الوجد وطلعوه
فيصل دخل الغرفه وشافها ضامه نفسها وتبكي نطق بـ: لاتكفيننن الا دموعك مابي اشوفها قبل امشي!
الوجد رفعت راسها اول مافتح الباب وشافته ماتوقعت انه يسوي المستحيل عشان يشوفها نطقت بتعجب : فيصل!
فيصل فتح يدينه : عيون فيصل تعالي
الوجد وقفت واتجهت له وحضنته : فيصلل
فيصل ضمها بقوه : امنعيني من الدموع ياعيون فيصل تكفين طالبك طول ماني متبعد عنك لاتبكين وتجنبي البكاء
الوجد بدموع : فيصل مقدرر تكفى لاتطولل
فيصل : مابطولل عليك
الوجد اخذت نفس وسكتت تشم ريحته تحفظها تدري بنفسها بتشتاق له ويذبحها الشوق المهمه هذي اقل فتره لها شهر وعليها ماتدري هو يرجع ولا مايرجع !
فيصل غمض عيونه بضيق وهو يسمع شهقاتها ومايلومها لانه هو بنفسه مايدري اذا يرجع بجسده او يرجع بـ جثته
المهمه صعبه جدا وتوقع نجاحها قليلل ولو نحجت المهمه بتكون اصابات العساكر كثيره والوفايات اكثر
هم بيداهمون اكبر مجرم ...
الوجد بدموع : فيصل بليز طمني عليك ولاتنساني !
فيصل مسك عضود الوجد وابعدها عن حضنه وجلسها على السرير وجلس على رجوله ومسك يدينها وابتسم الابتسامه الي كان يطمنها : وجدي ياعين ابوك ان كان لي غلاه بقلبك لاتبكين ! وانا مستحيل انساك وكل بين فتره وفتره اتصل عليك لاتشيلين هم انتي لاتتصلين علي تمام؟
الوجد بدموع : تمام بس حطها ببالك ترى استنى اتصالك بكل وقت
فيصل حط يده على خد الوجد يمسح دموعها : وانا كل مافقدت السيطره بتصل عليك وباخذ بور من صوتك
الوجد ابتسمت وحضنته وهمست بأذنه : احبك
فيصل غمض عيونه وحط وجهه على كتف الوجد الي حاضنته : وانا احبتس وحتى بمهمتي افكر فيتس ولاتروحين عن بالي
الوجد دخلت اصابعها بشعر فيصل الي على كتفها : لاتخوفني عليك
فيصل بهدوء : استودعتك الله
الوجد ابتسمت : ي حبيبي
فيصل ابتسم بوسع ثغره : شكل حبيبك بينسى المهمه وبيجلس معك
الوجد ضحكت : لاماتفقنا كذا
فيصل ابتسم وقام ونطق بنبره موادع : استودعتك الله اواعك الحين وانا كلي حب لك مع السلامه انتبهي لنفسك لاتنسين اني احبتس وفمان الله ياخليل الروح ..
ماسمح للوجد تنطق بحرف وطلع بسرعه وسكر الباب وراه يدري مستحيل يقاوم دموع الوجد .
الوجد حست بنبرته الوداع وهمست : لاتخليني تكفى
اخذت نفس طويل يعبر عن ضيقتها وانسدحت على السرير ودموعها تنزل بغزاره ماتدري ليش خافت عليه
تعوذت من إبليس وقامت تتوضى وفرشت سجادتها ولبست جلال الصلاه واستقبلت القبله وكبرت
سجدت وهي تبكي : ربي قد اهديتني شخص كغيمه السعاده تعانق قلبي دائماً اللهم احفظه لي فهو نعمه من عطاياك
صلت ركعتين وسلمت ورفعت يدينها تدعي الله
انسدحت على السجاده وهي تحس بألم ببطنها : اهخ
من تعبها نامت على السجاده
،
بيت العم محمد
ام نواف تصلي وتدعي لـ فيصل وابو نواف يقراء القرآن الكريم
شيهانه بغرفتها وفهد يقراء الكتب كعادته
ابو نواف سكر القرآن الكريم ورجعه مكانه ومسح على وجهه : لااله الا الله
ام نواف : تبي اسوي لك فطور قبل اروح عند عمتي؟
ابو نواف : لا ارتاحي بنام
ام نواف هزت راسها بالموافقه وتنهد ابو نواف وجلس على سريره واخذ جواله يفتح رسايل الجماعه وتوصياتهم لـ فيصل
فتح رساله ورا رساله الين وصل لـ رقم غير مسجل عنده عقد حواجبه بأستغراب ودخل المحادثه ..
ارتفع الضغط عنده من شاف صور الوجد بفستان قصير ومكتوب رساله كان محتواها : هذي بنت اخوك؟ تدري انها قليله حياء وترسل صورها وتطلب مني اجيها بأخر اليل! حبيت اقول لك يمكن انك متفهم لكن لعلمك اذا مانفذت شروطي بتوصل هالصور لزوجها فيصل واظن انت ابو فيصل وادرى بغيرته وعصبيته وترى الصور وصلت لـ ابوها مع تحياتي ماجد
ابو نواف بكل حرف يقراه يرجف من بشاعه الكلام قفل الجوال ومسك راسه : لا اله الا الله
ام نواف : علامك ي محمد؟
ابو نواف قام واخذ جواله بكل هدوء وطلع من الغرفه والبيت متوجهه لبيت ابو الوجد .
طق الباب وفتحت الباب ميلا : عموو
ابو نواف : وين بابا؟
ميلا : بابا معصب وكان يقرا رساله بس ماني عارفه ايش هي
ابو نواف : اسمعي ميمي روحي ل شيهانه وصحيها يلا يلا روحي
ميلا هزت راسها برضى وطلعت من البيت وتاكد ابو نواف ان ميلا وصلت بسلام
اخذ نفس ودخل واول مادخل شاف ابو الوجد متجه لغرفه الوجد
ابو نواف مسك ابو الوجد : اهدى اهدى
ابو الوجد بعصبيه : ويننن اهدى وبنتي جابت لي العار!
ابو نواف جلس ابو الوجد على الكنب ونطق : اسمع خل نسمع منها ولانظلمها!
ابو الوجد بعصبيه : ماتجلس ثانيه ببيتي
ابو نواف : اصبر
ابو الوجد قام بعصبيه : مافيه صبر البنت لها شهر وهي ماهي على بعضها!!
تعداه واتجه لغرفه الوجد وفتحه بقوه وشافها نايمه على السجاده وسحبها
الوجد شهقت بخفوف : بابا
ابو الوجد صفقها كف ونطق : الله لايبارك فيك من بنت
الوجد طاحت على السرير وتجمعت الدموع بعيونها
ابو نواف مسك يد ابو الوجد يمنعه من ضرب الوجد مراراً وتكراراً : استهدي بالله لاتمد يدك على بنتك !
ابو الوجد : ماهي بنتي ولا لي الشرف
الوجد بدموع : بابا لاتقولها عورت قلبيي
ابو الوجد بصراخ : لاتقولين بابا لارحمتي
ابو نواف : الوجد اطلعي!
الوجد من صدمتها ودموعها وقفت مكانها تجمدت ماتوقعت ابوها يقول لها كذا
صرخ بوجهها ابو نواف : بسرعهه اطلعي روحي بيتي
الوجد تنهدت ومسحت دموعها وطلعت من الغرفه
ابو نواف : اهدى وانا بفهم منها
ابو الوجد مسك راسه وجلس وطلع ابو نواف ومتوجهه لبيته
ابو نواف ماكان مستوعب صور الوجد واول ماشاف الوجد واقف قدامها ترجف ماتردد يصرخ بوجهها : ليش تكسرين ظهر ابوك ليش
الوجد نزلت الدموع من عيونها ودموعها حاره وقالت بينها وبين نفسها : لو فيصل موجود بيدافع عنك ؟
نطق ابو نواف بغضب : تدرين لو عرف فيصل يمكن يقتلك !
الوجد رفعت انظارها وناظرت عمها بتعب : ممكن اعرف سبب هالتصفيق الي لقمته؟
ابو نواف تنهد من شاف دموعها : لاحول ولا قوه الا بالله
الوجد بصراخ وحرقه : لاتسكتت قول ليي ليش يمد يده علي وتصرخون علي وانتم تدرون اني مقدر ادافع عن نفسي لانك عمي ولانه بابا !! قول لي لاتسكتتت
شيهانه جت على صراخ الوجد : جوجي
الوجد التفتت على حس شيهانه : لاتعالي كمليها وصفقيني
ابو نواف جلس على الكرسي واستوعب انه صرخ على الوجد ومايدري اذا هي مظلومه ولا لا ! مسك راسه
شيهانه : جوجي شفيك ليش تبكين وتصارخين
الوجد ناظرت العم محمد ونطقت بهدوء وغصه : تكفى قول لي
شيهانه تقدمت وحضنت الوجد
الوجد من حست بأحد يحضنها نزلت تدريجياً على الارض وتبكي
ابو نواف قام : تعالي لي بمجلس الرجال
الوجد بدموع : توديني لجدي ويستفرد فيني ؟
ابو نواف : لا مجلس الرجال حق بيتنا
الوجد قامت بتعب ولحقت عمها ودخل ابو نواف ونطق بهدوء : اجلسي
الوجد جلست وضمت رجولها وقعدت تبكي بقوه وشهقاتها يقطعون قلب ابو نواف
: من ماجد؟
الوجد رفعت راسها بخوف : من ماجد
ابو نواف : انا اسالك
الوجد التزمت الصمت
ابو نواف : اسمعيني يابوك اول شي انا اسف اني صرخت عليك بلحضه غصب انا اسف جداً ومالها داعي اصرخ عليك بس اقدر اساعدك افتحي لي قلبك وقولي لي كل الي صار من طق طق لـ السلام عليكم ولاتنسين اني فريق اول واقدر اساعدك قانونياً برضو
الوجد لازالت ساكته
ابو نواف بحنان : اذا قلتي لي وحليتها بدون مايتدخل فيصل وتتأذين منه مايصير لك شي بحلها سكتم بكتم وابوك ماراح يقول لك شي
الوجد بتردد ودموع : ماعرفه والله ماعرفه ولا قد ارسلت صورتي عنده والله ويشهد علي الله ماارسلت صوري بأرادتي
ابو نواف : طيب كيف جاب الصوره ؟
الوجد بدموع : يقول انه هكر جوالي واخذ صوري
ابو نواف : طيب وش غايته؟
الوجد تنهدت بضيق : يبغاني اطلع معه وانا مابغى احب فيصل مستحيل اخونه
ابو نواف تنهد : لاحول ولا قوه الا بالله ، فيصل مايدري بشي لاتخافين
الوجد نزلت راسها وبكت : عمي انا استغفل فيصل حاسه بالذنب
ابو نواف : ترى فيصل طيب وقلبه لين يعصب شوي وعقبها بيرضى ولو عرف انتي بوجهي
الوجد : خايفه
ابو نواف : لاتخافين وقولي لي كل شي
قالت له الوجد كل شي وهي تبكي وتترجاه مايعلم فيصل
ابو نواف : عطيني جوالك
الوجد طلعت جوالها من جيبها ومدت ، اخذه العم محمد وفتحه ودخل المحادثه وفعلاً شاف صدود الوجد ورفضها من خروجها مع ماجد
رفع راسها لها ونطق : زين ماسويتي ماطلعتي معه عشتي
الوجد هزت راسها تسلك له من خوفها
ابو نواف : حساباتك وجولك مو مخترقه ! واضح الصوره معطيه احد معطيه !
الوجد عقدت حواجبها : بس انا ماعطيته
ابو نواف: قومي قومي المركز معي
الوجد بدموع : لاعمي تكفى المركز بيوصل المعلومه لفيصل
ابو نواف : يبنتي انتي اذا مارحتي الحين المركز وبلغتي عن ماجد تصيرين معه تصيرين مجرمه تغطين عليه
الوجد : بس انا ماغطيت عليه
ابو نوتف؛ الا غطيتي عليه وماعلمتيني لا انا ولا فيصل وحنا ادرى بالمجرم !
الوجد تنهد بدموع ونطق ابو نواف : البسي عبايتك وبسرعه
الوجد: ماعنديي
ابو نوتف : خذي من شيهانه
الوجد مسحت دموعها وقامت واستقبلتها شيهانه : بنت
الوجد : شيهانه تكفين لاتسالين عن شي
شيهانه : تمام
الوجد : بروح مع عمي محمد ابغى عبايه
شيهانه : ثواني بس
الوجد ابتسمت ابتسامه باهته وراحت شيهانه تجيب عبايه دقايق بسيطه وجت شيهانه واعطت الوجد عبايه والنقاب مسروق لان شيهانه ماتلبس نقاب
لبستهم الوجد وطلعت وركبت السياره مع العم محمد
،
المركز ..
دخل ابو نواف والكل دق له التحيه لانه "فريق اول" والوجد متمسكه بثوب العم محمد وتبكي
الواء بهاج كان يمشي ومعه اوراق وشاف العم محمد ودق له تحيه ونطق بحميه : ارحببب
ابو نواف صافح بهاج ونطق: البقى ي بو محمد
بهاج عقد حواجبه : عسى ماشر ليش جاي ومعك الاهل
الوجد رفعت راسها من شافت بهاج صاحب فيصل ارتخت كفوتها بتعب
ابو نواف : والله كان تقدر تساعدنا
الوجد بدموع : مابغىى تكفى
بهاج ماعرف الوجد : ليش ماتبغين؟
الوجد التزمت الصمت ونطق ابو نواف : من ماسك قضيه ماجد ؟
بهاج : انا وفيصل وكم شخص
ابو نواف : انتم تدورون بنت ؟
بهاج : الله الله في بنت يبتزها وهي الوحيده الي لازم نتواصل معها ومو عارفين من هي !
ابو نواف : وصلت خير هذهي
بهاج عقد حواجبه : كيف ياعم؟
الوجد بدموع وقله حيله : بهاج عارفه انك صاحب فيصل وتحبه وتعزه تكفى لاتعلمه ولا تحكيه عن السالفه وخبي عنه انا البنت الي يبتزها ماجد
بهاج : وش صلتك مع فيصل؟
الوجد : انا الوجد زوجته
بهاج بصدمه : وش مهببه انتيي تدرين ان فيصل لو حصل هالبنت فقع وجهها كيف لو يدري انك زوجته!
ابو نواف : يابهاج الله يهديك حنا جيناك نستنجد بك عساك تخفف عنها تزود همها ليه يابوك ؟
بهاج : اسف والله انفعلت وان شاء الله اقدر اساعدكم بس ابيها على جنب نستفسر منها
الوجد هزت راسها بنفي : مستحيللل تاخذني لحالي ابغى مع عمي
بهاج : تمام الي ودك تعالو المكتب
دخل بهاج المكتب وجلس على الكرسي وقباله الوجد وابو نواف
بهاج : شوفي كل ماقلتي الحقيقه اقدر اساعدك لاتكذبين بشي عشان ماتكبر السالفه
الوجد : تمام
بهاج : وش قصتك مع ماجد وكيف جاك ؟
الوجد اخذت نفس وبدموع : ماعرف من وين جاني والله مابيني وبينه حاجه قالي انه معجب فيني وشافني بمول وانهوس وهكر جوالي ومن هذا الكلام وطلب مني اطلع منه
بهاج عقد حواحبه بغضب : طلعتي معه؟
الوجد هزت راسها : لا رفضت بس يأذيني يجي بالمكان الي انا فيه قد مره جاء وانا بالفندق وجاء بالمخيم كان يخوفنيي
بهاج : يسوي شي ولا بس هياط؟
الوجد : يهددنيي بس ماشوف انه وصل الصور لفيصل وصلها لبابا وعمو
بهاج تنهد : تمام
ابو نواف : بشرني
بهاج قام وطلع : تعال
قام وطلع ابو نواف وجلست الوجد لحالها تبكي
بهاج : اسمع انت اقرب لها وتقدر تفتح جوالها وتشوف الجوال والحسابات مخترق ولا!
ابو نواف : شفت حساباتها نظيفه وجوالها نضيف ماهو مخترق
بهاج : اجل فعل فاعل الصوره معطيه عطاء احد معطي ماجد الصور وقايل له تسلط على هالمسكينه
ابو نواف : اني داري انه فعل فاعل
بهاج : تمام اذا تقدر تتركني معها شوي
ابو نواف : خذ راحتك
بهاج ابتسم لـ ابو نواف ودخل على الوجد ومنزل راسه وجلس : اسمعي وانا اخوك اعتبريني اخوك الكبير وقولي لي من اعدائك ومن يكرهونك وتكرهينهم
الوجد بنكران : ماعرف
بهاج : قولي ماحد بيدريي
الوجد تنهد ونطقت : ست شوشو مره مره مره تس تس
الثلاثيني بهاج مو فاهم شي: هاه؟
الوجد : ست شوشو وبناتها
بهاج : ممكن تعطيني اسم ست شوشو وبناتها؟
الوجد : اسمها شيخه وبناتها عهد وعهود
بهاج سجل الاسماء ونطق : غيره؟
الوجد :مشاري كمان اقوى سايكو
بهاج سجل اسمه ونطق : غيره
الوجد : سلطان !
بهاج :سلطان وش يصير لك ؟
الوجد: جدي
بهاج : حلو تمام تقدرين تطلعين وتطمني الكلام ماراح يوصل لاحد واولهم فيصل بس نحتاج جوالك ناخذه فتره عندنا نتواصل مع المجرم
الوجد عطته جوالها : مشكور ياخوي
طلعت من عنده واستقبلها ابو نواف: خلصتو
الوجد كشرت بألم ومسكت اسفل بطنها : عميي بليز بطني يعورنيي
ابو نواف ساندها : علامتس يابوتس
الوجد راح الالم منها : ماعرف شفيني عمو
ابو نواف : خلينا نروح للطبيب
الوجد : نو بليز
ابو نواف: الي تبين يابنتي
الوجد ابتسمت وطلعو وركبو السياره : عادي تتكلم مع بابا ؟
ابو نواف : ولايهمك بتكلم معه
الوجد : مشكور
ابو نواف ابتسم واتجهو للمزرعه ..
،
المغرب ،،
قبل للمهمه ببضع دقائق ..
فيصل : يبوي وش ذي المهمه الي مدري كيف قايله !
عزيز : افا ليش؟
فيصل : يخوي كيف نداهم مجرم مانعرف وجهه
عزيز عقد حواجبه : كيف ماتعرفه ؟
فيصل : ماعرفه
عزيز طلع جواله يوري فيصل وجهه المجرم ماجد
اخذ فيصل الصوره واتسعت عيونه بصدمه وغضب : انت متاكد انه هذا !
عزيز : ايي هو
فيصل كبر الصور وشاف ملامح ماجد وتذكر انه قلط مجرم بمجلسه
مايقدر يقول شي لان لو قال اني قلطته بمجلسي بياخذون فيصل تحقيق فـ التزم الصمت من الناحيه هذي بس مالتزم الصمت من الغضب وكان يقذف ويسب بقهرو
كيف يقلط شخص مجرم ببيته كيف !
عزيز يهدي فيصل : يرجال اهجدد شفيكك
فيصل بعصبيه دف عزيز وطلع من المقر ومسك راسه بعصبيه وقهر : اهخ يافيصل الدلخ اهخ كيفف تقلطه بمجلسك كيف !
طلع بكت الدخان واشغل زقارته ومن قهره يدخن وحده ورا الثانيه
: العميد فيصل حضورك مهم وضروي بالمهمه ترى بنمشي
فيصل بحده : زين
قام ورمى الزيقاره ودعسها برجله وهمس بحده : بطلع القهوه الي شربتها من بين عيونك يالخسيس
وجاه جنون العظمه بيقبض على ماجد اليوم قبل بكرا لبس درع الحمايه واخذ سلاحه والرصاص ومشى ..
مسافه الطريق ووصلو المنطقه الي المفروض فيها ماجد
دخلو بكل حذر وهدوء ولكن الصاعقه من ماحصلو احد بالمكان وكانت في غرفه مسكره بأحكام
تجمعو العساكر ونطق فيصل : افتح
لكن مافي رد اضطرو يكسرون الباب وفعلاً كسروه وطاح الباب
رفع انظاره فيصل يتفحص الغرفه شاف الجدار مكتوب عليه بالخط العريض وباللون الاحمر "game over"
عقد حواجبه فيصل : يولد وش هالمجرم الفاضي يلعب قيمز
عزيز : شكله قبل يجي كان يلعب
فيصل ضحك بسخريه : ياحبييي اللعبه مانتهت والله لاطلع القهوه الي شربتها يالكلب
عزيز عقد حواجبه : هاه؟ اي قهوه؟
فيصل : امس يامسلم سالفه طويله
طلعو العساكر والضباط من تفحصو المكان ماجد مو موجود!!
فيصل : قيم اوفر اجل ،، مكثر افلام ومعكم الكاتبه مكثره افلام ابك في مجرم فاضي يكتب انتهت اللعبه الغامضه منهيه
،
مر اسبوع كامل الوجد تنتظر اتصال من فيصل من جوال شيهانه بما ان جوالها مصادر من المركز لكن ماحصلت وبطنها يعورها وبين فتره وفتره وهي تسكن عند العم محمد لان ابوها مو راضي يقتنع ان الوجد بريئه
فيصل الي منشغل بقضيه ماجد ومو راضي يلقى اثر لماجد صحيح ماجد هطف وخواف لكن مالقو اي اثر له !

______________________________
انتهى البارت ♡
رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285
حسابي انستا انزل فيه الروايه : Ot34828
*اعتذر عن الاخطاء الاملائيه*