لاتقارنين حبي لك بأي مخلوق انا حتى بغيابك احبك

Part 29

سبحان الله وبحمده سبحان الله العظيم ♡

فيصل سلم من الصلاه وقراء ايه الكرسي بعد صلاته والتفت يمين وشمال وهو يشوف الناس تخرج من المسجد ووجوههم مستبشره والطمأنينه ماليه المكان
حط ظهره على الجدار وتنهد بضيق شايل هم الوجد المسمومه
مسح على شعره وهمس بـ : لااله الا الله
تقدم إمام المسجد وجلس قبال فيصل ونطق : وشلونك يابو محمد
فيصل تعدل ونطق : والله بخير يابو عبدالكريم انت شلونك وشلون الاهل
ابو عبدالكريم إمام المسجد : على ماتحب انت قل لي علامك متضايق من جيت من المهمه
فيصل ابتسم بمجامله : لا وين بالعكس مستانس
ابو عبدالكريم : ماودي اضغط عليك ياولدي لكن الضيقه طالعه من عيونك وجهك فيه هموم الدنيا قل لي يابوك وش مضايقك وان شاء الله اني اقدر اساعدك
تنهد فيصل ونطق : الانسان الي يجيه اذى من اهله وش يسوي؟ خصوصاً اذا كان اذى نفسي وجسدي يمكن انه مميت
ابو عبدالكريم : حاصلن لك شي ياولدي من اهلك؟
فيصل هز راسه بالنفي : حصل لواحد اغليه واعزه واحبه يأذونه اهله والحين جسمه مليان سموم قاتله
ابو عبدالكريم : لاحول ولاقوه الا بالله ، انت لاتتركه اوقف معه وسانده وحاول تخفف عليه وان قدرت راجع فيه بالمستشفيات الين مايطيب وحاول تبعده عن اهله الي يأذونه
فيصل مسح على شنبه ونطق : يعني تنصح اني ابعده عن اهله؟
ابو عبدالكريم : والله شوف هو تصرف خاطئ انك تبعده عن اهله بس ان كان مضره ابعده عنهم بشكل مؤقت الين تهدئ الامور
فيصل : مشكور بابو عبدالكريم ماتقصر
ابتسم ابو عبدالكريم وقام فيصل وطلع من المسجد
مشى بأتجاه المزرعه كعابي وخلاص قرر قرار يغير مجرى حياته يبتعد عن امه وابوه واخته واخوانه عشان حبيبه قلبه ماتتأذى !
دخل المزرعه وشاف الجد والجده وعمامه والبنات جالسين بالدكه يفطرون
القى نظره سريعه يدور الوجد نطقت ام نواف : تعال افطر
فيصل : افطرت شويهين وين الوجد؟
شيهانه وهي تبلع اللقمه : ابك ماشفتها بس الظاهر عادها راقده
هز راسه برضى ودخل البيت وهو ينادي الوجد : الوجد
طلعت زينب من المطبخ : اشفيك انتا في صرخ خلاص الوجد في تعب في نوم
فيصل : نايمه للحين؟ مو من عوايدها !
زينب تهز راسها : في بطن عور شهر
فيصل : طيب
تعداها وطلع على الدرج وفتح الباب : اما راقده للحين ؟
الغرفه ظلام رغم ان وقت شروق الشمس بس غرفه فيصل مكتمه ولايدخلها ذره شمس
شاف ان الغرفه ظلام توقع ان الوجد نايمه
شغل اللمبات وبلع ريقه بخوف من هدوء الغرفه ونطق : الوجد وينك؟ بالله اذا هو مقلب ماني فاضي يرحم امك اطلعي
لكن لارد من الوجد الغير موجوده بالغرفه اساساً !
فتح الحمام يكرم القارئ وماحصل احد فتح الدولاب ولاحصل احد ونفض الغرفه نفض بس ماحصلها
طلع من الغرفه بخطوات سريعه ونزل من الدرج بسرعه وبوقتها مايدري كيف رجوله سمحت له يمشي قابل بطريقه شيهانه الي تطفح بالاكل ومسك عضودها : وين الوجد
شيهانه من الصدمه غصت بالخبزه
فيصل طق ظهر شيهانه عشان تروح الغصه وتتهرج
شيهانه : اصبر خل استغيد انفاسي
فيصل بنفاذ صبر : مافي وقتت وين البنيه؟؟
شيهانه بفهاوه : اي بنيه؟
كشر فيصل بضيق وتركها وتعداها تارك شيهانه بحيرتها
،
الدكه
جوري مستمره تنقل العلوم مايوقفها شي وجالسه بين جدها وابوها
جوري : واقول لكم وهي تجي ام طلال وام سعد ويقوم الديربي بينهم
الجده : هي حبيبه ماغيرها ؟
جوري : ايييي هيي تخيلي تتلفظ على ام طلولي !
ابو بتال ضرب راس جوري : اعقبي وش طلولي
جوري تحك مكان الضربه : يايبه اقصد طلاله بنت بنت
الجده بفضول : اسلمي وش صار عقبها؟
جوري : والله وتقـ..
قاطع كلامها صراخ فيصل بعصبيه : الوجدد وينها
الجده : اهيب ولاتسدك الا ابك علامك عجعجت بنا
فيصل : البنيه وينهاا
ابو نواف : اي بنيه ؟
فيصل : الوجد !
عهود : وين دجت بعد
ابو الوجد بسخريه : شكلها راحت مع حبيبها
فيصل بعصبيه : ياادمي هذي بنتك طاهره عفيفه شريفه لكن وش اقول اذا انت اب ردي !
هند ام الوجد : شصاير ووينها الوجد!
فيصل جلس على اطراف الدكه ومسك راسه : مدري وينها نفذ صبري وماعاد لي حيله اتحمل اي اذيه
ام بتال : يامك وش هالكلام !
فيصل بضيق : البنت حامل
استبشرت وجيه الي جالسين وقامو يباركون له الا ابو الوجد وبنات شيخه
بعد ماباركو له لاحظو ان فيصل متضايق نطقت العنود : شفيك فيصل؟
فيصل تنهد بضيق ونطق : جسمها مسموم وهي الان مدري وينها !
شهق ابو نواف : دورتها بالبيت؟
فيصل بقله حيله : نفضت البيت نفض
جوري : طيب بلغ !
فيصل : مقدر ابلغ لازم تمر ٢٤ ساعه على اختفائها
الجد ولاول مره يسأل عن الوجد : يابوك دورها زين اكيد انها عند الناقه الي عطيتها
عقد حواجبه فيصل بأستغراب من تغير الجد ! شك فيصل وحط اسمه بالقائمه السوداء الي سمم الوجد
قام وراح يدورها يمكن يحصلها عند النياق
قام مازن ولحق فيصل يدورون الوجد
والكل قام يدور الوجد حتى الجد وابو الوجد وهذا اثار شكوك فيصل!
،
فتحت عيونها بتعب وألم لانهائي كشرت وجهها بألم من حست بألم في بطنها
شتت انظارها بالمكان المظلم والي مافيه غير ابجوره وخافته اضاءتها والمكان مرعب بشكل لايطاق مافي دريشه او اي شي تقدر تهرب منه
قامت من السرير وهي تحس بألم بكامل جسدها لكن مااهتمت للألم كثر ماهتمت كيف تطلع من هذا المكان المظلم !
وقفت تتفحص المكان لكن بسبب شده ظلمه المكان مو قادره تشوف حاجه
استوعبت ان مابيدها حيله واجتمعت الدموع بمحاجر عيونها ونطقت : في احد هنا؟
انفتح الباب واضاءه الشمس ملأت المكان وهنا ادركت الوجد انها بالنهار مو باليل
دخلت حرمه ووراها رجال تعرفه زين
نطقت بخوف : ماجد!؟
ماجد : عيون ماجد سمعت انك حامل ياحلوه
الوجد بخوف : طلعني من هنا وبعدين مين ذي الحرمه ؟
رفعت الغشاء الي يغطي وجهها ونطقت بسخريه : تعرفني زين ياوجد
شهقت الوجد بصدمه : ست شوشو؟؟
ماجد : ياحضك ي شيخه تدلعك
الوجد بدموع وصراخ : حسبي الله عليك ليش وش سويت فيك عشان تسوين فيني كذا يالظالمه جعلني اشوف حالي ببناتك ولا اقول بناتك مالهم دخل ان شاء الله اشوفك بيوم مكاني الله لايسامحك
شيخه ببرود : ماجد شف شغلك
تقدم ماجد بيمسك الوجد لكن الوجد صفقت ماجد كف وصرخت بوجهه : ياوسخ بعد عني والله فيصل يكسر يدك الي تجرأت تلمسني
ماجد مسك فك الوجد : فيصل اذا جاء الا انتي جثه حبيبتييي
الوجد رفعت ركبتها على منظقه محظوره وضربت ماجد فيها وصرخ ماجد بألم
تراجعت الوجد خطوات بخوف وهي تشوف شيخه معها كوب
صرخ ماجد ينادي افراد العصابه : امسكوها كتفوها وشربوها السم
الوجد بدموع : ايشش؟؟ خير لا مستحيل وربي فيصل مايفككم
شيخه : اقول اسكتي بس !
تقدم شخص طويل عريض ومسك الوجد وكتفها
الوجد حاولت تضربه بس ابت بالفشل ماقدرت فـ بكت
ربطو يدين ورجول الوجد بأحكام وحطو يدينها ورا ظهرها
نزلت شيخه مستوى الوجد ومسكت شعر الوجد من ورا ونطقت بكرهه : اشربيي
الوجد تفلت بوجهه شيخه ورفضت تفتح فمها
ماجد تقدم ومسك فك الوجد وفتح فمها غصباً عنها
كوب كامل مليان بالسم والماء شربته الوجد
شيخه تركت شعر الوجد بقوه ورمت عليها الكوب : حقيره
الوجد بتعب ميلت راسها : بيجي يوم تبوسين رجولي عشان اتنازل عنك لكن والله والذي نفسي بيده مابتنازل لو على جثتي
ماجد : خير كل هالجمال لفيصل ؟ لالالا لازم اشاركه
الوجد بدموع : ماجد تكفى اتركني ولاتضرني تكفى انا حامل لاتسوي فيني شيي
ماجد : خلاص بسامحك اليوم بجيك بكرا ياحبي
طلعت شيخه ومعها ماجد وسكرو الباب بأحكام تاركين الوجد بالغرفه المظلمه
الوجد تحس بثقل براسها وعيونها تسكر بس تحاول تفتحهم بطنها يعورها وكانت تصرخ بألم
،
فيصل بعصبيه : شيخه وينهاا؟؟
عهود : فيسل قالت انها بتروح للسوق وترجع
فيصل تجاهلهم وراكب سيارته وراح للمركز ونزل وقابل بهاج
بهاج : شفيك معصبب
فيصل : جوال الوجد وين؟ بسرعه
بهاج : شوفه مع العسكري ال ""
فيصل تعدى بهاج وراح للعسكري الي معه جوال الوجد ودخل ونطق: وين الجوال؟
العسكري : في مليون جوال اي جوال؟
فيصل القى نظره سريعه على الجولات حصل جوالها الكفر ابيض وعليه فيونكات واخذه
للعسكري : وش فيك اقدر اساعدك
فيصل حط الجوال بأذنه وماسك راسه ونطقت خيال : جوجي
فيصل بنفاذ صبر : الوجد وينها؟
خيال بفهاوه : بسم الله مين انت؟
فيصل : معك العميد فيصل الوجد وينها؟
خيال بخوف : ليش الوجد وش مسويه عشان توصل للعميد ؟
فيصل بصراخ ؛ الوجد وينهاا؟
خيال فزت : خير تصرخ علييي؟؟ قليل ادب
فيصل : اسمعيني يابنت الاجاويد ان ماجاوبتي بتلك الان للتحقيق
خيال : شعرفني وين جوجي !
خيال بفهاوه : اسأل رجلها نسيت اسمه
فيصل : العميد فيصل رجل الوجد
وقفل الخط واتصل على امتنان : بنت
امتنان سكتت من سمعت صوت رجال ونطق فيصل بحده : معك العميد فيصل بتردين ولا بتلك للتحقيق؟
امتنان بخوف : شصايرر
فيصل : بدون مقدمات الوجد وينها؟
امتنان :يمه ليش شفيها وين اختفت؟
فيصل : مافيها شي
قفل الخط واتصل على كل الارقام الموجوده بجوال الوجد وكان كم هائل من البنات حتى موظفات الرسبشن ماخذه ارقاهمهم!
دخل اللواء بهاج : ولد علامك قل لي
فيصل نزل جوال الوجد : عمليه اختطاف من ماجد صارت
بهاج عقد حواجبه وجلس قبال فيصل : مارصدنا اي حاله خطف للحين
فيصل : الوجد مخطوفه ومقدر ابلغ
بهاج : كم مر على اختفائها ؟
فيصل : مالها ساعتين
بهاج تنهد بقله حيله : مانقدر نرفع بلاغ لازم تكمل ٢٤ ساعه
فيصل مسح على وجهه : ياربي
بهاج : اقدر اساعد نتواصل مع صديقاتها
فيصل : تواصلت بس ماش
بهاج : خلاص ندورها الين تمر ٢٤ ساعه ! انت اجلس بالمكتب ومايصير خاطرك الا طيب انا بوظف جماعه يدورنها لك اذا ممكن صوره لها؟
فيصل تنهد بقل حيله : كيف تطلبني انشر صورها ؟
بهاج : طيب مواصفاتها
فيصل : اعقب خلاص الموضوع انا احله انتم خلوكم على جنب
قام فيصل ماسمح لبهاج يتكلم فيصل رجل غيور كيف يطلبونه ينشر صورها!
دخل مكتبه وجاته لحظه ادراك الوجد لما قالت سالفتها مع الابتزاز كانت تقول محد يدري الا العم محمد والعم تركي بس ، كيف عرفت شيخه وقالت لـ فيصل ان الوجد تطلع مع رجال
فيصل بأبتسامه انتصار : يعني شيخه لها يد بالموضوع والله ان صار شي بالجنين ولا بالوجد طلاقي ماتمسين عند اهلك
،
بعد مرور يوم ونص على اختفاء الوجد الكل من العساكره يبذل جهد عشان يحصلون الوجد
اما عند بطلتنا المسكينه الي ليل نهار يشربونها سم الين صار جسمها هزيل وتعبان وعيونها ذبلانه ولدرجه تعبها ماتقدر تمشي السم انتشر بجسدها
كانت طريحه الفراش ماتتكلم ولا تدافع عن نفسها بس دموعها ينزلون بقهر
فيصل النوم جافي عينه من قالو له الوجد تم اختطفاها كان بيده جوالها وربطه شعرها ابتسم وهو يتذكرها تزين شعرها بالفيونكات : صدقيني بالوجد بلقالك اليوم قبل بكرا شدي حيلك بس اصملي
جته رساله على جواله رقم غير مسجل وفز بسرعه بدون لايفتح المقطع : طلعو لي موقع هالرقم
اخذو الرقم وحطو وصارو يتنظرون يطلع الموقع في هذه الاثناء فيصل ابتعد عنهم وفتح المقطع
احتدت ملامحه بغضب وهو يشوف الوجد تعبانه ويد ماجد على جبهه الوجد نطق بجنون : والله لااكسر اصابعك يابن الكلب
العسكري : طلع الموقع يبعد عننا نصف ساعه تقريباً !
فيصل : يلا مشينا!
العسكري : لازم نجهز اغراض المداهمه وخطط على السريع
فيصل مجبور يصبر ! فـ راح مع العسكري ورسمو مخطط المداهمه وشرحو كيف يدخلون ويتجنبون الاصابات
لبس فيصل الحمايه واخذ الاسلحه وحالف يمين بالله يكسر يد لمست الوجد
ركبو واتجهو للموقع بعد مااخذو الاسعاف
،
المكان الذي يبعد عن منطقه الرياض ٣٠دقيقه تقريباً كان منعزل تماماً عن ضجه السيارات
مشدد بالحراسه محد يقدر يعبر ويدخل البيت بسبب الحراسه المشدده
فيصل ومعه العساكر كانو واقفين خلف البيت ومتسلحين تماماً
العساكر ينتضرون من فيصل اشاره عشان يهجمون لكن فيصل تفكيره مشوش تفكيره مندفع بيدخل ويفلم فيهم ويطلع ماكان مستوعب الاضرار الي بتواجهه وبتواجه الوجد كان بيدخل بس استوقفه عسكري : فيصل اصبر
فيصل بنفاذ صبر : ماهو وقت يسمح للصبر ياولد
العسكري : فيصل فكر بحرمتك الي داخل ثانياً ماندري كم حارس واقف على الباب اصبر خل نذخل عساكر وانت ابقى ورانا !
فيصل هز راسه بالموافقه وتأكدو ان اسلحتهم كاتمه مالها صوت
دخل عسكريين ووراهم فيصل وكان حريص تماماً وفعلاً واجهو كم هائل من الحراس ولكن كانو الحراس اقل من ضغاف وتخلصو منهم بسهوله وسلاسه
فيصل كان يطلق السلاح وبوسط تركيزه بالتصويب سمع صراخ انثوي يعرفه كويس!
تشتت عقله والتفت لمصدر الصوت وبدون علم العساكره راح !
فيصل كسر الباب بكتفه ودخل وشاف ماجد يشرب شي للوجد
احتدت ملامحه وتجمعت جنون الارض براسه ونطق : بكيتها؟ علي الحرام حرم دم اني لاابكي امك عليك
التفت ماجد وشاف جسد طويل نحيل موجهه السلاح عليه
ماجد بسخريه رافع السلاح بوجهه فيصل : فات الاوان البنت تصارع الموت
الوجد : فيصل!
فيصل ضرب سلاح ماجد وطاح السلاح عند رجول الوجد نطق فيصل : مبارزه شريفه
فيصل تهور ورمى السلاح وتقدم وجنون الارض تلعب بعقله فيصل كل مايغمض عينه يتذكر الصوره ! طرح ماجد على الارض وطلع السكين من جيبه ومسك يد ماجد
صرخت الوجز بخوف ؛ لا فيصل انت ارقى من كذا!!
حرج اصابعه الثنتين السبابه والوسطى لانها كانت على جبهه الوجد وفيصل حالف يمين بالله يقطع الاصابع الي تلمس الوجد بس عشان صراخ الوجد حرج اصابعه وماكتفى يجرحها برضو كسرها !
صرخت الوجد من شافت اصابع ماجد المكسوره ومسكت فمها بتستفرغ من بشاعه المنظر
صرخ ماجد بعلو صوته مما ادى الي حظور احدى افراد العصابه الي كان رافع السلاح على راس فيصل من ورا
فيصل قام عن ماجد ورفع يدينه يعلن الاستسلام الوهمي
الوجد اجتمعت الدموع بعيونها خافت فيصل يتأذى السلاح على راس فيصل
فيصل عنده خطه بما انه عميد يقدر يضرب الشخص الي واقف عند ظهره ويلتف وياخذ السلاح ويقلب الطاوله بس كان متوهق واقف بين ماجد والشخص الي ورا!
الوجد طاحت انظارها على السلاح وهمست : العواقب مؤقته يابنت
اخذت السلاح وصوبته على الشخص الي ورا فيصل وغمضت عيونها واطلقت الرصاص وطاح المجرم
اتسعت عيون فيصل بصدمه ولكن مافي وقت للصدمه ورجع راسه ورا وقدمه بسرعه وصفق وجهه ماجد براس فيصل
وطاح ماجد بالارض واستفرد فيه فيصل
الوجد طاح السلاح من يدينها وزاد تأثير السم وبطنها يألمها بقوه
دارت فيها الدنيا وتشوف فيصل ثنين وبدت الرؤيه عندها تسود داخت او بالاحرى فقدت الوعي وطاحت بالارض
ماكان يفصل ماجد عن الموت الا ضربه وحده
لولا الله ثم العساكر الي دخلو وبعدو فيصل كان ماجد اعطانا عمره
فيصل قام بلع ريقه بخوف وهو يشوف الوجد طايحه !
اخذ السلاح الي طاح منها وحطه بجيبه عشان مايحققون معها وشالها بحضنه وطلع يصرخ يستنجد بأخوياه يعاونونه طول عمره يقدر يشيل الوجد بيد وحده بس من شده ضيقته اليوم مو قادر يشيلها بس مع ذلك ماستسلم ولازال متمسك بالوجد ويترجاها تفتح عيونها تطمنه
طلع من المبنى وهو يركض بأتجاه الاسعاف والمسعف اول ماشاف صراخ فيصل نزل السرير
فيصل حط الوجد بالسرير ونطق : تكفونن انقذوها تكفون
المسعف والممرضه دخلو الوجد وحالتها خطيره اضطرو يحركون للمستشفى
ركب فيصل وحركو ..
،
فيصل جالس بالارض وماسك راسه بتعب التفكير ياكله اكل الوجد مايدرون هي تعيش وتكمل حياتها او تستلم للامراض ووتوفى !
فيصل بذل جهد عشان يحصلها سالمه بس طلعها من المبنى اشبه بالجثه
جاء مازن يركض بخوف ونطق : فيصلل وينهاا وش صار عليهااا
فيصل بضيق : مدريي ياخوي مادريي
مازن مسك يد فيصل يقومه عن الارض ويجلسه بـ كراسي الانتظار
فيصل ماعاد هو الصبور القوي يضعف اذا شي صاب الوجد
مازن : اصبر ياخوي تصبر والله ان الوجد اعرفها بتحارب السم وبتقوم تسوي لك ميكب وتزين شعرك بالفيونكات !
فيصل حط يدينه على وجهه ونطق بضيق : وينها بس والله ماقول لها لا خل تقوم بس
مازن : فيصل الورع الي ببطن وجد شصار عليه
فيصل اخذ نفس : والله ماهمني كثر ماهمتني الوجد ابيها توقف الحين قدامي ابيها هيي مابي الي ببطنها
مازن : يعني لو طاح الورع الله لايقوله بتسوي شي؟
فيصل : لو طاح بذبح الي تسبب بوفاه الورع مع انه ماهمني كثر الوجد بس ولو هذا ولدي من دمي !
مازن : استهدي بالله ولاتسوي شي انت معصب خل القانون ياخذ حقك
فيصل حط يده تحت فكه ونطق بتفكير : القانون اخذ حق الوجد من ماجد لكم انا باخذ حق الوجد من المتعاون مع ماجد والله لااخنقه بين يديني بس خلني احصله والله مايسلم مني ولو انه حرمه بعد ماعاد يهمني حرمه ولا رجال العقاب يشمل الجميع !
مازن : يعني في احد متعاون مع ماجد؟
فيصل : الله الله وقريب مننا بعد وحولنا وحوالينا
مازن : عاش الساطيي
فيصل حط راسه على الجدار وتنهد بضيق واخذ سجه
جاء الجد ومعه الكل ويركضون : وينها البنيه؟
فيصل عقد حواجبه من تغير الجد ونطق : حنيتك المفاجأه ذي ماني متطمن لها وبكتشف مع الوقت !
الجد تنهد بضيق : والله مدري وش اقول لك يافيصل لكن انا غلطت بحقك وبحق البنيه وبحق امها وطول هالشهر وانا اتعذب من ضميري واتعذب من الاحلام والظلم الي عرضته للوجد وجاي بعتذر منك ومنها ومن امها
التفت الجد لـ هند ام الوجد : انا اسف يابنتي اني احرقك واضربك طول السنين عشان تكرهين تركي ولدي انا اسف والله ولك حق انك تزعلين وتجازيني انا استاهل
اجتمعت الدموع بعيون ام الوجد ونطقت : مسامحتك لكن لاتضرني زياده تعبت طول هالسنين وانت تهددني اذا شفت بناتي تحرقني وكل ماتواصلت مع الوجد احرقتني بماء مغلي
كشر فيصل بصدمه ووقف بصدمه وانفعال : ليش تسكتين ليش تعذبين بنتك وهي حيه الوجد تنام والدموع على خدها بسببك بسبب قساوتك معها !
ام الوجد بدموع : كنت مجبووه اقسى عليها زي ماتشوف جدك كان يهددني ويعذبني
فيصل : وهل تضنون الوجد بتسامحكم بعد ماسببتو لها اذيه؟
الجد بضيق : ماظن بتسامحني لكن بسوي كل شي لها
فيصل تجاهل الجد والتفت لـ ابو الوجد ونطق : وانت ليش ساكت؟ وليش جاي اساساً اذا بنتك الي المفروض تصونها وتصير سند لها تهملها كذا ويوم طحت انت جيتها وهي طايحه ؟ ليش مااستسمحت منها قبل تطيح وتتعب
العنود والبنات يبكون من قساوه الجد سلطان على الوجد وام الوجد وابو الوجد !
استمر ابو الوجد يبرر تبريراته الي ماهي منطقيه وام الوجد والجد يعتذرون بس فيصل ماكان يسمع لهم لان الي سووه للوجد شي مايغفر !
فيصل بحده وعصبيه : بس تقوم الوجد باخذها من هنا ولالكم بنت اسمها الوجد انسوها ! كلامي للجميع انسوها
تقدم فيصل وضرب كتفه بكتف ابو الوجد وتعداه وطلع من المستشفى
جلس ابو الوجد على الكرسي وهو متضايق تماماً من كلام فيصل معقوله بيحرمه من بنته البكر؟
ابو الوجد يتساهل الحرمان لانه قسى على بنته عشان كلام شيخه الي مايسوى التاليه من الغنم خسر بنته عشان كلام شيخه؟ خسرها وخسرها للابد ..
ام الوجد بسبب كتمانها وخوفها خسرت بنتها الوجد
الجد صارت تطلع له كوابيس وصراخ الوجد وكأن الوجد تحذره وتهدده وماعاد صار ينام اليل بسبب صراخ الوجد حتى صار يهلوس بوجود الوجد !
الكل كان متضايق وكل منهم ينتظرون الدكتور يطلع يعلمهم عن حال الوجد !

____________________
انتهى البارت ♡
رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285
حسابي انستا انزل فيه الروايه : Ot34828
*اعتذر عن الاخطاء الاملائيه*