🧶 ထောင်ပေါင်းပေါ်က အာင်သွယ်တော်လေး
🧶 Chapter 2.2
သူ(မ)ချက်ချင်းနာမည်ကြီးလာမည့်နေ့အား အမြဲလိုလိုအိပ်မက်မက်နေသောကြောင့် “trending” ဖြစ်နေသော အကြောင်းအရာကို ပထမဆုံးဖွင့်ကြည့်ရန်ဆုံးဖြတ်လိုက်သည်။ သိပ်ကောင်းတာပဲ၊ သူ(မ)သည် ထိပ်တန်းရှာဖွေမှုအဆင့်ငါးဆယ်စာရင်းထဲ၌ပင်မပါဝင်ခဲ့ပဲ ချက်ခြင်းနာမည်ကြီးလာဖို့အိပ်မက်ဟာလည်း နောက်တစ်ကြိမ်မအောင်မြင်ခဲ့ ချေ။ သူ(မ)သည် ယာဉ်မတော်တဆမှုတစ်ခုဖြစ်ခဲ့သော်လည်း မည်သူမှဓာတ်ပုံရိုက်ဖို့ပင် မစဉ်းစားခဲ့ကြပေ။
သူ(မ)သည် စိတ်ဝင်စားစရာကောင်းသည့် အကြောင်းအရာတစ်ခုကို ကြုံရာကျပန်းရွေးချယ်လိုက်ပြီး ၎င်းအားနှိပ်ကာအကြောင်းအရာကိုအတိုချုံးဖတ်လိုက်သည်။
ခေါင်းစဉ်မှာ "ပင်း-ကောကောသည် သူရဲကောင်းဆန်ဆန်ကယ်တင်ပြီးနောက် လက်ရှိတွင်စိုးရိမ်ရ သောအခြေအနေသို့ရောက်ရှိနေသည်။"
အဆိုပါသတင်း၏ အသေးစိတ်အချက်အလက်မှာ ပညာသင်ကြားနေသည့် အမျိုးသမီးကောလိပ် ကျောင်းသူတစ်ဦးသညါ သူ(မ)၏မာစတာဘွဲ့အတွက် စာတမ်းရေးသားရာတွင် ကျရှုံးခဲ့သဖြင့် မိမိကိုယ်ကိုအဆုံးစီရင်ရန် ကြိုးပမ်းခဲ့ကြောင်းကို အကြမ်းဖျင်းဖော်ပြထားသည်။သို့သော် ပင်း-ကောကောဆိုသူသည် မဆိုင်းမတွပင် ၎င်း၏ကုတ်အင်္ကျီကိုချွတ်ပြီးအေးခဲနေသည့် ရေကန်ထဲသို့ခုန်ဆင်းကာကယ်တင်ခဲ့ကြောင်းကို မျက်မြင်တွေ့ခဲ့ကြရသည်။ အမျိုးသမီးမာစတာအတန်း၏ ကျောင်းသူလေးအား အောင်မြင်စွာကယ်တင်နိုင်ခဲ့သော်လည်း ပင်း-ကောကောသည် စိုးရိမ်ရသည့်အခြေအနေတွင်ရှိနေသေးသည်။
မှတ်ချက်- နောက်ဆက်တွဲအနေဖြင့် ကောကော သည် အကိုကြီးဟုအဓိပ္ပါယ်ရပြီး ၎င်းသည်မိသားစု နှင့် သင့်ထက်အသက်ကြီးသူ/ သင်အားကြည့်ရှုနေသူ များနှင့် သက်ဆိုင်သည်။ ထိုနေရာတွင် -ကောကောကို "အစ်ကိုကြီး"/ဒုက္ခရောက်နေသူကို ကူညီသောပုဂ္ဂိုလ်နေရာတွင် ရိုးရှင်းသောအသုံးအနှုန်းအဖြစ်သုံးထားသည်။
ရှန်းချူးချူးသည် သတင်းဆောင်းပါးမှ ဓာတ်ပုံများကိုကြည့်ရှုလိုက်သည်။ စုတ်ပြတ်သတ်နေသည့် အသွင်အပြင်နှင့် အမျိုးသမီးကျောင်းသူလေးသည် ပွန်းပဲ့နေသောဒဏ်ရာများဖြင့် မြေပြင်ပေါ်တွင်လှဲလျောင်းနေသော ပင်း-ကောကော၏ကုတ်အင်္ကျီကို ၀တ်ဆင်ထားသည်။ ရှန်းချူးချူးသည် ပင်း- ကောကောအတွက် စိုးရိမ်ပူပန်စွာဖြင့်မျက်ရည်ကျလုဆဲဆဲတွင် Screen ပေါ်၌ မယုံနိုင်စရာဖြစ်ရပ်တစ်ခု ပေါ်လာခဲ့သည်။
YOU ARE READING
ထောင်ပေါင်းပေါ်က အောင်သွယ်တော်လေး
Romanceကားမတော်တဆမှုကနေ နိုးလာပြီးနောက်မှာ ငါ လေးက အသက်ရှင်နေရုံတင်မကဘူး စွမ်းရည်အသစ်တစ်ခုတောင်ရလာခဲ့သေးတယ်။ တစ် ယောက်ယောက်ကို ဒါမှမဟုတ် ဓာတ်ပုံတစ်ပုံကို သုံးစက္ကန့်လောက်စိုက်ကြည့်လိုက်တာနဲ့ အဲ့ဒီလူက ဘယ်သူနဲ့ ဘယ်အချိန်မှာလက်ထပ်မလဲဆိုတာကိုသိနိုင်တယ်... အဆင့...
