بسم الله الرحمن الرحيم
قصر ال سلطان
عند البنات
مجد: ياخي العرس كان يجنن
هيام: اي والله
رسيل: شفتو ذيك الحرمه
غرام: اي شفتها كانت تناظر هيام مدري م فهمت نظرتها
مجد: واضح انه تبي تزوجها ولدها
هيام: يع يع من زينها تزوجني ولدها يمه احسها تس تس نظرتها تخرع
غرام: هههههههه يحظها تتزوجي ولدها
هيام: لا لا م ابي ابي اكون معك حتى لو اتزوج وانا مابي ولدها
غرام: وش قصدك تكوني معي وانتي متزوجه
هيام: يعني اكون في القصر معك
غرام: طيب طيب بزوجك اخوي
هيام: يع م ابي اخوك
غرام: افا ليش
هيام: مو هذاك اللي وصلنا القاعه اخوك
غرام: ايه اخوي وش فيه
هيام: احسه بارد وبلا مشاعر وانا م احب الشخص البارد
غرام: اخوي بارد لا والله هو اللي دايم يضحكنا
مجد: اي دايم يضحكنا واكثر شخص فرفوش من عيال عماني اما عيال عماني الثانيين ما ينعطى وجه
رغد: اي والله احسن من عيال عماني
هيام: يعني الحين بتقنعوني اتزوجه
غرام: مدري يمكن ايه
هيام: ماني متزوجته ولا ابي اتزوج فهمتو
غرام: عاد بكيفك
رغد: الحين احنا وش نسوي هنا مو جينا نمسح الميكب
هيام: والله نسينا من السوالف
كانو يمسحون الميكب ويغيرون فساتينهم
عند العيال
سيف: لا والله صرت عاشق ولهان
اصيل: وش قصدك اني صرت عاشق ولهان
سيف: تغريداتك عالتويتر الفستان الاسود ماخذ عقلك ولا وش
ماجد: والله هذاي سالفه جديده اول مره اسمعها
اصيل: وانت من متى متبعني
سيف: من يوم ما سويت حسابك
ايهم: يلا يلا قول من ماخذه عقلك
اصيل: استحه على وجهك انا متوزج
عزام: لاتخافو انا اعرف من اللي ماخذه عقله اللي ماخذه عقله اختي انا شفتها لابسه فستان لونه اسود
سيف: لا لا هذا اللي مسوي نفسه ثقيل صار عاشق ولهان
اصيل: اتخسي ي ولد اني اصري خفيف قدام بنت
ماجد: يوه عاد الكذب وراثه عندنا
ايهم: اي والله واضح انه يكذب
اصيل: عاد هذا اللي عندي م احتاج افهمكم
عزام: انا ادري انك راح تصير خفيف قدام اختي ما الوم عيال عماني لو يحبوها
اصيل: وش قصدك
عزام: يعني من يوم اختي صغيره وعيال عماني خاقين عليها كانو يخطبوها من ابوي وابوي يرفض عشان غرام م تبيهم وياحظك انت متزوج اختي
اصيل وهو بقلبه نار: اي والله يحظي فيها
سيف: والله انك خفيف
اصيل: انطم
ايهم: واضح انه غيران من عيال عمانه
ماجد: اشم ريحه دخان مدري من وين جايه
سيف وهو يغني: نار الغيره شغلت فكري وعيني ما بتنام لا تسالني كيف بغار ولو كانو عقلاني كبار كيف قدرت اتحمل كيف
والعيال يضحكو عليه
اصيل: والله انت وتفاهتك م يضحك تخسي اغار عليها
سيف: واضح واضح
ماجد: عزام مجد وش تقربلك
عزام: ليه ذي سوأل
ماجد: لا بس اسأل
عزام: بنت عمي
ماجد: اها
سيف: لايكون انت خاق عليها
ماجد: لاوين بس هي مره مزعجه زي الدجاجة
عزام: عن الغلط على بنت عمي
سيف: يوه يوه بدينا بحركات عيال عمان
عزام: لا بس ليش يغلط عليها
ماجد: لا والله هي بدت تقولي ثور
سيف: والله اسم على مسمه
والعيال بدو يضحكون
ماجد: هههههههه م يضحك ي عصا الخيزرانه
والعيال فطسو ضحك
جا ابو ابو اصيل
ابو اصيل: وش اللي يضحك ضحكوني معكم
سيف بخبث: لا لا ياعم انا قلت لهم ودي اخطب ويقولون اني خروف
ابو اصيل: ابرك الساعات ي ولدي من ودك تخطب وش الغلط لو يخطب
ماجد: صدق الكذب وراثه عندنا
ابو اصيل: وش قصدك
ماجد: لا ولاشي ياعم
سيف: اللي ودي اخطبها بنت عم عزام
ابو اصيل: اجل متى ودك تخطبها
سيف: مدري والله
ابو اصيل: اجل اكلم ابوك واشوف الوضع
وراح ابو اصيل
اصيل: والله فيني نوم
عزام: حتى انا بتصل على البنات عشان ينزلو
اتصل عزام على غرام ردت غرام
عزام: الو
غرام: هلا
عزام: خلي البنات ينزلون عشان نروح
غرام: اوكي
أنت تقرأ
مالِي وطَن الَا وطنكَ 🤍
Mystère / Thrillerكاتبة عزيزه ✍🏻 اول روايه لي[مالِي وطَن الَا وطَنك 🤍] اتمنا تعجبكم تزوج حفيدت عدوهم اللي هم سبب مو*ت جده وبنت عمته اللي كانو خاطفينها ويكتشف ان اللي تزوجها هي نفسها بنت عمته 🌷
