لو كنت ابي غيرك ترا الناس واجد بس البلا بـ القلب مايبي غيرك مايبي غيرك

7

بسم الله الرحمن الرحيم لاتجعلوا روايتي تُلهيكم عن ذِكر الله
"لا ابيح ولا احلل من يقراء بدون نجمه".

جاء اذان العشاء والبنات جهزوا العشاء وطلعوه للرجال وتعشوا الرجال وخلصوا وجاء الوقت اللي يجتمعون فيه كلهم الرجال والحريم بحوش ابو صقر وكان ذا الشيء متعودين عليه من يوم كانوا صغار.
.
.
.
طلعوا البنات بعد مالبسوا عبايتهم والحريم برضو نفس الشيء واما العيال كان كل واحد لابس فروته وبرضو يرجف من البرد،عند القهوه والشاهي كان مطلق اللي يصبها ومعروف مطلق دايم عند النار هذي هي شغلته اللي يُعتبر شاطر فيها ومحد قدها فيهاً حرفياً.
كان مطلق يصب القهوه والشاهي ويسأل كل شخص ويش يبي ولما وصل لهِيام حط عينه بعينها وهو يقول:هِيام ويش اصب لتس
هِيام اول مره تحس بذا الشعور اذا مطلق قال اسمها مع انها متعود عليه دايم يقول اسمها ويسألها وبرضو يحط عيونه بعيونها بس هالمره حست بشعور غريب وقالت وهي تصد بنظرها لبعيد:اءءءء شاهي
صب مطلق الشاهي وجاء يعطيها وهو يقول:سمي
لمس مطلق يد هِيام بالغلط وطيحت بيالة الشاهي على يدها وعلى ثوبه فزت وهي ناسيه من الالم وماحست فيه وهي تسمي على مطلق والكل فز يشوف ويش صار لهم اما مطلق اللي ماحس بحرارة الشاهي وهو يناظر بيد هِيام اللي على طول صارت حمراء تكلم وهو يقول:ي نوررره قومي شوفي بنت عمتس يدها صارت حمراء انا ماعلي خلاف ماجاني شيء
قامت نوره بسرعه وهي تاخذ هِيام لجوا البيت وتحط يدها بمويه بارده ودخلت ام هِيام وهي تسمي عليها وهِيام كل بالها مشغول ب مطلق ناظرت فيها امها وهي تقول:شفيتس ي امي انتتتتتِ وين عيونتسسسس شايفه كيف احرقتي يدتس واحرقتي ولد عمتس!
هِيام:مدري كيف طاحت البياله من يدي يمه والله ماحسيت فيها وانتِ تدرين اني من الصباح مصدعه مدري شفيني
ام هِيام:خلاص وانا امتس امشي امشي صار خير تبيني اعطيتس مسكن؟
هِيام:لا يمه معليتس مافيني شيء يالله خلينا نطلع لهم لايخافون اكثر
طلعت هِيام وامها ونوره معهم واول ماجت هِيام نادها جدها تجلس جنبه بحكم ان هِيام غيييير عند الجد صالح وكان يسمي عليها ويقراء عليها بعض الايات والاذكار ناظر فيه مشاري وهو يقول:شدعوه ي جد ماتحس ان هِياموه خذت مكان عيالي المساكين؟
الجد قال:هِيام غير عندي والكل يعرف هالشيء وعيالكم وانتوا بعيوني ماقلنا شيء بس بنتي هِيام لحد يزعلها ب شيء وهو يناظر ب مطلق ويقول:وانت وين عقلك وانت تعطي البنت الشاهي شوفك احرقت نفسك واحرقت هِيام!
مطلق وهو متوتر ومىيت من القهر على هِيام قال:اعذرني ي جد طاحت مني البياله وانتِ ي هِيام اعذريني مَ كنت قاصد احرقتس ابداً ناظرت هِيام وقالت:لا حصل خير انا ي جد ما مسكت البياله زين هو ماله ذنب
الجد قال:ابكم انتوا مو صاحين كل واحد يحط الذنب على نفسه عز الله كدينا خير!
الكل:ههههههههههههههههههههههههههههههههههههههههههههههههههههه
ضحكت هِيام وهي متعوده اساساً انها تقلب الطاوله على الطرف الثاني بس هالمره ماتدري ليه ماقلبتها على مطلق وحطت الغلط كله عليها
استمرت ليلتهم ومطلق للحين يشوف هِيام تتألم وعيونها غرقانه حب الجد يغير الجو وقال:ي فلاح قوم جيب هالوصخ حقك وتعال!
الجد كان يكره عود فلاح جداً بس مايدري ليه هالمره يبيه يجيبه.
فلاح خاف ان جده يكسره على راسه وقال:اءء سم
راح فلاح وهو يجيب العود وقال:جبته ي جد
شموخ:الله يستر يايبه ويش بتسوي ب عود فلاحوه؟
الجد:امسك هالوصخ زين وخل اخوانك يغنون معك
فلاح:ها كيف يعني ي جد ماتبي تكسره؟
الجد:بتغني انت وياهم ولا اقوم اكسره عليكم؟
فلاح بصدمه وضحكه:لا لا ابشر طال عمرك
صقر:انا بختار ويش تغنون هالمره
رعد:تموون يبو عناد
فلاح:اعرف خالي ويش يبي يالله ببداء وانتوا كملوا وراي
بداء فلاح يعزف وتكلم صقر بصوته وهو يقول اول بارت:
دخلوا العيال ب اصواتهم الحاده وهم يغنون صح كان في اصواتهم نشاز كثير بس انهم مستمتعين وهم يكملون يغنون ودخل معهم الجد وهو يغني واعطى الليله حياه وسعاده وهم متعودين على جدهم يغير جوهم دايم من الاسوء للأحسن.