8

52 5 1

بواسطة rwrte10

بقلم rwrte10

بسم الله الرحمن الرحيم لاتجعلوا روايتي تُلهيكم عن ذِكر الله
"لا ابيح ولا احلل من يقراء بدون نجمه".

الساعه 5:07 قام الجد بعصاته وراح للمجلس يصحي العيال ولما جاء انتبه ان النور شغال واستغرب وشاف ان محد بالمجلس قام ينادي فلاح وجاه فلاح وباس راسه وهو يقول:صبحك الله بالخير ي جد
الجد:الله بالنور وين انتوا!
فلاح:والله تعرف مطلق وسعود وطبعهم اللي خذوه منك صحونا عشان نوضي ونسبقكم للمسجد
الجد ابتسم وهو يقول:بارك الله فيهم عساكم تصيرون مثلهم!
فلاح:ي جد شفيك علينا والله اننا اطلق منهم بس انت ماتحب الا مطلق وسعود
رفع الجد عصاته وجلد فلاح وهو يقول:اعقببببب اذلف اذلف صل لا اجلدك قدام زوجتك!
فلاح وهو يتحسس مكان الجلده قال:آه الله يهديييك ي جد تعوررر خلاص بذلف والله
الجد:عز الله كدينا خير!
راح فلاح للعيال والجد وعياله لحقوهم واتجهوا كلهم لمسجد الديره يصلون فيه.
واما عند البنات لازم يصحون كلهم ويسوون القهوه والحليب واللي تسوي الفطور واللي تجهز السفره الين يجون الرجال عند هِيام اللي كانت هي ونوره يسوون الخبز على الجمر ونوره تقول:ي بنت ماني مستوعبه شلون سعود خطبني كيف كذا مدري يعني تعرفين اننا نحب بعض لما كنا صغار بس ماتوقعت ان اخوتس كفو وبيخطبني!
هِيام:اعقبيييي وانا بنت ابوي بنته،قصدتسسس ان اخوي رخمه وماهو قدها اجل!
نوره ضحكت وهي تقول:اعوووذ بالله منتس تراتس بنت اهجدي واركدي شوي وبعدين مَ اقصد كذا بالعكس اخوتس كفو وينشد به الظهر بس يعني تعرفين مصدومه للحين امس كله مانمت مدري ليه
هِيام:ياختي والله سعود حليل وبيحطتس في عيونه بس انتِ اصبري شوي وتشوفين قد ايش حنون وبعدين سعود ياخذ من طبع مطلق مرهههه فهمتي؟
نوره:ادري والله ونعم فيه ماقلت شيء لكن اتفق معتس بسالفة ان مطلق وسعود يتشابهون جداً
هِيام وهي تنظف يدها من العجينه قالت:اءءء نويّر اسمعي بقولتس شيء بس لحد يدري تكفين
نوره قربت من هِيام وهي تقول:سمي طال عمرتس؟
هِيام:مدري شقولتس بس يعني احس انه من بعد موقف المطبخ وانا مشاعري اتجاه اخوتس غريبه مدري كيف اوصفها وكل ماسمعت صوته فزيت ياختي ويش تتوقعين ذا المشاعر ويش نوعها؟
نوره ماسكه الضحكه وقالت:اححححح تحبينه؟؟؟؟
ضربتها هِيام وهي تقووول:الله لا ياخذتسسسس يالوصخههههه لاااااا تخيلي احبببب اخوتسسسس الخايس!!!
نوره ضربتها على راسها وقالت:خيررر ي حبيبتي انتِ تحلميييين يحبتسسسس واحد زي اخوي مطلق!ههههههه
اللي ماكانوا منتبهين له البنات ان مطلق عند الباب من لما تكلمت هِيام حس بشعور غريب وجته دوخه وضرب الباب
وهو يقول:نوره اقصري صوتس انتِ واللي معتس وهاتي الخبز!
هِيام جتها ام الركب من الفجعه وقالت بصوت واطي:اححح حسيبتسسس ربيييي ي نوررره هالحين اكيد انه سمع!!!
نوره:اسكتييي انطمييييي خليه يروح وبعدين بسأله!
هِيام:اخخخخ وجععع وجعع وجع!!!
اخذت نوره الخبز وطلعت لمطلق وهي تقول:صباح الخير
مطلق وهو يحاول يخفي ابتسامته وتوترن قال:صباح النور شعندتس تضحكين بصوت عالي وانتِ عارفه ان العيال الحين اكيد بيجون من الصلاه!
نوره:اسفه تكفى والله مَ انتبهت اخررر مره
مطلق:لاتقولين تكفى خلاص عذرتس لكن قسم بالله لاتعيدينها ان اربيتس مره ثانيه!
نوره:ابشر ابشر اسفه
مطلق:اءءء مين البنت اللي معتس بالمطبخ
نوره تخصرت وهي تقول:اووبا يعني مو عارف؟ههههههههه
مطلق:وجع يوجعتس ماني عارف بس كذا ابي اعرف عشان يعني اعرف مين يخرب راستس
نوره:افااا مَ تعرف صوت هِيام هذا وانتوا تربيتوا مع بعض؟
مطلق:ويش علي من صوتها بالله عليتس؟
نوره:ي ادمي توك تسألني وتقول منهي!
مطلق حس انه جاب العيد وقال:اذلفي اذلفي لايجي جدي يكسرني الحين بالعصاء عشاني تأخرت!
نوره وهي تضحك:انت اللي تذلف مو انا ي روحي
مطلق:نويّرررر ادخلي!!!!
نوره:يمه ابشر ابشررر خلاص بدخل
راح مطلق وهو يضحك ودخلت نوره تقول لهِيام ويش قال مطلق وويش دار بينهم وراحوا يكملون فطور الحريم وبعدها افطروا وصار وقت القهوه وسوالف الجده.
عند الشباب:-
كان الجد جالس يقراء اذكاره والكل يقراها معه وكان ذا شيء اساسي عند الجد صالح وعود عياله على ذا الشيء من لما كانوا صغار،خلصوا اذكارهم وقال الجد:انتوا عارفين ان ورث اخوكم الله يغفر له للحين عندي صح؟
شامخ:اي يبه
صقر:ويش بتسوي به يبه؟
الجد صالح:الورث كله بيروح لجهير وبناتها ومالكم فيه ايّ هلله ابداً
شامخ:هذا الصح يبه واحنا مانبي شيء من ورث سعد احنا نبيه يرتاح بقبره وورثه لزوجته وبناته
صقر:شامخ صادق يبه بس الحين ام نجلاء تدري عن ورث سعد؟
الجد صالح:لا للحين ماقالت شيء ولا طلبت شيء اصيله بنت رجال
لكن اليوم بناديها هي وبناتها وبقولهم عن ورث ابوهم ووصيته بعد!
شامخ:عنده وصيه!؟
الجد صالح نزل راسه ب حزن وهو يقول:الله يرحمك ي سعد،ايه يبوك عنده وصيه حطها عندي قبل مَ ربك ياخذ امانته بـ شهرين
صقر تكلم بغصه وقال:الله يرحمك ياخوي كأنه كان حاس ان يومه قرب
طلع رعد بسرعه وهو يمسح دموعه ومايبي ينهار قدام جده وعمانه"رعد كانت علاقته بعمه قويه جداً وكان يده اليمين حرفياً وهو اكثر واحد اثرت فيه وفات عمه"
الجد:ي فلاح قوم الحق ولد خالك وجيبه!
فلاح:سم ي جد
صقر:يبه بتقول لنا ويش هي وصية سعد؟
الجد صالح:ايه بقولها لكم لكن بعد مَ اقولها لجهير وبناتها!
عند فلاح ورعد:
كان رعد يمسح دموعه ب شماغه وهو منهار وكل مايتذكر ان عمه توفى يرجع يضعف اكثر واكثر وهو كان يحب عمه بالحيل وماكان يخلي شيء يأذيه بس شأت الاقدار ب انه ىيتوفى.
فلاح كان يسميي عليه ويقول:تكفى ي رعد اذكر الله مرت سنه وانت كل يوم على حالتك ذي والله مايرضى خالي سعد لو يشوفك بذا الحاله يرضيييك ان جدي وخوالي شايلين همك وانت بذا العمررر؟؟؟
رعد وهو يتكلم بغصه: ي فلااااح انااا فقدت ضلععع من ضلوعييي عميييي سعد مَ كانننن شخص عادي بالنسسسبه لييي ابداً!!!!!
كنتتتت ولدهههه وكان ابويييي ي فلاااح يرحم والديييك افهمنيييي تكفىى
انهارررر رعد وحضنه فلاح وهو يهديه ويقول:ي رعد تكفى دموووعك ذي مابترجععع خاليييي وبعديييين تراك رجال والرجال ماتنزل دموعه!!
رعد:ومييين قال ان الرجال ماتنزل دموعه؟؟؟؟
انا مَ نزلتتتتتت دموعيييي الا على غاليييي عميييي سعددد ابوييييي والله ابوييي!!!
فلاح:انا مَ قلت شيء بسسس تكفى مسحها بشماغك والحقني لاتخوفهم عليك يالله وانا اخوك!
رعد وهو يرتجف:لاحول ولاقوة الا بالله روح وبلحقك
رجع فلاح وهو شوي وينهار من حالة رعد لكن مابيده شيء.
دخل المجلس وقال:رعد بيجي هالحين ي جد
الجد صالح:طيب طيب
جاء رعد وجلس وهو متلثم ويحاول يصد بنظره عشان محد ينته لحمار عيونه.
الجد صالح بصيغة امر:اطلعوا ونادوا لي جهير وبناتها!
الكل:سّم الحين.
.
.
.
.
.
.
راح عناد يتصل على زوجته ملاذ وردت على طول وهو يقول:السلام عليكم
ملاذ:وعليكم السلام لبيه ي روحي؟
عناد ابتسم وهو يقول:الله يلبيتس ي روح عنادددد ابيتس لاهنتي تقولين لعمتي جهير هي وبناتها يطلعون لجدي يبيهم بموضوع ضروري هالحين.
ملاذ:سّم يبو زياد الحين اقولهم
عناد:سّم الله عدوتس وتعالي عند الحوش الخلفي ابيتس شوي
ملاذ ابتسمت وقالت:ابشر ابشر.
راحت ملاذ تقول لعمتها جهير وبناتها يطلعون للجد صالح
جهير:غريبه ويش يبي عمي؟
الجده:علمي علمتس وانا امتس
الهنوف:اقول معليتس لاتخافين اكيد يبي يتطمن عليكم
جهير:مَ يقصر عمي الله يطول بعمره،ي عهد لاهنتي روحي نادي لي البنات وقولي لهم بسبقهم انا
عهد:ابشري ي عمه هالحين
راحت عهد المجلس اللي جالسين فيه البنات وقالت:ي نجلاء وين خواتس؟
نجلاء وهي ترضع عبدالله وتسولف مع اديم:والله مدري ليه؟
عهد:اسرعي ارمي ورعتس ذا على اديم وخذي خواتس وروحي لجدي مدري ويش يبي فيكم
نجلاء عطت اديم عبدالله وهي تقوم تنادي خواتها عشان يطلعون لجدهم.
اديم:تعالي ي سوسه علميني ويش السالفه؟
عهد:والله علمي علمتس مَ ادري ويش السالفه
اديم:الله يستر ي بنتي
جت سوسن هي ونجد وقالت:ويش عندكم تتساسرون؟
اديم:سلامتس بس جدي طالب عمتي جهير وبناتها برا لحالهم
نجد:تتوقعون عشان ورث عمي سعد؟؟؟
ضربتها سوسن على راسها وهي تقول:امووت و اعرف انتِ شذا الافكار اللي تجيس؟؟
نجد:ياختي مَ امزح صدق تحسون كذا؟
عهد:كل شيء جايز الصراحه اتفق معتس شوي
نجد:يالبيييه ي ناسسس تعالي محد يفهمني غيرتس خلينا نروح نتقهوى يالله
عهد مشت وهي تمسك يد نجد متقصده عشان تنرفز بنات عمها ههههههههه:نجد يالله مشينا وخلينا نترك الامهات هنا يع
جت هِيام وضربت عهد على كتفها وهي تقول:الله يرزقتس بتؤام عشان يمديني اتشمت فيس انا والبنات
نوره:اي والله اميييين هههههههههه
عهد مشت وهي تقول:ويع مريضات عجايز
رمتها اديم بقارورة المويه وضحكوا البنات لان عهد قمطت
نوره:ويش السالفه يقولون جدي يبي عمتي جهير وبناتها؟
اديم وهي تضحك:ههههههههه ياربي مسرع الخبر انتشر!
هِيام:والله جد ويش تتوقعون الله يستر
نوره:مدري وانا اختس ويش العلم بس قومي ي اديموه نروح الصاله نتقهوى وجيبي الورعان ذولي معتس
اديم:تعالي تعالي شيلي عبدالله وانا بجيب ورعتي.
نوره:تم يالله استعجلي
طلعوا البنات وراحوا الصاله كلهم ب استثناء ملاذ اللي كانت عند عناد برا.
.
.