لو كنت ابي غيرك ترا الناس واجد بس البلا بـ القلب مايبي غيرك مايبي غيرك

17

بسم الله الرحمن الرحيم لاتجعلوا روايتي تُلهيكم عن ذِكر الله
"لا ابيح ولا احلل من يقراء بدون نجمه"

عند ريما وياسر:-
ريما دخلت الغرفه وراء ياسر وشافته جالس على السرير وحاط يده على رأسه يحاول يمنع نفسه من الانهيار لأن هذي اول مره يصير ابوه بهذي الحاله قربت ريما منه وهي تجلس على السرير وتحط راس ياسر بحضنها وتخلخل يدها بشعررر ياسرر لعل الصداع والافكار اللي بباله تفك شوي نزلت راسها وشعرها طاح على وجهه وهيي تقرب منه وتسرق قُبله تنسيه هموومه شوييي ابتسم ياسسر وقف وهو يحضنهاا لصدره بقووه وقال بهمس:ماتوقعت بيجي يوم وبيصير ب شركة ابوي شيء هالشركه تعب عليها ابوييي بشكل محد يتصوره ي ريومتي ضيع عمرره كله بهالشركه تعب فيها وشقى واخر شيء يطلع منها ب ولا شيء وكل هذا عشان صفقه صارت بدون علمنا؟
تنهدت ريما وقالت له:ي روحي يا ياسر انتت اكثر واحد عارف ان ابوك راضي بقضاء الله وقدره اجل انت ليه متضايق؟
قال ياسر بحزن:ابوي ي ريمي راضي بقضاء الله وقدره بس مو معقوله انه مَ حارب زياده المفروض انه يحارب مو طبع ابوي الاستسلام اساساً
ريما بعدت ياسر عنها وقالت له بحنان: حبيبي لعلها خيره!
واذا فيه شيء مدفون اكيد مصير الزمن يطلعه ونعرف اسباب عمي
ابتسم ياسر وهو يشوف هذي الملاك اللي قدرت تاخذ منه همه وتخليه يبتسم قرب منها وقال بهمس:ابيك تنامين اليوم على صدري نفسس كل مره كنتي تتضايقين فيها بس هالمره انا اللي متضايق وانتِ اللي بتساعديني انسى ضيقتي ابتسمت ريما وانسدح ياسر وقربت وهييي تحط راسها على صدره وتسمع نبضات قلبه اللي مَ كانت منتظمه وخلخل يده بشعرها الييين نام ياسر وبدأت تحس ريما ان نبضات قلبه صارت طبيعيه وابتسمت بكل حُب وكملت نومتها.
.
ابو باسم دخل غرفته وحط راسه على مخدته ونامم ودخلت وراه ام باسم وكانت بتصحيه بس حست انه تعبان وتركته ينام واخذت نفس عميق وهي تدخل غرفة الملابس وتبداء تطلع ملابسها وتجهز نفسها للسفر.
.
وعند باسم وسعد كانوا بغرفة اختهم لُجين يساعدونها ب انها تشيل اغراضها ويحاولون يخففون من ضيقتها وحزنها ولووو شويه.
.
.
نجييي لمزرعة الجد صالححح الساعه 1 الظهرر كان وقت الغداء والعيال هُم اللي طبخوا الغداء وكان هذا طبعهممم بكل مره يروحون المزرعه العيال يستلمون الطبخ وبعد مَ انتهوا من الغداء صار وقت الشاهيييي اللي يسويه مطلق راح مطلق للمطبخ وبداء يطلع اغراض الشاهي وجاء سعود ودخل وهو يقول:يالبييييه الحيييين يجي اطلق شاهيييي من مطلق
ضحك مطلق وقال:ي رجال لعيووونك يصير اطلق شاهي ي عريسنا!
قام سعود يخلخل يدينه بشعره وقال:اسكت ي رجال لاتخوفني
فز مطلق وقال:ابييي اعرف ميييين العروس انت ولا اختي؟
ضحك سعود وقال:كلنااا كلنا والله انه شيء غريب ههههههه
مطلق وهو يطلع اكواب الشاهي قال:ياخخيييييي ياليتني انا المعرس هههههههههههه
ابتسم سعود وقال:والله لوو تعرسسس ان اقووم بزواجك كامل وانا اخوك بس انت اصمل وابشر!
نزل مطلق راسه وقال:بصمل ابشرك لقيت اللي ابيها
فز سعود وقال:من هي منحوسة الحظ؟هههههههههههه
ضربه مطلق وقال:عشانك قلت كذا مابقول منهي
قال سعود:اساساً انت كذا ولا كذا مَ بتقول يالخسيس اعرفك
ضحك مطلق وقال:زيييين انك عارف رفيقك
ابتسم سعود وهو يقول:والله انك سندي مو بس رفيقي وانك اخوي قبل مَ تصير ولد عمي
ضحك مطلق وقال:ي رجال شكل التوتر لعب فيك لدرجة قاعد تعبر عن مشاعرك بعز القايله؟ههههههههههه
انصدم سعود من رده وضحك وهو يقول:اي والله انه التوتر
لعببب فيني بالحيل
قال مطلق:ياخيييي معلييك انت لا تشيل هم شيء ترا حتى توترك ذا مررره طبيعي يعني حياه جديده روتين جديد وجه جديد ف طبيعي ي رجال انت اهجد وبس
ابتسم سعود وهو يشوف مطلق يعصر مخه عشان يطلع كلام طبيعي يهديه وقال:ي رجال مدري ويش بسوي لو انك مو بحياتي
ضحك مطلق وقال:اسكت احس شمس القايله لعبت فينا شذا كأننا حريم نعبر عن مشاعرنا كذا غريب
استوعب سعود وقال:ههههههههههه اي والله اجل يالله امش يالخسيس نودي الشاهيييي لجدي وعمانيي
ناظر مطلق ودفه وقال:اعنبببوك ماتستحي تقول عني خسيس؟
شرد سعود وهو يقول:لااااا مَ استحييييييي
طلع مطلق واغراض الشاهي معاه وهو يتوعد في سعود وبداء يسوييي شاهيييه المحكورر اللي الكل يحببه ويهيم فيه
.
.
.
.
عند البناتتت اللي مودهممم كان غييير عن مود العيال كانوا بالمجلس ومشغلين التكييف وكل وحده منشغله ب شيء جات هِيام هي ونوره ومعهم اغراض ال V60 وقالت نوره:بناتتتتتت ركزواااا ويششش جبناااا
فزتتت عهد وقالت:اوووه يالبى جويييييي كفو كفو
ضحكت نجد وهي تقول:اي والله جونا كلنااا احس وديي اشربه ويكووون طن ثلج ههههههههههههههه
ناظرت فيها نجلاء وقالت:استهدي بالله ويش اللي طن ثلج الله يهديتس تبين اسنانتس تنهار؟
فزت نجد وقالت:يويل حالي شايفتني عجوز عشان تنهار اسناني؟
سمعتهم الجده وقالت:انتي بالذات حتى لو تصيرين عجوز عقلتس بيقعد كأنه عقل ورع توه بالمتوسط
ضحكوا البنات لما شافوا نجد ترجع شعرها وراء اذنها من الفشله وتضحك
قالت ام هِيام:حدكم لحد يزعل اخر العقنود بنيتي ونطقت،تعالي ي نجدي تعالي يخسون البنات مايضحكون عليتس
قامت نجد وهي تناظر البنات بتكبر وتضحك وجلست جنب امها وهي تحضنها ناظرت فيها اديم وقالت بضحكه:والله محد مدلعتس علينا كثر امي ههههههههههه
قالت الجده صيته بحُب:والله محد يستاهل الدلع كثر بنيتي هِيام ومايهونون الباقين
دمعت عيون هِيام وقامت وهي تحضن جدتها بكل حُب وتقول:الله يطووول لنا بعمرتس ياجده والله محد غيرتس مصبرني على نجد ودلعها هههههههههه
فزت نجد من جنب امها وراحت لجدتها وهي تشمق لهِيام وتقول:جده تكفيين زوجيها وفكيني منها مره مُزعجه
ناظرت رزان فيهم وقالت:اي والله زوجيها ي جده خلينا شوي نحس بحنانتس انتِ وجدي هي خذت الدلع والحنان كله
ابتسمت هِيام وهي تشوفهم كلهم يعرفون ان علاقتها ب جدها وجدتها مُميزه الى ابعد درجه
واستوعبت انهم يبونها تتزوج ونطقت وهي تقول:جده بالله عليتس يرضيتس انهم يبون يزوجوني عشان ياخذون مكاني!
ناظرت الجده وضربت بعصاها الارض وقالت:بنييتي هِيام ماهي متزوجه غصباً عنها عشان ارضيكم يالسلق
انصدموا البنات وضحكوا
وناظرت الهنوف ب هِيام وبجمالها واخلاقها الحلوه وقالت بنفسها:ان شاءالله محد ياخذتس غير وليدي مطلق هو اللي صدق يستاهلتس بنفس الوقت البنات حطوا فكرة زواج هِيام براس الجده صيته وكانت تفكر تزوج هِيام صدق لأن ودها تشوف عيال اعز احفادها قبل ماربي ياخذ امانته زفرت بهدوء وقالت لهِيام:ان شاءالله ي امتس اني بشوف عيالتس ي اعز احفادي وارقص بزواجتسس قبل مَ ربي ياخذ امانته فزت هِيام وقالت:جددده ترا ماراح اتزوج اذا جبتي طاري الموت بعيد الشر عنتسس
ناظرت ميلا وقالت: اي والله ي جده لاتجيبين سيرة الموت ابداً وان شاءالله تحضريين زواجاتنا كلنا من اكبرنا لأصغرنا
ابتسمت الجده وهي تشوف البنات يسوون قهوتهم ويضحكون بكل حُب والهنوف ومنال وجهير يسولفون عن عيالهم وعن اسعار الذهب  الجده شربت فنجال قهوتها وقالت بنفسها الله يديم جمعتكم ي بنياتي ويجعل قلوبكم دايم على بعضها.
.
.
.
.
عند العيال:-
كانوا يشربون شاهي ويلعبون بلوت واعماهم يسولفون مع الجد صالح وبنص الوناسه والجلسه دق جوال الجد صالح وكان بالشاحن قال لمطلق:قوم وانا جدك عطني الجوال
فز مطلق وقال:ابشر
وجاب مطلق الجوال وقراء الاسم وكان "ابو باسم" استغرب من الاسم لأنه يحس انه يعرفه رد الجد وهو مبتسم وقال:يالله انك تحييه وتبقيه...بخير جعلك بخير....عسى خير ياخوك؟....ان ماشالتك الارض بتشيلك عيونيي وانا خوك... ب انتظاركم.....اعز من يجي نجد ياخوك.......بحفظ الرحمٰن.
قفل الجد الجوال وناظر لعياله واحفاده وهُم ساكتين قال:هذا ابو باسم رفيق دربي اذا تذكرونه طلال بن تركي
ناظر شامخ ب ابوه وقال:ايوه يبه عرفته اللي عنده شركه ب الشرقيه صح؟
هز الجد صالح راسه وكمل كلامه وهو مبتسم ونطق:بيجي يستقر عندنا بنجد وبيكمل الباقي من عمره بديرته وارضه وان شاءالله بعطيه البيت اللي كنت مجهزه له يستقر فيه هو وعياله
ناظر صقر ب ابوه وقال:اي يبه بس اذكر اخر مره شفناه فيها بزواج ولده ياسريعني هالحين اكيد عنده احفاد تهقى البيت يكفيهم؟
هز ابو صقر راسه وقال:اكيد يكفيهم البيت فيه خمس اجنحه وثلاث مجالس يكفي وانا ابوك
وناظر شامخ ب ابوه وقال:ها يبه شرايك نخلي العيال والبنات يروحون يزهبون البيت قبل مايجي ابو باسم؟
ابتسم الجد بتأييد وقال:هِيام ونويّر وميلا وعهد ونجد من البنات و مطلق وسعود ورعد من العيال يروحون كلهم يجهزون البيت وينظفونه
ابتسم مطلق من سمع اسم هِيام وقال بنفسه:نعنبوك شذا الابتسامه لاتتبع مشاعرك البنت اكيد انها ماتحبك بس انت مدري شصار لك
لاحظ رعد ابتسامة اخوه وغمز له وبسرعه تغيرت ملامح مطلق من السعاده للجديّه وسكت رعد عشان مايدقه مطلق بالكلام اما سعود اللي توتر من طاري نوره مع انه يحبها بالحيل لكن توتر الزواج لعب فيه هههههههههه
بعد دقايق دخل صقر وكلم البنا وقال لهم يتجهزون وكلها ساعتين ويرجعون للمزرعه معهم راحوا البنات يلبسون عباياتهم وياخذون اغراضهم وطلعوا للعيال وكان مطلق ماخذ سيارة ابوه الجيب وركب يسوق وجنبه سعود ورعد وراء جنب اخته نوره بجنب الباب وميلا جنب نوره وهِيام عند الباب الثاني ونجد وعهد بالمرتبه الخلفيه وبداء مطلق يسوق وسعود مشغل اغاني وطربانين والبنات ساكتين ومحترمين نفسهم الا عهد ونجد وراء يضحكون على حالهم ويصورون العيال والبنات.