عندما يجيب القدر
________________
” الكاتبه نور الموسوي “
ممكن تصويت + تعليق
متابعه + دعم
----------------------------
بسم الله الرحمن الرحيم
﴿لسوف يعطيك ربك فترضى ﴾
صدق الله العظيم
وفي البصره بمول ساعه 7 مساء رحيق وشمس وام شمس نوال جاي يمشون بمول يردين يشترهن هديه صديقتهن بمناسبه عيد ميلاده وحفلته باجر المهم شافن محل ملابس دخلن
شمس : رحيق تعالي شوفي هذا فستانين يجنن
فساتين عباره عن فستان لونه اسود ساده قصير لركبه و فستان ثاني بينصل ماروني طويل ابو غوله ومدكم فستان اسود سعره بخمسه وستين فستان ماروني سعره بستين
رحيق : عزه ولج شنو هذا اسعارهم غاليه نار اسعار كلش خياليه خلي نطلع ما نشتريهم خلي نروح غير لمحل بهذي فلوس اشتري قطعتين او ثلاثه واحلى منهن
شمس : وجه فكر هذي اسعارهم شنو ما طالعه انتي وين عايشه وماتعرفين
ضربتها على جتفها وضلت تضحك
رحيق بضحكه : انبجي ولج شايفتني مثل شموس ليلي ونهاري على انستا اشوف وتابع موضه
شمس : انتي مو مال مول كون بسطيه ولو بسطيه هواي عليج الباله احسن
ردت تحجي رحيق بس قاطعته نوال
نوال: يلا بنات شنو ختاريتن خلي تشتري بسرعه لان بدت الناس تدخل رحا يصير مكان مزدحم
بثناءتحجي نوال اتصل باسم بابو رحيق
رحيق طلعت بره محل وضلت تحجي وياه ابوها يم الباب
باسم : الو رحيق اها بنيتي وين صرتن تأخرتن
رحيق : هلا بابا حقك بس والله ازدحام ان شاء الله نص ساعه وجاين
باسم : ماشي باباتي لا تتأخرن
رحيق : ان شاء الله
باسم : يلا بابا الله وياج راد يسده
رحيق : بابا دقيقه
باسم : اها بابا
رحيق : لاتعشى تانيني من نجي نجيب عشه
باسم : وعشه مسوي وين اودي؟
رحيق بتسامه : خليه لباجر
باسم : هسه تعالي والله كريم
رحيق :يلا باي
باسم : الله وياج
رحيق جانت واكفه صافنه على طفله وامها بمحل ملابس اطفال ويشترون ملابس
اكو شاب سريع حركه لابس كاب اسود وكمامه اسوده
رحيق حست بشخص يمر من يمها بسرعه ماشافت وجهه بوضوح وقبل ماتستوعب شنو صار باوعت لايدها اختفى موبايل
رحيق بصوت متوتر : ياالله وين موبايلي ؟
بدت ادور وتتلفت وشوف الناس يمشون بسرعه محد منتبه لها كلبها كام يدك بسرعه وحست بخوف والقلق
رحيق بصوت عالي يرجف : اكو واحد منكم شاف شاب لابس كاب وكمامه لونهن اسود ؟ باك موبايلي
والناس موجوده نتبهو عليها بعضهم حاول يساعدها وبعض منهم كمل طريقه
شمس : ماما هذا صوت رحيق شبيها
نوال : مااعرف جاي اشوف الناس ملتمه خلي نطلع نشوفه اخدي علاليك خلي اني ادفع الحساب
شمس اخدت علاليك ومشت وره نوال
شمس ونوال طلعو من محل على صوت رحيق يحاولن يعرفن شكو ويهدن رحيق بس ترجف
نوال : رحيق بنتي شكو شبيج
رحيق بدت دموعها تنزل كالت شخص باك تلفوني
نوال : شلون نباكه منج
رحيق : جنت واكفه واكو شخص لابس كاب وكمامه مر من يمي بسرعه مباشر موبايل اختفى من ايدي
ضلت تشهك وشمس حضنته وتهدي بيها نوال ضلت تسئل الناس على شخص بثناء نوال تسئل يجى واحد من حراس قرب منهم وضل يسئل على تفاصيل رحيق منهاره وماكدرت تحجي ضلت نوال تحجي وياه
حارس الأمن : خير سمعت صاير بوكه هنا ممكن اعرف تفاصيل
نوال : نعم بنتي رحيق جانت واكفه هنا وشخص لابس كاب وكمامه لونه اسود مر من يمها واخد موبايلها
حارس الامن : تمام هسه نرجع تسجيلات الكاميرات بهذا طابق ممكن اخدت رقمج حتى إذا اعرفنه معلومه نتصل عليج
نوال : تمام سجل يمك .......770
حارس : لا تخافون وشيلون هم وين يروح منه رحا نشوف كاميرات ونحاول نحدد هويته بس لازم تبلغون الشرطه
رحيق هزت راسها بنعم وهيه تحاول تمسح دموعها جانت تحس بالعجز بس عرفت لازم تتصرف بسرعه طلب حارس منهن يجن وياه لمكتب راحن وياه نوال طلبت من حارس يجيب عصير لرحيق راح حارس وجابلها عصير اخدت عصير وشكرت منه ونطت عصير لرحيق
نوال : بنتي اخدي عصير شربي
رحيق: لا خاله مااريد
نوال : امي لازم شربين شوفي وجهج شلون اصفر
رحيق مارادت بس شمس جبرتها اخدت رحيق عصير وشربت شوي منه واخدته عصير منها شمس وحارس بلغ شرطه بعد عشر دقائق ضابط علي وصل لمول بعد إبلاغ كبال باب المول حراس واكفين يم البوابه ضابط علي وكف سياره ونزل من سياره وتوجه لمدخل حراس شافو رحبو بيه
حارس الاول : اهلا وسهلا سيدي تفضل شلون اقدر اخدمك
ضابط علي : شكرا جاي احقق لحادثه سرقه صارت هنا وين مكتب الأمن
الحارس الثاني: تفضل ويانا خلي نوصلك لمكتب
الضابط علي مشى وياه حراس وصلو ودخلو علي كعد على كرسي خلف مكتب
حارس الاول : اذا تحتاج اي شي كول احنه يم الباب
ضابط علي : شكرا راح ابدي تحقيق اذا اكو اي معلومات اضافيه خبروني
الحراس طلعو من مكتب وتركوه وحده ضابط علي اخدت نفس قوي وطلعه بطيئ بده شغله اضل يراجع الاوراق و التسجيلات كاميرات
يتبع .......
عندما يجيب القدر
بقلمي_نور الموسوي
لاتنسون التصويت ++تعليق بين الفقرات++متابعه لحساب🔥⚜️
♛♛♛♛♛♛♛
أنت تقرأ
عندما يجيب القدر
Romance"رسائل رومانسية من الماضي تصل إلى شخص جديد، لتبدأ قصة حب غير متوقعة تجمع بين الحزن والأمل، وتكشف عن أسرار غامضة تغير مجرى حياتهما."
